|
ألعروس بسم الله الرحمن الرحيم السلام عليكم كيفكم يا احلى اعضاء هذي قصيدة اعجبتني بس كن المواصفات اللي فيها مستحيلة العروس العروس خوية درب عمري ما خهذاني دونها النسيان وانا ياهل الملامة ما رغبت العيش وحداني ابي لي مهرة ماعسفت صغيرة وبنت حصان ابوها اللي يفك المشكلة ويزبن الجاني واخوها لا تعزوى باسمها فزوا له العربان يحق لها الفخر في قولة آل فلان جداني ابيها في بحر عشرين لا زود ولا نقصان ابيها اقصر طويلة والوصوف اشكال والواني ابي الجبهة كما الصبح وكما القوس اسود الحجان وابيها ناعسات ونرجسية سود الاعياني ابي رمش كما ريش يغطي الثلج في الاوجان وابي جفن يشيل الرمش طربان وكسلاني ابي خد كما ورد تنمى في طرف بستان وابي خشم صغير مثل حد السيف شاماني ابي البسمة كما البرق وثناياها كما المرجان وشفاها جمرتين وفمها خاتم سليماني ابي شعر مثل ذيل الفرس لا طبت الميدان او الشلال لابات ليله بين الامتاني ابي جيد سواة ابريق فضة ناتق مليان وصدر كنه مرايه عليها طلع رماني ابي ظهر كما الجدول وقد مثل غصن البان وخصر مثل مجدول العناني وجسم روياني ابيها نابية ردف وبطن ضامر جوعان ابيها مدمجة ساق وقدمها لسان ثعباني ابيها بنت عز من رغدها ينعم الفستان ابي الرقة وابي الدقة لها باطرافها شاني ابي المشية كما اللي طالع من المعركة كسبان وابيها ثرش مع خطواتها مسك وريحاني ابي صوت الى مني سمعته كن فيه الحان يدغدغ مسمعي ويثير كل السحر في اشجاني ابيها حب واخلاص وهواجيس وفرح واحزان ابيها مثل ما دكتور اهالي العشق وصاني ابيها لوحة ما صورتها ريشة الفنان ابيها جوهرة ما جابها قاصي ولا داني ابيها تنتصر لي من زمان حطني نيشان وتبشر بالغلا اللي مالفابه واحد ثاني مهرها قلب وشعر يهز القلب والوجدان والبسها القصيد وتصبح اوزاني وقيفاني ابي اللي فات واللي فات صعب ومن لقا العنوان يرد العلم ولا افضل اعيش وحداني للشاعر/ ناصر القحطاني وشكرا لكم |
وش دعوة ما اعجبت احد؟؟؟؟؟؟؟؟؟؟؟؟؟ مجاملة على الاقل!!!!!!!!!!!!!!! |
والله حلوه وصح لسانك بس ماتلاحظ ان مواصفاتها مستحيله وشكرا |
عاشق الهلال حسون يبي يتزوج من برا ولا يدري وش يسوي:D:D |
| الوقت المعتمد في المنتدى بتوقيت جرينتش +3.
الوقت الان » 07:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd