المسطل : هو من يرجع أصله لعائلة السطول العريقة و أصلها يرجع إلى العصور الوسطى و قد أطلق على هذه العائلة هذا الاسم نتيجة لأن أفرادها يتميزون بالعقول المخرفة و النعسانة وذلك يرجع إلى تأجير الدور العلوي و الترفيع بالمواد المسكرة و المخدرة ....

المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم


المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

الشخر المخر أو أبو مشخر ! : من نفس فصيلة المنسم


السلنتح : قليل الأدب


جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب


مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي وعادة يكون قوي البنيه( يعني مايطرحونه عشرة)...!!...ويصدق أي شيء يقال له


الفاهي : هذا الله يخلف مهما تقول له أو تصارخ عليه تلقاه فاتح ثمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....


العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه

العربجي : [يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال زبيرية و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري

وغدأ نكمل باقي الكلمات من مرجوج وقحيطي ومطفوق لآنه اذن الظهر ولا بارك الله في عمل يلهي عن الصلاة ....

حلوه بس بدون فضايح.

مشكووور اخوي على هذي الكلمات..
بالنسبة للعربجي..حتى انا سمعت انها تقال للشخص اللي يسوق الحمار(اعزكم الله)..بس هذا المعنى هو في بعض الدول..يعني ماهو عندنا ..
تحياتي لك..

ههههههههههههههااااااي حلووووووووة يالـمطفوووق