[ هاتريك لـ ابو سعيد يوم الجمعه يعني .. وطلبتكم يا جمهورنا لا تردون عليهم ! ] - نادي الهلال السعودي - شبكة الزعيم

a7b_yasser · #1 13/12/2007, 10:15 AM

..

السلام عليكم ورحمة الله وبركاته ..

منب مكثر هرج عندي كلمتين ودي اقولهن واطس ..
كلنا نعرف ان مباراتنا مع النصر يوم الجمعه مفترق طرق ..
والفوز فيها يعني اكثر من الحصول على ثلاث نقاط ..
الفوز بـ اذن الله يعني :

1 / يصير عدد نقاطنا في الدوري 22 من 9 مباريات بينما الاتحاد صاحب المركز الاول يملك 25 نقطه من 12 مباراة معناتها نقرب للصدارة بـ شكل كبير ..

2 / التقدم على النصر بـ عدد مرات الفوز يصر لنا 49 فوز مقابل 48 لهم ويعني دق خشوم كـ عادة الزعيم .. على الطاري اسمع النصراويين يقولون انهم متقديمن علينا بـ مباراتين يبتلون ذولا من طلعت من بطن امي وهم يقولون مباراتين خخخخـ ..

3 / الفوز على النصر بـ هالمباراة يعني عند الاعبين شي كثير منها كسر حاجز الرهبه من كونها مباراة ديربي فـ الفوز عليهم ذهابا هالموسم وذهابا وايابا الموسم اللي راح وايابا الموسم اللي قبله يعني الفوز بـ خمس ديربيات متتالية .. بالله وش هالديربي خخخخخـ ..

ومن ناحيه ثانيه قاعد افكر اليوم لو ابو سعيد سجل هاتريك يوم الجمعه وش يصير ..
يصير شي فله وافلل شي بعد ..

منها نفوز ويتحقق اللي نبي وهي الخرط اللي كاتبه فوق ..
ومنها يرتفع رصيد ابو سعيد الى 8 اهداف ويصبح بـ صدارة هدافين الدوري ..
ومنها استهبال وذب ونمسكها على النصراويين لـ يوم الدين ..

دعواتكم يا شباب يصير هـ الشي والله بـ نستفيد من كل ناحية ..

وفيه موضوع ودي اتكلم عنه بعد ..
تدرون يا شباب اننا بـ العشر الاوائل والفضل فيها يعادل العشر الاواخر من رمضان ..
الاكيد ان بـ الملعب جماهير النصر بـ تردد كلماتهم القذره كـ عادتهم بـ كل ديربي ..
موب لازم نرد عليهم و على قولتهم ما ضر بحر الفرات يوماً أن خاض بعض الكلاب فيه ..
يعني لو ينابحون لين يقولون بس والله موب ضارنا شي ..
فـ اطلبكم يا شباب خلوهم ولا تردون عليهم بـ هالايام الفضيلة ..
الله يوفقكم يا عييلي ويصلحكم يالله حسن الخاتمه بس .. <- اعجبه دور النصح ..

وبـ التوفيق للزعيم ان شاء الله ..

..

هلالي لا تحداني · #2 13/12/2007, 10:37 AM

إقتباس

الرسالة الأصلية كتبت بواسطة a7b_yasser


	ومنها استهبال وذب ونمسكها على النصراويين لـ يوم الدين ..الله يوفقكم يا عييلي ويصلحكم يالله حسن الخاتمه بس .. <- اعجبه دور النصح ..

كلام جميل يأخوي

عاشق كريستيانو@ · #3 13/12/2007, 10:47 AM

اهم شي الفوز
مو مهم ميييين يسجل

الزيرابوعزيز · #4 13/12/2007, 10:55 AM

كلام جميل
وخصوصا مسالة العشر الاواخر
جزاك الله خير
ويعطيك الف عافية

خميس عطيه · #5 13/12/2007, 10:57 AM

صدقت مشكور حبيبي ..

موضوع يفتح النفس

nnbbnb · #6 13/12/2007, 11:04 AM

صدقت مشكور

فنون700 · #7 13/12/2007, 11:29 AM

صـــــــــــــح كلامك

a7b_yasser · #8 13/12/2007, 12:10 PM

..

ألف شكر للجميع ..

..

بـريداوي هلالـي · #9 13/12/2007, 12:12 PM

إقتباس

الرسالة الأصلية كتبت بواسطة a7b_yasser


	.. 2 / التقدم على النصر بـ عدد مرات الفوز يصر لنا 49 فوز مقابل 48 لهم ويعني دق خشوم كـ عادة الزعيم .. على الطاري اسمع النصراويين يقولون انهم متقديمن علينا بـ مباراتين يبتلون ذولا من طلعت من بطن امي وهم يقولون مباراتين خخخخـ .. ..

أخوي انت غلطان بشي

عدد الفوز

للهلال

49

للنصر
48

وكانت اخر مرة هي الي تقدمنا عليهمـ

• مزاجي هلالي • · #10 13/12/2007, 12:23 PM

وانت صاج وانت صاج

والله يوفق الزعيم

كلك 9 ذوق52 · #11 13/12/2007, 12:59 PM

من قال أصلاً أن فيه ديربي بينا وبينهم .. !! التنافس منتهي من زمااااااااااان من سنين ومباراتنا مع النصر زيها زي الوطني ونجران والطائي ثلاث نقاط ، الكـلام على الوحدة والأهلي والاتحاد والشباب ..

منيف الزناتي · #12 13/12/2007, 01:43 PM

مع أني خايف بس يارب يفوز الهلال

a7b_yasser · #13 14/12/2007, 01:31 PM

..

ألف شكر للجميع ..

..

جمجوووم..} · #14 14/12/2007, 01:42 PM

إنشـآء الله ياسر يسجّل ياربّ .. والاهم ان الهلال يفوز