الرقم الصعب في الرياض؟؟(جمهور طماع) بماتعنيه الكلمه!! - نادي الهلال السعودي - شبكة الزعيم

حياتي زرقاء · #1 09/12/2007, 01:50 AM

بسم الله الرحمن الرحيم

لم أكن حريصا على كتابة مواضيع في منتدى الزعيم..والسبب في أن جمهور الزعيم..(كفى ووفى)

فلا يطري موضوع في بالي الا وقد سبقني احد الاعضاء به..

ولم يبقى شيء من المواضيع المتعلقه بنادي الهلال,أو بلاعبين الهلال..الا وقد توفرت في منتدى الزعيم

فترى فيها تحليل,وآراء,ونقد,وتبريكات....الخ

فهنيئا لنا بهذه الشبكه..وهنيئا لنا بهؤلاء الأعضاء

ولكن في الآونه الاخيره لفت انتباهي عدم وجود مواضيع تهتم بالجمهور الهلالي,سواء من رابطه او مشجعين..في نقد او شكر لهم..

سأدخل في الموضوع بمثال لعله يبين ما أقصد في كلامي..

في مباراة الاتحاد والهلال الموسم السابق والذي انتهى بفوز الاتحاد على الهلال بهدفين مقابل هدف..

والله العظيم أنني لم أصدق أنني في الرياض..والسبب جمهور الاتحاد لايتجاوز الألف ولكن صوت واحد ويد واحد ورابطه لاتعرف الهدوء..
كان جمهور الهلال يتجاوز الخمسين الف (وما اسمع غير اللي ياكل فصفص جنبي)..من قوة الهدوء..

صراحة انغبنت(انقهرت) مع ان نتيجة المباراة كانت التعادل..

واذا تهيض الجمهور صفقو دقيقتين..ورجعنا للفصفص..

طبعا..من حق أي مشجع هلالي يبدي رأيه في الرابطه..وأنا لا ألوم اخوي حقوي على هالشي..فجمهور الرياض..ليس بالجمهور المستعد للتشجيع والتصفيق... كما في الشرقيه..وحائل,وتبوك..وجده,وبقية مناطق المملكه....
جمهور الرياض اذا جا هدف في شباك الزعيم لا يستطيع حتى ان يتكلم,فما بالك اذا كان تشجيع..

جمهور يريد ان يحضر ويقول للي جنبه(اسكت خلنا نركز وكأنه هو اللي بيشوت الفاول)

جمهور يريد بطولات فقط..وهو جالس في البيت..

جمهور الرياض مستعد ان ينتقد المفرج..ويصفق لياسر..ويطالب الاداره ...ولكن بشرط يبي قدامه تلفزيون ..وبراد شاهي..وشغال في المنتدى فقط..
عندما اسمع أن مباراة الهلال في أرضه وبين جمهوره...اقول في نفسي نعم في ارضه بس بين جمهوره لا..
جمهور الهلال في كل مكان عدا الرياض..فجمهور الرياض مع احترامي الشديد لهم لو شاهدوا المباراة في منازلهم ,لكان أفضل لهم..على الأقل فيه ناس تبغى تكون قريبه من وسط الملعب يوسعون لهم..

والله احنا جمهور طماع فعلا..

والله ماقلت هالكلام الا من شي يضيق خلقي لما احضر ونجلس كأننا في عزاء..والا مانصفق الا بكبري والا كعب ..والا اذا طالب التايب..
هل تتوقعون ان التايب راح يطالب الجماهير بالتصفيق لما كانت مباراة النصر وهم في اهازيج وتصفيق..
ولكنه أراد ان يتأكد هل خلفه احد أم لا......!!

انا لا اعم جميع الجماهير والله انهم جميعهم على العين والراس..لكن طموحنا ونظرتنا لجماهير الزعيم اكبر من كذا..

واتمنى..ان لايساء الظن بما اقصد من جماهير الرياض..وعلى فكره انا من الرياض ومن اسوء المشجعين..صار نظامي فصفص الحين..

بس ياليت يكون فيه تنافس بين جماهير الزعيم في مناطق المملكه,وهو التنافس في الحضور والمؤازره والأهازيج..

وأخواني في رابطة مشجعين الهلال اشكركم على جهودكم وتنظيمكم في كل مباراة هلاليه..انتم المحور الاساسي وانتم بامكانكم تحركون الجماهير في كل مباراة..
نبغى اهازيج جديده,نبغى صفقه وحده,نبغى جمهور مايوقف...

تحياتي..لكم جميعا

al_zaeem_9_20 · #2 09/12/2007, 01:56 AM

كلاااااااام سليييييييييم

يعطيع العافيه وياليت ياخذون بكلامك

ـ ـ الـقـنـاص ـ ـ · #3 09/12/2007, 02:06 AM

ياخوي ياليتها السالفه واقفه على الحضور فقط ... جمهور الرياض في الفتره الأخيره صار مايحضر مباريات الهلال والدليل مباراة الاتفاق والاتحاد ( كلها في الرياض ) .. ولاحظ مباراة الوطني كيف كان جمهور الزعيم في ذيك المباراه .. كان الملعب فُـل .

السهم القناص · #4 09/12/2007, 02:12 AM

والله انك صادق حياتي زرقاء في كل ما ذكرت

تصدق انه حتى اذا لعبنا ضد الشباب وهو ما يملك جمهور تسمع طقطقة في التلفزيون وانا اقول اسمعوا شكله فيه مطر في الرياض ...!! واثرهـ منك ومن معك شغالين فصفص ...

(ســــ(s9s)ـــــاميو · #5 09/12/2007, 03:01 AM

هههههههههههههه اي والله ماتسمع الاصوت الفصفص

بس ياخي اذا وقفت تشجع الي ورااك جلوووووس وين ماصارت ماتقدر تازر وانت قاعد

بس والله جمهور الرياض في النهائيات يعجبونك متواجديين بكثره

اما المباريات العاديه انسسسسسسسسسسسسسسسى

عز الرياض هلالها · #6 09/12/2007, 03:07 AM

ترا ازعجتونا بالمواضيع هذي

اصلا جمهور الهلال خارج الرياض كنه بوكا جونيورز

حياتي زرقاء · #7 09/12/2007, 02:46 PM

اشكركم جميعا على مروركم..

وبكره بتشوفون اكبر دليل على صحة كلامي..

الســـ الهلالي ـــهم · #8 09/12/2007, 02:50 PM

وسع صدرك بكرة المباراة في الرياض ونشوف الحضور

مع العلم اني من اهل الرياض لاكن بكرة اتوقع الحضور

مايتعدى الالف مشجع وتذكر ردي هذا

حياتي زرقاء · #9 09/12/2007, 02:52 PM

إقتباس

الرسالة الأصلية كتبت بواسطة الســـ الهلالي ـــهم


	وسع صدرك بكرة المباراة في الرياض ونشوف الحضور مع العلم اني من اهل الرياض لاكن بكرة اتوقع الحضور مايتعدى الالف مشجع وتذكر ردي هذا

سلملي على زعماء جده والصفقه قويه جده

كأن اهل الرياض هم اللي لحالهم عندهم اختبارات وهم الوحيدين اللي ملاعبهم بعيده..

حياتي زرقاء · #10 09/12/2007, 02:54 PM

إقتباس

الرسالة الأصلية كتبت بواسطة عز الرياض هلالها


	ترا ازعجتونا بالمواضيع هذي

شكلك من النوع اللي يقول للي جنبه اسكت خلنا نركز

الهلال السهم القيادي · #11 09/12/2007, 02:57 PM

فعـــلاً جمهــور الرياض مقصـــر

مع العلــم اني من الرياض

ولاكن ان شاء الله انها استراحة محارب

و بالتوفيق للهــــلال

حياتي زرقاء · #12 09/12/2007, 03:12 PM

88888888
استراحة محارب!!الله يسمع منك

ryyan · #13 09/12/2007, 07:28 PM

ياخي أنا ماني من جمهور الرياض من عنيزه بس تشجيع الجنون ماشفته إلا في الرياض حقيقه ....... وشكرااا....

&هلالي حايلي& · #14 09/12/2007, 07:34 PM

صدقت أخووي..

جمهور اللرياض في الفترة الأخيره لايحضر إلى مباريات الزعيم.

آآخ بس لو جميع مباريات الزعيم بحائل ..

كــان فـل وتشجيع على كيفك..

لاكن أن شاء الله نشوف بكرآ جمهور الرياض.

تقبل مروري.

الهدف القاتل · #15 09/12/2007, 08:06 PM

كلام سليييييييييييييييييم