08/12/2007, 02:12 PM
|
| زعيــم جديــد | | تاريخ التسجيل: 03/12/2006
مشاركات: 5
| |
|
ألـــى متــــى نســكت عن (نصر) هلالنا ؟؟؟
سؤال بسيط لكل من دافع عن الحكم الدولي خليل جلال ومن دافع عن اللاعب النفطي في احد منكم بس سمع الكلام الي بينهم؟؟؟
اجزم ان ما فة احد سمع الكلام , كيف تحكم على حكم انة راشي وواطي ويطلع لنا بالتلفزيون السعودي وعلى art شخص محسوب على نادي النصر ويسب ويشتم في الحكم ويقلل من قيمتة؟ وهو ما درى اذا كان كان الكلام الي صار صحيح او لا ؟
هل معنى ان اللاعب ما اخذ كرت احمر في الدوري التونسي انة صادق ولانزم نصدقة وهو يكون الصادق الأمين والحكم كاذب ومرتشي ونسفل فية في قنواتنا الرسمية وجرايدنا وبالمنتديات؟؟؟
الاعب عبدالكريم النفطي يطلع بالتلفزيون التونسي ويقول الحكم ظلمني وقال لي ارجع لبلادك وانة يحب الهلال !!!!
ثواني اوقف عند هالنقطة الاعب من خمس ايام واصل واول مباراة يلعبها وسبحان الله عرف ان الحكم يحب الهلال كيفييييف؟؟
( اذا كان رب البيت بالدف ضارباً ,,,,,,,,) , من علمة وهو ما صار لة واصل للرياض الا خمس ايام اذا بيئتة الي ما صار لة خمس ايام فيها على طول علموة ان الحكم يحب الهلال والهلال وقتها بتبوك يلعب وما درى عن النصر ولاهمة النصر , مقيولة من راقب الناس مات هماً .
في كل مباراة من يوم عرفت شي اسمة الكورة في نادي اسمة النصر في كل نكساتة يكون الحكم سبب فيها والهلال !!!!
ما ادري لية دايم يحبون يكونون صورة عنهم انهم نادي المظاليم !!!
* صراحة استنى تصريح النفطي بعد شهرين .. اتوقع راح يقول الهلال ما يفوز الا تحكيم وبطولاتة تحكيم راح يحفظ الأسطوانة النصراوية المعروفة من عشرات السنين .
اتمنى من اي عضو في لو يلقي نظرة خمس دقايق بس على منتدى نادي النصر الرسمي وراح يعرف مستوى الطرح والتفكير والثقافة السائدة .
ما فية شي عندهم مبني على الدليل والحجة كل شي مبني على الظن وسوء النية .
ملاحظة :
لكل من تكلم عن الحكم خليل جلال بأنة مرتشي , تذكر انك في يوم من الأيام بتموت وراح تتحاسب على الي قلتة رمي الناس بذممهم واتهامهم انهم مرتشين مو شي هين واتوقع انك مسلم تعرف ان الي قلتة يا أنك تجيب دليل على ان خليل جلال اخذ رشوة او عندك شهود ثقات وعدول او يقام عليك حد الجلد , لا تتوقع انك تكتب من خلف شاشة كمبيوتر ان هالشي ما يطولك اذا ما جاك دنيا بيجيك اخرة , مو بس بخليل جلال بحياتك كلها انتبة من رمي الناس وقذفهم , لاتسمع كلام الناس وتقول مثلهم وانت ما عندك شي اكيد .
ولعضو شرف نادي النصر الي طلع علينا بقناة art والرياضية السعودية اهانة خلق الله مو بكيفكم اغلى ما على الانسان كرامتة وشرفة والله ان الناس العاقلة المتزنة تعرف ان هاذا الشخص النكرة عضو شرف النصر ما هو الا سفية وإمعة شخص جاهل اعطي اكبر من حجمة لأن قبل ان يذكر اسمة ذكر كلمة صاحب سمو ,, وياليت لة من سموة نصيب بعيد عن السمو كبعد الثرى عن الثريا .
قبـــل أن تتـــهم أياً كان في ذمتة وشرفة تخيل نفسك مكانة !!
للامانة سبب كتابة الموضوع هو المسرحية الهزلية من مسؤولي نادي النصر على الحكم الدولي السعودي خليل جلال , ولأقحامهم اسم نادي الهلال في مسألة ليس للهلال شان فيها لامن قريب ولا من بعيد .
ختاماً :
قال تعـــــالى : (يا ايها الذين امنو اذا جاءكم فاسق بنبأ فتبينوا ان تصيبوا قوما بجهاله فتصبحوا على ما فعلتم نادمين) .
وقال صلى الله علية وسلم : ( لايكن أحدكم إمعة. قالوا وما الامعة؟؟ قـال: الذي يقول أنا مع الناس, إن أحسن الناس أحسنت وان أساءوا أسأت ).
|  | |
|
الوضع العادي
