#1  
قديم 14/12/2007, 03:53 PM
الصورة الرمزية الخاصة بـ رساوي برساوي
زعيــم مميــز
تاريخ التسجيل: 03/07/2006
المكان: الرس
مشاركات: 2,103
Exclamation جماهير الهلال في أنحاء العالم...&...حال الجماهير الى جوار الملعب

بسم الله الرحمن الرحيم

في البداية
كلنا زعيم
من الرياض
من القصيم
من الشرقية
من المدينة
من جدة
من الطائف
من الوسطى
من الشمال
من الكويت
من البحرين
من الامارات
من قطر
من عمان
من اليمن
من الشام
من افريقيا(ليبيا خصوصا)
من أوروبا وأمريكا وآسيا واستراليا

من كل مكان
الجماهير معتمده على الله ثم عليكم يا جماهير الهلال

وهناك من الجماهير من ينتظر قدومكم في الملعب
فالجماهير حضرت منذ وقت مبكر
وحالهم تمام التمام
وهم ينتظرون أخوانهم من كل مكان سواء من الرياض أو غيرها
تكفون تكفون تكفون
يالله امشو للملعب الحين

جماهير الرياض
فرصتكم للرد على كل منتدق لكم..بالعربي..سكتوهم
شلووون؟
تشوفها بالمقهى تبغاهم يسكتون؟
تشوفها بالبيت تبغاهم يسكتون؟
تشوفها بالاستراحه تبغاهم يسكتون؟
والله مايسكتون..ومعهم الحق.....اذا ماحضرتوا....

حديثي بالبداية خاص لأهل الرياض
لأنهم عودونا على دعمهم اللامحدود(بالحضور)
ورفعوا رؤوسنا بأكثر من مناسبة والتاريخ يشهد

ولا يهونون جماهير الهلال من كل منطقة
والان حديثي عام لكل الجماهير
ياناس
إجازة...تعرفون وش معنى إجازة؟؟..مالك عذر بالغياب
احضر..وشجع...وآزر.......هذا زعيم الكل

جايينك جايينك يا استاد فيصل بن فهد
ماعجزنا عن استاد الملك فهد بكبره
نعجز عنك!!!

يالله ياجماهيرنا
لحد يتعذر
ترا الناس بتحج وكثير يمكن مايحضرون المباراة عشان الحج
نبغاكم تبيضون وجيهنا

لحد يتعذر ويقول العساكر وتعاملهم
ترا حنا حضرنا أكثر من مره بالرياض
صح يصير فيه مضايقات بس مو لدرجة انكم ماتحضرون
لأنهم أصلا مايقدرون يضايقون اللي ماسوى شي.ولو ضايقوه مضايقات خفيفه ما تؤثر على جماهير عودتنا على الحضور..

واللي بيشوفها بمقهى أو استراحه << بصراحه..ماترفع الراس

نبغى الرجال اللي ترفع الراس..
أخوي مشى قبل شوي للرياض من الرس(400 كم)
وبيحضر ومعه كم واحد..
وواحد من الشباب يقول مشى بعد صلاة الجمعه للرياض
المسافه اللي بيقطعها 550كم
عاد أنتم يا 100 و200 كم ماتحضرون؟؟

نبغاكم تملون الملعب

=============
ثانيا:في الملعب

ملينا وحنا نقول لا تسكتون
لكن
عند الفرق الأوروبيه...الجماهير تحمس اللاعبين
عند الهلال....اللاعب اللي يحمس الجماهير
لأنه مانشوفهم يصفقون الا مع هدف أو كعبيه أو كوبري

لا مو كذا التشجيع

فيه حركتين بس للتشجيع
1-تصفق بهجمة فريقك.
2- تصوت(استهجان)بهجمة اللي ضدك.

وبس
ترا ماهنا صعوبه
وبعدين لا تنتظر من الجماهير تصفق عشان تصفق أنت
ترا كل الجماهير كذا
لا خل التصفيق يبدا من عندك

اذا معك 3 أو 4 اخويا
اتفقوا مع الهجمه نصفق ومع الهجمه اللي ضدنا نصفر
وبس وتشوف شلون كل الجماهير تصفق وتصفر معكم
لأنهم والمين بس يبغون واحد يقودهم...والله تراني صادز(صادق )
وأنت ياللي تسمعن
اذا سمعت اللي حولك يصفق أو يصفر
لاتكون من اللي يخربون علينا بالحضور
اللي جلوسهم ببيتهم أحسن من حضورهم
اللي يحضرون ويكونون عاله على الفريق
لا
خلك من اللي يرفعون الراس
على طول صفق وصفر معهم
وبكذا كل الجمهور بيصفق ويصفر
تكفوووووووووووووون

تشوف أسد المدرجات؟
ابراهيم حقوي الله يجزاه خير ويوفقه بكل مكان
والله يتعب عشاننا
ويحتاج ناس يتعاونون معه

والله ثم والله اذا سويتو اللي قلت لكم
والله ان تسوون اللي ماسواه حقوي

والله الحماس هذا المفروض يكون عشان الصدارة أكثر منه عشان النصر


ختاما وباختصار
نبغى جماهير ترفع الراس
قم شغل سيارتك وحرك للملعب حتى لو أنت بالمريخ
هذا الزعيم مهب أي نادي


وشكرا
أرجو الرد لرفع الموضوع عشان تشوفه الجماهير
اضافة رد مع اقتباس
  #2  
قديم 14/12/2007, 03:57 PM
زعيــم فعــال
تاريخ التسجيل: 24/07/2007
مشاركات: 398
كلامك صحيح ..


يلا يازعماء هزو المـلعب اليوم يومكم ..


وان شاء الله الفوز للزعيم
اضافة رد مع اقتباس
  #3  
قديم 14/12/2007, 04:26 PM
الصورة الرمزية الخاصة بـ رساوي برساوي
زعيــم مميــز
تاريخ التسجيل: 03/07/2006
المكان: الرس
مشاركات: 2,103
مشكوره لهفه على الموضوع

والعشم في الزعماء
ما يقصرون ان شاء الله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:04 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube