#1  
قديم 15/12/2007, 02:29 PM
زعيــم نشيــط
تاريخ التسجيل: 18/09/2004
مشاركات: 583
Cool من مدرج النصر أكتب لكم ....

السلام عليكم

* عانيت في مباراة النصر الماضية من عدم تمكني من الجلوس في مكاني المفضل ( 20 ) سنة وأنا أشجع الهلال من خلاله وهو مدرج الدرجة الأولى في مدرجات ملعب الملز ( اللي يشهد علي الله أني أحبه أكثر من أي ملعب آخر وأتفاءل به كثيرا ) وطبعا المؤمن مايلدغ من جحر مرتين .. في المباراة حقة أمس توجهت للملعب مبكرا قبل صلاة المغرب رغم أني حضرت للتو من سفر قدوما من منطة القصيم ( لاحظت طوال الطريق مئات السيارات المحملة بالمشجعين حاملي الأعلام الهلالية والنصرية قادمين من المحافظات إلى الرياض ) .. طبعاً بعد صلاة النمغرب على طوول دخلت بعد أن أشتريت تذكرة الدرجة الأولى ويوم جيت لبوابات المدرج وجدتها جميعة مغلقة والملعب فل خاصة في المدرج الهلالي .....

* ما أطول عليكم المهم أنه بعد معاناة طويلة من التردد بين البوابات المختلفة قررت أنا ومعي بعض الجماهير الهلالية أن نتجه للمدرجات النصرية خصوصاً أن معظمها فاضي وخصوصا أن بعضهم أولياء أمور معهم أبناءهم ومايبون يكسرون خاطرهم بالجية للملعب وعدم مشاهدة المباراة .. توجهنا ووجدنا كل بوبات مدرجات النصر مفتوحة دلالة على عدم إزدحام الأماكن .. طبعا دخلنا من جهة الساعة بعدما رمينا مامعنا من أعلام ومؤشرات تدل على هلاليتنا ......وداخل المدرج النصري تنقلت بين أكثر من موقع جميعها تعرف النصريين على هلاليتي من خلال عدم التشجيع وأشياء كثيرة ...

* مما لاحظت أن الجمهور النصري محبط محبط محبط ويرجو من عتمة الظلمة أن ينبثق أي نور ( ولو كان حتى محمد نور ) حتى لو كان بصافر ة حكم مو مهم المهم أن ناديهم يحالفه الحظ وربما تستمر حالة حسن الحظ هذا مايرجونه

* عند دخول الفريق الهلالي لم تواجهه عاصفة جماهيرية ترحيبية وعندها علق أحد الإخوة النصريين بجواري ( خير ... ؟؟ ... الفريق الهلالي دخل النملعب ما أحد درى به .. ليش الهلاليين متوترين ..حنا اللي خايفين ماهو هم ) ...

* أرتاحت الجماهير النصرية بوجود ألتون في قائمة الفريق .. وهذا اللاعب تحليلي له أنه لاعب كنتروله على الكورة عالي ولكن هذا ناتج عن تركيزه بالنظر إليها وليس إلى الملعب .. واللاعب اللي مايرفع راسه أثناء التمرير ماينتج لفريقه .. بإختصار التون كثير حركة قليل بركة ....

* الواكد لاينال الرضى عنه منقبل جمهور ناديه والمطالبة بإخراجه وإنزال المبارك بدأت من الشوط الأول رغم أن أحدهم علق ( أن المباراة بين الهلال والواكد ) ..

* جمهور النصر يعرفون إمكانات كل لاعب هلالي ويعتقدون أن الغنام والنامي دون مستوى الهلال بكثير ......


* بعد الهدف الهلالي ( اللي أضطريت لإبداء إمتعاضي منه بدلاً من الفرح به لوجودي بين جمهور الخصم ) بعد الهدف .. بدأت حالة اليأس تدب سريعاً في صفوف الجمهور النصري وبدأ الصمت والهمهمات والتمتمات .. وواحد منهم يقول ( أصبحت هزيمة الهلال شيء تقليدي ) .. وبجواري واحد بعد الهدف الهلالي حط راسه في حجره وأنكب على وجهه طيلة بقية المباراة ومارفع راسه إلا بعد أن سجل النصر التعادل بحوالي ربع ساعة .. وسألني البلنتي كيف تسجل وليش الحكم أعاده ... وكان يقول أعصابي ماعاد تتحمل ...

* أكملت الشوط الأول بالعافية وخرجت مهرولاً بين الشوطين ( لا ألوي على شيء ) ولسان حالي يقول ( الحمد لله الذي عافانا مما أبتلى به كثير من عباده وفضلنا تفضيلاً ...
اضافة رد مع اقتباس
  #2  
قديم 15/12/2007, 02:43 PM
الصورة الرمزية الخاصة بـ الزعيم00الهلالي
زعيــم مميــز
تاريخ التسجيل: 11/01/2007
المكان: لا اله الا الله
مشاركات: 2,002
والله انك راعي طويله
اضافة رد مع اقتباس
  #3  
قديم 15/12/2007, 02:52 PM
زعيــم نشيــط
تاريخ التسجيل: 18/09/2004
مشاركات: 583
الزعيم الهلالي .. مأبي أقول والله أنك راعي قصيرة .. أمزح معك .. وشكرا لمرورك .....
اضافة رد مع اقتباس
  #4  
قديم 15/12/2007, 02:59 PM
زعيــم فعــال
تاريخ التسجيل: 09/04/2002
المكان: الرياض
مشاركات: 216
تعادلهم مع الهلال بطووله لهم...


يعطيك العافيه
اضافة رد مع اقتباس
  #5  
قديم 15/12/2007, 03:04 PM
زعيــم مميــز
تاريخ التسجيل: 16/04/2006
مشاركات: 2,226
إقتباس
الرسالة الأصلية كتبت بواسطة رنومه
تعادلهم مع الهلال بطووله لهم...


يعطيك العافيه


..والله انك صادقة..
اضافة رد مع اقتباس
  #6  
قديم 15/12/2007, 03:18 PM
زعيــم متواصــل
تاريخ التسجيل: 07/01/2007
المكان: في قلب نادي الهلال
مشاركات: 145
معك حق اخوي والله انا جاي من محافظة حفرالباطن وطول الطريق كان تمرني سيارات الجماهير الهلاليه والنثراويه

وبعدين مشاءالله على جمهوووووور الزعيم المدرجااات فوللللت من الجمهيرررر

وتقبل مروري اخوي
اضافة رد مع اقتباس
  #7  
قديم 15/12/2007, 03:27 PM
زعيــم متواصــل
تاريخ التسجيل: 12/07/2005
المكان: الرياض جامعه الملك سعود
مشاركات: 155
الله يعطيكم العافية

وهاردلك على التعادل الغير عادل.

تحياتي.
اضافة رد مع اقتباس
  #8  
قديم 15/12/2007, 03:49 PM
زعيــم مميــز
تاريخ التسجيل: 01/05/2006
مشاركات: 3,813
إقتباس
الرسالة الأصلية كتبت بواسطة الزعيم00الهلالي
والله انك راعي طويله


..
اضافة رد مع اقتباس
  #9  
قديم 15/12/2007, 04:32 PM
زعيــم مميــز
تاريخ التسجيل: 08/09/2006
المكان: في قلب الهلال
مشاركات: 6,022
وععععع آللهـ يـ ع ــــنكـ شلوووون قدرت تتحملهمـ

آنآ لو مكآآآنكـ وآللهـ لآنسى نفسي وتبين هلآآآآآآليتي

مو غريب عليهمـ آنهمـ يخآآآآفون من آلزعيـــــمـ
اضافة رد مع اقتباس
  #10  
قديم 15/12/2007, 04:58 PM
الصورة الرمزية الخاصة بـ SAM 6 وبس
زعيــم متألــق
تاريخ التسجيل: 21/04/2005
المكان: الرياض
مشاركات: 1,102
مشكوور اخوي على موضوعك ,,

وانا اعرف اكثر من هلالي حضر مع جمهور النصر اخوي اولهم ,,

الغريب اللي يسبون جمهور الهلال بالرياض مدري وين طسو له الهلال معبي الملعب قبل المغرب ان حاضر تقريبا وقت اذان المغرب ودخلت الملعب ويالله حصت مكان اخر واحد ورا الباب !!

واللي يدخلو بعدي بعشر دقايق راحو لم جمهور الفقر كل البوابات مقفله ..
اضافة رد مع اقتباس
  #11  
قديم 15/12/2007, 11:37 PM
زعيــم نشيــط
تاريخ التسجيل: 18/09/2004
مشاركات: 583
شكرا لجميع من مر على موضوعي ..( رنومة - عاشق التمياط- الحفراوي - بو ريد- بنت الزعيم -سام 6 وبس ) وفعلاً أنا كان بجنبي ولد جاي مع ابوه يظهر ومتلحف علم النصر وقاعد كئيب وزعلان من الوضع اللي هو فيه الظاهر انه هلالي ...
اضافة رد مع اقتباس
  #12  
قديم 16/12/2007, 12:30 AM
زعيــم نشيــط
تاريخ التسجيل: 18/09/2004
مشاركات: 583
يوووسف من هو هذا اللي مشخص تحت النك حقك ؟؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube