ان شاء الله يبيضون الوجه جماهير الرياض

إقتباس الرسالة الأصلية كتبت بواسطة هلالي 292 مع احترامي انا من جمهور الرياض... لاحظت جمهور الرياض اكثريته عنصري مايحضر عشان الفريق الهلالي..يحضر لـ لاعبيين معيينين ان لعبوا حضروا.. وفي لاعبين مايبووون يشوفونهم مع الفريق ولا يحضرون والامثله واجد مثل ياسر والتايب وألخ مالعبوا بنصف نهائي الاتفاق ..الجمهور يفشل ولاحضروا كانوا الاتفاق حاضر بكثافه بمساعدة جمهور الفقرررر... يعني حتى لو مالعبوووووا .. انتوا احضروا عطو للاعبين حماس حسسوهم انك معاههم وتحضرون للفريق مو للاعبين معينيين انا اتحدى جمهور الرياض يحضر مباراة النصر وياسر والتايب والشلهوب والدعيع مايلعبوووووب ...اتحداك يملووون الملعب.. وهذ1 بيدل انه يشجعون لاعبييييييين.. بس بمباريات النهائيه اللي يقول جمهور الرياض يملي الملعب.. لاتنسون في جماهير هلاليه تحضر من الشرقيه ومن الجنوب ومن المال ومن القصيم ومن القر اللي قريبه بالرياض زي شقرا والمجمعه وانتوا ماشين..

كلام سلييييييييييييييم يابطل

ياخـــــوي ولله جماهير الرياض ما تحضر زين

يعني لازم يكون الفريق كامل علشان يحضرون

بعدين اللي يقول لو كان في تبوك 12 مباراة راح يحضر جمهور

اقوله ايه يحضر اللي يحب الزعيم من قلب يحضر ليش ما يحضر

ياخوي انا مافيه مباراة للرائــد في القصيم إلا احضرهــا رغم انه في الدرجة الاولى

فما بالك لو عندي الهلال كان مافيه ولا تمرين اخليه يفــوت زين ما نمت معهم بعد

إقتباس الرسالة الأصلية كتبت بواسطة مجنون الـصـويـلـح طيب لو اهل تبوك عندهم اكثر من مباره والله ماتشوف ولا نصهم موجودين

لا تحلف الله يصلحك على شي في علم الغيب



اخوي جمهور الهلال بالرياض خف حظوره واقتصر على المباريات المهمة او المجانية


اللي يحظر له مليون شكر وهذا واجبه ولازم عليه



ااااااااااخ لو اني قريب بالرياض صدقني ياني يمكن تمارين النادي ماتفوتني مو المباريات


المهم احنا مانحش فيكم ياجمهور الزعيم بالرياض بس عتب محب نبيكم تثبتون انك اللاعب الخفي

اللي راح يرعب كل مين يلعب قدام الهلال على ارضه

صدقوني لو مباريات الهلال في اي مدينة ثانيه يعني الهلال يكون من الدمام مثلا ماراح تشوفون الملعب مليان في كل مباراة وابصم بالعشرة بعد

حنا لان الهلال دائم يلعب هنا

ثانيا في هالوقت هذا انا مستحيل اخذ خواني او اروح انا للملعب خوفا من الشباب اللي لا يحظرون المباريات للمتعة بل يحظرون لأمور اتحفظ عن ذكرها هنا



وفي الختام كلنا نجتمع على حب الهلال

إقتباس الرسالة الأصلية كتبت بواسطة تفاريس14 السلام عليكمـ .. هل تقارن جمهور الرياض بجمهور الشرقيه؟؟ او حتى حائل او تبوكـ؟؟ وهذ والنادي عندكم بالرياض والله لو عندنا بالشرقيه ان تشوووفووون بالتمريناات حضووور غير المباريات طبعاا ((فضحتونا ياجمهور الرياض))

خل يجي الهلال عندك ونشوف ,,

والله حنا ياجمهور الرياض مقصرين لكن يبقى الهلال مايئهل انك تحضر له مرات يخسر ويرتفع ضغطك ,,

وبالنسبة للي يقول لو الهلال ببتبوك او الشرقية بالعكس اتوقع حضوركم راح يقل لانكم ياهل الشرقية ما تشوفون الهلال الا مرتين بالسنبة اما حنا عد واغلط ثلاث ارباع المباريات بالرياض انا ما اقول شيئ واسبهم ,,

لكن اعرف كثيرين من جمهور الهللا بالرياض نادر مايحضرون واذا قلت لهم ليش يقولون مانحضر الا نهائي او مبارة مهمة غيرها انسى على قولتهم الله يخلي اي ار تي !!

انا والله من جمهور الهلال بالرياض ودايم احضر ومرات اتحطم اما اسئل واحد من الأخويا يقول ماني حاضر وصراحه كل ما اروح الملعب اسئل اخويا اصير انا الوحيد لالي حاضر بينهم باستثناء المباريات الكبيرة طبعا زي الهلال والوحدة الإماراتي او الهلال والكويت الكويتي المباريات هذي كل واحد كنت اعرفه هلالي كان حاضرها ,,

عموماً جمهور الرياض وجمهور الشرقية وكل جمهور المدن على العين والراس وارجو انكم ماتطلعون عن الموضوع علشان امور تفاهه كلنا هلالين وكلنا مسلمين قبل كذا ,,

ومشكور اخوي راعي الموضوع على موضوعك بس احس انك معصب شوي

يعطيك العاااافيه بس جمهور الرياض مثالي وبس

إقتباس مع احترامي انا من جمهور الرياض... لاحظت جمهور الرياض اكثريته عنصري مايحضر عشان الفريق الهلالي..يحضر لـ لاعبيين معيينين ان لعبوا حضروا.. وفي لاعبين مايبووون يشوفونهم مع الفريق ولا يحضرون والامثله واجد مثل ياسر والتايب وألخ مالعبوا بنصف نهائي الاتفاق ..الجمهور يفشل ولاحضروا كانوا الاتفاق حاضر بكثافه بمساعدة جمهور الفقرررر... يعني حتى لو مالعبوووووا .. انتوا احضروا عطو للاعبين حماس حسسوهم انك معاههم وتحضرون للفريق مو للاعبين معينيين انا اتحدى جمهور الرياض يحضر مباراة النصر وياسر والتايب والشلهوب والدعيع مايلعبوووووب ...اتحداك يملووون الملعب.. وهذ1 بيدل انه يشجعون لاعبييييييين.. بس بمباريات النهائيه اللي يقول جمهور الرياض يملي الملعب.. لاتنسون في جماهير هلاليه تحضر من الشرقيه ومن الجنوب ومن المال ومن القصيم ومن القر اللي قريبه بالرياض زي شقرا والمجمعه وانتوا ماشين..

يابوي جمهور الرياض بالمباريات المهمة والله انه افضل جمهور ,,

شقراء وطقتهم ذي كلهم كم واحد بيجي اصلا كلهم سكانهم 5 الالف لو قلنا 500 بيجون بيعبون الأستاد 70 الف كبر عقلك شوي ياخوي وبالنسبة للباصات انت تقول يجون لو قلنا راسلو 10 باصات وكل باص فيه 20 يعني 200 واحد هل 200 واحد بيعبون 70 الف ؟؟؟؟!!!

ياخوي كبر عقلك ياخوك انا الوم جمهور الهلال بالمباريات صغيره لكن صدقني جمهور الهلال وقت الشدايد كلهم يحضرون ويعبون 70 الف سلام سلام ..

ونسيت اقول شيئ وهو اهم شيئ ملعب تبوك كله 10 الف مدري 15 بالكثير وملعب الشرقية 30 وحنا ياالهلالين اللي بالرياض الملز يشيل 55 الـف والأستاد 75 لما تشوف نص الملعب فاضي زي مبارة الإـحاد اعرف ان الحاضرين 20 الف يعني يعبون ملعب تبوك كله وفوق هذا يعبون نص ملعب الشرقية اللي يمثل جمهور الهلال يعني لا ننسى ان ملاعب الرياض كبيرة وعلشان نقارن خل يحطون استاد الملك فهد بالشرقية وخش نشوف اذا تعبى ربعه قابلني ياشيخ !!

الموضوع كبر بزياده

المهم

احضروا

حضور مؤثر

واتركوا الكلام

والمضاربه

عـاد حدكم ياحلوين كل شي ولا جمهور الريـــاض

بدال ماتقولون يعطيكم العافيه تجلسون تسبون

أول شي كم مباراة في السنه بالرياض وبعدين الناس عندهم مشاغل موب كل مباراة فاضين
جامعات اختبارات متى نذاكر يوم السبت كانت مباراة الاتحاد ورايح الملعب وانا ماذكرت واخرتها يتعادلون

ولا يوم الوحده الاماراتي الملعب مليان وخسروا

ومن زين حضوركم انتم عاد راس مالكم حبتين تملون الملعب 30 % وانتهينا بسيطه تملاها

ومباراة الاتفاق موب حاضرين من الحين قلت لكم انتم فيكم الخير تعالوا أحضروا وروني همتكم !!!

يا زعماء جمهور الهلال واحد في كل المناطق وكلهم واحد لكن النقطة المختلف عليها حظور جمهور الرياض في المباريات السابقة قليل والسبب مجهول لذلك أن شاء الله بيكون الحضور في مباراة الأتفاق كبير وبالتوفيق للزعيم0