منذ بدايه المباره وهو ضاغط على الهلال حتى انه فى اى مشاركه عاديه تحسب على الهلال خطاء
ولما دخل الهدف كان بنتظر على احر من الجمر حدوث اى احتكاك عادى فى منطقه الجزاء ليحسب ضربه جزاء ولكن مذا نقول انه خليفه ابراهيم العمر الله لايذكره بالخير
الرياضه فى بلدنا للوراء لانه لايوجد كبير

الحكم فعلا اخطأ باحتساب ضربة الجزاء ،، لكن غيرها مااعتقد كان فيه خطأ مؤثر ،، وبالعكس لولا ضربة الجزاء الغريبه لكان الحكم نجم المباراة؟
ايضا خطأ الحكم مايعفي ان نشوف اخطأ لاعبينا ومدربنا؟

الله يطول عمرك
احتساب ضربه جزاء خاطئه هى اكبر عامل مؤثر فى المباره
وبالتالي يعتبر الحكم تدخل فى نتيجه المباره وبالتالي تنتفى منه اهم صفه فى الحكم وهى الحياد سواء كان قاصد او غيره

آآآآه ياقلبي

يالغالي مثل ماقال لك الاخ هلالي الربع الخالي الحكم كان ممتاز بمعظم قراراته الا البلنتي الخيالي الي حسبه ومانشكك بذمته

يبي يراضي الدلوع رئيس النصر

هذي المصيبه يوم يخسر يبدا على الهلال بالسب والشتم مع انها مباراة مل للهلال اي دخل فيها مثل مباراة الشباب واللحين يوم التحكيم معاه سكت ولا قدر يقول حرف يعني هذا اللي يثبت انه اكبر نصاب

حسبنا الله ونعم الوكيل

أحلى عنوان لكن آآآآآآآآآآآآآآآآآآه يالقهر

حنا مانشكك بذمته بس واضح انه خايف من التصاريح بعد المباراة والاتهامات الي تحتريه
ولا بلنتي على ايش كبس مااعتقد لانه مافي تلامس وحتى لو كبس المفروض فاول
ولاتقولون الخطاء الي على الحكم بس البلنتي
البلنتي الي حسبه بلقوله للهلال الين الحين صاجينا فيه رغم الن النتيجه كانت تعادل والهلال كان افضل في المباراة

ولاتنسى المفروض يطرد الشهراني مرتين يدخل على قدم لاعب الهلال

للأسف ضاعت علينا 7 نقاط

يا شباب حنا بشهر ذي الحجة,,,وانتم تتهمون الحكم



ياخوي لو انه قاصد,,,له رب يحاسبة



ورجاءً لا تدخلون بذمم الناس,,,والله حرام عليكم



كرة القدم كلها اخطاء×اخطاء



بالعكس اليوم الحكم ما كان سئ الى درجة التشكيك بالذمم,,,صحيح انه حسب بلنتي ظلم والبلنتي تسبب في خروج الهلال متعادل



لكن يا شباب ياما وياما طلعنا من بطولات بسبب التحكيم,,,



لكن ما نبي نصير مثلهم كل مباراة لازم يتهمون الحكام,,,سواءً جماهيرهم ولا ادارتهم



صراحةً ودي اشوفكم تكتبون(اذا كان قاصد فـ ربي بيحاسبة,,,واذا كان بدون قصد فـ الله يسامحة)



وصدقوني انه ما قصد,,,ابي كل واحد فيكم يتخيل ان الحكم اخوه ولا ابوه ويشوف الناس يتكلمون عليه هالكلام



وش بيكون موقفه ووش بتكون ردة فعله



ما نبي نشكك بالذمم عشان كورة



(((اللهم لا تحاسبنا بما فعل السفهاء منا)))

إقتباس مع الكثيرى نم ياضميري

الضمير ما نام .... الضمير مااات

والله يقهر ضيع علينا ثلاث نقاط

حسبى الله علية وعلى عمر المهنا لا تنسوة