الغالي ابو مشعل

عملك الحالي لو تكرمت

هل قابلت سامي ؟ اذا ايه عطنا تفاصيل المقابلة

ولي ملاحظة قاعدة على قلبي من زمان ومتعيجز اقولك

توقيعك يرفع ضغطي ،، قل ليه

لان المفروض تكرم صورة سامي عن الصور اللي تحته ،، وتكتفي بصورة سامي بس

فإذا سمحت تغير الصورة لصورة تليق بمقام المقام السامي سامي

وعساك من عواده

بعد التحية الخاصة لقاهرهم ( يعني أنت )

أسألك عن النتديات العامة لجميع الاندية هل ما زلت تشارك فيها؟

وهل أنت معي في أن المنتديات العامة أهملت وخاصة من الهلاليين

وهي التي يفترض أن صوتنا يكون فيها أقوى ؟!

وكيف ترد على من لم يقتنع بسامي من الهلاليين ؟ أم أنه يكابر !!

وماهي توقعاتك للهلال في البطولة العربية ؟

وهل أنت مع أو ضد إقالة آرثر في الوقت الحالي ( وهو ما قرأناه اليوم في الموقع ) ؟

وماهي توقعاتك لمنتخبنا في كأس العالم القادمة ؟

والسؤال المهم / من هو يا قاهرهم ياسامي ؟؟؟؟؟؟؟

ياقاهرهم ياسامي مرحبااااا

هل التقيت بسامي ؟ وهل يتابع مواضيعك ؟
اعظم لاعب هلالي مر في تاريخه من هو ؟
تتوقع الهلال كم يحر من بطوله هالسنه ؟
انت مع اقالة ارثر او لا ؟

السلام


شكل ابو مشعل ماهوب فاض يرد علينا

وهو بصراحه معذور

خلوه يغطس له شوي ويطلع لنا من درره

وسؤالي هو

افرض افرض مثلا

ان مشيعل سواها وطلع نصراوي متعصب

يبي يجيلك قلب تمرمط النصراويه وتمهن ثواهم

ولا يغيرك البزر وتصير نصراوي


تحياتي

الحريف

الاخ المميز / ياقاهرهم ياسامي
أبغى رايك بكل صراحة من هو افضل لاعب عبر تاريخ الهلال وبدون مجامله

وتحياتي لك

كل الشكر للعم أبو سليمان على هالدعوة الكريمة .. ولي الشرف في ( المجلس العام ) والرد على جميع الاسئلة والاستفسارات ..

والليلة أن شاء الله يكون بداية الرد على المشاركات..

@@@@

رسالة خاصة للغريب :

لا تخاف توقيت اللقاء تم بطريقة (علمية مدروسة) :D:laugh: :cool: .. و (بدون شك) أننا في وقت لا يتواجد فيه عدد كبير من الاعضاء .. لانهم (بدون شك ) اللي حاج واللي بالبر ... واللي ما عنده ( انترنت ) الا بالعمل والحين عطلة :)

يعني بلا شك .. ما راح تتكرر (كارثة) الاعصار ان شاء الله :blueroll:

ابوهيشعل

طريقة علمية مدروسة :D

بس ماقالوا لك ان في ناس اسئلتهم واجد

ويحبون يمدحون اللي مايرد عليهم:D:D

فاهمني صح :D:D

خويك وصديقك واللي يعز عليك وتعز عليه/ أمجد :D

هو اللي سجل اول هدف ..‍‍‍‍وهو اللي القى القسم ..وانا اول واحد سال :D:D

السلام عليكم
الظاهر ان الربع ماخلو لي ولا سؤال

بس احب ابدي اعجابي بكل مايكتبه الكبير((ياقاهرهم ياسامي))

ومشكورين للقاء وننتظر الاجابات من ابو هيا :) :)

يا هلا والله وغلا بالكاتب الكبير:

ياقاهرهم يا سامي

عندي لك كم سؤال:
1)ما هو اجمل وأغلى هدف هلالي؟سعودي؟عالمي؟
2)هل فكرت في ترك الانترنت ؟ولماذا؟وكم ساعه تدخل للانترنت باليوم؟
3)من هو مطربك المفضل؟
4)لو طلب منك مناظرة مع عبدالرحمن بن سعود وش بتسوي؟
5)تحب البصل؟:D :D :p :p :smilewink

معليش تحمٌل أسئلتي ....

والله يعطيك الف عافية

سلااااااااام

يا قاهرهم يا سامي يقول:
معليييييييييييييييييييييييش...دحنا حنهريك
استنى علي لين الويك ايند:D :D

وشكرا على هذا الموضوع

في البداية احب اشكر العم ابو سليمان لاتاحة الفرصة لنا لكي نسأل محبوبنا ( ياقاهرهم ياسامي ) ...

والله من زماااان وانا انتظر هاللقاء ...

واحب اطرح على الحبيب ابو مشعل كم سؤال وانشاءالله يتحملنا ...

1/ بما ان هذا اليوزر ( ياقاهرهم ياسامي ) اشهر يوزر على الانترنت .. بودي ان اسالك في كم

منتدى انت مشارك ؟؟ وياليت تذكر لنا المنتديات ؟؟

2/ الجميع يعلم بما تتمتع به من شعبية جارفة على مستوى الانترنت .. فمن الطبيعي ان يكون

ماسنجرك ملياااان .. فكم عدد الاصدقاء في ماسنجرك ؟؟؟ وكم ماسنجر لديك ؟؟؟

3/ هل تقبل اي شخص يضيفك بالماسنجر ام انك تعطيه اشكل =====> واحد يبي يضيفك

وخايف ينصف :D :D

4/ كيف تستطيع التوفيق بين مواضيعك في المنتديات وبين زحمة الماسنجر المتوقعة لديك ؟؟؟

5/ هل تدخل الانترنت يوميا .. وماهو معدل دخولك في اليوم ؟؟؟

6/ يُـلاحظ عليك عند اضافة رد في احد المواضيع انك لا تعر القلم النسائي أي اهتمام حتى

انك لا تذكره في ردك .. فما هي وجهة نظرك حيال القلم النسائي الرياضي ؟؟؟

7/ ياقاهرهم ياسامي كان المصدر الاول لاخبار احتراف النجم سامي الجابر في انجلترا وكذلك

هو من اوائل من ذكر انتقال خميس العويران للاتحاد بالاضافة لعدد من اخبار نادي الهلال مثل

قضية يوسف الثنيان وانتقاله للنصر وابعادها .. فكيف يتم ذلك رغم انك تعيش في امريكا ؟؟؟

8/ قرأت لك عدد من المواضيع في اكثر من منتدى عام كمنتدى النخبة والسامر .. ورأيت

ردود جماهير النص عليك .. فمن هو اكثر جماهير النص مجادلة معك ؟؟؟

9/ من المعروف انك انت من اطلقت لقب المحنط على نجم الصحافة الاول ماجد عبدالله

ولكن من الملاحظ عليك في الآونة الاخيرة قلت مواضيعك التي تخص المحنط وفضائحة

فما السبب في ذلك ؟؟ ونتمنى منك المزيد من الفضائح للمحنط ...

10/ هل لديك موقع خاص ؟؟ اذاكان الجواب بنعم فياليت تكتبه ...

11/ انا ( والعياذ بالله من كلمة انا ) احد مدمني مواضيع يا قاهرهم يا سامي .. فمنذ ان

عرفتك في شهر 5 ميلادي تقريبا وانا لا يفوتني اي موضوع لياقاهرهم ياسامي .. فما

الحل في رأيك كي اتخلص من هذا الادمان ؟؟؟

اخيراً كلمة اعجاب اسجلها بحق كاتبنا الكبير وقاهر اللاهلاليين ابو مشعل .. فهذا الكاتب

دافع كثيرا عن هلالنا وعن نجومه .. وبالاخص عن النجم المظلوم سامي عبدالله الجابر

فشكرا لك استاذي الكريم .. وارجو ان تتحملني وتتحمل اسئلتي تراني ما صدقت يوم

قريت ( اي سؤال يخطر في بالك للغالي ياقاهرهم ياسامي ) وجيت جري اسألك بما يخطر

في بالي ...

غريبة أنك وافقت يا بو مشعل :D

بس ما دامك عييت الأ باللقاء .. الله يعيينك على الأسئلة !!

1 ) من يتتبع مسيرة ( ياقاهرهم يا سامي ) يجد الأختلاف في مقدار التعصب .. و يتبين لنا أزدياده !! ليش و لماذا و ليه ؟؟

2 ) مباراة كان ودك تحضرها بس أرتبط بموعد ولا حضرتها ؟؟

3 ) من هو العضو الذي يتمنى أبو مشعل أن يكتب بنفس طريقته أو بنفس قدرته الكتابية ؟؟ !

4 ) بين النت و الأسرة و العمل .. الخ كيف تستطيع التوفيق بينهم و هل أنت مقصر في أحد منها ؟؟

الله يوفقك و يحفظك لأبنائك ومحبيك :)

سؤالى .. اصغنطوط .............كثر بطولات بعض من اللى ارتفع ضغطهم!!!!


السؤال الاول :

يقال ان ماجد عبدالله ... عجز يعتزل ..لان النعيمه والمصيبيح ..هم من جعلوه نجما ..كما يعتقدون ....هل تعتقد ان النعيمه والمصيبيح يجب ان لا يتخلوا عن ماجد ..وان يشتركوا في برنامج اعتزاله ...؟


السؤال الثاني :

ماذا يعنى لك ... هدف سامى الجابر في الدوحه عام 94 امام ايران؟

شكرا

بسم الله عليك

ابو سلمان يعطيك العافيه أحلى عيدية للجمهور الهلالي اجازة وعطالة يعني متفرغين للحلو يا قاهرهم ياسامي

1-ليه ماترد على الأسئلة اللي يحطها القراء في نهاية مقالاتك أنا سائلك سؤال من ثلاث مواضيع لأحط نفس السؤال ومافي الا أنوع الصف والتطنيش0حتى الأسئلة اللي حاطينهالك الشباب ما ترد الظاهر التلفون مشغول

2-(السؤال اللي دايما ماترد عليه جاء الوقت اللي يقراه كل الهلاليين)
****هل أنت الكاتب الرائع علي معتوق العمري (هلالي الجنوب)*******

3-في اعلان مقابلة دبي الرياضية مع الذيب شفنا لوحة الأعصار الشهيرة(الذئب والكلاب) اللي حاطها انت توقيع وش شعورك وانت متوافق مع سامي في هذي اللقطة؟؟؟؟؟؟؟؟؟؟؟؟؟؟

عاشق الثنيان وما أدراك ما عاشق الثنيان .. مساء الخيرات ..

1- ياخي انت مابقلبك رحمه وراك ذبحتهم قاموا يتحلمون فيك ؟؟وش فيك عليهم ؟ <<لاحظ اني ماحددت منهم علشان كل اللي مرفوع ضغطهم منك تعلمنا

يا فتّاح ياعليم يا رزاق ياكريم !! ..

ما أدري انا من داعي عليّ ؟ .. أخوي الدكتور أمجد صدقني سؤالك الأول هذا (يخوف) .. خصوصاً انه أول سؤال في اللقاء كله !! شخصياً توقعت يكون أول سؤال ( تحب الموز أو الكاتشب ) ؟ أو من أفضل فنان كوميدياني وتعطيني خيارين (عادل أمام أو علي المدفع) ؟ :( ..

بالعربي أسئلة خفيفة علشان الواحد يسخن عليها .. أما على طول سؤال زي هالسؤال صدقني شد عضلي بالكيبورد في نص الاجابة وتغيير أجباري :) ..

الغالي أمجد .. صدقني أنني (رحوم) وحبيب .. بس وأنا اخوك اللي ببطنه ريح ما يسترح .. واللي انت ذكرت انهم ( يتحلمون فيني ) شف وش مسوين في دنياهم ... وتأكد أن (ياقاهرهم) ماهو الوحيد بل غيري الكثير اللي كتاباتهم ترفع الضغط وتجيب القولون :) ..

عموما تمنيت أنك (حددت ) علشان الاجابة تجي محددة وواضحة ودقيقة ;) لكن بما أنك اخترت التعميم ..جاءت الاجابة عامة ..

وعلى فكرة بما أني اعرف انك (تقني) وتملك خلفية في تصميم المواقع والمنتديات مثل الاخ العزيز (فاهم جداً) .. حبيت أنبهك انه طلع (كود) جديد يقيس ضغط أي زائر للموضوع .. بمعني عندما يدخل عاشق الثنيان لموضوع معين ويقرأه يتم أرسال رسالة لكاتب الموضوع عن درجة ضغط (عاشق الثنيان ) بعد أن انتهى من القراءة ..

كود ممتاز (كوده) يفيدك ان شاء الله :) ..

@@@@@@@

2-سامي الله لايشفيك منه وش يمثل لك بحياتك

الله يسامحك يا شيخ .. ومن قال لك أن سامي مرض للي يحبونه ... تقدر تسأل السؤال هذا للمرضى اللي تسللوا الى أستاد الملك فهد فجراً علشان يشوفون مكان (سقوط) كورة سامي اللي جاء منها الهدف الثالث للسعودية في البحرين ..
يقولون والعهدة (عليك أنت) ان مجموعة (داجة) أخذت الكاميرا وتوجهت في ساعة مبكرة من صباح اليوم التالي لمبارة السعودية والبحرين لتصوير موقع سقوط الكرة وذلك لأثبات أن الكرة لم تدخل المرمى ( المصدر رويتر – علشان كذا تشوف صياغة الخبر بالفصحى :)

ذاك الوقت يمكن تقدر تسأل هالداجين متى يشفون من سامي .. ومتى يتركون سامي في حاله .. أما بالنسبة لعشاق سامي فاللهم زد وبارك .. وكان سامي مرض عساه ماهوب أخر الامراض قل آمين ..

@@@@@@@

3-ليه اخترت اسم ياقاهرهم ياسامي يوزرن <<< لاحظ التنوين لاتنساه

يوزر (ياقاهرهم يا سامي) هو سبب دخولي المنتديات وكتابتي فيها .. وتحديداً في عام 99م ..
ولا أبالغ اذا قلت لك ان ما نسبة 95% من المشاركات في ذلك الوقت كانت تتركز حول سامي الجابر ، فسامي كان يشغل بال الجميع (هلالي – نصراوي – اتحادي – اهلاوي) .. كانوا يكتبون عن سامي أكثر مما يكتبون عن أنديتهم ونجومهم المفضلين .. وكنت كمتابع لاأكثر لتلك المنتديات أغضب من (الأفتراء) الذي يمارس ضد سامي الجابر .. وللمعلومية كان سامي بعيد عن المشاركة الدولية مع المنتخب في ذلك الوقت .. ومع ذلك لم يكن يسلم من شرور الجهلة ..

لم أضع في مخيلتي أن اكتب يوماً موضوعاً (جاداً) لنقاش وضع هلالي معين .. أو سلبية هلالية .. لقناعتي في أن الانترنت في ذلك الوقت لم تكن منتشرة بشكل كبير .. وكنت متيقن بأن الاندية وأغلب النجوم لا يلقون بال لما يكتب في المنتديات الرياضية .. لذا اخترت هذا الاسم .. لانني وكثير مثلي من الهلاليين في ذلك الوقت كنا نكتب عن سامي أكثر من كتابتنا عن الهلال .. وذلك بسبب الهجوم المركز على سامي كما ذكرت لك ..

والاسم لم أختاره بعناية أو عمداً بل جاء تلقائي جداً .. فواقع المنتديات في ذلك الوقت لو نطق لقال ( ياقاهرهم يا سامي ) .. تخيل ان يكون سامي بعيد عن المنتخب وبعيد عن الهلال في موسم 1419هـ ومع هذا هو أكثر لاعب يتعرض للتشوية والهجوم !!!

فكان أكثر من يهمني وغيري من الهلاليين هو تغيير وجهة نظر الكثير من الأعضاء الذين لا يعرفون حقيقة سامي الجابر ... بل بعضهم لا يتجاوز عمره 16 سنة .. ومع هذا تجده يتأثر كثيراً بكتابات جمهور (صباح) ضد سامي الجابر ..

والحمد لله أن تاريخ سامي ومجد سامي كان وقود كافي للرد وتعرية من حاول التطاول على مدمي الشباك ..

@@@@@@@

4-كيف تصنف مستويات كتابة الاعضاء يعني على اي اساس تحكم انه يكتب كويس او لا؟

بإمانة ودون مبالغة .. كتابات الاعضاء في شبكة الزعيم قوية وقوية جداً .. طبعاً القدرات متفاوتة .. ولكن كنظرة عامة المشاركات أكثر من رائعة ومتنوعة ...

ولعل أهم ما يميز أعضاء شبكة الزعيم وأقصد هنا (منتدى الجمهور الهلالي ) >== ولا يهون المجلس العام (( أبو هيا خايف من أعضاء المجلس العام )) ..

أعود واقول أبرز ما يميز اعضاء شبكة الزعيم شمولية المواضيع .. وطرق جميع القضايا الهلالية بحرية تامة .. وسأسوق لك بعض الامثلة :

@ تعاقدات الهلال مع اللاعبين الاجانب والمدربين .. تم ناقشها بالزعيم بشكل رائع وتم طرح اراء مختلفة تمثل بحق رأي الجمهور الهلالي .

@ قضية خميس العويران .. شاهدنا كيف تحول المنتدى الى بركان .. وكانت يعكس رأي الجمهور الهلال ..

@ ايقاف الثنيان .. ردود الفعل والمشاركات .

@ مواقف الاتحاد السعودي ..

@ كذلك مشاركات المنتخب الوطني .. شاهدنا كيف تفاعل معها المدرج الازرق بقوة .

اجمالاً.. المشاركات والمواضيع في شبكة الزعيم .. تمتاز بالشمولية والقوة ... وهذا لا ينكره الا جاحد .. وياليت بعض المنتديات الثانية يبحثون عن (كود) يقوي المشاركات ويجعلها منوعة !!:D

وأذكر انني تشرفت مع مجموعة من اعضاء الزعيم بالالتقاء بالكاتب الابرز صالح السليمان في ليلة تكريمه عن طلايق شبكة الزعيم .. وعندما تم توجية سؤال حول ندرة مشاركاته قال : ماشاء الله الاعضاء يسبقوننا بطرح جميع الافكار وبأسلوب قوي ورائع .. فنكتفي بالقراءة .. وهذا ايضاً رأي الاستاذ خلف ملفي الذي يشارك بين الحين والاخر في منتديات الزعيم ..

اما جزيئة كيفية الحكم على ( كواسة ) الموضوع (( اقصد جودة الموضوع )) .. اعتقد (الفكرة أولاً واسلوب الطرح ثانياً ) ..

@@@@@@@

5-السؤال المهم مرررةمن الشخص اللي تحس ان ضغطه مرتفع منك ولا يقدر يرد عليك

؟؟؟؟؟ .. والله ما أدري .. بس اذا فية شخص فهو شخص هذا طبعه يحب يكتب من وراء (حجاب) زي الحريم يعني .. بالرغم من قناعتي بذكاءه وانه لاقي (غنم) يلعب عليهم علشان يصيرون لسان له :) ..

@@@@@@@

6- حلقات زكية زكريا وش رأيك بخفة دمها بصراحة؟

أحلى ما في السؤال أن فية ( بصراحة) ههههههه ... والله شهادتي في الاخت زكية زكريا مجروحة .. وأقسم لك بالله اني وضعت لاقء دبي الاول والثاني ولقاء قناة قطر في شريط واحد .. خوفاً من ضياعها ... لان مثل هالتحف من القهر ان تضيع ,, وان حريص اشد الحرص متابعة أي جديد لها ... خصوصاً بعد قلة الاعمال الفنية لوحيد سيف :D

@@@@@@@

7- لو خيروك بين انك تصير نصراوي ولا تصير ضب وش تختار

أذا قدرت توجد فرق بين النصراوي والضب .. راح اختار !! .. أما ان تضعني أمام خيارين لا فرق بينهما وتطلب مني الاختيار فصعبة شوي ..

شخصياً لأجد فرق .. ومتساوية .. اذا صرت ضب أو نصراوي :)

@@@@@@@

8- اغنية هين هين يالضبان لمن تهديها

لكل ضب لا يملك رأي ولا حجة .. ويتغير رأيه بين عشية وضحاها دون أي مبرر

@@@@@@@

9- سامي سامي سامي سامي سامي سامي سامي سامي سامي ((تسع مرات لاتعدهم)) ايش رايك بالسهم الدامي

السهم الدامي .. هل تقصد اللقب ام المقصود من باللقب أم من اطلق اللقب .. وضح أفصح ;)

@@@@@@@@


لي عودة مع الاستاذ الفاضل (جمجمة الهلال) >==== يا صعب اسئلتك والله !! :(