15000 دولار و وزواج مسيــــار ببنت عربيـه مقيمة بالسعوديه.. ألحق !! - نادي الهلال السعودي - شبكة الزعيم

LBa your heart · #1 15/12/2007, 04:56 AM

السلام عليكم ورحمة الله وبركاته <- اول مره اكتبها كامله

والله مدري من وين أبدا من هنا ولا من هناك

.. نتكلم عن ارتفاع الاسعار .. ولا نتكلم عن الزياده

ولا نتكلم عن انفلونزا الطيور الا على طااري الزياده ماتلاحظون ان هالاشاعات ماطلعت الا بعد زيادة الامارات

هل هذا حسد ولا كيف؟

ياشباب ترى اللي فوق مقدمه

<-- لايكثر

نخش بالموضوع

لما أمسك الريموت وادور بهالقنوات أغوص في بحر من القنوات

قنوات اغاني وقنوات دينيه وقنوات رياضيه وقنوات تعرض افلام (للكبار)

وقنوات مسابقات

لفت نظري احد القنوات الخاصه بالمسابقات .. يحطون للمشاهد سؤال سهل يعني مثلاً كم عدد الحروف الهجائيه؟
أو كم عدد اصابع يد الانسان ؟ يعني اسئله سهله وبايخه.
ويرصدون جائزه ماليه مقدارها 15000 دولار او 10000 دولار

<- لاحظوا العمله بالدولار يعني مبلغ كبير .
وترتز هالمذيعه قدام الكاميرات وتهز مع الاغاني ( فيس مسعبل ) وتقول سارعوا بالاتصال وراح تكسب هالمبلغ.. وهالشياب رايحين فيها انواع الفهاوه ماهمهتهم الجائزه اهم شي يكلم المذيعه

.
والقنوات هذي قاصدين السعوديين لانهم يطلعون أرقام الخاصه بالسعوديه أكثر من ارقام الدول الثانيه..

إتصالات المشاهدين:

بين اتصال واتصال ربع ساعه تقريباً ومن هالاتصالات تجي من نفس العاملين بالقناة ويقول انا اتصلت اكثر من مره والحمدلله حالفني الحظ وتقول له المذيعه يالله جاوب على السؤال طبعاً السؤال سهل جداً.. بس هالمتصل أو بعباره ثانيه تليق فيه الكذاب يقاله مايعرف الاجابه ويعطيها اجابه خطأ ..
ومره اتصل واحد من نفس القناه .. تعرفون المصري اللي مسوي فيها يعرف للهجه الخليجيه ..
يوم مسك معه الخط قالت قول اسمك ومن وين .. قال انا منصور من السعودييييه <- ناسي وش العائله اللي قالها ..
بس فضح نفسه من نطقه لكلمة السعوديه لو تسمعونها بتعرفون انه نصاب المهم جاوب اجابه غلط مثل اللي قبله
وطبعاً هو من العاملين بالقناة ..
شايفينا دلوخ هالمصاريه

.. ما ألومهم اذا سووا كذا لانهم شافوا الخليجين يترنحون عندهم بالمراقص وانواع التنقيط ..

قصص من الواقع <--بدت الفلسفه

*مره اتصل اخوي عليهم وقال بجرب المهم دق وردوا عليه وحاطين اغنيه ووحده تتكلم..
للاشتراك بالمسابقه اضغط على الرقم الفلاني .. يعني يخلونك تضغط على كل الارقام بجوالك وهم توهم مايدرون .. وسكر اخوي وشاف رصيده ناقص منه ثلاثين ريال ومدة المكالمه تقريباً دقيتين.. ولا استفاد شي.
* ومره كنت جالس على النت وقال لي الوالد تعال .. جلست جنبه قال ترى هالقنوات والمسابقات نصب في نصب .. قلت ماجبت شي جديد <- وش هالميااانه ههههههههههههههه

قال اتصلت عليهم لاني شفت محد دق عليهم والجائزه 15000 دولار فقلت فرصه ادق .. يقول جلست اربع دقايق ولا ردوا وسكرت بعدها بفتره شفت الفاتوره وطلعوا ساحبين مني 45 ريال ..
^
^
العائلة صايرين مخفات

...

صور من قنوات المسابقات

دقق بالسؤال وبالجائزة

شلت وجه المذيعه لان فيه مراهقين بالمنتدى

وخليت لكم وجه ليلى علوي اما الثانيه حنان ترك على ما اظن .. يعني اسئلة سهله

هالقناه مصعبه الاسئله شوي لو تلاحظون الجائزه بالدولار يعني لو تحولها للريال كم تطلع ؟!
طريقة هالسؤال ان بعد كلمة فرصه ثلاث كلمات وهي موجوده بالمربع ..اللي عليك تصف هالحروف وتطلع هالكلمات وتنتهي السالفه.

ياعيني 15000 الف دولار .. معليش ياشباب شلت خشتها لانها ماتساعد صراحه

...

المصيبه أن قناة غصب واحد تسوي مثل هالمسابقات بس بدون مذيعات يحطون مذيعين معروفين بالقناه
ويخلونوهم يقدمون هالمسابقات التافهه .. ويعرضون جوائز مثل جوائز القنوات الاخرى.
القناة السعوديه تعرض هالمسابقه بيوم الجمعه أو الخميس بوقت سباق الخيول.. ونفس نظام القنوات الثانيه بالضبط..
يهيضون الواحد ويخلونه يدق وتعرفون ربعنا يفكرون يقولون القناة السعوديه ماتكذب ابد خلنا ندق

ههههههه

بأحد الحلقات عرضوا سؤال كلمه من ثلاث حروف اذا عكستها ماتتغير ؟ الاجابه ياخوخ أو توت..
دق واحد وقال الاجابه الصحيحه والمتصل يفكر انه ياخذ 15 الف ريال على طول مادرى الا الكاميرا جت على مربعات وقال له المذيع اختر مربعين ولازم تكون نفس الشكل عشان تأخذ الجائزه .. واختفت احلام المتصل وطارت الـ 15 الف ريال..

كانت عندي صور لها بس مدري وين راحت .

أنتهينا من موضوع قنوات المسابقات وندخل بموضوع ثاني

قنوات الزواج بين قوسين مسيار

الزواج وما ادراك بالزواج التلفزيوني

أصبحت موضة القنوات في زواج المسيار .. وهمها الاول جمع المال وليس جمع راسين بالحلال

.
سلبيات هالقنوات كثيره . بس عندها ايجابيه وحده فقط واللي هي تقدر تخطب وانت جالس في بيتك ( يلعن أم الفله )

.
واكثر متابعين هالقنوات مافيه غيرهم أخواننا السعوديين <- له كم يوم قالب على الشعب السعودي.
ولو تلف على هالقنوات وتشوف بنفسك بتعرف أني صادق .
واللي مخليني مستغرب ومتحير اذا ارسلت احد المشاهدات من جنسيه عربيه لازم تكتب الاقامه بالسعوديه .
لان اكثر الشباب يبحثون عن العربيات فأستغلوا هالنقطه.
زبدة كلامي ان اللي ترسل هالرسايل وتقول انا مصريه أو سوريه او يمنيه وساكنه بالسعوديه هم نفس العاملين بالقناة .

فهمتوا ؟

صور من قنوات الزواج

أول شي أبيكم تدققون بنوعية الزواج من طرف الشباب

شوفوا طلبات أخواننا المصريين ماعندهم لف ودوران

حتى السوداني تأثر بالمسيار

أخيراً اللي أبي اقوله أنصحوا الشباب وخاصة (الشياب

)من هالقنوات والله فيه ناس يجهلون هالامور ولايعرفون ان مقصد التلاعب على المشاهدين.

برايفت :

كيف الحال

طيف من الذِكرى · #2 15/12/2007, 05:35 AM

المسابقات اللي بالقنوات معروف انه كذب بكذب وكله لعب ونهب فلوس الناس الغير واعيه

وقنوات الزواج لا تعليق
مشكور كلي هلالي ع الموضوع الرائع

شلت وجه المذيعه لان فيه مراهقين بالمنتدى

وخليت لكم وجه ليلى علوي اما الثانيه حنان ترك على ما اظن .. يعني اسئلة سهله

ليلى علوي والثانيه منى زكي

هههههههههههه

صقر فيصل · #3 15/12/2007, 05:48 AM

هلا والله اخوي سالم
..،

أولا خلي أختبر ثقافتي..

الكلمة المطلوبة: ضايعة

..،

يا خوي هالنوع من المسابقات..

مثل خدمة السبع مية والقناوات هذي..

أذكر إن أول شيخ أصدر فتوى بتحريمها القرضاوي..
ثم أصدر الكثير من الشيوخ فتاوى بتحريمها..

والسبب..

هي نوع جديد من (القمار)..!

إيه نعم.. إنت تدفع لو فزت أخذت جائزة ولو ما فزت راحت عليك فلوسك..

هالشي هو اللي بالضبط يصير في الكازينو..!!

والشيء اللي يقهرك.. هو أن تقيم مثل هالمسابقات قنوات مثل القناة السعودية الأولى..
أو على قولتك (غصب 1)

القنوات هذي تستغل حماقة وسذاجة المشاهدين..

والمشاهدين ما يقصرون..!

أعرف واحد.. يحلف بالله إنه 8 ساعات يدق على وحدة من ذي القنوات!!!

..،

أما قنوات الزواج والمسيار

فأعتقد إنه على قولتك تلاعب بالمشاهدين

..،

شكر أخوي سالم على هالموضوع الرائع..

ونتمنى تبشرنا بفوزك بأحد هالبرامج..

وانا ان اعرست من واحد منها قلت لك

تقبل مروري المتواضع..

وتحياتي الفائقة

ابو طـــــلال · #4 15/12/2007, 05:54 AM

هلا والله سالم .. حياك

الشرهه مهوب عليهم طبعا ... بالنسبه لهم تجارة فقط

الشرهه على اللى يتصل عليهم ...

ليش نكون لقمة صائغه وسهله لهالنصابين !! هنا السؤال

شكرا اخوي وتقبل مروري

هلالي في جده · #5 15/12/2007, 07:10 AM

^

مـالك داعـي يوم تشـيل وجيهـم !

إقتباس


	( فيس مسعبل )

..

بخصوص المـوضوع ..

مثل ما قـال " أبو طـلال

" !

الشـرهه على اللي يتصـل .. [ مخفـه ] !

والله يعطيكـ العافيه " سـالم

" ع الموضوع والمجهـود الكبيـر !

تقبـل مـروري المتـواضع ! ورده

:: أنـس ::

كل الفن هلالي · #6 15/12/2007, 07:20 AM

وعليكم السلام ورحمة الله ،،
هلا وغلا سالم موضوعك جميل وبنفس الوقت هو رافع ضغطي

خلني بقول لك وأزيد على كلامك
انا بصراحة مره جاء سوعال ورفع ضغطي سهل مره
وكل اللي يتصلون يجاوبون غلط

قلت معقوله انا ذكي وكل ذا العالم اغبياء

الجواب طبعاً لا

لاني مافيه أمل أصير ذكي لوحدي

بالعكس أصير غبي وهم أذكياء هاذي تجي

المهم اخوك انجرف مع التيار واتصل عليهم

تعرف وش يسوون لعنة الله عليهم ؟
يخلون الكمبيوتر يسولف معك شوي والحصاله بتحسب طبعاً
المهم بعد دقيقة قال نظراً لزحام الشديد
نرجو منك الاجابه على السوال بعد سماع النغمه وسنتصل عليك لاحقاً
قلت والله ما أجاوب وأقفل السماعة >>> يقاله لعب عليهم

انتهت الحكايه وشكرا على موضعك
مدري يمكن خشتي غلط بس موضوعك ذكرني بالسالفه هاذي
قلت الوقت سانح اني اسدحها في موضعك

تقبل تحياتي يالغالي ،،

$ابوريشه$ · #7 15/12/2007, 08:17 AM

إقتباس

الرسالة الأصلية كتبت بواسطة ابو طـــــلال


	هلا والله سالم .. حياك الشرهه مهوب عليهم طبعا ... بالنسبه لهم تجارة فقط الشرهه على اللى يتصل عليهم ... ليش نكون لقمة صائغه وسهله لهالنصابين !! هنا السؤال شكرا اخوي وتقبل مروري

اذا كانت اهدافهم واضحه ليش نتصل

BLUE-STAR · #8 15/12/2007, 08:18 AM

وعليكم السلام ورحمة الله وبركاته..

إقتباس


	لفت نظري احد القنوات الخاصه بالمسابقات .. يحطون للمشاهد سؤال سهل يعني مثلاً كم عدد الحروف الهجائيه؟ أو كم عدد اصابع يد الانسان ؟ يعني اسئله سهله وبايخه. ويرصدون جائزه ماليه مقدارها 15000 دولار او 10000 دولار <- لاحظوا العمله بالدولار يعني مبلغ كبير . وترتز هالمذيعه قدام الكاميرات وتهز مع الاغاني ( فيس مسعبل ) وتقول سارعوا بالاتصال وراح تكسب هالمبلغ.. وهالشياب رايحين فيها انواع الفهاوه ماهمهتهم الجائزه اهم شي يكلم المذيعه . والقنوات هذي قاصدين السعوديين لانهم يطلعون أرقام الخاصه بالسعوديه أكثر من ارقام الدول الثانيه..

حسبي الله عليهم همهم هالسعوديه ماأدري وش مسويلهم ..

وطبعا لازم هالمذيعه اللي كابه المكياج واللبس اللي ماأدري وش يبي .. ومثل ما قلت لو يتصلون عشان يسمعون المذيعه.. يالله إنك تخلف عليهم..

إقتباس


	أخيراً اللي أبي اقوله أنصحوا الشباب وخاصة (الشياب )من هالقنوات والله فيه ناس يجهلون هالامور ولايعرفون ان مقصد التلاعب على المشاهدين.

والله إنك صادق بكلامك هالحين الشيبان أشد من المراااهقين بالعقووول..

..والله يصلـــح حــــــااال الجميع..

..والله يعطيك العافيه أخوي كلي هلالي عالموووضوع ..

تقبل مروري المتواضع..

الهلالي دائماً · #9 15/12/2007, 09:32 AM

هلا وغلا سالم ( قلب ينبض )

اول شي : كيف الحال

ثاني حاجة : وين الناس

ثالث هام : تزوجت والا توك

حياك اخوي كلي هلالي ومنور المنتدى بحضورك الجميل وموضوعك التحيف

رغم انك وقعت في خطأ شنيع وهو عدم التفريق بين منى زكي وحنان ترك ( فيس يسعبل )

بصراحة ها القنوات من زمان بدت وانا اكثر شي يتعبني هو حذفها طبعاص م اني خاق معهم

لانها كثيرة ودايم تطلع قنوات جديدة من ها النوعية

والعاقل ما اعتقد انه تنطلي عليه هذي الألعيب >>> تنطلي متعوب عليها

الله يكفينا شر الجشع والطمع اللي جعل هذه التجارة العفنةرائجة ...

والله يهدي شبابنا وشيابنا ويبعدهم عن تلك التفاهات ...

شكرا سالم وعلى فكرة هارك التعادل والزحمة

عالم الهلال · #10 15/12/2007, 09:34 AM

وعليكم السلام ورحمة الله

القنوات صارت أكثر من الهم على القلب
للأسف هالنوعية من المسابقات حتى بتلفزيوننا العزيز
وتشوف المذيع يقنع ويترجا بإستخفتاف
لكن مادام فيه ناس تصدق وتمشي عليها هالأمور
تأكد بتكثر وتزيد المشكلة
يعني بهالحالة ماينلامون اهم شي الكسب بأي وسيلة
ما دام فيه ناس أعطتهم مجال ..

والله هالموضوع كنت مفكرة فيه
بس ماراح يطلع مثل إخراجك ماشاء الله
أبدعت في توصيل الفكرة
دمت على طاعة الله
أختك

باسكن روبنز · #11 15/12/2007, 11:38 AM

السلام عليكم

بصراحه جبتها على الجرح

وهالقنوات لاعبين علينا وخصوصا السعودييين

وهالسعوديين معطينهم وجه

وكل يوم تفتح قناة تافهه من هالقنوات ...وكل قناه فيها شله بنات الله لا يوريكم

مادري مايخلصون هالبنااااات هههههههههههه

وترى طاش ماطاش مثلها في احدى حلقاته ومثل الواقع ..

على فكره الصورة اللي انت حاطها مو حنان ترك << منى زكي ..

مشكووووووور على موضووعك التحفة ..

bazbozy · #12 15/12/2007, 11:56 AM

هذي القنوات يبغوون يخدعوون الناس زي برنامج الخزنة اللي خلص و ولا احد فار بالخزنة!!!

الهنوووف · #13 15/12/2007, 12:42 PM

عودا حميداا

وعليكم السلام ورحمه الله وبركاته

وش نقول وش نخلي
ناس تبي تربح وناس مهنا عقول صاحيه
معادله متساوية من الطرفين

هالقنوات للاسف كل مالها تكثر من كثر الاقبال عليها
مدري هم اغبياء او احنا اذكياء

الصراحه عقب هالقنوات اكتشفت ان معدل الذكاء عندنا مرتفع جدااا وبالمقابل الخفه

شباب اكبر همه يكلم مذيعه
انا مايقهرني الا طريقه كلام المتصل

تقال ماقد شاف بنت
مشكله ماعندهم الا الدجه بس يبيون يتصلون علشان يسمعون صوتهااا

لاتقهرني تكفى خلاص

والا المسجات وهالاتصالاات على هالبرامج الغنائيه مدري وش اسمهاا
تعارف عيني عينك ومياعه ومصاله

هم يحطون قنوات وحنا نتعذب بثقاله الدم من المتصلين

اقول
مع السلامه احس اني انقهرت

بس قبل اروح كلمه بيني وبينكم يعني
بالله اذا انت عندك مبلغ من المال وقدره وعارف لو تسوي قناه انك بتربح اضعاف المضعفه من هالاغبياااء بالله ماراح تفتح قناه..؟؟؟!!!
مانلوم القنوات بقدر مانلوم الي شجعوهاا وساهمووا بكثرتهاا
والا لو محد يتصل ماشفنا القنوات بالهبل كل يوم خمس طعش قناه جديده

هالفرصه من عقب موضوع سيرنلاكا اشتهرت الله لنا بس
مفروض الهنوووف ؟؟؟

يعطيك العافيه على هيك موضووع

تجذبني المواضيع المثبته بصووور

ونتمنى تقل الاتصالات من هالشباب الفاضين

ولاتجربووون ترى المشكله ان الكل يقول بجرب ويدمن

الله يحفظكـ

الهنوووف

كانت

هنا
ورحلت

^ العنود ^ · #14 15/12/2007, 01:12 PM

الشرهه على شركة الاتصالات ليش فاتحه لهم خطوط عندنا ..

ولا شكل الكل في هالهوا سوا

هوايتهم شفط فلوس وبس

كلي هلالي

ماقصرت على هيك موضوع

عاشقة الزعيم15 · #15 15/12/2007, 02:29 PM

وعليكم السلام ورحمة الله وبركاته

بالنسبه لقنوات المسابقات مدري قنوات النصب استغرب من الناس كيف تصدقهم
باين انهم نصانبين ومع ذالك الناس تتصل اجل بالله بيعطوا جايزة وقدرها عشان سؤال تافه
والرابح الوحيد من المسابقه هو العامل عالقناه
ماقد شفنا واحد اخذ هالجايزة من المسابقات وان واحد ربحها بيكون من العاملين عالقناه يعني ماراحت لبعيد

اما قنوات الزواج مدري زواج المسيار فهي حاله والله
بالله مين بيرضى او مين بترضى ياخذ وحده عارضه نفسها !!!
وهذا اذا ماكان كذب بكذب
الناس للاسف ماعادت تفكر بالمنطق والعقل
تبغا تتزوج ولاتبغي تتزوجي في خطابه وانتهينا

كلي هلالي
موضوعك راائع جدا ويعايش واقع المجتمع الغير واعي للاسف

الف شكر لك

دمت بود

عاشقة الزعيم15