بحريني واعتز
انا اتكلم على ياسر عن مباراة امس وبشكل عام ليش جالسين نطبل له؟؟ وعلى ايش؟؟
عطني مباراة حسمها وقهرنا خصومنا وتغنينا فيها؟؟

كل مباراة نطلع منها بكلام وكتابات كتالي:
شفتوا السحبه _ شفتوا الربطه اللى علي يده _ شفتوا وشلون سلم _ شفتوا الكبري وهلم جر.....
انا ابغى هــــــــــــدف وبس.. يهمني الهدف يهمنى هز الشبك
انا جيت الملعب وحضرت وتعبت وعانيت ابغى هدف ما ابغى شكليات أتمنى انك تكون فهمتني.

يعطيــــــــــــــــــــــك ألف عافيـــــــــــــــــــــــة

ياخوي امس ياسر سوى الي عليه واكثر

اشكرك اخوي على الموضوع بس يا اخوي الكريم اللاعب ياسر لاعب واحد مايقدر يغطي على فريق كامل وهو من افضل اللاعبين اللي لعبو وبذل قصار جهده وما قصر تقبل المرور

محد يقدر يعوض ســــــــــامــــــــــي

سلام.. 6
لازم يكون هناك تحاور ونقد وصدقني ليس جميع الاعضاء على مستوى عالي من الفهم الكروي
وتختلف الميول لكل لاعب.. ولكن نتمني أن نجد هنا النتقد الهادف والجيد بعيد كل البعد عن الاساءه.

إقتباس الرسالة الأصلية كتبت بواسطة وردهـ هلاليه الله ياخذ عمر كل المندسين اللي هنا طسوا منتداكم الحالمي وفكونا منكم

من كان يؤمن بالله واليوم الاخر بليقل خير او يصمت

إقتباس الرسالة الأصلية كتبت بواسطة المجهر اخوي ياسر ليس لاعب هداف بالمعنى الحقيقي لكلمة هداف ..لان الهداف يستغل انصاف الفرص وياسر يضيع اكثر من ان يسجل كما ان اكثر كوره مقطوعه ومهدره ,,وانظر انت بنفسك وراقب جيداً .... ومع ذلك فهو من امهر اللاعبين السعوديين الذين مروا على الكره السعودية في ( مهارة التجاوز ) ونحن على امل ان يصلح من قدمه التي بدئت تتحسن في الآونه الاخيره ...!! ولا يعيبه سوى الدقه في التسديد ...واتمنى ان يصلح من هذا الضعف كما اتمنى منه الاستمرار لتمارين القوه في التسديد ..!! ولا يستعجل النتائج فلربما طالت ..ويرجع ذلك على جهده وفهمه لأسلوب التسديد الدقه ، والقوه .. وسوف يتحسن تسديده انشاء الله .. كما انه لازال ضعيف جدا في خلق الفرص بالتحرك من غير كره .. وهو مهيْ ان يكون اخطر لاعب سعودي بالفعل اذا اهتم بالجانب الثقافي للكره ..ثم حرص على التطبيق . والا فكلنا يرى كم كوره تهدر على قدمه وتنتهي للاشيء ...راقبوا وعدوا ...!! ثم يسجل هدف ويجبر عقول العامه على التصفيق له من هدف ...!!! نحن نريد ان يصبح ياسر نجم خطيير بالفعل يعرف ماذا يفعل في كل حركه .. ويعرف كيف ينهي كل هجمه بالشكل الصحيح ..هذا هو النجم الحقيقي ..و هذا الذي نتمناه في ياسر ..

الحبيب ^^ شكله يتكلم عن ياسر الياس مو ياسر القحطاني ..
أقول يا صبر الأرض على بعض الناس

إقتباس الرسالة الأصلية كتبت بواسطة مادري قال اخوى الكريم/ akward والله العظيم انى هلالي وعلى فكره المره الجايه اذا جيت بكتب موضوع بحلف بالمصحف علشان تصدق بس؟؟؟؟؟؟ يعنى اي واحد ينتقد لازم يكون مندس غريب امركم يا بعض الجمهور؟؟؟؟ لازم نكذب ونجامل علشان نصير هلاليين؟؟ ونكتب مواضيع وتمدحنا؟؟ لا يا اخوى انا هلالي ومن حقي وابسط حقوقي انى انتقد اي لاعب. وعلى فكره استقبال ياسر على كلامك امس للكوره حنا هنا نتكلم بشكل عام نبغى هدف وبس هذا مهاجم وظيفتة التهديف.. علشان نكتب ونقول ان ياسر سجــــــــــــــل هدف بدل مانقول ياسر بغى وكان وووو بنسبة لسامي سنظل نمدح فيه ونشيد فيه الى اخر رمق وقليل جداً في حق سامي الجابر يكفى من سامي كله حاجتين بـــــــــــــــــس هدفه في الشباب 1418 وهدفه في مونديال 2006

ياخي ان سجل قلتم سجل حسنته الهدف
وان قدم مستوى وماسجل قلتم اهم شئ الاهداف
على فكره ياسر ينافس على الهداف عندك خبر والا اعلمك
والسنه اللي قبلها نافس على الهداف
صدقني واقولها بكل موضوعيه ان ياسر افضل امكانات من سامي

وياما غاب سامي عن نهائيات وياما كان عالة على الفريق في مباريات كثيره
ومعها ايضا ياما حسم نهائيات
وعلى فكره هدف ياسر في المونديال مايكفي طيب
ههههههههههههههههههههه
من جد جمهور لاعبين
انا لاعبي المفضل يوسف الثنيان
بس حاليا انا مع من يمثل الفريق ومع الكاسر قلبا وقالبا لان احس انه قلب الهلال النابض بعييدا عن جمهور سامي للاسف
كل ماضيع كوره نطوا اه ياسامي مايدرون ان اكثر لاعب يضيع كرات هو سامي
ومن كل قلبي اتمنى ان يتفوق ياسر على يوسف لانه من يهمني بالدرجه الاولى الهلال
اما اللي عند الطالعه والنازله يصرخون اه ياسامي ماراح يخدمون الفريق

ياسر اللاعب الاهم حاليا واعتقد والله اعلم انه سيتفوق على كل من سبقوه حتى وانا اغاض ذلك جمهور لاعبين سابقين

إقتباس الرسالة الأصلية كتبت بواسطة سلام.. 6 ياخوي : مدري قال انت وش الله حدك وخلاك تنتقد .. ياخي هنا خصوصا بشبكة الزعيم ياتمدح يالا تنزل موضوع خير شر .. تبي ناس عقولها متفتحه وتشاركك النقد روح لشبكة الهلال .. حقيقة هناك تلاقي نقاش واعي من ناس فكرهم كروي صح .. ياما نزلت مواضيع ولقيت كل الاحترام من الاعضاء اما هنا يبتلشوك يامندس .. ياحقير .. يامدري وشو زين ان التزموا بالادب العام .. لا وتجيك بنت كل همها ياسر ..وياويلك لو شافتك تكتب انتقاد عنه او اي شي يخصه .. زي الاخت اللي ردت علي فوق ..بكلام اقدر اقول شوارعي هذا اذا ماطلع الاخ ولد .. وياليتها ردت على كلامي بالعقل وتناقشت ولو بسطر واحد بدل الكلمة اللي اسائت لنفسها ولمعرفها اولا قبل ان تسيئ لحرية القلم وحرية الرأي الشخصي ..!! اصحوا ياعضاء الزعيم ولن اقول " عضوات " والله لو نبتل كذا ماراح نتقدم ..

اخوي سلا م6 كلامك على قلبي عسل وفعلا كلامك اكثره واقعي .. هنا في المنتدى عمل لنقاش وليس للتعبير عن الكراهييه ..فرق بين نكره لاعب وان ننتقد لاعب لغرض مصلحة الزعيم فقط ... الحرية في ابداء ارائنا مطلوبه ولا لاحد حق انه يطالب العضو الاخر بالسكوت وعدم التعبير عن رئيه مثل كلامات الجهل هذه ..انت مندس ،،، او لاتتكلم في فلان ،،، ماعندك سالفه ،،، ومن هالكلام الخ ...
طيب على ايش اجل وضع هالمنتدى ...؟؟؟؟؟ عشان نتغزل في اللاعبين ؟؟؟ او عشان نطبل لهم ...بس
شوفوا فريقكم ياناس من ثلاث سنوات ماحصل بطولة عليه الكلام ...؟؟؟؟؟ وانتم تقولون: زعيم والله العظيم ؟؟!! والله العظيم مايرفع الاندية وغير الانديه الى الانتقاد والمواجهه بالاخطاء .. وليس الغناء والمدح ..

اما عن ياسر فلن نفرط فيه ...والعضو كاتب الموضوع ( مادري قال ) اخطأ بطريقة التبرير ..فياسر حسم كثير من المباريات وسجل اهداف لابأس بها ...
لكن المشكله الي نعرف ان ياسر ضعيف في فائدة الفريق ونثبت للناس انه ضعيف نوعا ما هو ان نقول عنه انه لاعب يضيع اكثر مما يسجل ...ويهدر كور كثيره جدا ويسجل قليل وهذا من وجهة نظر منطقية هو ليس بالمهاجم الهداف الحقيقي .. المفيد للفريق الذي يلعب له ...
واتركونا من الدبل كيك والمهاره الي كله رايحه عبث ..لان المهاره اذا لم تستخدم في اوقاته وتستغل احسن استغلال تكون : عبث .. امس ياسر حاور واحتفظ بالكره كثير ولو رجعتم للمباراه ستجدون ان زملائه في وضع انفراد لو حاول ان يمرر لهم ...!! وبالتالي اهدر على فريقه فرص حقيقية .. وارجعوا للمباراه واحكموا وشوفوا اللاعبين الي كانوا متواجدين صح وكان بامكانهم التسجيل لو مرر لهم ياسر ..وفوق ذلك اضاعته للفرص كثيره ... !! ةالدبل كيك الي بالامس لو انه على رجل لاعب هداف حقيقي لاسكنها الشباك بالراحه ...!!!؟؟ والتسديده الي سددها ياسر على القوس لو كانت على قدم نصف مهاجم هداف لسجلت هدف ...؟؟؟ هناك شيء واضح في مميزات اي لاعب ...
ولكن مع ذلك فياسر لاعب مجتهد ويحاول تطوير مستواه ونأمل منه الاحسن في المستقبل باذن الله تعالى ..ولايمكن ان نفرط فيه لاني احس انه عنده شيء بيقدمه لنا ..لكن يجب ان نبحث ايضاً عن لاعب هداف حيقيقي للهلال ..

حراااااااااام عليكم اتقولون ياسر ما سوى شيء والله هو الي يمسك الكورره هو الي يناول ويسحب ومن تسبب بالهدف هو شوفوا من اول ما بدت الهجمه حقة الهدف الي بداها ياسر وشاتها نامي واصطدمة بياسر هو والي خلا مدافع النصر ينطرد بس ياسر يبغا شيء واحد يبغا واحد يعطيه كوره قدام الباب وشوف كيف ياسر يتعامل مع الكوررره وشوف لما طارق مع ياسر وش يسوون وياسر هونجـم المباراه بس الله مو كاتب انه يسجـل

ياسر الله يهديه يبحث عن الاستعراض اكثر من بحثه عن الهدف....ولكن يظل نجم.

غريب امركم ياسر سحب اغلب الفريق ومرر كورة الهدف لو رجعتوا لنامي

ياسر تسبب بطرد مدافع النصر

ياسر تراجع لمنتصف الملعب اكثر من مره

ياسر عمل تدبيلات على الطائر كور احترافيه لم يكتب لها النجاح

ياسر ينقصه صانع لعب من طراز التائب ولنرجع لمباارة القادسية مع الزعيم

شاهد ياسر الكاسر

يبقى ياسر الافضل وحارق دمهم....