السلام عليكم ورحمة الله وبركاته؛؛؛

تحيه عطرها لكم أيها الزعماء...



ما أبي أطول عليكم وآخذ من وقتكم بس لفت إنتباهي اليوم



منتدانا كله على طارق التائب طيب أنا ابي أسأل سؤال بس...



معقوله زعيم آسيا معتمد على لآعب واحد بس...!!!؟؟؟



لنفرض جدلآ إن طارق ماراح يلعب وهو فرضيآ لأنه لحد الآن



ما أُعلن شئ رسمي بهالخصوص معقوله بيهزمنا النصر...!!!!



بسبب طارق...!!!




إن كان فريقنا بيعتمد على لآعب واحد بس ان شاء الله عمرنا



ما ناخذ بطوله...!!!




هذا شئ...




الشئ الثاني وأحب اذكركم يازعمآء ترى لعبنا مع متصدر الدوري



الإتحاد وطآرق مالعب ولو لآ قدرة الله كان فزنا بسبب إضاعة



البلنتي....



الإتحاد وإحنا بدون طارق وبدون (( ليلو )) تعادلنا معاهم ولو



ربي كتب وجا البلنتي كان فزنا...




الإتحاد اللي بغينا ندق خشومهم لو لا توفيق الله راقع النصر ((5))



بعدين هل من العقل والمنطق نقآرن الهلال بالنصر...!!!!!!!!!!!




ياجمآعة قسم بالله تراهم كديش مجمعه وأكبر دليل كابتنهم من هو



أحمد البحري لو جا للهلال بيطقها أسآسي...؟؟؟؟؟؟



أبي لاعب واحد بس من هالكديش النصراويه تقارنونه بلعيبتنا



جلست أحك راسي قسم عجزت لاالقى وصدقوني لو تحكحون



رووسكم لين ماتصلعون والله ماتلقون




أحسن لاعب عندهم سعد الحارثي تحطونه مكان افضل لاعب



بآسيا...!!!! طبعآ لآ والف لآ




نهاية كلامي يازعمآء لاتعطونهم أكبر من حجمهم...




وخلو ثقتكم بالله سبحانه وتعالى ثم بلآعبينكم كبيرهـ تكفون



لاتحطمون اللعيبه...





إللي عليكم وسووهـ تكفووووون وهو الحضور و (( التشجيع ))



وليس الحضور فقط والباقي على الله.



وأهم من هذا كله دعواتكم للزعيم.







دُمتم بود.

الكبير كبير وطارق معروف..

لي عودة للرد على الموضوع الرائع..

يعطيك العافيه.

صدقني انا اطمئنيت يوم جاء ليلو .. يعني الحين ماتفرق معي اذا لعب طارق ولالا .. لان البديل كمان جاهز ( الكلثم ) وبديل طارق بالابداع والفن ( ليلو ) ..

ويجب اننا مانكبر راس ياسر شوي وايضا يجب اننا مانستخف بقدرات لاعبين النصر ..وبعدين تنقلب علينا


والحمدلله الحين الهلال لايعتمد على لاعب صحيح نبي طارق يلعب بس مب بيدنا .. واللي موجودين خييير وبركه

مهما كان الخصم من المفترض ان لايستهان به

لان هذا مو بصالح الفريق

والنصر مافيه اي اختلاف على ان النصر فريق قوي مصنف من الاربعه الكبار

بالتوفيق للهلال يارب ويفزون في هذي المباره المهمه للهلال

النصر نادي كبير ..


وصدقني طارق نجم ومكمل للكتيبة الهـلالية ..



وأتمنى من جماهير الرياض الحظور ..


أختلف معكـ في بعض النقاط ..


تحياتي لكـ

أقول لا تقعد تتكيبر ( الله هما أبعدني وأبعد كل هلالي وكل مسلم عن الكبر)

إقتباس بعدين هل من العقل والمنطق نقآرن الهلال بالنصر...!!!!!!!!!!! ياجمآعة قسم بالله تراهم كديش مجمعه وأكبر دليل كابتنهم من هو أحمد البحري لو جا للهلال بيطقها أسآسي...؟؟؟؟؟؟ أبي لاعب واحد بس من هالكديش النصراويه تقارنونه بلعيبتنا جلست أحك راسي

إقتباس النصر نادي كبير ..

لايـاشيـخ ولـه تـآآريخ بعـد آقــول لايكثـر بس
قسم ع قولة الرجـال كلـهم كديش مجمـعه هع هع

بس يوم لعبنا مع الإتحاد ترى لعيبة الإتحاد ما قدموا مستوى ولا العبوا لعيبتهم الأجانب المرعبين وكان كيتا يلعب مصاب و نور ماهو بمستواهـ
قالها ابو يعقوب يوسف الثنيان بصريح العبارة : لا يصنع الفارق بالهلال الا طارق .. هو اللي شايل الفريق

يارجال النصر فريق كأي فريق في الدوري لازم نحترمة

وبإذن الله نــــفــــوز عليه

ثقتنا بالله قوية ونصيحة لك انصحها ابعد عن (التريقه) وموضوعك فيه غيبة بشكل واضح الله يهدي جميع المسلمين

الانسان حيث ما يقدر يعمل خير فلا نجعل في كل موطأ لنا خطيئة

شكرا لك وسامحني

اخوي ياريت نحترم الخصم مهما كان مستواه ماله داعي السخريه حتى لو كان هذا اسلوبهم

نحن زعماء نسمو باخلاقنا قبل مانسمو بمستوانا في الميدان (( نتواضع عند الفوز ونبتسم عند الخساره ))

هـكـذا هـم الـزعـمـاء وهــذا اللي يـمـيـزنا عـن غـيـرنا ...

إقتباس الرسالة الأصلية كتبت بواسطة Coppuccino ثقتنا بالله قوية ونصيحة لك انصحها ابعد عن (التريقه) وموضوعك فيه غيبة بشكل واضح الله يهدي جميع المسلمين الانسان حيث ما يقدر يعمل خير فلا نجعل في كل موطأ لنا خطيئة شكرا لك وسامحني

هلاوغلا اخوي اول شئ منور

انا مااتريق ولا اغتاب انا اقارن بين لعيبتنا انا ابي اعرف بس

وين التريقه والغيبه...!

عمومآ يالغالي منور وشاكر لك مرورك وتعليقك

بالتوفيق للزعيم

إقتباس الرسالة الأصلية كتبت بواسطة س ه م أقول لا تقعد تتكيبر ( الله هما أبعدني وأبعد كل هلالي وكل مسلم عن الكبر)

مشكله بعض الجمهور التفكير عندهـ سطحي....

عمومآ شاكر لك مرورك اخوي...