نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   قال جماهير الرياض قال....ياعمي طييييير (http://vb.alhilal.com/t502311.html)

رساوي برساوي 08/12/2007 04:50 PM

قال جماهير الرياض قال....ياعمي طييييير
 
ياخي أنا مو من الرياض

لكن للحق كتبت هالموضوع

كثير يجي يسب جمهور الهلال اللي بالرياض
ليه؟
ياخي لا تعمم
بالملعب يحضر كل مباراة أكثر من خمسة آلاف من أهل الرياض
وأنت عممت وسبيت كل أهل الرياض الهلاليين
ياخي ناس عندهم ظروف وناس عندهم امتحانات
تلومهم؟
ياخي أنا مستعد أحضر جميع مباريات الزعيم اللي تبعد عنا أقل من 200كم
وكل هذا لعيون الزعيم
لكن مانب مستعد أضيع اختباري وأسقط أو أرفض أوصل أمي مشوار ضروري عشان مباراة واحده للهلال...خلونا واقعيين
.........
بالعربي اذا جيت تنتقد جماهير الهلال
أول شي أمدح المخلصين اللي يحضرون وامدح اللي عندهم ظروف
بعدين تعال انتقد الباقين
اللي يقول أبشوفها بالتلفزيون أحسن
واللي يقول ماراح أفوت المعلق فلان
واللي يقول والله مشوار 10 كم

ياخي اذا هذي أعذارك هلالي على ايش؟؟تكفى رد....تضحك على نفسك أنت؟!!!!
جماهير تحضر وتتعب لعيون الهلال واذا دخلوا المنتدى ما عندك أحسن من ردودهم وانتقاداتهم
وتجي أنت ياللي ماتحضر للزعيم لأسباب تافهه
وتدخل المنتدى وتسب فلان وتتهم فلان
ياخي إذا تشوفها بالتلفزيون وتترك الهلال بهالوقت المهم وانت ماعندك ظروف تمنعك
ياخي ادخل وأقرا الأخبار وأنت ساكت
هلالي على ايش أنت
مانبيك تنتقد ولا شي
اذا كنت تحب الزعيم صح معك حق تنتقد من دافع حبك
أما اذا تضحك على نفسك وتقول أحب الزعيم واذا رحت لبيتك قلت ابشوفها بالتلفزيون بلا زعيم بلا خرابيط..لا تنتقد ولا شي خل الانتقاد للي يحبون الزعيم

وأعيد وأكرر
كلامي للي مايحضرون كذا بدون سبب<<ولا يهونون اللي يحضرون ويسكتون
أما اللي يحضرون أو اللي عندهم ظروف على العين والراس


وأرجوا مايجي أحد يسب جماهير الهلال بالرياض بعد اليوم
وتراني مو من جماهير الرياض
لكن تذكروا أيام ملوا فيها الملعب مشكوووورين
وتذكروا أيام قادوا زعيمنا للبطولات مشكوووورين
ومو اليوم أو أمس بل من 50 سنه وهم خلف زعيمنا

فالشكر كل الشكر لكل هلالي مخلص وفي من أهل الرياض
والمحبه ممزوجه مع العتب على كل هلالي من الرياض وغير مخلص لناديه
وبارضه للي مخلص ويحضر جميع المباريات لكن يستحي يشجع
ومحبتي لكل هلالي مخلص من جميع أنحاء الأرض

وسلامي إليكم



نقطة أخيرة ومهمة(تمت اضافتها لاحقا)
في الدوريات الأوروبيه بما فيها الدوريات الأوروبيه الصغيره (يعني مو بس الدوري الايطالي والاسباني والانجليزي والألماني)
في الدوري الياباني
في الدوري الإيراني
إذا حضر 20000 متفرج يسوون اللي مايسويه 60000 متفرج بالسعوديه

يعني فرق بين جمهور يرعب الخصم (بتشجيعه)
وفرق بين جمهور يطرب الخصم (بالطق والأهازيج)

ڪـيــف الـζــآل ؟ 08/12/2007 04:56 PM

وعليكم السلام ورحمة الله وبركاته ..!

مشكلة الاعضاء أنهم مايخلون أحد في حالــه ..!

إذا مالقى أحد ( ينتقده ) جعل حرته بالجماهيــر ..!

الهلال عال العال 08/12/2007 05:08 PM

نحن نشكر جمهور الهلال الوفي الذي دائما يكون على الموعد

ولكن ابي اقول شي

الهلال هو النادي الوحيد اللي جماهيره ملت استاذ الملك فهد مرتين امام القادسيه الكويتي والوحده الاماراتي

والنتيجه غير مرضيه بالمبارتين ...... نتمنى من لاعبين الهلال تقدير جمهورهم عند حضورهم

ما نبي تصير عقده لنا كجماهير اذا ملى الملعب ما نفوز ...

ونتمنى من الجمهور الحضور كلن حسب ظروفه


وشكرا


مجنون الفريدي 08/12/2007 05:17 PM

العفو يااخوي وانا دائم حاضر بالملعب واتمنى الحضورررررر المكثف

stnq blo 08/12/2007 05:17 PM

يا بعد قلبي والله بردت تسبدي



ها اليومين كل من جاء قال جماهير الهلال في الرياض


وينسون الي دائم يحضرون


ورد على اخونا الي يقول الهلاال جماهيره مليت الاستاد مرتين قدام القادسيه والوحده وطلعنا مهزومين




اقوله نسيت النهائي الكبير بين الزعيم والترجي الي اطلق على جمهور الزعيم الرقم الصعب بعد ذاك النهائي..؟




الله يعطيك مليون عافيه يا كاتب الموضوع بعد انصافك لجماهير الزعيم المخلصه في الرياض

لهفه 08/12/2007 05:18 PM

كلام اخوي رساوي صحيح ..


وانا معك ياخوي ..


ورجاً لحد يسب جماهير الرياض .. مدة 50 عام وفوو ..

تجي حضرتك واتسبهم وتقول ماهم مخلصين ..


راعي الاختبارات والمشاغل العائليه والظروف ..



ِشكرا ..

هلالي ازيرق 08/12/2007 05:19 PM

بعدي عليك فيه

Z3EEM . FC 08/12/2007 05:22 PM

بالتوفيق للزعيــم

والجماهير الهلاليه بترد عليكم يوم الاثنين والجمعـه

000هلالي000 08/12/2007 05:22 PM

مشكوووووووووور أخووووي أحنا ماكنا متوقعين الحضووور الجماهيري بهالشكل إلي شفناه مع الإتحاد والإتفاق

كان الذام على من إلي ما حضر المبارتيين وهو لا عنده عذر ولاشيء وبعدين مو معقووولة جماهير الزعيم إلي

بالرياض كلها مشغوووولة والوووعد الإثنين بإذن الله

بلو هارت 08/12/2007 05:30 PM

http://l7dh.com/up/uploads/489180f368.gif

صدقني لو يحضر ربع جمهور الزعيم الي بالرياض راح يملون ملعب الملز عن بكرة ابيه

مو معقولة كلهم مشغولين

انا من اهل جده بس حضرت كم مره في الرياض

انت اذا بتحضر مباراة في الرياض مر على المقاهي قبل لاتروح الملعب وشوف

http://l7dh.com/up/uploads/489180f368.gif

غامد والقلب جامد 08/12/2007 06:09 PM

فيه بعض الجمااهير ما يبون يروحون اصلاً .. لاهو عذر ولا شي

واحنا نقول الكلام هذا تشجـيع لكم عشان تيجيون

قلبي ينبض بالهلال 08/12/2007 06:14 PM

مشكووورين اللي احضروا ويعطيهم الف عافيه ،، بس الحين الدوري اختلف صارت كل مباراه مهمه للفريق ،، يعني الجمهور وش ينتظر مافيه مباراه نهائيه مثل قبل واعتقد اقرب مثال اخر مباراه بالرياض الهلال والاتحاد الحضور كان غير مقنع بالنسبه لعشاق الزعيــم ،، شكرا وتقبل مروري

الافضل 08/12/2007 06:21 PM

نعم انا من الرياض ولا احضر الا في المباريات المهمه


مانيب ناقص هواش مع عساكر وانكتم بدخان والا مافيه مويه وشي اشربه في وقت المباراه ...



وبعدين ليش تربط حب الزعيم بحضورك للملعب ..؟

, هلالي موت , 08/12/2007 06:27 PM

اللي ينقدون على الجماهير هذي يقصدون اللي يحضرون ويسكتوون

وانا لو انيي من اهل الرياض احضر عادي ما عندي اي مشكله بس مو احضر واسكت


هذا المقصد مو المقصد كلامك اللي تقوله

المقصد انهم ينقدون على اللي يحضر ويسكت بس

تحيااااااااااااااتي

ثابت الوبيري 08/12/2007 06:30 PM

مهما انقال عن الجمهور لكن العتب موجود عليهم وهو من باب الاخوة لا اكثر لاننا نتمنى ان نرى الملعب مليان حتى اللاعبين يجيهم حماس


الوقت المعتمد في المنتدى بتوقيت جرينتش +3.
الوقت الان » 04:37 AM.

Powered by: vBulletin Version 3.8.7
Copyright ©2000 - 2017, Jelsoft Enterprises Ltd