|
مــديــنــه بــ 165 الف نسمه فقط .... وحضور دائم بـ 22 الف متفرج ( خذوا العبره ) ليفركوزن هي مدينة تقع في ولاية نوردراين-فيستفالن في غرب ألمانيا. يبلغ عدد سكانها حوالي 165,000 نسمة فقط !!! وتخيلوا في كل مباراة تقام في ارضهم يكون الحضور ممتلىء مايقارب بـ ( 22.000 ) متفرج وهذا هو الحد الاقصى للجماهير في هذا الملعب http://farm1.static.flickr.com/172/3...2a72fb.jpg?v=0 يبقى السؤال لجماهير الرياض ،،، ليييه مانشوفكم تملون المدرجات؟ انا عارف ان البعض راح يقول هذولا 22.000 عدد قليل ،،، لكن شوفوا كيف كل مباراه يكون الجمهور بهذا الشكل ... انا ودي اشوف ( الملز ) يكون بهذا الشكل ،،، سواءً في اي مباراه ( النصر ، الاهلي ، القادسيه ، الاتفاق .... الخ ) . وحتى ( استاد الملك فهد ) ... لاتقولون هذولا الالمان ومتطورين وافضل مننا ،،، ترى الي بيقول كذا اسمحولي اوقفه عند حده .... اذا كان المنتدى عدد اعضاءه ( 250.000 ) ،،، واذا كان عدد سكان الرياض 5 مليون .... ولنفترض عدد الهلاليين مليون والي يقدرون يحضرون ( 500.000) كحد ادنى .... اعيد واكرر ،،، ليه مانشوفكم في المدرجات ؟ ترى كلنا ولله الحمد متوفره لنا القنوات ... ولو بغينا شفناها في البيت ،،، ونروح ونتعب ونحضر ونكنسل اشغالنا لعيون ( الــــهـــلال ) ... وانا اعترف لكم هنا ،،، اني من ضمن الجمهور ( الصامت ) ... . . . اقولها لكم وبكل صراحه اذا شفت عدد قليل مع وين يجيني الحماس؟؟ اقوم واصفق بلحالي ... ؟؟ ( وانا اتكلم على المباريات الي مايحضرها جمهور ) ... وفي الاخير ،،، اتمنى من الجماهير يفتحون معنا صفحه جديده ... ويعوضونا ،،، والهلال في افضل مستوياته ... بغض النظر عن المستوى المهم مسانده الفريق ( في الحلوه والمره ) وترى اذا مافي جمهور ،، من الحين اقولكم مافي بطولات ... |
بالنسبة ل250 الف اللي بالمنتدى واحد زيي من سابع المستحيلات ان يحضر المباراة هذي وكل مباريات العام الحالي في الوقت الحالي مابالك بناس موجودين باستراليا وبريطانيا ولاتروح بعيد اللي بالجنوب وينك ووين الرياض العتب كل العتب على جمهورنا الحبيب في الرياض والشرقية واللي حولك حواليك لان 500 كيلو مسافه بسيطه والهلال يستحق اكثر 5 مليون بالرياض ترا فيها شيبان واطفال بل اكبر الخمسة هم بين السنه والخمسة عشر والخمسين والسبعين وراجع الإحصائيات ستجد مايثبت ذلك لية الجمهور مايحضر وربي ماني عرف سبب الهلال الاقرب للصدارة وبعض الناس جالسين بالبيت دون مبرر حتى وان حضر وتكى رجل على رجل وقال انا حضرت يجب ان نحضر ونهز الملعب هز ولا مانحضر من الأساس موضوع جميل اعجبني يستحق الوقفة التي وقفتها من أجله وانا لا اجامل كتاب الزعيم فأنت من الكتاب المتميزين |
كلام سليم.....يعطيك العافيه |
يعطيك العافيه وصادق من جد لكن ماعليك ((الرقم الصعب)) بيكون متواجد وماعليك وبتشوف ان شاء الله الملعب مليااان عن بكرة ابيه |
.: التفائل سبيل النجاح :. انشاء الله يكونون مثل كل مباراة حاضرين ولا تكون متشائم والله لو ماعندي اختبارات بالجامعه وانا بالقصيم لاحظر لعيون شعار الزعيم وليش للاعب الفلاني وغيره .. |
ياخوي وين تبي با ألمانيا. تعال لم حائل. الملعب دايمآ فل لعيون الزعيم. |
يعطييك العافية مؤثـــر.. للأســـف أنـــا من ســــكاااان الدماااام ... وحاضر دائم لمباريات الزعيييييم بالشرقيييية |
بصراحه كلامك ما عليه نقاش نتمنا الحضور من الجمهير السعوديه وعلى ما اعتقد فيه نادي مثله لاكنه فرنسي واسمه لوريان اللي كان يبي يجي منه الصايفي نفس حالة الجمهور المذكور في الموضوع ونتمنى من جماهير الانديه السعوديه اخذ العبره منه ,,, |
يعطيك الف عافيه |
مشكور اخوي على هذا الموضوع الاكثر رائع |
أخوي كلامك صحيح أنا مو من الرياض ,, وهي مباراتين حضرتهم للهلال وكل مباراه اطلع منها اقول ليتني ساكن بالرياض والله ما تضيع علي مباراه وحده ,, حرام عليه اللي ما يحضر المباراه بالملعب وهو بديرته حراااااام |
ياليت الملز مثل ملعبهم ههههههه ياخي والله نحضر بس للاسف عندك بعض الشباب اللي هنا طايحين وبكل اسف في المعسل والريموت وتبيه يجي للملعب ليييييييييييييييييييييييه!!!! كذا تفكيرهم يعني اللي يبجي امس بيجي اليوم وباتسر وماراح يملون الملعب الا في النهائيات ويااارب يملونها تحياتي ^_^ |
كلامك اكثر من رائع يابطل .. اتمنى الحضور .. الكثير .. بـ اذن الله . ان شاء الله جاي المباريات كلها تحيـاتـي :. أميـر .: |
أخوي المشكله في شي واحد فقط لو كل شخص هلالي ساكن في الرياض ويكون مسؤول عن نفسه ويجي للملعب ويلغي مبدأ أن شاء الله الجمهور مايقصر << خير أن شاء الله وأنت منت من الجمهور ؟! |
هذا الكلام اللي يفتح النفس مهب مثل واحد يسب جماهير الرياض وأنتم وأنتم ... على العموم أشكرك على الطرح الجيد (( للمعلومية أنا لست من سكان الرياض ولا ودي أجي كل المباريات ولا أفوت ولا مبارة ) |
جمهور الهلال حضر بـ 70 الف وليس 22 الف فقط |
مشكووووور.. لكن معروف الدوري الألماني الدوري الوحيد من دوريات أوروبا (الأكثر شعبية من ناحية الحضور الجماهري) .. أما من ناحية عدد المشتركين 250,000 ماله اي دخل !! |
تراهم ماعندهم دين ولا شغل ولا مشغله...اللهم كل واحد دوامه وبعدها فاضي أنا رايح وعارف كل شي صحيح نشره على جمهورنا لكن الله يخلف |
احم احم انا من سكان الرياض واحب اقول عن نفسي ان ملعب الامير فيصل بالملز لا يحمسك تجي للمباراه فلو كانت باستاد الملك فهد فأنا من اول الحاظرين لها فلا ادري هل انتم تقحمون الجمهور لأي سبب |
aljohmani اول شي اخوي يعطيك العافيه على هذا الرد واحرجتني بكلامك ... وثاني شي حبيت اوضح شي بسيط الي هو موجود في كلامك إقتباس:
انا معك وادري من ضمن الـ 5 مليون فيه ( غير سعوديين ، بنات ، غير متابعين للكوره ، اطفال ، كبار في السن ، .... الخ ) وانا حللتها وتوصلت لهذا العدد 500.000 وياليت تلقي نظره سريعه للموضوع او اقتبس لك الي كتبته بنفسي إقتباس:
تحياتي ،،، |
يسلموووو ياااالغلا ......... |
إقتباس:
ايه والله s13ss13ss13s |
إقتباس:
ههههههههههههههههههههههههههههههه |
إقتباس:
اتوقع كل شيء بيصير في الردود ... وهذا الرد من ضمن الي توقعته ،،، وبوضح لك اخوي الي تقول 70 الف متفرج ... ترى انا ماشفت 70 الف متفرج الا في كم مباراة في الموسم هذا الــــــــــــــهـــــــــــــلال vs الـــــــوحـــــــده الامـــــــاراتـــــــــي الــــــــــــــهـــــــــــــلال vs الـــــكــــويـــــت الـــــكــــويــــتــــي الـــــــــــــــــــــــــهـــــــــــــــلال vs الاتــــــــــــــــحــــــــــــــاد ( كأس خادم الحرمين الشريفين ) هذي آخر 3 مباريات شفت فيها 70 الف طيب والباقي ..... ( كم تتوقع ) ولو تجمع عدد جمهور ليفركوزن الالماني في كل مباراة وتجمع عدد جمهو الهلال في كل مباراه صاروا اكثر مننا ..... تدري ؟؟؟؟ |
ان شاء الله ان جمهور الهلال اللي في الرياض يبيضون الوجه بكره ويملون الملعب بكره ان شاء الله الي من الله حياه الله [email protected] |
إقتباس:
إقتباس:
المباريات كلها تقام بعد صلاة العشاء ولله الحمد وفي وقت بينها وبين صلاة الفجر .... !!!! ومن ناحية الشغل تراهم من الدول الي نسبه البطاله عندهم نادره ،،، وللمعلوميه في مبارايات التشامبيونز ليج او غيرها من البطولات تقام يوم ( الثلاثاء ، الاربعاء ) وماتخلص الا 12 الليل ... وتشوف الجمهور مثل ماهو ،،، ومن بكره عندهم اشغال .... !!! وماقد شفت في حياتي يقولون الجمهور ماحضر عشان عندهم اختبارات ولا مايقدرون يحضرون عشان عندهم اشغال ... الـــــمــــشـــكـــلـــه ترى فينا ،،، ترانا مانعرف ننظم اوقاتنا... الى متى وانتم تعتذرون ؟؟؟ |
مقارنة غير عادلة بتاتا .. في الرياض اكثر من نصف السكان من الاناث و ممنوع حضورهم .. واللي تشوف في الصورة تجد نصفهم بنات و حريم و و و ... بعدين عندهم مسموح تدخل معك اللي تبي .. و خدمات في الملعب على كيفك تاكل و تشرب على كيفك .. ما يطلع لك عسكري مكرش يقول لك فظ كيس الحب في جيبك ولا يطلع لك واحد يقول لك العلم ما يدخل ولا يجيك واحد يقول لك ممنوع تدخل بعلبة الموية ... حسبي الله على من كره الجمهور في الحضور .. |
لنتفائل ان شاء الله بالحظوور الجماهيري .. |
عدد لابأس به من المباريآت حظرتها وانا من القصيم ,, أتمنى .. أن يلعب الهلآل في ( مدينة الملك عبدالله ببريده ) صدقني راح تشوف الملعب مملتي ع الآخر .. موضوعك حمآسي وع الجرح .. أهنيك على انتقآء الكلمات .. شكرا ً لك كاتب الموضوع ,, تقبل مروري ,, |
ياخوي والله كلامك ياريت نشوفه بس هي مو صعبه لو الكل يحضر اناا ماعندي مشكله احضر بس احضر والجمهور قليل ما راح يفيد حضوري اناا ممكن اسالك انت تحضر جميع المباريات ما توقع استحاااااااااالهـ |
إقتباس:
بس اخوي،،، انا اولاً واخيراً مع الامــــــن ... من حقهم يعامولنا كذا ،،، لان في بعض الجماهير ماتعرف تشجع ... وفيه ناس ماتنتمي لفريقك ومعاملتهم رديئه ... وبعدين قبل لاتدخل الملعب كل واشرب واشبع وادخل الملعب ترى كلها ساعتين وبتطلع ،،، وترى في وقت بين الشوط الاول والثاني يمديك تاكل وتشرب .... اي عذر ثاني ؟؟؟ انا موجود .... |
مشكوور .!! وان شاء الله الجمهوور يبدع .!! |
إقتباس:
انا حضرت اغلب المباريات ... وترى لو حضرت ولا ماحضرت حضوري مايفيد ،،، اول شي : يد وحده ماتصفق ... ثاني شي : وين الشخص الي بيغطي مكاني من الحضور؟؟؟ |
جميل جدا :clap::clap:مشكور يافيصل وان شاء الله اشوفك بكره في الجامعة موضوعك احسن موضوع:whacko::whacko::whacko: وان شاء الله الفوز هلاليs13ss13ss13s:clap::clap::clap: |
اخوي فيصل مشكور عالرد بس والله الموضوع مو نظري و بس .. يعني انت بكلامك تتكلم عن المشجع اللي مستعد يموت علاشان الفريق .. و للأسف مو كل الجماهير مثلك و مثلي و مثل اي واحد في هالموضوع .. الناس يختلفون .. كل مشجع له ظروفه .. فيه اللي يكون سريع الملل .. فيه اللي ما يحب الجلسة ساعتين ينكسر ظهره .. خاصة اذا الملعب صبة مو كراسي .. و كثير يكرهون الدخان و التدخين و ما عندهم استعداد يحضرون و اللي جمبهم يدخنون و كذلك بعض الجمهور لسانه وصخ و من الناس من يكره هالنوعيات و ما عنده استعداد يقابلهم ساعتين .. و و و و و ........... عط الجمهور الجو المناسب .. و خذ حضور .. الأمن لو يصير مثل امن المانيا .. يهتم بالانضباط في الجمهور و يقدر يمسك الجمهور صح و يترك سفاسف الامور من فصفص و علب موية و و وو ..... اتمنى تتقبل وجهة نظري :) |
عطني جو زي ألمانيا ...وأروح كل يوم وجدول منظم ...وكرسي معروف ...وشغل عدل !! |
هذا هو الكلام وياريت اهل الرياض يحضروا المبارة |
مشكور وياريت نشوف الملعب فل |
كلام جميل وروعه والحضور بكره فل بإذن الله |
كلام جميل وروعه يا استاذي |
لا بد ان تبحث اسباب عزوف الجماهير الهلالية عن الحضور للملعب وخصوصا للمباريات الهامة مثل مبارات نصف النهائي الخليجي مع الاتفاق ! |
مشكووووووووووووور على الطرح |
ياخي صجيتو مخنا بذا المواضيع خلاص جمهور الرياض مايحظر بس فكونا من المواضيع ذي والله انها بتسبب هواش على جمهورنا وجمهوركم |
للأسف جمهور الهلال ..!! جمهور إسمي وليس فعلي ..!! كلام في كلام وفي الأخير أحلام ..!! |
إقتباس:
|
اقول سقها بس |
كلام سليــمــ .. مشكور حبيبي |
إقتباس:
وادري في بعض الناس تغلط لكن احترم وجهه نظر الجميع مشكورين جميعاً |
الاغلبية يروحون بس ملعب الملك فهد لانه فيه صدى وبعضهم مو عشان المباراه بس هياط |
بكرا انا حاضر زي العاده وابشوف نهايتها معكم ولو ماشوف حضور ابزعل ترى علمتكم لاتقولون ليش زعلان ومشكور:d:clap: |
عشق جمهور اوربا غيررر ترى السعوديين نصهم ما تطورو اكثرهم عند غنمهم |
| الوقت المعتمد في المنتدى بتوقيت جرينتش +3.
الوقت الان » 02:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd