السلام عليكم,,,
 

شكرا لكم يابو سليمان والله لايحرمنا مفاجآتكم
الحقيقة اني حاولت اقرا اسئلة الاخوان الاعضاء علشان ماأكرر الأسئله لكني خفت
يجاوب اخونا ياقاهرهم وانا توني مابعد قضيت (((لذا)) اترك لكم مسؤلية حذف الأسئله
المكررة.

1- في كم منتدى تكتب ياقاهرهم؟
2-هل تكتب في مواضيع غير رياضيه؟
3-نبي تعريف بسيط عن نفسك مثل السن/المؤهل
4-كم تقعد من ساعة في اليوم على النت؟
5-هل تلقيت مضايقات جديه بسبب كتاباتك؟ ( سؤالي هذا جدي لا تحسبوني امزح)

والله يعطيك العافيه ويعينك على اسئلتنا

عندي لك 86 سؤال بس :)

من 1 إلى 85 هي الأسئلة اللي قبلي :)
وأنا عندي لك السؤال رقم 86
86. من سنة ونصف تقريبا ماكان هناك المنتديات المتخصصة بس الحين صار فيه منتديات هلالية ونصراوية وإتحادية وأهلاوية حتى الحزم له منتدى متخصص :) وش تغير عليك وأيهم أحب لك ؟

ولي عودة مجددا :)

هلا وغلا

بعمي ابوهيا ...


سؤالين بس


ولا ابي اطول

الكل يعرف أنك افضل قلم يكتب حقيقة في المجال الرياضي على النت

فلماذا

لاتكتب لأحد الصحف

مع العلم انها راح تتسابق عليك لو اتجهت لها ...

الثاني ..

ماهو موقف ابوهيا اذا تهجم شخص من اصحاب النفوس الفاااااااشله

على افضل اسيوي

وهو سامي كيف سوف تواجهه ..

ما ابي اكثر

وربي يعينك يالغالي .

الاسئله كثيرهه مره لكن مانطول عليك ونختصر بس نبي الاجوبه صريحه بدون تحيز لاحد
س1: من افضل لاعب عالمي لديك اقصد بالموسم هذا؟؟؟
س2: من من الاعضاء الجدد او الاعضاء الفاعلين تعجبك مشاركاتهم واطروحاتهم؟؟؟؟؟؟؟ وبس
والف شكر لك يابو سليمان انك خليتنا نتكلم مع ياقاهرهم ياسامي

هلا با أبو هيـــا ..

أسئلتي هـــي ..

1) هل أنت مع من يخالفون مواضيعك !! والا تحب التمجيد بالمقال فقط!! وما مصير اللي خالفك !!

2) وش تعني لك رفعة سامي لكأس الخليج كونه أول قائد سعودي يحمل كأساً بديرته !!

3) تجنبك للأسماء النسائية من حيث الردود وش قصتها!!!

4) ماهي السلبيات التي تلاحظها على شبكة الزعيم!!

5) هذا الشطر من البيت لمن تهديه ( اشـــــرب قــــــــــبل لا يحـــــوس الطــــين صــافيــها ) ..

6) أغلى البطولات إلى قلبك .. وليش !! وهل تتفائل بشخص في المنتدى في كتاباته قبل مباريات الحسم!! منــهو !!

7) رأيك في المنتدى خلال الــشهرين المـــاضيين :) <<<=== سؤال دوبلوماسي

8) لو عدلت أنــا في موضوع من مواضيعك أو قفلته !! وش بتكون ردة فعلك :) من بترفع السماعة عليه أول :) جاوب بتلقائية <<== واثق :)

9) هل تعدل عن رأيك!! وهل أنت من الناس اللي بسرعة تتحسف!!

وسلامتك .. سلااااااام

اخوي الغالي على الجميع .
انا عندي كم سؤال واتمنى مايكون احد سبقني .
الاول :وش رايك (متعودين منك الصراحة)بالمدرب ارثر جورج ؟
والثاني :رشح ثلاث لاعبين للمشاركة مع الهلال في العربية ؟
والثالث :هل الكابتن نواف يستحق انه يبقى هلالي ؟
ولك جزيل الشكر والتقدير والاحترام .
اخوك :ابو عبدالله.

يالله حي كبير الكتاب.....

(1) من افضل مطرب و ما افضل اغنية?!

(2) وش سيارتك? و ما هي افضل سيارة برايك?

(3) تدخن??!!!! لو ايه اي نوع?!

(4) ما هي افضل مدينة عندك?

(5) وش رايك بالدراسة خارج المملكة? ( زي حالتي كذا)....!!!!

(6) وش احسن الفيصلية ولا المملكة?!

هلا يا قاهرهم يا سامي
 

في الحقيقه اسجل اعجابي الشديد بقلمك الرائع
فأنت بحق احد المبدعين ( مشاء الله تبارك الله ) وتعتبر قدوة لنا

سؤالي

هل تأثرت بكاتب معين ،، ومن من الكتاب في شبكة الزعيم ومنتدى سامي تعجبك كتاباتهم .
ولك كل التحيه والتقدير .

أقول تراك طولتها

وصرت قاهرني بعد رد تراي لي يومين ما سكرت هالجهاز

وخذ هالسؤال عقاباً لك ودرعاً لأمثالك :

ما رأيك بصفقة فهد الغشيان وهل توقعت ما هو حاصل الآن ؟!

هلا بالأخ العزيز / ياقاهرهم ياسامي ..:)

اشكر الأخ ابو سليمان على الاستضافة ..:cool: :cool:

الأسئلة ..:) :) :) :)

ــ اريد حلا ... ( هذا اسم فلم صح يعني تسذب بتسذب )
بس هالمرة فعلا انا اريد حلا ..ممكن تدلني ؟:confused: :confused:
دلني على صابون من الصوابين الماحضة جدا
لغسيل تشكيلة الهلال الحالية من أمثال:
الموفق بالله الأخ النزهان وساعديه الايمن والايسر الكحطاني والمسعري:bluesky:

ــ صراحة لاحظت من كثر ماقرأت لك أن اسلوبك مشابه لأسلوب صحفي اعشق
كتاباته ..هل هو انت ؟ أو تشابه بالاسلوب ؟ ( ع . ض);) :smilewink

عاشت ايامك ..

والى اللقاء ياقاهرهم من جد :o :o

كل عام وانتم بخير تقبل الله منا ومنكم ان شاء الله ...

@@@@@

طبعاً عذراً للتأخير .. واسف ان الاجابة ابيض واسود (( يعني بدون الالوان)) .. لان الحبر اللي بالمنتدى خلصه محمد أبو لما:D :bigrazz:

@@@@@
هلا والله بالاستاذ / جمجمة الهلال :)

س1/ إلا تعتقد أن جمهور الهلال الآن أصبح أحزاب فمنهم من يشجع الثنيان وبعضهم سامي والآخر التمياط ؟ إلى ماذا تعزو هذه الحزبية.؟ وماذا ترد عليهم ؟؟

((حزبية)) لا أرى الحزبية التي تسأل عنها أو على الإقل لا يصل الأمر الى هذا الحد، اتفق معك ان من جمهور الهلال من يفضل الثنيان على سامي ويفضل نواف على الثنيان أو العكس، ولكنها تظل في الاخير وجهة نظر لا أكثر.

ولا يوجد والحمد لله من الهلاليين من يكره يوسف من أجل سامي أو العكس ، وأن وجد فهي حالة أو اثنتين والشاذ لا حكم له :) ..

وقبل الانتهاء من الاجابة على هذا السؤال أقول لك ( نواف وسامي ويوسف) يمتلكون شعبية جارفة .. وسجل حافل من الانجازات الفردية وعلى مستوى النادي والمنتخب ، بل ان انجازاتهم تتجاوز بالكم والنوع بطولات اندية عريقة تأسست قبل أن يولد أي منهم ، وتواجدهم في نادي واحد قد يوحي بتواجد جماهير ثنيانية فقط أو تمياطية أو جابرية ,, ولكن الحقيقة تقول أن الجميع يعشق الهلال أولاً .. وإذكرك بفهد الغشيان فرغم تعلق الجماهير الهلالية به وبموهبته منذ أن كان في ناشئ وشباب الهلال الا انه برحيله لم نسمع هلالي قال انا تركت الهلال أو بطلت تشجيع .. الهلال أولاً والبقية تأتي ..

@@@@@@@@

س2/ هل تذكر المباراة التي بعدها زاد عندك الإعجاب بسامي ؟ مباراة قديمة طبعا..

الهلال والرائد وانتهت 1-1 في كأس الاتحاد موسم 1413هـ .. المباراة هذي عالقة بذهني بسبب ان سامي كان مع المنتخب الاول اللي كان يستعد لكأس اسيا 92م .. وكان سامي من ضمن الاسماء التي ستغادر الى اليابان للمشاركة بالبطولة ... وفي يوم السفر الى طوكيو تم ابعاد سامي وضم ناصر القحطاني مهاجم الروضة !! بحجة الاصابة !!!
عاد سامي الى الهلال ولعب مباشرة مباراة الرائد وكان واضح على سامي رغبة في تقديم شئ واثبات للجماهير الهلالية ان ابعاده عن المنتخب لم يكن بسبب اصابة أو مستوى فني .. وسجل سجل سامي هدف رائع واحتفل سامي بالهدف طويلاً امام الدرجة الثانية ثم الدرجة الاولى .. بعد تلك المباراة بدأت اشعر بتعاطف كبير مع سامي بالذات .. ويوم بعد يوم تزداد الحروب ضد سامي وتزداد ابداعاته ونجوميته وانجازاته .. حتى اصبح قائد للصقور الخضر واصبح واجب على كل رياضي عاقل ان يقف احتراماً له .

@@@@@@@

س3/ في رأيك :

ماهي أفضل مباراة لعبها سامي ؟
والله كثيرة يا جمجمة !!! .. وش اختار وش اخلي.. !!!!
والله أصعب سؤال بدون مبالغة .. الحين يمر بذهن عشرات المباريات !!

عموما على مستوى المنتخب مباراة انجلترا في ملعب الصائغ .. :)
على مستوى النادي الهلال مباراة ضد العربي الكويتي في البطولة العربية بالرياض سجل سامي في مرمى سمير سعيد هاتريك .. وأجمل ما في المباراة أن سامي لعب في خط الهجوم لوحده بعد طرد احمد بهجا الدقيقة 10 الشوط الاول .. بعد اللقاء اذكر تصريح للشيخ خالد اليوسف الصباح قال فيه ( مواجهة خط هجوم متكامل عناصرياً أهون من مواجهة سامي الجابر لوحده ) .. المباراة هذي أهلت الهلال للدور الثاني من البطولة وفاز الهلال بكاسها وسامي بجائزة الهداف وأفضل لاعب .

أسمح لي هناك مباراة من أروع المباريات لسامي ولكن ليست ذات اهمية كانت في الدوري موسم 1412هـ ضد النصر انتهت 1-1 سجل للهلال سامي وللنصر سعود الحمالي ,, المباراة في رمضان ووقتها فعل سامي العجب في دفاع النصر ,,

وأسوء مباراة لعبها سامي ؟

مباراة ضد الطائي يتذكرها الجميع كان حظ سامي في تلك المباراة عاثر ، واضاع اكثر من ضربة جزاء !!

@@@@@@@@

س4/ في الوضع الحالي للهلال ماهي التشكيلة المثالية برأيك ؟ مع الدوليين أكيد .

بتواجد النجوم يصعب على أي مدرب ان يختار توليفة ترضي الجميع .. لكن بالنسبة لي أعتقد التشكيلة الانسب حالياً كالتالي:
الدعيع ( الله لا يخلينا )

الدفاع :
الدوخي ( اخيراً بدأ يعود الدوخي اللي نعرفه ) – شريدة ( ألعب لو هو مصاب لاني أرتاح له كثير – خليل ( افضل من سليمان من وجهة نظري) – المطيري ( مافية غيره لان النزهان مركزه الان حر .. حرام تربطه في مركز معين )

الوسط :
توليو ( مسكت ) – الغامدي ( لانه توقع تمريرة سامي في مبارة النصر في كأس المؤسس معناه لاعب ذكي يقدر يقرأ افكار سامي داخل الملعب ) – التمياط ( من غير ليه :) ) – سامي ( علشان اذا ضيع فرصة ينزل راسه ويشوف جزمته ويرفع ضغط الشرقي :) )

الهجوم :
الجمعان ( لانه مجنون هاللاعب بس الله يهبطه قل آمين ) – أدمليسون .

طبعاً الثنيان (أكبر لاعب ) والشلهوب ( اصغر لاعب ) و العلي حسين .. راح يكونون أهم الاورق على دكة الاحتياط ..

والاهم من التشكيلة والنجوم يكون مدير الفريق (أبو محمد) فهد المصيبيح :) ..

س5/ لماذا مواضيعك تقتصر على المجال الرياضي ؟ فأنت ماشاء الله عليك لديك اسلوب رائع في طرح المواضيع فياليت تشاركنا بموضوع في المنتدى العام ؟

تقتصر على المجال الرياضي بسبب أهتمامي بالرياضة .. وأحياناً لا أكتب بسبب انشغالي رغم وجود احداث وقضايا تستحق الطرق .. لذا مت توفر الوقت كتبت بالرياضة فقط ولا وقت لغيرها ..

دعوتك مقبولة .. وبإذن الله قريباً تشاهد لي مشاركة بالمجلس العام بس عاد انتم لا تخلونا بمنتدى الجمهور (( صارت السالفة عزايم )) :) : D

@@@@@@@@

س6/ لو كنت رئيس للهلال لمدة دقيقة ؟ وش تبي تسوي بهالدقيقة ؟؟
الحمد لله انك قلت دقيقة بس .. ولا قلت نص ساعة أو اربع عشرين ساعة .. لاني نفس اللي ابسويه بدقيقة ابسويه لو قلت اربع وعشرين ساعة ..

عموماً .. ابجلس في مكتب رئيس النادي وأقول ( 60- 59 – 58 -57 -56 - ......... 2-1) .. الين تخلص الستين ثانية وبعدين أودعهم :) ..
الله يهديك الحين اصحاب سمو وأمراء يستلمون أربع سنين ويطلعون ما غيروا شئ مجرد مدرب جاي مدرب رايح .. ولاعب اجنبي جاي لاعب اجنبي رايح .. ووعود لنجوم الفريق بمقدمات عقود والنتيجة (ركبة) يحبها قلبك !!! وانت جاي تعطيني دقيقة وتبي أسوي شئ !!

تدري وش خايف انا منه لو صرت رئيس لمدة دقيقة !؟
اخاف يجيب الهلال بطولة واصير وجة السعد والرئيس الذهبي !!! ويقعد الجمهور يصيح ( أرجع يأبو هيا طالبينك لا تترك النادي ) !!

@@@@@@

س7/ وش يمثل لك كلا من :

الكسر بالزلفي : والله بحيرة الكسر تذكرني ببحيرات فيكتوريا في باريس (( أمحق ثقافة )) وش جاب بحيرات فكتوريا لباريس .. :) ..
عموما يمكن البعض ما يعرف الكسر في الزلفي .. وانا ودي اقول هي مكان في النفود يجتمع فيها السيل وتتكون بحيرة يصل طولها الى 10 كيلو متر .. طبعاً لا أحد يروح الحين ترى ما فية شئ ما جاء مطر يسوي هالسنة .. :)

وعلى طاري الكسر ياجمجمة .. أذكر مرة من السنين >=== ما يمديك على ظرف الزمان هذا :) .. كان الهلال يلعب مباراة مع الرائد ببريدة اعتقد موسم 1413هـ .. المهم المباراة غير متلفزة :) وقررنا انا ومجموعة من الاصدقاء السفر الى بريدة لحضور المباراة .. الله يجريك صرت انا المرشد السياحي لهم (( الله يعينهم)) .. وقلت البرنامج كالتالي نمشي من الرياض مساء الخميس بحكم ان اللقاء عصر الجمعة .. و(نمرح) يعني ننام في الزلفي .. و بعد الغداء نتوجه الى بريدة .. ونحضر المباراة وحنا مريحين بدل من اننا نجي من الرياض على الملعب مباشرة (( أي والله اللي يسمعني يقول نضاو وسامي لازم نريح قبل المباراة :) .. راس مالها ندق (بليلة) الين الواحد ما يقدر يتنفس وندخل الملعب )) .. المهم الشباب وافقوا على المقترح اللي قدمته .. وقالوا تم .. سهران يوم الخميس بالرياض وآخر الليل مشينا لزلفونيا طبعاً عن طريق ( interstate 9 north ) :) .. وصلنا ونمنا .. من الساعة تسع الصبح الشباب صحصحوا !!!! غريبة !!!! يوم جمعة ويقومون الساعة تسع !!! المهم هم طبعاً ( متمدنين ) ما يرتحون بالنومة الا بسرايرهم !! الله يخلف الظاهر يخذون السراير للبر اذا كشتوا !! ..
طبعاً .. انا قلت لهم لو اني داري اننا بنقوم من تسع كان نمنا بالرياض ومشينا من هناك !! وبحكم اني المرشد السياحي كان لازم اتصرف بسرعة علشان ما احسسهم بالملل وهم بالزلفي .. قلت شوفوا نبي نروح للكسر .. ساعتين واذا جت الساعة احدعش رجعنا للزلفي وصلنا الجمعة وتغدينا ومشينا ,,, قالوا تم ودنا نشوف الكسر اللي تطلع صورة بالجزيرة والرياض ..

رحنا الكسر .. وانا السواق .. المهم كنا نسولف ووش زيننا .. وفجأة ونحن على ضفاف الكسر .. (هلشت) السيارة .. بالعرابي غرزنا بطين !!! يا سااااتر .. تعال عاد شف الشباب انواع الانتقادات للمرشد السياحي !!!!! وينزلون وكل واحد رافع (طرف) ثوبه بيده !! كأنه يبي يقطع شارع فيه موية !!!! ما يدرون ان الدعوى طين وغراز .. اللي صار وانا اخوك جاء نشمي معه طرمبة هواء رفع السيارة وطلعها والا لو الدعوة على اللي رفعوا طرف ثيابهم كان ما لحقنا على مباراة الهلال والفريق الطاجيكي اللي قبل امس :) ... ورحنا للديرة بعد ما خلصت الصلاة وبدال الغداء قعدنا قدام مغسلة الملابس وعطينا (رفيق ) الملابس يخلصها مستعجل .. وغسلنا الملابس مستعجل ومشينا لبريدة ووصلنا أول ربع ساعة من المباراة وأمحق مرشد سياحي !!!

أسف على هالمشوار بس يوم قلت الكسر جددت الذكريات :)


كوفي عنان :

تصدق عاد انا ديني ودين السياسة والامم المتحدة وغثاها .. ولمعلوميتك انا ما عرفت كوفي عنان الا بعد ما قلده بشير غنيم في طاش ما طاش ..

وجبة بروستد :

البرستد في حياتي أهم من كوفي عنان .. واسأل أبو ناصر :)

المرأة :

ما راح اقول لك نصف المجتمع ... الا ثلاث ارباع المجتمع .. وأكبر النعم (الزوجة الصالحة) ،، والله يصلح ذريتك وتذكر كلامي :)

ددسن غمارتين :

يعتمد اذا كاش أو تقسيط ..!! حدد واعطيك الاجابة أما لو ابفصل راح اتعب ويطول الجواب .. واعتقد يكفي جواب الكسر :)

مكرونة اندومي :

والله ما عمري اكلتها (( يحسبها ممنوعة )) :)

مشهد لأفغاني يقض جدار :

!!!!!!!! ما أدري .. من وين جبت هالسؤال ؟؟

@@@@@@@@@

س8/ آية من القرآن الكريم لايمكن أن تنساها ؟

آية الكرسي ..

@@@@@@@@@

س9/ لو كنت كلا من وش تبي تسوي :

رئيس النصر
: أستمر على هبالي لانه هو سبب شهرتي وشعبيتي :) ..

مسئول ببلدية الزلفي :
استعجل في انهاء اعمال الصيانة اللي بطلعة (ام الذر) باسرع وقت :)

إمام مسجد :
اتقرب من سكان الحي واكون صداقات معهم .

مخرج بالتلفزيون :
استقيل على طول :) .. الله واكبر من زين هالتلفزيون .. طبعاً اقصد التلفزيون السعودي .

سواق طيارة :
اتأكد اذا عندي رحلة لامريكا ان ما معي قرآن ولا كتاب لادعية المأثورة علشان ما يقولون ارهابي ..

تاجر عقارات :
اسأل نفسي متى ابطل نصب وكذب لعيون الـ 2.5 % ..

انا عطيتك تسع اسئلة تدري ليه ؟ قلي ليه ؟
انت بالسؤال هذا صرت معطني عشر اسئلة !!!!! يعني ما عادت تسعة يا أبو الجماجم .. :) : D

@@@@@@@@@@@@@@

عاصوف .. هلا ومسهلا اخوي عاصوف .. وإليك الاجابة على استفساراتك ..

س1/ بماانك كنت مغطي تجربة سامي الإحترافية في انجلترا هل تعتقد أن سامي استفاد من هالتجربة وهل تظن أن اللاعبين السعوديين يمكن ينجحو في الإحتراف الخارجي؟

نعم سامي استفاد جداً من الاحتراف .. وفي أكثر من مناسبة لقاء وحوار تلفزيوني وصحفي سمعت وقرأت عن رأي سامي في الفوائد التي جناها من الاحتراف واجدها حقيقية وملموسة ..

نجاح اللاعب السعودي ممكن .. ولكن عدد قليل جداً .. فالاحتراف يحتاج الى عقلية متفتحة وناضجة .. واعتقد ان نواف التمياط هو اكثر اللاعب ملائمة للاحتراف بالخارج ان شاء الله ..

س2/كم عمرك ؟ وإذا كنت في الجامعة وش تخصصك؟ و وش موترك ؟
28 سنة ... في الجامعة درست الاقتصاد .. موتري فورد :)


س3/ في مرة من المرات قريت موضوع (للهلالي محمد) قال فيه ان (الهلالي محمد) هو يا( قاهرهم ياسامي) فهل هذا صحيح؟

الصحيح انني معجب كثيراً بكتابات الهلالي محمد وبأسلوبه المقنع .. ولكن بسبب انقطاعي فترة عن المنتديات كتب البعض ان ياقاهرهم ياسامي غير اسمه الى الهلالي محمد .. ولكن هذا غير صحيح وانا لا اكتب بغير هذا اليوزر (ياقاهرهم ياسامي) ..

س4/ما سبب قلة كتاباتك في المنتدى بالرغم أن ماتكتبه يحقق ارقام قياسية في عدد الدخول له؟

الوقت لا أكثر هو السبب .. متى ما توفر الوقت والفكرة كتبت مباشرة .. ولكن أحياناً لا اجد الوقت الكافي لإضافة أي موضوع أو رد ..

@@@@@@

m-shlhoob

شكرا لمشاعرك الطيبة ..

@@@@@@@@@@@@@@@@@@2

لي عودة مع بقية الاسئلة :)

بدعوة من أحد الأخوة سوف يتم التحجير على أبو مشعل بالأسئلة :D

1 ) وش رأيك يا ابو مشعل بمن يتهمك بالتدخل في عمل أداراة شبكة الزعيم ؟؟

2 ) هل صحيح أن أبو مشعل يعمل بمقولة (( أن لم تكن معي فأنت ضدي )) ؟؟:

3 ) فهد المصيبيح يقرب لك :D ؟؟ و ما سر الهجمة الاعلامية والجماهيرية عليه رغم حصوله على لقب أفضل أداراي عربي :sigh: و رغم شهادات كبار لاعبي الهلال ؟؟

4 ) من هو المدافع أو اللاعب الي تحس أنه معقد سامي ؟؟ :)

5 ) يوسف الثنيان قال : أن ماجد ما بيعتزل لين تنسم الكورة ؟؟ طيب ماجد اعتزل بس الكرة نسمت ولا لا ؟؟ :D

6 ) وش سر حقد أبو مشعل على اللاعب الكبير :D و النجم الخلوق :D تركي القحطاني ؟؟ كل هذا علشانه بيغطي على سامي :D ؟؟

7 ) تركي القحطاني تتخطى أنجازاته أنجازات ماجد عبدالله ؟؟ فلماذا لا يكرم ؟؟ :D

8 ) هل أنت مع أعتزال سامي دوليا ؟؟ :(

في أمان الله

هلا ابو مشعل وش لونك شخبارك الله يسلمك ..

الله جابك ... صدقني لاخليك تندم

وتكره اليوم اللي فيه وافقت على ها اللقاء

(الله يهديك يبو سليمان وهقت الرجال:D :D )(حطك في موقف تسلل)

المهم انا فاضي على ها الصباح وقاعد لك

(وعلى فكره لازم تجاوب على كل الاسئله الا المكرره)

يالله استعد تراني شمرت و باسم الله :



01## يقول ماجد (يمكن انك قد نسيت الاسم ذا ولكن اذكرك
فيه هذا كان لاعب في نادي النثر(جار القمر)يقول انه ما يحب يحضر
حفل اعتزال اي لاعب عشان ما يسرق الاضواء من اللاعب المحتفى به..
هل تؤيد ان سامي يشارك في حفل اعتزال هذا المسكين
(ان لقى من يسوي له حفل) عشان نشوف من يخطف الاضواء ..او من رايك حرام
ينصدم في يوم وداعه؟؟؟؟؟



02## ايش رايك يتجمع كل الاعضاء ونطلع (كشته)؟؟
برايك من كم (القطيه)؟؟؟ (لاتنسى اننا كثيرين ماشاء الله)
وش رايك تكون القطيه عندي ؟؟؟وين تقترح نكشت؟؟



03## قررت اكتب السؤال ذا بالزهري لانه عن البنات ,,, ليش 99%
من البنات يشجعون الهلال؟؟؟ وليش يعتبرها الجهلاء اساءه للزعيم
مع ان الكل يتفق ان الاناث صاحبات ذوق رفيع اكثر بكثير من الرجال


04##الهريفي طلع من جديد يقط وجهه على جماهير الهلال ويقول :
انها تشجع الكوره الحلوه و انه متأكد انهم بيشترون شريطه(لايروح بالك بعيد تراه شريط رياضي ما هو باللي في بالك) وش رايك بقطة الوجه؟؟؟
(احس اني اسأل واجاوب بنفس الوقت)لكن هذا ما يعفيك من الاجابه


05## (هذا خط جوال:D ) وش نوع جوالك ؟؟ وش النغمه؟؟ وش اغرب رساله
تلقيتها عليه؟؟(واحد حشري)(عندي لك نغمه عن سامي تبيها؟؟؟)لايكون ما
عندك جوال:D :D :D ؟؟



06## رئيث النثر ... مبلغ عنك (بوش) ويتهمك بأنك احد (اعضاء القاعده)
وانك تمارس الارهاب (الانترنتي) ضدهم؟؟؟بماذا ترد عليه؟؟؟


07## هل صحيح انك فتحت مطعم سوداني بالقرب من النادي الجار؟؟؟ ولماذا اخترت هذا الموقع؟؟؟


08## مشعل (الصغنون) ((سلم لي عليه وبوس لي عينيه))لكن لو لاسمح الله
طلع نثراوي (مع اني عارف مافيه امل وانت ابوه) لكن افترض انه حصل
اش راح يكون موقفك في الامم المتحده؟؟؟؟؟؟





(9)## (يووووووه نسيت ان الرقم ذا يهمك كثير ) عشان كذا بسئلك عن
ذيب يهمك امره كثير... السؤال عن هدفه الثاني في الفريق الطاجيكي
لو شفت الاعاده اللي من امام المرمى ... قبل لايسدد سامي على يسار الحارس... شفت الحارس ومعه ثلاثه مدافعين رايحين يسار مع ان سامي والكره في اليمين..ياترى عندك فكره عن وين رايحين الجماعه؟؟؟





اخر اخبار دولاب الخلاقين وش هي يبو مشعل؟؟ هل فعلا دخلته شراريب ( كيتا)؟؟؟




11## سمعت انك شاعر قلطه؟؟؟هل هذا صحيح؟؟



12## احسن مافي رئيث النثر .............(اكمل الفراغ)



13## ماهو لونك المفضل بعد الاصفر؟؟؟ وماهو رقمك المفضل بعد رقم 3؟؟؟؟؟
(شكلك الحين متورط):D :D :D

14## ياخي نسينا الاخ اللي يتصل ولاهم له الا سامي؟؟ وش اخباره بعد
كاس الخليج والهاتريك ؟؟ وهل لازال يطلب اغنية (خليكو شاهدين)؟؟؟
______________________________________

هذي كانت 14 سؤال ولو تسألني ليش 14 اقول اقرا اول حرف من كل سؤال
وشف وش يطلع لك؟؟(انتبه بيطلع لك غول مخيف ومفزع)

انتبه من الغش في الاجابات (لايكون معك براشيم)او ملقن زي اللي يجيبه
الرئيث خلف الكواليث في مقابلاته الفضائيه.... انتبه ترا ابو سليمان
(المدير) مشدد الرقابه ها السنه؟؟
:D :D :D

وهذي الاسئله خفيفه على المعده وكلها[gl](تسعـ(99999)ـات)[/gl]
______________________________________________
على من تنطبق هذه الامثال التسعه:-

:D قال ثور قال احلبه
:D وش حدك على المر قال اللي أمر منه
:D لا غاب الهر العب يافار
:D اسمع جعجعه ولاارى طحنا
:D القرد في عين امه غزال
:D اقلب القدره على فمها تطلع البنت لأمها
:D اللي مايطول العنب حامض عنه يقول
:D يا من شرا له من حلاله عله
:D قاعده ومستريحه جابت لنفسها فضيحه
___________________________________________
تسع باقات ورد لمن تهديها (طبعا التاسعه معروفه لمن!!!!)

_______________________________________________
افضل تسعة كتاب برأيك في المنتديات الزرقاء
(السؤال هذا مهم وضروري للنجاح):D (بعيدا عن كبار الكتاب)
________________________________________________
لمن تقول هذه التسع (لزمات):

1) يالييييييييل مطولك
2) قم بس قم
3) ودي اصدقك بس قويه:D قويه
4) ماعندك ما عند جدتي
5) والله انك منسم
6) اسعد لحظات حياتي
7) دقد ديد دقد ديد...
8) سكتوه لا يسمعه ابوه
9) والله انك راعيها
_______________________________________________
______________________________________________________
_______________________________________________
خلاص هذي اسئلتي (قصدي عيديتي لك)(شكلك تقول :امحق عيديه)
اش رايك بالوانها ماتذكرك بحلاوى العيد:D :D :D

بيني وبينك تراني مستقصدك عشان ما تتشمت ثاني مره بأحد خاصه
الاعصار... وعشان ماتصدق انك فعلا اخترت التوقيت المناسب
((خوفا من الزحمه)

ولك خالص تحياتي
ومره ثانيه يالغالي :

[shdw]


كل عام وانت بخير


[/shdw]

[gl]ما هي الحدود الدولية لزلفونيا ستيت[/gl] :D :D :D :D

عطيتونا .فرصه نسئل ... راح نسئل ونسئل ..حتى يحجر على هذا الموضوع ,,,,,,,


اسئله رياضيه ، شخصيه ، ثقافيه ، فنيه ، سياسيه ، محليه ، ...الخ
الله يعينك ..تحيزم ...

الاسئله الرياضيه ..:

هل تعرف نادي اللواء ببقعاء؟ اجب بنعم/لا؟ معلومه جديده " تصدق ان نادي اللواء نادي يفوق نادي النصر باحترامه لكيانه ولا يتكلم او ينبذ غريمه نادي " الغوطه " بحائل ولا يسب التحكيم حتى لو كان التحكيم ضد الغوطه ومعاه 100% او اكثر؟

الاسئله الثقافيه :

قط امحيزر؟؟؟ ماذا تعنى

الاسئله السياسيه :

هل تعتقد ان احتراف سامي في اوربا ازدادت العلاقات المتينه بيننا و الانجليز ( وجه نظر بطريقه تسائل )



شكرا


جاوب على اسئلتى ....لا انسم كفرات سيارتك قبل ماتروح لمباره الازرق طرف فيها ..واللموزينات نار حاميه هههههه