بســم الله الــرحــمن الــرحــيم ....

فــي اتصـــال أجــراه أحــدى الصحــفيين الرياضيين عــلى حكــم اللقــاء خــليل جــلال ..

وذالكـ لمعــرفة الحقيقــه ... فقــــــــــــــال

إقتباس ان الكلام الذي نقل عنه عار من الصحة ولا يمكن ان يصدر منه بأي شكل من الأشكال موضحا كل مافي الامر ان النفطي توجه له بعد إشهار البطاقه الحمراء في وجهه وقال له ( انت ظالم ) ورد عليه خليل جلال ( هذا قانون يطبق حتى في بلدك ) , قاصدا في ذلك ان لغة كرة القدم سارية في جميع انحاء العالم ولها قوانين متعارف عليها دولياً.

عــلمــا بأن الزيــد اكــد فــي حوار تلفزيونيــا لقنــاة العــربيه بأن سيتــم انعقاد لجنــه بذالكـ

مساكـــين النصــراويين خــرجــو وسبــو عــلى الفاضـــي ..
وأكـــيد سيتم معــاقبة الأعــب انشاء الله لانــه اساءه للحكــم السعــودي بل لكــل السعــوديين
وانــا اطــالب بطــرده وليس بأيقــافه اذا ثبت الأمـــر ...

والله خليل جلال معروف باخلاقه وهو انسان محترم ولا يمكن يصدر منه ذا الشئ
لكن المشكلة في النفطي شكله سمعت سيرة بلدك وفسرها ان الحكم يقوله ارجع لبلدك
والمسؤولين بالنصر ما صدقوا خبر انواع التقطيع بخليل اللي يقول السركال معه حق واللي يقول لو يصير خليل كابتن طيارة ابرك له واللي يرفع الضغط والمرارة في منتدى الحالمي منزلين جوال خليل جلال عشان يسبونه ويفضحون فيه مثل ما صار للكابلي
على بالهم الرجولة بالهياط والتخلف اللي هم فيه.
ما دروا ان خليل انسان محترم وحتى لو نفرض غلط لا يمكن توصل لذي الدرجة من السب واللعن فيه.

إقتباس الرسالة الأصلية كتبت بواسطة الازووووري66 وانــا اطــالب بطــرده وليس بأيقــافه اذا ثبت الأمـــر ...

أبشر بنكلم رعاية الشباب ونقول يسلم عليكم الازووووري ويقول اطردوا النفطي من البلد
ياخي اذا كان خليل جلال قالها فهذي بصراحه قلة أدب منه
ولانستبق الأحداث ونسوي قلق من لاشيء

نشووف وش بتسوي اللجنه ؟

إقتباس منتدى الحالمي منزلين جوال خليل جلال عشان يسبونه ويفضحون فيه مثل ما صار للكابلي

ياالله ياالله على العقليات الصغيرره والمتحجره ويقولون ليه النصر حاله كذا!!

ياناس خليل جلال حكم عالمي يعني معقوله بيقول هذا الشي او بيتلفظ ماعمرها صارت حتى من حكم حواري

بس ترا اهل العقول في نعمه والنفطي اول مباراه وكرت احمر وجاي يتهم وصدقوني هذا مو كلام النفطي لانه محفضينه وش يقول

إقتباس ما دروا ان خليل انسان محترم وحتى لو نفرض غلط لا يمكن توصل لذي الدرجة من السب واللعن فيه.

صحــيح كــلامكــ .. والحكــم اذا أخطــأ مــا نسبه ونجرح فيه ..
والكــبير دومــا كــبير وانشاء الله يأخــذ حقه بالنظــام

إقتباس ياخي اذا كان خليل جلال قالها فهذي بصراحه قلة أدب منه

انا قلت اذا ثبت الأمــر لابد من معــاقبه الاعــب .. لا تعــصب اهــم شيء صحتكـ هههه

إقتباس نشووف وش بتسوي اللجنه

تأخــير وشرط تصــدر القرارات بعــد مبارة النصــر عــلشان الاعب يلعــب ..

قسم بالله ان نادي النصر خراب للكره السعوديه

فشلونا عند العربان كل يوم طالعين بسالفه

اجل روح البلدك يا نفطي << مشروع ابو شلاخ جديد


لا وياشين اللي طاروا في العجه من اعضاء شرف النصر

الا على طاريهم ما تحسون انهم اكثر من الرز في المدرجات وفي الملعب


ولا نسمع انهم دعموا ناديهم ما نعرف عضو الشرف النصراوي الا اذا انتهت المباراة


وهو يتحسب على الحكم ويعزي في حال الكوره السعوديه ويهددون ((شكل نظام العضويه الشرفيه عندهم تعطى

للي يسب اكثر واللي يتظلم ويهايط اكثر)) فقراويين والله.

احس انها محبوكه القصه

والنصر ما صدق تطلع الكلمه من خليل

بس تبقى يا خليل افضل حكم

والله لو يحكم لهم رئيس ناديهم يالفاشل انه فاشل ويموت فاشل

ياجماعة ليش الطقاق

خليل ماقال شيئ غلط

قال ان القانون يطبق حتى في بلدكـ (( مافيها شيئ ياناس ))

بالعكس اتخذ القرار السليم

واتمنا من اللجنة بالحساب والجزاء لهذا اللاعب

اجل روح البلدك يا نفطي << مشروع ابو شلاخ جديد

ههههههههههههههههه نصــراوي وش تــبي يطــلع منه غــير الشلاخــات

إقتباس لا وياشين اللي طاروا في العجه من اعضاء شرف النصر الا على طاريهم ما تحسون انهم اكثر من الرز في المدرجات وفي الملعب

ههههههههه الا اقــولكـ شفت ذاكـ الــي مدري كــيف جــاي وجه ..
الي جــالس يصفق عــلى فرصــه ايلتــون لمدة خــمس دقائق وهــو مــا يدري واين الله حــاطه فيه
مــا اقــول الأ الله يعطــيهم العقــل

إقتباس ولا نسمع انهم دعموا ناديهم ما نعرف عضو الشرف النصراوي الا اذا انتهت المباراة

ههههههههههههه والله انكـ صادق خــاصتا ممدوح مع ذا الي تواه طالع تركي
قبل المباره مــا لهم حــس وبعــدهــا يدورن الكــاميرات عــلشان الشهــره هههههههههه
وهــم عــارفين بأن جماهيرهم مخفــه يصــدقــون كــل شيء ههه

متشكــر يالغالي

إقتباس الرسالة الأصلية كتبت بواسطة النقيب الهلالي ياناس خليل جلال حكم عالمي يعني معقوله بيقول هذا الشي او بيتلفظ ماعمرها صارت حتى من حكم حواري بس ترا اهل العقول في نعمه والنفطي اول مباراه وكرت احمر وجاي يتهم وصدقوني هذا مو كلام النفطي لانه محفضينه وش يقول

عفوا اخوي الحكم خليل حكم جيد ولكن متسرع ومسوي فيها شديد لانه اخذ اكبر من حجمه ومدعوم من لجنه الحكام

اداره النصر خذت موقف منه من الموسم الماضي لانه كاد يتسبب بهبوط الفريق وما صدقوا يلقون عليه شي وبداء مسلسل ارجع لبلدك بطوله كريم واخراج الرشيد ولاتنسى الدغيثر مساعد مخرج والمولف معروف.
الحكم خليل جلال حسب لهم ضربه جزاء خطاء ومع ذلك ما سلم منهم
القصد ما علينا منهم

طيب ان ثبت ان خليل جلال ماقال الكلمه هذي وهذا الي بيصير من بياخذ حق خليل جلال من فيصل بن تركي هنا السؤال