09/12/2007, 01:20 AM
|
| زعيــم فعــال | | تاريخ التسجيل: 13/10/2003 المكان: المنطقه الزعيميه
مشاركات: 203
| |
أوشكت على الموت والسبه بيضتين <--موقف خطير صار لي تحمدولي السلامه
بسم الله الرحمن الرحيم
أول شي هذا أول موضوع اكتبه لي في هذا المنتدى الكبير
هو موضوع بس من موقف صار لي <---يمديكم على الألغاز
خلكم من المقدمات وبخش دوووغري بعد اللفه بالموضوع
في فجر يوماً مشرق بعد أن أذن الفجر استعددت عشان اصلي الفجر ورحت اصحي أمي عشان تصلي <----توهت ما عرفت تكمل عربي فصحة و تستعد لدوامها ويوم قامت قالت لي سوي لي فطور بموت من الجوع المهم قلت لها اوووكي مااامي رحت جهزت الأغراض والمقادير وهي عبارة عن بيضتين ووعاء لسلق البيضتين وافتح الفرن لقيت الغاز مخلص ومستحيل اطلع للمطبخ الثاني فوق لأنه بالسطح ونادر ما ندخله أو نطبخ فيه لأنه لطبخ العزايم المهم فكرت وفكرت قلت مافي غير المكر ويف "أقول ياليتك ما تعبتي بالتفكير "
المهم عاد أنا من فلاحتي مسويه بختصر الطريق عشان أبروح اصلي الفجر شغلت غلاية المويه ويوم فار"فار ولا هارب من العداله " حطيته في بادية وترستها مويه وحطيت فيها البيضتين "إلى الآن كل شي حلو وتمام التمام "حطيت البادية بالمكر ويف وحطيتها 6 دقايق ورحت أتوضآ وجهزت ورقة الأذكار وقعدت اقرأها وأنا امشي بالبيت وأخذت لي كم فره اصحي أخواني وجدتي للصلاة ورجعت للمكر ويف وكان الماي يغلي وباقي 50 ثانيه وتوني بفتح باب المكر ويف
 وطاااااااااااخ طووووووووف "بخاااار حوووسه ظبااب"وينفجر علي المكر ويف وينكب الماي الحار علي والبيض انفجر علي وتكسر صحن المكر ويف في وجهي وما صرت أشوف غير الضباب أو البخار مع دخان في ها للحظه ما حسيت بشي غير أني صرت مثل النينجا ونقرت افصل السلك قبل لا يصير ماس كهربائي ولا شي "والله أني خطيرة انفع في المواقف الحرجة" "أي مواقف كنتي بتفجرين بيتكم " كل هذا صار وأنا لسه واقفة ومو حاسة بشي وعيوني طالعه على بره وثواني إلى أمي وجدتي على راسي يكلموني وأمي تهزني وأنا مو سامعه ولا حاسة بأي شي ويوم قالت أمي صار لك شي وهي تهزني حسيت وقتها بألأم متفرقة في كتقي وعند رقبي وتحت رقبتي خذتني أمي عند البرادة وتصب علي ماي بارد وهي تقول الحمد الله الحمد الله " وجلست أطالع ارض المطبخ كلها قزااااااز قطع كبيرة وأنا ريحتي قسم بالله تقولون وحده نايمه في عشت دجاج أسبوع تخيليو ريحت زفر بيض محروق شلون بتصير واااااع "الله يلوع كبدك ودخلتني أمي دورت المياه إلي هي الدبل يو سي الله يعزكم وأطالع وجهي بالمرايه ومو مصدقه كل العفسه إلي صارت والقزاز إلي تكسر و المويه الحارة ولا جا لوجهي شي واحد الحمد الله من جد حمدت ربي وشكرته لأني كنت متوقعه يا أني أتشوه أو يصيبني شمخ واحد على الأقل بس الحمد الله الحمد الله ألف مره الله حفظني وصار لي حرق بسيط تحت رقبتي مع رضه خفيفة لأن باب المكر ويف صقع فيني وحرق بسيط بعد في كتفي بس تدرون ليه ما صار لي شي لأني قريت أذكار الصباح ولأني كنت متوضيه للصلاة وطبعا أماكن الوضوء من ضمنها وجهي ويدي وما صابني فيها شي
خلاصة الموضوع أن الإنسان لازم يحااااااافظ على أذكار الصباح والمساء ولا يسوي بيض مسلوق ابدووون خلكم على المقلي ولا الجبن يعني من جد بعد العسفه والقزاز والماي الحار توقعت اقل شي جرح في وجهي كنت أتمنى اني صورت لكم كل الزحمه بس الشغالات نظفو كل شي
وانا ما كتبت الموضوع إلى عشان اوصيكم بالأذكار الله الله بالأذكار وسلامتكم <--- قايله شعر الأخت
وأعذروني على الإطالة
اخر تعديل كان بواسطة » أمـــ الهلال ــل في يوم » 09/12/2007 عند الساعة » 03:42 AM |
الوضع العادي
