بسم الله الرحمن الرحيم أحبائي الزعماء أول شي ألف مبروك فوز الزعيم اليوم الغير مستغرب والمستوى الحلو الي قدموه اليوم أمام الأتفاق وجميع الاعبين ما قصرو ويعطيهم ألف عافية وهذا الي نتمناه دوم والله يوفق الزعيم يارب العالمين ,,,,, أما بخصوص موضوعي وهو عتب كبير على جماهير الهلال بالعاصمة الرياض الي مستغرب منهم بكل صراحة عدم حضور المباريات خاصة أن كل مباراة للهلال تعتبر نهائي وبكل صراحة لاعبي نادي الهلال صارو يعطون جماهير الهلال بالرياض دروس مجانية ويعلمونهم أحنا جالسين نفوز لجل تحضرون ولكن لا حياة لمن تنادي ,,, ولا أخص بكلامي الجماهير التي تحضر والي هي غيوره وتعشق الكيان الأزق وتبي تتمتع وهي تشوف لاعبينها تبدع بأرض الملعب ,, والغريب من جماهير الهلال بالرياض أنهم مستخسرين قيمة تذكرة حضوره للملعب لسبب يا أنه يروح مقهى ويطقها معسل والا تاكي مع أخوياه بأستراحة وطاقينها طائرة وألا غيرها ويشوفون المباراة بالتلفزيون !!!! أجل ليش تطالبون الزعيم يجيب لكم بطولات دام هذا هو النظام !!!! والمشكلة الأكبر أنهم ما يحضرون إلا مباراة النصر وأحتمال ما يحضر جمهور كبير بهالمباراة ,,,, لكن أتمنى ثم أتمنى إلي عنده حب لهالكيان يروح للملعب لأن الاعبين يتمنون أن الملعب يمتلي ولا ينسون هالجمهور أن الدوري هالسنة هو نقاط ,, بكل صراحة بعد هالي نشوفه من جماهير الهلال بالرياض ما أقول إلا يالبى قلوبكم يا جماهير الشرقية وجماهير تبوك وجماهير القصيم وغيرهم إلي ما يرضيهم إلا أنهم يشوفون الملعب ممتليء ولو كانت المدرجات بهالمناطق كبيرة كان ما قصروا وحضرو بكثرة ,,, ولكن ما أقول إلا جملة وحدة بس ( يا جماهير الهلال بالرياض غاروا من جماهير الزعيم بالمناطق الثانية إلي ما تقصر مع زعيمها وخلو المعسل والأنسداح والبخل بقيمة تذكرة يفيدكم ) وأتمنى لو تكون جميع مباريات الهلال خارج أرضها لجل إرضاء الجماهير الي ودها تشوف المتعة بالمناطق الثانية ودعوا جماهير الزعيم بالعاصمة يكمل نومه . ودمتم بود ,,,, |