السلام عليكم





مااعتقد اللي قاعد يصير شي مرضي .....


الهلال في الرياض في أرضه فقط وليس بين جمهوره ولو كان بين جمهوره لرأينا الجمهور ...




اذا مباراة الهلال والاتحاد لم يتواجد الجمهور فمتى سيتواجد ؟؟

سمعنا أعذارهم جمهور الرياض :


1) يقولون برد ......... طيب الكل يعرف الجو في تبوك كيف ,, البرد هناك مو طبيعي ومع كذا الجمهور الهلالي هناك عبى .

2) يقولون بالبيت او بالقهوة اريح وتشوف الاعادات ....... طيب الراحة الاهم راحة اللاعبين لازم نحمسهم ولازم نتحمل عشانهم ترى لوكان في بطولة للهلال الجمهور اكيد واحد من الأسباب .

3 ) يقولون ان المناطق الثانية في المملكة مايجيها الجمهور الا مرة في السنة ........ طيب ليش عند الاتحاد والنصر مانشوف هالشي هل معناتها ان جمهورهم اكبر من جمهور الهلال ؟

وطبعا غير هالأعذار كثير .........


انا والله مو قصدي اتهجم على جمهور الهلال بالرياض والله انا اعتب عتب المحب

لان في النهاية احنا كلنا ننتمي لنادي كبير زعيم زعماء اسيا ....




وتقبلوا عتبي وشكرا
أخوكم هلالي بالشرقية

حتى جمهور الشرقيه فاشل


امس جمهور النصر ملا ملعب الراكه وانتم مامليتو الواجهه




اخوي تبينا نقيسها كذا

ترا مايصلح الكلام هذا ترا كبرتو الموضووع

قبل هالمباراة بأسبوع وحنا ننادي ونصيح ونشجع على الحضور وأنا من سكان الرياض وبعد حضوري أمس ومشاهدة الحضور المخجل أعلنها بملئ الفم جمهور الهلال بالرياض يفشل والضرب في الميت حرام وحنا القلة القليلة إن شاء الله سنستمر بالحضور عشان مايجي يوم من الايام ويصير جمهور الشباب أكثر مننا, ولكن أملنا فيكم ياجماهير مناطق المملكة الأخرى لتحفظو ماء وجه جماهيرية الهلال

وش نسوي مع جمهور الاعبين

جمهـور السنه ما يقـارن بـالسنة الي راحـت .. اليوم شفـت اعادة مبـارة الهـلال و الأتفـاق الي فـاز الهلال 2-0 سجلهـا يـاسـر .. الجمهور غيـر طبيعـي << أكـثـر من مـبـارة الهـلال و الاتحـاد !!!!!

وكـذالكـ مع الحـزم في الإستـاد كـأس ولي العهد كـان الجمهور اكثـر من مبـارة نجران الي الي انهزم الهـلال 2-1 كان المفروض من الجمهور الحضــور لينـسي لاعبي الهـلال الآسـيوية ..

.. لكـن لا حيـــاة لمـن تنـادي ..

إقتباس الرسالة الأصلية كتبت بواسطة عز الرياض هلالها حتى جمهور الشرقيه فاشل امس جمهور النصر ملا ملعب الراكه وانتم مامليتو الواجهه اخوي تبينا نقيسها كذا ترا مايصلح الكلام هذا ترا كبرتو الموضووع

صادق اخوي ازعجونا جمهور الرياض جمهور الرياض جمهور الرياض الاعب رقم واحد مع احترامي لكم تبي جمهور الرياض يسير مثل جمهور الرس اللي فشلونا

ياخي انت مندس وبمواضيعك شوهت منتدى الهلال


وين المراقبين عنك بس

اقوووووووووووووووووول

امررررررررررررررررررح بس

كبرتووووا الموضوع

هذولا أبناء الرياض

إذا جاء وقت الجد لايبقى إلا هم

شاء من شاء وابى من أبى

واللي يأبى
.
.
.
.
.
.

.
.
.
.
.
أقرب جدار مع إحترامااااااااااااااتي

والله انك صادق

وبالنسبة لمباريات دوري أبطال آسيا أغلب الحضور كان من برا الرياض

اقول انت اللي فشلتنا بموضوعك اللي يشعل الفتنة بين اعضاء المنتدى

كل هلالي يجب ان يفــخر بأن فريقه هو صاحب الشعبية الأكبر في كل مناطق المملكة

بعدين فيه بعض الاعضاء ما تستحي على وجهها تضرب مثل بحمير جحا

كل ما خشينا منتدى لقينا الهمز واللمز في جمهور الرياض واشعال الفتن بين اعضاء المنتديات

يعني وش تبون ؟؟؟ تبون المباريات تنقل من الرياض ؟؟؟

باختصار شديد معصي ,,,,

والله صدقت لكن مباراة الهلال والاتحاد اظن ان الجمهور كان مرضي نوعيا لكن الباقيين ياتونها مرة في السنة

قهر ليتني بالرياض ..!!

انا كمشجع هلالي في الرياض ظروفي ماتسمح لي أحضر اي مباراة

واذا حضرت ندمت لأن اكثر الموجودين أطفال دخان وفص فص وتلعين وقلة حياء

يا اخوان خلاص كلنا هلاليييييييييييييين

للمرة المليون اقول هذا مجرد عتب محب


,,,,,,,,, ولكن اتفاجأ باللي يقولي مندس واني اثير الفتنة ومفشل الهلال ..... وانا ساكت ولارديت




ودي نتناقش بدون التجريح .....

يعني لازم تكون وجهة نظري موافقة لهم او غير كذا اكون مندس (( سبحان الله ))



عالعموم انا أتأسف لأي احد ضايقته بكلامي


لكن والله من حبي للهلال وانشالله جماهير الرياض تعوض النقص في المباريات الماضية بمباراة النصر ونفوز انشالله