إقتباس الرسالة الأصلية كتبت بواسطة زعــيــ511ــم اناا الحمد الله ما افوت ولامباراه بالرياض..,.,. وان شاء الله جمهوور الهلال بالرياض بكره راح يملي الملعب.,.,., تحياتي لكم

مثلي بالضبط

والله كلامه منطقي جمهور يجي يتفرج بس ولا يشجع

شكلهم ما عندهم اشتراك art

والجمهور ابو سبعين ألف ....ثلاث ارباعة من بره الرياض

صح عليه جمهور يشتغل على الصامت ؟؟؟؟
المفروض علينا نشجع فريقنا من 0 الى 90 فائزا او خاسر
بالنسبه للحضور فجمهور الهلال اكثر الانديه حضور

فيه شغله انتم ماتدرون عنها بما اني واحد من جماهير الهلال بالرياض ترانا نتعرض لمضايقات من رجال الامن فوق ماتتصورون لدرجة توصل للاهانه والاستهزاء ومحاولة مسك الزله وان مالقو عليك زله استفزك بدفعك ويقول لك يالله توكل اهم شي انه يحاول يستفزك وان صرت بالمدرجات يضايقونك رجال الامن بكل انواع المضايقات لاتلومونا ان ماحضرنا

بصراحة جمهور الرياض سنعين ومايقصرون مع زعيمهم بالحضور
بس مشكلتهم في الملعب هادين زيادة عن اللزوم <<<<<< يعني تقهروني أحيانا ودي أكسر الشاشة وادخل راسي عشان أقول ياهووووووووووووووه أصحوا<<< خخخ تراني اذا تحمست مشكلة

أخواني الأعزاء

نحن جماهير الزعيم في كل مناطق المملكة أخوان واللي جمعنا هو حب الزعيم ولاشيء غيره

أخواني جمهور الزعيم في الرياض

احنا إذا تكلمنا والله تكلمنا من محبتكم وقبل كذا محبة الزعيم

لكن بكل أمانه

جمهور الزعيم في الرياض ذا السنة مدري وشفيه؟؟؟؟

حضوووووووووووووووووووووور غريب

أنا بصراحة أخاف إنكم وصلتم لدرجة الملل من الحضور ومن متابعة مباريات الزعيم وتشجيعه

إذا تبون الجد ترانا والله نحسدكم يا أهل الرياض

الهلال يلعب عندكم 11مباراة <<< هذا في الدوري بس غير البطولات الخارجية وكأس ولي عهد وغيرها

احنا مساكين نحسب الأيام على أحر من الجمر عشان يجي يلعب الهلال عندنا

أنا حاليا في الشرقية مالنا إلا مبارتين في الموسم نشوف الهلال فيها وكانت الثالثة في الخليجية

بقولكم شيء

أنا طبعا كنت في أبها

وكنا نحضر مباريات ابها في الدرجه الأولى ماهو حب في ابها لا بس عشان يتأهل للممتاز ونشوف الزعيم في ابها

وفعلا ربي أكرمنا وتأهل وجانا الهلال وحضر الجمهور من مناطق كثير في الجنوب وفاز الهلال بخماسية اذا تذكرون


أخواني جمهور الرياض

الهلال دائما في حاجتكم

حتى لو ما فللتوا الملعب

نبغى تشجيع

نبغى الملعب يهتز

ما نبيكم تسكتون

الفصفص خلوه إذا رحتوا البيت ولا القهوة

وربي يوفقكم


<<< مجهز أربعة من الشباب لحضور مباراة النصر بإذن الله
بس نبيكم تستقبلونا في الرياض يا اهل الكرم والجود

حب الزعيم جمعنا ولن نتفرق

وجهة نظري أن جمهور الهلال في الرياض يقهر ويبط الكبد
وصدقوني انا من سكان الرياض
اوكي انا مع كل اللي يقول ان جمهور الرياض هو الاكثر
بس وش الفايدة من الحضور من غير تشجيع واذا انهزم الفريق والا ماقدم مستوى شبيتو عليه
طيب ليه ماتشوفو وش اللي قاعد يصير في المدرجات((فصفص ودخان ومعك ولاعة))
ماباقي الا يحطون قدام كل كرسي في المدرج تلفزيون وخدمة طلبات الجمهور وناس يخدمون في الملعب
وقائمة بالماكولات والمشروبات(هذا اللي يبغاه جمهور الرياض مع احترامي لهم)
ياخي ياتجي الملعب والا اقعد في بيتكم احسن لك خساره وتذكره ويالله تلقا موقف للسيارتك
وبعدين تزعلو اذا قالو جمهور المناطق الاخرى احسن مننا
الا احسن مننا بمليون مره لانهم فعلا يعرفون هم ليش جايين الملعب
والله العظيم والله العظيم كلنا نحب الهلال ونتمنا كل البطولات للهلال ونتمنا ان نكون دوم في العالي وفعلا احنا في العالي لكن يجب ان يكون جمهور الهلال في كل المناطق وخاصة الرياض جمهور عالمي جمهور اوروبي مو في الحضور بس لا في الحضور والتشجيع والاخلاق الرياضيه وعدم الالتفات الا المواضيع الامور اللي تحصل داخل وخارج الملعب لذا يجب على جمهور الرياض الاثبات أنهم الافضل في التشيع والحضور وذلك ابتدآ بمباراة الاتفاق أثبتو ذلك ياجمهور الرياض
هذا ماأردت توضيحه وكلمه اخيره الى قائد الرابطة الهلالية حقوي
جديدك ياحقوي جديدك ياحقوي طال الجديد
وبالتوفيق للزعيم في مباراة الاتفاق

والله انا من سكان الرياض و اقول لكم الصدق ما حضرت للهلال خلال هذه السنوات الا القليل

بس اكيد اليوم راح اكون متواجد

عشان عندي شغل قريب من الملز وبعدها راح اطلع للملعب

اناا عارف انى مقصرين حيييييييييل

بس انا مابي احضر واكون على الصامت او حضور قليل اتفرج في البيت افضل

إقتباس الرسالة الأصلية كتبت بواسطة ابوداود القصيمي وش السالفه كل يوم واحد مطلع علثه مره ان الهلال مايجيكم بالسنه الا مره اومرتين ومره لصغر ملاعبكم طيب ملعب حائل يتسع لاكثر عشرين الف متفرج وملعب تبوك 12000 وملعب مكه 30000 وملعب جده 18000 وملعب بريدة 25000 وملعب ابها 15000 وملعب الدمام 30000 وكل ما لعب الهلال في هذه الملاعب تمتلئ عن بكرة ابيها .... طيب الاتحاد كم مباراة يلعبها بالسنه في ملعبه ومع ذلك شف الحضور والاهلي والوحده والاتفاق ووووو اما جمهورنا الله يخلف مباراة مع الاتحاد ومهمه وتنافسيه توقعنا يمتلئ الملعب لكن جمهورنا يفشل حتى واجهة الدرجه الثانيه مامتلئت طيب اثبتو لنا اننا غلطانيين وانكم راعين حضور واحضرو

صراااااااحة جمهور الهلال في الرياض لايحضر بشكل يشرف الزعيم
ولذلك جعلنا جمهور النصر المثل بالرغم أن الهلال جماهيرياً أكثر
انظروا الى مباراة الاتفاق في الخليجية وتأهلك على النهائي الأول الخارجي منذ سنوات ومع ذلك كان الجمهور يفشلللللللللللللللللل بصراحة

قلت اللي كنت ابي اقوله


ياجماعه ملعب الملز كبير

وجمهور الرياض لو تشيله وتحطه بملعب الخبر ولا تبوك ولا اي ملعب ثاني بيملى الملعب وبيبقى ناس مادخلوا

لاتقارنون لو سمحتوا

واليوم ان شاء الله راح يكون الحضور جميل



اجمل تحيه

إقتباس الرسالة الأصلية كتبت بواسطة الملاك الطاهر نشوفكم بكره ايش بتسوون ياجماهير النوم والله ودي تتعلمون من جماهير النصر والاتحاد كيف يحمسون الاعبين

اخوي مشكور على المرور ولاكن انا اشك انك هلالي والله يمنيك بركة جمهور الفقر والاتهاد اللي معجبينك

والله ياخوي انا جيت كذا مباراة للهلال من جدة

لدرجة اذا مالقيت طياره امسك خط على طول

نجي 4 او 5 و متحمسيييين

لكن ننصدم بواقع الحاضرين بالمدرج

ياكثر الفصفص - وقواطي البيبسي والمويه

وسكووووووت

ولا تسمع احيان إلا سب و لعن في العنقري و المفرج

التشجيع مايجيك الا عند الهدف

من فترهـ نزلت موضوع بالشبكة : كان عباره عن اقتراحات لمجلس الجمهور
لم يؤخذ ولا بـ ربعها

الشي الأهم : لـ متى نجلس تحت رحمة فرقه او رابطه او واحد بعد كل مباراة و هو طايح بسبب الربو

ليت نتعلم من التشجيع الأوروبي مايوقفون الا اذا طفت لمبات الاستاد

ما أنكر فيه احيان يطربك الجمهور لكن متى ؟

قبل المباراة ومن تبدأ المباراة شوف الصمت لو تطيح إبره سمعتها

عموما ً العتب من باب المحبة

والعشم في اللي جاي ان شاءالله

والله يوفق الهلال لحصد البطولات