|
هلا وعليكم السلام ورحمه الله وبركاته مبرووك فك الحجزز :d ها بشر عسا ارتحت هونيك سجنهم فله :tongue2: إقتباس:
هههههههههههههههههههههههههههههههههههههههه ههههههههههههههههههههههههههههههههه الله يصلحك موتني ضحك :d الله مير يرحم الحال >>>كانها شايب:whacko: إقتباس:
:d:d عسى مايجي احد يدخل ويشوفني على هالضحك بيقول بنتنا اكيد انهبلت او انجنت :d إقتباس:
ايه صادق :d اول اذا انخطبت البنت وقالو لها استحت وطلعت لغرفتها الحين تفتح تحقيق منهو وش اسمه وش وظيفته زين والا شين :d:tongue2: اتفق معاكـ اخوي ابوطلال المراجل والحرايم (يعني الحريم السنعات ):d اندثرت وقليل تلاقي شاب ينشد به الظهررر وبالمقابل بنت سنعه اصبح تفكيرهم سطحي بالمره بالاول كان لما يكون عزيمه بالبيت البنت مع امها الحين تنزل بعد مايجون الضيوف :surprised: ونفس الشي للشاب تلاقي عزيمه بالبيت وهو طالع مع ربعه مايدري عن هوى داره وبعد ماننسى ان الشياب ووالحريم بعد الكبار بالسن مبالغين شوي ويحبون يفشلووون اتذكر وحده من قريباتي كانت مقصره شعرهاا شوي ومسكتها احد كبيرات السن وتهزيء فيها احراج مره:surprised: مشكله مايعرفون يتكلمون شوي شوي لازم العرب كلهم يسمعون :upset: وبعضهم الله يهديهم مايعرف ان هالجيل غير اول يعني يلزمك بامور صعبه عليك او مهي واجبه يعني هم كانو يسوونها زمان يبون نسويها لو مو مقنعه مثلا مره من المريرات بس لاتضحكون علي:upset: مو قل سناعه فيني لاوالله بس انا لما اصب قهوه خصوصا لما تكون ثقيله تعورني اليسار فاحيانا اتهور واصب باليمين اهم شي يديني ماعلي منهم:stoned: كنت اصب لخالتي قالت مدي باليمين:surprised: بغيت اكب الفنجال وانحاش من القهر يعني بالله وش تفرق اشربي وخلصنا :d تدقيق مدري وش يبي :nono: عودا حميدا ابوطلال وفارس :d(احسك تقول ذولا ماينقال لهم اسماء عيال:tongue2:) مووضووع يشكل قضيه مهمه والله خصوصا كيف تقبل انتقاد من هم اكبر منك يعني البعض مايحب احد ينتقده فاحيانا تحصل مشاده كلاميه بين رجل كبير وشاب عشريني :d بس مايمنع اني ضحكت ضحك:d الله يحفظك خيوو ويخلي لك فارس وطلال وتشوفهم رجاجيل ينشد بهم الظهر الهنوووف كانت هنا ورحلت |
مراحب ابو طلال .. مبروك الافراج :d .. والله انك صادق ابو طلال هالشباب هالايام مايعرفون السنع وين بس احنا البنات لازم نعرف غصب 24 ساعه بالبيت :d ابو طلال دمت اخوي الصغير :razz: |
هلا بالغالي ابو طلال موضوع رائع تلقاه اول مايدخل عليه واحد من برا يطلع النظارات ويقوم يدقق في الي قدامه الله يحفظهم ويطول في اعمارهم ان شاء الله ---------------------- وبالنسبة للعادات والمراجل فاعتقد انه باقية وعند الكثير من الشباب ولكن لاتظهر هذه القيم والعادات الا في اوقات معينة وليست دائمة وخصوصاً اذا كان في امام من هم اكبر منه عمراً خلاصة الكلام ان العادات والقيم موجودة ولكن لا تظهر الا في بعض الاحيان |
إقتباس:
الزمن غير الزمن يا ابو طلال وزمان ابائنا ليس كزماننا ... لدينا واقع مفروض ومتغير لست من الضروري ان تنساق ورائه ولكن حتما سوف يؤثر عليك لن نكون مثلهم ومن الخطأ ان نكون مثلهم ... نعم من الجميل المحافظة على القيم والأخلاقيات ولكن ليس بالضرورة ان نكون على نفس طابعهم والا فلن نتطور وسنبقى حيثما تركونا ... جميل ان نستفيد منهم ولكن ان نكون مثلهم فذلك هو المحال ... وشكرا جزيلا لك |
اكيد هناك فرق بين اجدادنا واباءنا وبيننااااا<<:tongue2::tongue2: هم عندهم عادات وموروثات ومحافظين عليها وليس بالضرورة اننا نحافظ عليها خاصة اذا لم تكن من الدين يعني مش ملزومين نحافظ عليها ...s60s وبعدين مو كل شي كان عند الاولين صح مثلا الاول عيب البنت تتزين وتحط ميك آب الا اذا تزوجت:bigeek::bigeek: او تطلع وتزور الناس الا اذا تزوجت :bigeek::bigeek::bigeek: وعيب البت تاكل علك :bigeek::bigeek:<< الى الحين مو عارفه السبب :d:d وعيب البنت تشجع مباريات او تشووفها :clap::clap: يعني مو كل شي عند اهلنا اول صح ...:nono: بس ماقلت لي ايش معنى سرسري ؟؟؟:d:d ورده م U شـ U كـ U و U ر ورده |
يالله ان تحيي ابو طـلال يالله حي هالطله >> برايفت >> ( تدري ان مواضعيك تعجبني ؟ ) إقتباس:
إقتباس:
إقتباس:
والسوالف سياسيه ( راح فلان وجا فلان وصرح فلان ) طبعا السوالف ولاء للوطن :d مادرينا إلا واحد من الجماعه ( ابو بسام ) داخل علينا بالجنز المحنقط تقول نبيل شعيل وهو محنقطها ( لو انه شباب 22 وجاي كان راس مالها ذبه من اكبر شايب تخليه يطلع من المجلس ) بس ابو بسام الله يرجه كبير وابو عيال ودايم مرسم بس هالمره خربهــا يقول ذبحونا الورعان لطخوا ثيابنا بالحلويات والشوكولاته وثيابنا بيض نداريها مداراه وتغيرت السالفه من سياسه لـ ذب وابو بسام يرد عليهم من باب المزح بس فعلا هاللبس شي دخيل علينا يغير مجرى السوالف عند الشياب إقتباس:
مثل ( اذا صبيت القهوه ونسيت اقدم التمر أو اذا خلص الضيف فنجاله وسهيت اصب له مره ثانيه ومن هالامور ) لين صرت في المجلس اذا جونا ضيوف أو شي اركز في هالاشياء الي تهزئت منها على شان ما اتعودها إقتباس:
إقتباس:
والله ضحكت من قلب إقتباس:
حتى لو كان الولد ابو 9 سنين لأن سبحان الله سوالف الكبار تفتح عقلك على اشياء تفيدك بحياتك وتعلمك اصول المرجله والتعامل بينهم وبين بعض مثل العزايم وصب القهوه و تقدير الضيف إقتباس:
شافني قال وش هاللبس هذا مايلبسونه الرجاال اخاف بكرا تدخل علينا بشورت ومضله طبعا يقولها من باب المزح والحرص على شان ما اتعود على اللبس هذا وأسحب على الثوب إقتباس:
أثر تأثير قوي بعاداتنا وقيمنا كشباب سعودي متأصل في الجزيره العربيه عكس اهل القرى تجد عندهم العادات القديمه والمرجله وروح الحماس حتى عند الصغار لأن مجتمعهم نفس الطبقه لا توجد عادات دخيله عليهم فأعتقد انها قلّت في المدن الرئيسيه في المملكه ولكنها موجوده إقتباس:
تقبل مروري ومداخلاتي وأعذرني اذا اخطيت بدون قصد |
مراحب :thumbup: أول شي اعترف شنو العملة السودة إللي مسويها علشان يوقفونك :d أشوف إن نظرتك سلبية للجيل الحالي وكذلك أغلب الردود العادات (الجيدة) إلى ألحين موجودة لكنها موب مثل أول وإذا كان بعض الشباب ما يعرف يوجب ولا يتعامل مع الناس فالخطأ من الوالدين ولا يمكن نلومهم عوافي |
إقتباس:
عوودا حميدا الحمدلله طلعت برائه بس مين محامي دفاعك الي طلعك :d:d إقتباس:
إقتباس:
إقتباس:
عموما البنات مايحبوا يجلسوا مع الحريم فتلاقيهم تجمعوا بغرفه لحالهم :razz: برضك الحريم مواضيعهم مي حلوة وماغير كل وحده تتشكا من زوجها :bigeek: :d تسلم ابو طلو عالموضوع الزريفs60s |
أهلا بالواصل أبو طلال:clapping: أكيد إن علوم الرجاجيل قلت بس ولله الحمد إلى الحين موجودة بس بيني وبينك بعض الأحيان الشيبان يدققون على أشياء ما لها داعي يعني تشوف الولد صغير وتوه بادي يصب لا تهزئه وتخليه يكره الجلسة وصب القهوة:d بالنسبة لي قبل ما أبدأ بصب القهوة والقعدة مع الكبار أبوي مسوي لي دورة لمدة شهر:d كل مغرب يخلين أصب القهوة له وأي خطأ أنواع التهزييييء :stoned: بس والله أصرف أتهزأ من أبوي وما فيه إلا أحد أخواني أهون من إني أتهزأ من شايب والمجلس مليان:d |
خخخخخخخخخ أستحي أقرا موضوع واحد موقف :D |
إقتباس:
إقتباس:
|
المووضوع مكرر ومنقوول من منتدى العالمي أتمنى من المشرفين إنهم ينقلووون الموضوع لصيد الأنترنت :bigeek::upset: . . . . . . . . . . . . . . . اهلن وسهلاً بك يالشين .. اخبارك يابوطلال عااامل آيييه يابني ؟؟ .. وحمدلله عالسلامه وأخيراً طلعت من الحاير بكفالة ياخي ارحم أبووك هالمسيكين تعذب وهو يطامر من سجن لسجن ومن مركز هيئة لمركز هيئة ياااخي متى تصير رجااال وتعقل انت :d:d تصدق عااد لو إني من ابووك لأحطك بووسط كيس واتبرع فيك للجمعية الخيرية :stoned::d لابعد جايني بمووضوع عن علووم المرجلة مابقى إلا هي ابوطلال يعلمني علووم المرجلة وانا اللي قبل اسبووع زرته بالبيت ولاقدم لي ولاشي حتى كاان لابس قميص النووم يعني يلمح لي اقلب وجهك ابي انااام :d:d . . ابوطلال ماتحس إني شبيت علييك بالحتسي :d:d يالله نبي ندخل بموضوعك هالتحييف على قوولة أخونا المعاصر أبو ناصر s60s إقتباس:
يارجاااال انت شايف تنسيقك هاللي كنه وجه انتصار الشراااااح :d:d انا غاسلن يدي إن مواضيع ابوطلال احسن مافيها المضموون لكن تنسيق ماظنتي بنلقى :d:d << ياحبيلي اذا جيت ابنقد اقعد اشرشح الوااحد :d:d . . ابوطلال بصراااحه موضوعك رائع وهذا اللي دائماً نراااه ونتطلعه من معاليكم :stoned: بالنسبة لعلووم المرجلة فيه اختلاف كلي عن السابق والآن لايووجد اوجه مقارنة بينهم يجيك الوااحد يدخل المجلس وهو طاق الكاااب وإلا لابس برمودا مثلك يابوطلال :razz::whacko: حتى القهووة بدت تنقرض لأني ذااك اليوم كنت عند واااحدن من الشباب الله يستر عليه وماقصر الرجال لطعني عند بااااب بيتهم اكثر من ربع ساعة ويووم رجع قلت له وراااك لطعتني فيذا يمااال اللي منيب قايل .. قال هماني فاتح الباب اجل ورى ماتدخل :d:d لابعد ماقلطني جاب لي عصير لييييييييييييه شايفني شامي قاعد آكل كبة :d:d يعني فيه حالات يمكن تعذره لأن أهله مو في البيت والرجال مايعرف يسووي قهووة لكن يصير هالشي بوجود أهله اعتقد إنها قوووية وإلا لا ياشيييييخ ابن بطاح :d:d عالعمووم أبوطلال تراااني جاااااي ابي اشتشت بموضوعك لأني دااااري إنك بتفتحه سبيل :whacko: وجيييت ارحب فيك اكثر دوون الغووص بلب الموضوع :surprised: وقوااااك الله أخوي ابوطلال عافاك ربي يالغالي موضوع مثل وجهك :razz: قدمته لنا وشاكرين لك حسن اصغائك للأعضاء وإعطاءهم حرية الرأي بمووضوعك وتعييييييييش الديموقراطية :d ولاهنت يابعدي .. |
هلا وغلا اخوي أبو طلال ورده وما شاء الله النعناع بدا مفعوله ههههههههههههههههههههههـ:clap: الصدق موضوع خفيف لطيف مفيد منعش مقرمش حقيقة انا اشوف الإنسان لازم يكون وسط يعني لا افراط ولاتفريط لانه في ناس لو تلبس أي شي يشره كنه وده يشوفك مفصخ !!:bigeek: وفي ناس زوتدوها حبتين تلقاه لابس ولا شي وما عاد تدري هو عضو والا عضوة :stoned: صدقوني الوسيطة أحلا حاجة يعني ثوبك الاصفر ذاك عادي:clapping: انت شفتك لابسه ماشاء الله تبارك الله عليك طالع قمر 15 وما خرجت عن الأعراف والتقليد .. وبعدين وش فيهم الناس على الجنز الصدق انه اختراع حلو ولبس منتاز ولا يقدح في اخلاق الرجال اللي يقدح هو بنطلون طيحني واسحبني ورقصني ... وهلم جرا تسلم اخوي ابو طلال على ها الموضوع الجميل s60s وسلم لي على عمك ابو محمد ونبيه يجي الاستراحة الجاية :d دمت بحفظ الله ورعايته ,,, |
اول شي الحمد لله طلعت براءه :d ونجي لموضوعك ,, حلو الواحد يهتم بشكله ولبسه بس فيه أشياء ما تنفع لنا وشكلها ماله داعي مثل الجنزات المقطعه من على الركب ومن زين الركبه يومه مطلعها :d بس ما نظلمهم يمكن من كثر الإستخدام تقطع الجينز :d:d اما صب القهوه هذي أكبر مشكله في حياتي :wallbash: مره كان عندنا ضيوف وجيت مسويه ما حد قدي بصب قهوه الا وأمي تغمز لي وتأشر على القهوه كنت حاطه القهوه باليمين والفنجايل باليسار :d ما قدرت اتدارك الموضوع من الإحراج جيت ابدل بغيت اجيب العيد وأخرتها حطيت الجمل بما حمل على الطاوله وحلفت ما اصب قهوه لأحد مره ثانيه :d يعني الزبده خذ من الموضه ما يناسبنا وأترك الباقي s60s يعطيك العافيه على الموضوع ,, |
هلا بالغالي ابو طلال .. الحمد لله ع السلامه بعد الافراج .. :d ومن ناحية موضوعك اوافقك الرأي .. شباب الحين مو مثل شباب اول .. طبعا مو الكل .. لكن الاغلبيه .. لكن لابد اننا نشيد ببعض ايجابيات شباب هالوقت .. فيه ايجابيات انهم صاروا متفتحين وفاهمين امور كثيره ومطورين انفسهم بالامور الحديثه .. حتى وان استخدمها البعض استخدام خاطئ .. اما المراجل .. فهي لشباب اول .. وبعض شباب الحين .. اللي الشنب يوقف عليه الصقر مثلي .. :whacko: وفيه شياب الله يهديهم مايصلح لهم شي ابد .. كل شي يستنكره وينتقده .. حتى لو شافوا واحد مسمي بنته "الماس " قالوا وش له << ياحبي لها اختي .. القيم هل اندثرت او مازالت وقلت..؟؟ ماتوقع انها اندثرت .. لكن ممكن قلت مع عوامل التعريه .. :stoned: ابو طلال .. الف شكر على الطرح الجميل .. وتقبل فائق احترامي .. دمت بخير |
| الوقت المعتمد في المنتدى بتوقيت جرينتش +3.
الوقت الان » 01:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd