#1  
قديم 14/12/2007, 11:32 PM
زعيــم متواصــل
تاريخ التسجيل: 04/07/2005
مشاركات: 77
اضحك مع ماجد ووليد الفراج

اختصار التحليل - ما بعد المباراة - :
وليد الفراج : ماجد عبد الله من نقوله هاردلك ؟
ماجد : صراحه كان النصر مسيطر وكان ممكن يفوز لولا الطرد اللي لخبط الاوراق .

عادل البطي : الطرد خطأ من اللاعب ، ويتحمل خطأه ، لأن الطرد مستحق ، فلو كان الطرد غير مستحق
أو كان اللاعب مصاب وانتهى التغيير كان للنصراويين وقتها عذر .

توهق ماجد ، وضاع بهدومه .
ثم تلفت شوي وحط حيله بالمطيري قال : اللاعب أصلا كان ناوي ينطرد ( يعني فيه خيانة في بني الأصفر )
هنا تدخل وليد الفراج وقال : كبيرة ياماجد .
تلخبط ابو الشباب وحاول يعدل : أنا ما أقصد انه ناوي ينطرد بهذا المفهوم ( يعني نبي قاموس لماجد ) قال :
اقصد توه أخذ اصفر ليش يمسك ياسر وهو يدري ان المسك فيه كرت اصفر .

النكته الثانية :
قال وليد الفراج : وش رايك بالليزر .
قال ماجد : المشكلة ان الكاميرا ما صادت الا اللي على الدعيع ، وانا شاهدت ليزر من جمهور الهلال .
وبعدين الليزر ما أثر على الدعيع والدليل انه ما ارتبك ولا تأثر .
قال عادل : بصراحة هذي ثاني مباراة ويجب أن يكون هناك حل .
ومار يقمز وليد الفراج من محلة ويغول عادل قال : يعني تبي نفتش الجمهور واحد واحد .
خاف عادل وقال : لا ياخي انا اقول هذا تصرف فردي ، ويرجع لثقافة الجمهور .

جا محمد فودة
ركز الفودة على احتكاك الخثران مع لاعب النصر وقال : هذي تستحق كرت أصفر .
وقف الفراج اللقطة ( لأن القناة حلال ابوه ) وقال : طيب يافودة ، وش تفسر فيه ان الحكم قريب ،
وزاوية الرؤية واضحة ، والكثيري فاهم القانون ( يبي الفودة يقول انه هلالي ) ، قال الفودة ، المخرج
انه يعطي اتاحة فرصة فما وقف اللعب .

ضربة الجزاء :
قال الفودة : لا يوجد أي احتكاك ولا وجود لضربة جزاء .
قال وليد : ولا لها مخرج .
الفودة : مالها أي مخرج .
وليد : اها يا فودة دور لها من هنا ولا هنا .

يعني عيني عينك إللي على الهلال يضخم ، واللي على غيره : دور له مخرج .

ما بدا فشل الحكم السعودي غلا بعد ظهور هالعالم الدايخة يديرون استديوهات لملايين المشجعين
والله زمن
والله قنوات
والله لجان للانضباط
اضافة رد مع اقتباس
  #2  
قديم 14/12/2007, 11:34 PM
زعيــم متألــق
تاريخ التسجيل: 09/07/2005
مشاركات: 1,483
في الصميم

شكرا لك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube