|
كيف بدات تشجع الهلال اخواني اعضاء منتدى الزعيم وشرايكم نتسلى شوي ودي كل عضو يحكي لنا قصة كيف اول مرة بدا يشجع الزعيم ثم بدا يعشقة انا ابكون اول واحد يبدا انا بصغري كنت قروي عائش في قرية لاتعرف كورة ولا اي شيء من الحضارة وعند الصف خامس ابتدائي انتقلنا الى الرياض وبدات اتاقلم مع الحياة الجديدة وكنت اسمع هلال ونصر ولكني لم اعطي بال للكرة وفي ذات يوم احد اولاد حارتنا طلب مني ان نذهب للملعب لنحضر مباراة بينالنصر والهلال وكنت وقتها لااعرف الوان الاندية ولا اميز بينها وكان رفيقي يشجع النصر وبدات المبارات وقتها سالني رفيقي منتشجع قلت لة معك فال يعني النصر قلت لة الى لابسين ازرق وابيض قال هذا الهلال فلت مادري لكن فلبي مال لهذا الفريق اوبس وكان في هذيك المبارات يلعب ناجي والغول ووقتها فاز الهلال وقال صاحبي لاعاد تجي معنا هذا وسلامتكم وكل عام وانتم بخير |
اجل احمد ربك انك شجعت الهلال علشان تذوق طعم الفوز دائما:) ولا كان بلشت بعمرك وجاك الضغط والسكر:) اما من ناحيه قصه تشجيعي للهلال فمافيه قصه غير اني شفت فريق بطل يحقق بطولات ولاعبينه نجوم فانجذبت ناحيته وحبيته والحمدلله اني شجعته ولا كان الحين اتحسر اني اشوف هالفريق يحقق البطولات وفريقي متغربل:) لكن حب الهلال شي غريب انك اذا حبيته صعب انك تقدر تتركه مهما حاولت وانا حاولت لكن كان هالشي مستحيل ليه ماادري:confused: |
اخى العزيز ..تقول كيف بدأت تشجع اليكم اعزائى البداية كان اخوانى الله يجزاهم خير يشجعون العلال وانا عمرى ذاك الوقت اربع او خمس سنوات تقريبا المهم كلهم كبار ودايم يشوفون مباريات الهلال ويتحمسون وانا اشوف وش ذا الفريق ولية يسوون كذا سئلات اخوى ذاك الوقت قلت وش ذا الفريق هذا المنتخب لانى ما اعرف الا المنتخب بس قال هذا وانا اخوك الهلال وصرت اشجع ذا الفريق وانا مدرى وش الطبخة بس علشان يصير لى صوت مع اخوانى وانى على بالى اشجع شوى شوى وبديت افكر والله ياالربع قمت اتابع بدون ما اجلس مع اخوانى واذا ما نقلوا المباراة اسئل اخوى من اللى فاز وكان اخوى الله يذكرة باالخير يستانس اذا شافنى اشجع المهم واحب الهلال حب حتى ان جيراننا نصراويين ويقهرونى لانهم ثلاثة ويتجمعون على وانقهر من جد واروح اصيح احيانا واذا انهزم يعيرونى ولكن اصبر واذا فاز اروح ادور فى الشوارع لو نص الليل ادورهم من اللى انا كنت احس بة وبعد ما كبرت شوى وبدت تطلع الرياضية قام يجيب الجريدة واقرا واتفهم وتخرجت من سادس ورحت للمتوسط وصار هناك بقالة قريبة تبيع جرايد وقمت اشترى الجريدة بنفسى وشوى شوى الين سقت وقمت احضر المباريات والتمارين الى ان اخذت العضوية وهذا انا الان بينكم احد اعضاء المنتدى .......... ................. ........................ ............................... واسمى الازرق الصغيــــــــــــــــــــــــــــــــر واشكر اخوانى وعيال الجيران اللى خلونى احب الهلال واتحمس واموت فى شى اسمة ازرق وزعيم ,,,,,,,,, اتمنى ان تعجبكم قصتى وشكرا لكم جميعا وشكر خاص لابو طرفا اللى جاب هذا الموضوع وتقبلوا تحياتى |
شكرا الاخmooon15 على تجاوبك وانك صادق مااحد يقدر انة يبطل تشجيع الهلال بعد ماتعلق بة....ادمان شكرا الاخ الازرق الصغيرمن الاعماق نتمنى تجاوب بقية الاعضاء بدون احراج |
تبون قصتي هذي هي بديت حياتي في أمريكا ولما رجعت لرياض كان عمري وقتها خمس سنوات وكانوا عيال عمي هلاليين وعيال خالي نصراويين وكل ما رحت لعيال عمي قالوا شجع هلال وإذا رحت لعيال خالي قالوا شجع نصر وبحكم طيبة قلبي فأناء هلالي مع عيال العم ونصراوي مع عيال الخال أستمريت على هذا النهج حتى تخرجت من الأبتدائي عندها قررت أن أشجع فريق واحد فشجعت الهلال لكثرة بطولاتة وكان ذالك عندما حصل على البطوله لأسيويه أمام ناغوياالياباني |
عندما كنت في الخامسة او السادسة من عمري كنت اشجع النصر (ايام الهريفي وماجد)وفجأة بدأ النصر يتدهور ..وفي بطولة من الدوري فاز الزعيم الاسيوي على النصر ومن ذلك الوقت اصبح دمي ازرق.واتذكر كان عندي تكميلة حقت الهلال وكان رقمها15حقت ابويعقوب ولازلت حتى اليوم محتفظا بها............ |
اما من ناحيتي انا فهي قصة طويله. العائلة كلها متدشدين تثراويين سابقا .... متقاعدين وضايقة صدورهم حاليا ....... المهم ... الا واحد من عيال عمتي (( لاعب هلالي سابق )) كان عمري ذيك الايام 8 سنوات .... كل ماجيت اسلم عليه يقولي وش تشجع اقوله ابوي يقولي قل نصر .... ويقولي وش تبي في النصر .... اقوله مدري ..... يقولي طيب لما تناظر فوق وش اللي يعور عيونك الشمس مع السماء والا السماء مع النجوم ... اقوله الشمس مع السماء ثمن يقولي الشمس والسماء النصر .. وقوله طيب من السماء مع النجوم يقولي الهلال ... وعلى ه الحال لين جاء يوم وقالي ابوي وهو متفاخر بمجد سوف يزول قدام عماني جاكم النصراوي قلته وانا ارتجف لا انا احب الهلال .. وتقلبت عيونه وتغير وجه .. ومن بعدها اشتعلت الحرب في البيت الوالد من جه وانا من جه ثانية ..... وبعد 17 سنة من الحرب انتصرت انا بحيث اصبح البيت كله هلاليين الا هو صار يشجع المنتخب ...... |
اممممممممم والله ما اذكر بس الظاهر كنت اغير المحطات وشفت يوسف الثنيان جايب هدف وطاير من الفرحه وجماهير الهلال وووووووووواجد ومغطيه المدرجات جلست اشاهدواني متحمسه للهلال.وبعدين صرت اتابع مبارياته يعني بس اسمع اسم الهلال اتحمس وقلبي يدق:) كان عمري تقريبا..حوالي 8 او 9 والحين ما اشجع الا الزعيم |
أنا وكما هو معلوم مولود في سويسرا وفي يوم من الأيام كنت اللعب مصاقيل في جنيف وأخواني يتابعون مباراة فيها ريفو ومن ذاك اليوم وأنا مجنون هلال لأن ريفو مو طبيعي وكذلك أخواني وكذلك الزعيم |
احمد ربك انك هلالي احمد ربك انك هلالي . علشان تفرح دوم. با الانتصارات الهلاليه. وشكرا.. |
بالنسبه لي وهذا العشق الابدي الرائع بدأ صدفه 0 ماكان فيه احد من عائلتي يحب الكورة اصلا ، اما رجال العائلة فما لهم غير المنتخب يشجعون الأخضر في كل مكان0 كان عندي صديقتين في المدرسة وهما جيران في البيت ، احداهما تشجع الهلال لأن اخوانها الذكور يشجعن الهلال والأخرى تشجع النصر لأن اخوانها ايضا يشجعن النصر، كانت الهلالية اقرب لنفسي من النصراوية وكانت دائما تحدثني عن المشاجرات التي تحدث بين اخوتها واخوت صديقتي الأخرى بسبب الهلال والنصر000 ولأني احبها اكثر كنت اقول لمن يسئلني اي نادي تشجعين ، اقول الهلال وانا لاأعرف لاهلال ولا نصر0 وفي عام 1408 رحلت صديقتي الهلالية مع اهلها وتركتني ، وفي ذاك العام فاز الهلال بإحدى البطولات وجاءت احدى البنات وسئلتني عن اي نادي اشجع فقلت لها على الفور : الهلال فردت علي وقالت انا لاأحب هذا النادي لأن الأميرات يشجعن هذا النادي:confused: :confused: ومن هم الأميرات ألسنا بشر ؟ وبالعكس هذا سيزيدني حبا بهذا النادي لأنه نادي النخبه00 وكل الناس ستشجع الفريق الذي يحقق البطولات00والهلال يحقق البطولات00 ومن يومها اصبحت اتابع الهلال وكل يوم يزيد حبي لهذا النادي ، واحمد الله اني شجعت الهلال0 |
انا اللي اعرفه اني هلااااااااالي |
أحلى صدفة مقصوده في حياتي .... قصتي جات بالصدفة (وصدقوني أحلى صدفة في حياتي) كنت في سادس إبتدائي قبل 8 سنوات وأشجع الوحده السعودي طبعاً أيام عز عبدالله خوقير، حاتم خيمي، عبدالستار أدماوي، عبيد الدوسري في الناشئين ......... المهم كنت في الفصل حتى أذكر كان 6/ د وكان عيال الفصل هلال ونصر بس.. قال واحد منهم يا fam666ous ورا ما تشجع النصر؟ طب الثاني قال لا.. ورا ما تشجع الهلال ؟ المشكله كلهم أخوياي ... قلت لهم في حل وسط .... نسوي قرعه والفريق إللي يجيني في الورقه هو إليي أشجعه... وافقوا كلهم .. بدأت القرعه وكنت (مزبن) في يدي ورقة مكتوب عليها (الهلال) وسويت نفسي أطلع ورقه من الكوب وطلعت الهلال .. المهم أكثر من نص الفصل قالوا (هيييييي) فرحانين إني هلالي .. ومن بعدها تغيرت حياتي صرت ما أشتري شنطه إلاّ زرقاء .. قلم رصاص أزرق .. دفاتر زرقاء حتى في الفسحه كنت آكل (سندوتش جبن أزرق).. تحياتي لكم زرقاء اللون بلون زعيمنا الغالي |
موضوع جيد وشيق قصتي مع الهلال فوق الوصف فقد واجهت مواقف صعبه لتحويلي لتشجيع النثر ولكن كلها بأت بالفشل فقد كان لي عيال عم في القصيم وكنت انا عايش بالرياض واذا رحت للقصيم كانوا كلهم يشجعون النثر وكنت انا واخوي الكبير هلاليين مثل الوالد واذا جت مبارات مايدخ الغرفه الا نثراوي بس ( وكان التلفزيون في ذاك الوقت صعب وقليل في المنطقه بحكم التقيد الديني والالتزام ) اخوي الكبير من كثر الضغط عليه وشوقه لمتابعة المباريات والتلفزيون تحول الى تشجيع النثر وانا استمريت على عنادي لهم فترة طويله وبالاخير كسبت الجوله معاهم وبديت ادخل معهم للغرفه اذا جت مبارات . بس بعد ما طافت علي كثير من المباريات ومن ضمنها مباراة الهلال والنثر .........وشكرا . |
طيب انا والله قصتي على النحو الاتي: كنت احب شي اسمه كابتن ماجد وامنووت فيه المهم جاء يوم ولد خالتي يقولي ترى كابتن ماجد مه الهلال ومن ذاك اليوم وانا هلالي |
| الوقت المعتمد في المنتدى بتوقيت جرينتش +3.
الوقت الان » 06:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd