|
سرسري نمرة واستمارة اعضاء منتدى الزعيم الكرام تحية طيبة وبعد ..... مالكم بالطويله ...... واللى يدور تنسيق عندي ترى مهوب لاقي ... :d اسرع واحد يكتب موضوع ......... واسرع واحد يرد ..... واسرع واحد يوقف .. واسرع واحد يرفع عنه التوقيف :d طلعت برائه :clap: المهم ... المثل يقول : كل اللى يعجبك ... والبس اللى يعجب الناس ... اتوقع هالمثل واضح .. لأن الاكل يدخل البطن ومااحد يدريبه ... اللبس كلن يشوفه ... :bigeek: طبعا مجتمعنا والكل يعلم محافظ ... له رائيه المخالف بالاكل الجديد .. ( همبرقر مثلا )s60s .. واللبس الجديد ( جينز المشقق مع الركبه ) :d.. وحتى الأغاني الجديده ( بحبك ياحـــمــ ؟؟ ) :tongue2: شيبانا الله يخليهم لنا .. ويطول لنا بااعمارهم ... اول ماتدخل عليه يناظرك من فوق لتحت .. تقول يبي يخطبك ... :clapping: واي مظهر خاطيء من وجهة نظره .. او تصرف غير محسوب .. تكون انت ( سالفة المجلس ) ..:nono: عاد الشيبان .. ماعندهم غير سوالف :: (شباب هالوقت )...( واسرائيل) ...(والعماله البنغاليه) ..:wallbash: هذي القضايا اللى تطرح وتناقش دائما في مجالس شيباننا الكرام .... وانا طاير بالعجه معهم .. اايد .. واستنكر معهم ... المهم نطلع من ذيك الليله بسلام بس .( اعطيهم جوهم ) :tongue2: انا والله ماالوم بعض الشيبان من تصرفات شباب هالوقت .. مثلا ,,قل الدبره .. صب القهوه ... توجيب الضيف واحترامه ... الرد المناسب للي اكبر منك امام الضيوف ... :stoned: مثلا واحد يصب قهوه باليمين ويمد الفنجال باليسار ؟؟ ويقول خذ !! حتى ( سم ) مايعرفها تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات ) :d المهم ========= واحد ثاني رايح عزاء .. وابوهم مصدوم وهو لابس جينز ومربص شعره بالجل ؟؟ ويقول .. بعد هو حمار مايشوف قبل مايقطع الشارع ؟؟:razz:<<<<<<< تراها نكته مهيب صدق صحيح شباب الوقت صاروا (يفتون) = ( يحوفونه ) يعني ماهرين بالكمبيوتر .. يتكلمون لغات ... وهم صغار اذكي من صغار قبل ... صاروا يبخصون كل شي بالتكنلوجيا بس فيه اللى اهم من هالامور بكثير .... امور المرجله والسنع ... هذي مايتعلمها من كمبيوتر .. ولا من دورات ... مايبخصها الا من فطره وحرص الوالدين من الصغر ... على غرس هالشي s60s الشخصية القيادية ... والمراجل ... والشهامه .. كل هالصفات امور لايمكن اخذها بالممارسه والدراسه .. هي من الله قبل كل شي طبعا... ثم التربيه... وتصرفات الوالدين قدامه وغرس هالصفات فيه .. والعود على أول ركزه s13s تعلم من ابوك واخوك الكبير ........ علم اخوك الصغير وابناءك اللى تعلمته من ابوك واخوك الاكبر منك .... وصل الرساله اللى اخذتها من فوق .. لتحت ... لاتوقف عندك وتكون انت السبب في ظهور اجيال ماصخه للأسف !! ========================= انتهي سالفة السرسري نمرة واستماره جايه بالطريق مانسيتها : لي عم من القصيم جاي قبل مده ( طازه يعني ) وهالعم انا احبه حيل وامون عليه ويمون علي .... وانا عمري مالبست خاتم :tongue2: حتى الساعه ماالبسها .. كذا من ربي عرفت انه جاي من القصيم رحت اسلم عليه .. وانا لابس هالخاتم .. وثوب لون اصفر .. ومالبست شماغ ( مفرع ) ومتشبب ( طالع ماشالله وش حليلي ) :d الثوب الله حق كان طويل وقماشه قطني .. انا سلمت عليه ولاحظت نظراته لي:razz: ...... يوم انتصفنا بالجلسه وخلصنا سلامات وتهلي .. قالي وش ذا يابو طلال ؟؟ قلت وشو ياعم ( وانا داري انه بيذب ) :tongue2: قال وش هالخاتم .. وهالثوب الاصفر الطويل ... وهالشعر اللى لاطسه زيت زيتون غادن تقول راس هندي ؟؟؟ :d:d قلت وش نسوي ياعم نبي نغير ونتشبب ... ( والله البلشه):wallbash: قالي سجل عندك ( سرسري نمرة واستماره ) على هاللبس :d:d:d:d:d ياحبيلك يابو محمد ... ياعميمي من هنا فكرت ... اني انزل موضوع ... عن القيم والأعراف والمراجل ... هل اندثرت او مازالت ؟؟ او قلت ... ننتظر اراء ومشاركة الجميع .... حتى البنات .... وعلى طاري البنات ... عجوزي الغاليه تقول واكيد كلكم تعرفون هالشي وتقدرون تسالون من امهاتكم او من جداتكم s13s : اول البنت اللى ماتزوجت ماتقعد مع حريم متزوجات ... تروح فوق .. تدخل غرفه ...... الحين ... البنت تسال الضيفه .. ماخبرتيلي عريس لي ياخاله ها ها ها ها <<< خير ؟!!:d تقبلوا تحيات اخوكم الصغير ابو طلال |
اشكرك لي عوده ـــــــــــــــــــــــــــــــــــــــــــــــــــــــــــ باااااااااااااااك ماشاء الله ابو طلال في مواضيعك الحجز عليه طلب يعني لو تخلي لك راعي رسمي من الشركات في مواضيعك راح يطلع لك دخل طيب:d شرايك اسوق لك وتعطيني نسبة 20%..:clap: نرجع لموضوعنا خلاصة حديثك يابوطلال عن شباب هذا الوقت وعن تأثير الغرب فيهم.. سؤالك عن القيم هل اندثرت او مازالت وقلت..؟؟ انا اقول قلت.. |
.. مــرحبــا *أبو طـلال*... إقتباس:
عادي أهم شي الأخلاق وحب الوطن :d إقتباس:
صح كلامك والله ..بس مين اللي يسمع..الحين الواحد حتى لو أنه سنع يصير خكري يقلد اللي حوله من أصدقاء أو أقاارب.. طبعا مو الكل بس فيه.. إقتباس:
الله يعطيك العااافيه عالموضوع..s60s بس لا ما أندثرت القيم للحين بالعكس فيه ناااس يعرفونه مثل قبل وأكثر..صح إن البعض مايعرفونه ولا يدرون وشي...<< ليه؟؟ لانهم ماتربوا عالسنع الصح .. متربين على الرفاهيه الزايده عن اللزوووم وكل شئ يجاب لهم ومايتعبون بأي شئ.. وإذا سألت الأم أو الأبو قالو والله ماودنا عيالنا يشوفون اللي شفنا مانبيهم يتعبووون وهم تووهم ممديهم على الشقاء وهم بكذا أكبر غلطــــانين.. وإذا إكبرو عيالهم و واجهتهم مواقف ومشاكل ماراح يحلونه بالطريقه اللي يتفادون فيها الأخطاء لأنهم ماتعودوا إنهم يعتمدوون على أنفسهم... إقتباس:
:laugh: :laugh: :laugh::laugh: :laugh: الصرااحه الصرااحه إنك ماكذبت :d... بس ترى للحين الحياء موجود بس هذي من رووح الدعاابه الله يهديك.. :) :d ..أشكرك أخوي أبو طلاال عالموضوع والمضمون.. .. مع التحيه.. |
موضوع حلو لي عوده ورده _________________________ رجعت أبو طلال أجلت أكلتها من عمك :D والله إن عمك عرف لك تصدق تخيلت شعرك حاط فيه زيت !!! ماش عجزت أستوعبها :D أعود لنقاش موضوعك >>> أماي بديت أصلاً :d بالنسبة للمراجل والمرجلة والله إنها قاربت على الإندثار والإنقراض سمها ما شئت . يعني اللحين الواحد همه الأكبر وش ألبس كيف أتكلم ما أبغى أحد يضحك علي كيف الموضه !!! طبعاً اللوم لا يلقى عليهم أبداً لكن مثل ما تفضلت الأخلاق رسالة لا تتوقف عند شخص يجب أن تسلم بأمانة وأن يخلص بالإمانة !! لا تنسى أبو طلال تأثير الإعلام وخاصة المرئي وأيضاً الرياضة ... ماذا تتوقع من شخص يشاهد أفلام أمريكية ومن ثم يشاهد مسلسل خليجي (( لا أريد أن أعلق عليه)) ومن ثم يشاهد مباراة ولاعبين الله يصلح حالهم !!! توقع الأكثر والأكثر من هؤلاء وللأسف يابو طلال أتوقع أننا في سنة من السنوات وهي غير بعيده أن نقول على حالنا السلام . لأنه وببساطة أيضاً مراهقي اليوم هم نفسهم أباء لمراهقي الغد وسيكون الأب والإبن يتنافسون بالمراهقة المبكرة والمتأخرة . شكراً أبو طلال ولا أوصيك على طلال وفارس مرجلهم من اللحين وأعزمني على قهوه عندك خلني أشوف :d برايفت أبو طلال قلنا أبو طلال .:D |
والله مدري وش اقولك بس وش رايك بالسفطه حقت الهواي:D تشــــــــــــــــــــــــاو |
حياك الله أبــو طــلال . إقتباس:
الحمد لله على سلامتك .. ودوم البراءه.:tongue2: إقتباس:
إقتباس:
بهذي معك حق كثير من الشباب الله يهديهم عندهم قل الدبره وحسن التصرف يعني تلقاه يغرق بشبر ماء على قولة أخواننا المصريين .. تلقى بعضهم ما يقتنع بشيء لحد ما يجرب هو وينغث بعدين يلتفت لكلام اللي اكبر منه.. بعدين يقولون حنا زمنا غير زمنكم وغيره <<<< متعقده من الجيل الجديد ..:d إقتباس:
من وجهة نظري إنها ما زالت موجوده بس قلت وصار الشباب ما يظهرون هذي الأشياء الا عند الشياب بس بينهم وبجمعاتهم اتوقع لا .. إقتباس:
:bigeek::bigeek::bigeek: للأسف هذا واقع بعض البناات الحين أكبر همه متى تتزوج .. أعرف بنت عمره 12 دايما تقول يارب متى أتزوج وافتك من أهلي ..:bigeek::bigeek::bigeek: مشكووور أبوطلال على الموضوع الرائع ... لاعدمنااا تواجدك وحضورك المميز وطرحك الرائع ... أختك . |
ههههههههه :d الله يرج ابليسك يابو طلال .. عجبتني المقدمة اللي اطول من السالفة s60s اللي يميزك انك ما تنسق ولا تسوي ولا شي في موضوعك بسيط في كل شي s13s وهـ البساطه اللي تخليني كل يوم أحبك والله ثم والله ثم والله انك متميز ومألوف وكل مواصفاتك خليجية وأصليه 100% :thumbup: الله لايحرمنا تواجدك لانو ماكو أبلغ من الكلمة هاذي >>> بس يمديك على ماكو :d بالنسبة لوضع شبابنا تراك جبتها ع الجرح والله فعلاً بعض القيم والعادات وخاصة اللي تتعلق بالشهامة والرجوله بدأت تتلاشي وسلمني على عمك سلامن كثير :d في امان الله يالغالي ،، |
أهلا أهلا أبو فارس وطلال أهم ما في مواضيعك البساطة وعدم وجود تنسيق :d موضوعك اليوم حلوووو :) كثير من شباب هالأيام ماله أي معرفة بعلوم الرجال حتى الرد ما يعرفله ! اعتقد الخطأ من بيته اولا تلقى محد نصحه او علمه ! مشكلة كبيرة ومثل ما قلت حلها ما يجي بالنت والسوني :d ما شاء الله عليك انت والد وعارف هالأمور جيداً ولا شك استخدمتها مع ابناءك الله يخليهم لكـ :) والله يخليلك عمك شكله فلة :whacko::d أبوطلال اعذرني ع الرد المتواضع بس والله تعبان وقلت لازم أرد :d :sleep: s34s |
هلا بابوطلال :d:d:d إقتباس:
إقتباس:
إقتباس:
إقتباس:
|
لي عودة يابوطلال .. :) |
مشكووور على المووضوع بس عندي سؤااااااااااال :d:d ايش معنى سرسري ؟؟؟ s13s |
إقتباس:
:d:d |
إقتباس:
هذا اللي لفت انتباهي باموضوع:tongue2: |
السلام عليكم ورحمة اللـه وبركاته هلا فيك اخوي ابو طلال,, مازال صراع الاجيال مستمرا بين الشباب الذي يريد مواكبه التطور وجيل الاباء والاجداد الذي يريد التقيد بالاعراف والقيم المتعارف عليــها,, لكن لايجب ان يصل الامر بالشباب الى تعدي الدين والاعراف فمثلا تقليد الغرب بالقصات المحرمه والتبعيه العمياء فلا بد من المحافظه على موروث الاجداد ومعرفه عاداتهم والالتزام بـــها,,, إقتباس:
ابــشرك ابــو طلال ترانـــا للحين مانجلس عند الحريم :):) بس اذا مافيه عجايز وحريم كبار اتوقع البنــات بياخذون راحتهم :) يعطيـــــــك العافيه اخوي على هالموضوع دمت بحفظ الرحـــــــــمن وكل عام وانـــت بخير http://www.s3udy.net/pic/decoration001_files/9.gif |
إقتباس:
أول شيء وش ذا اللون البايخ !! :razz: و على طاري السالفة ذي : مرة رحت معزوم عند واحد أول مرة أزوره بالبيت , الرجال صب لي بيمينه و عطاني بيساره نقز له واحد يبي يذب قال ما تعرف وشلون تصب للرجال , ][ قال أنا أصلا أبوي ما يآخذني علوم رجاجيل ][ :d |
| الوقت المعتمد في المنتدى بتوقيت جرينتش +3.
الوقت الان » 09:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd