ياشباب صحيح ياسر ماسجل

بس حتى ومستواه نازل بسبب الإرهاق مازال يتحرك ويروح ويجي ويسدد كور خطيره

عطوا الرجال وقت يرتاح ياجماعه

وياليت نبعد عن المقارنات الله يرحم لي والديكم

والله ياسر مستواه زفت
ولعبة غير مغنع
واتمنى انه يراجع حساباته
وتركونا من المجاملات
والله مارفع ياسر الا القحط ؟

اقوووووووووول لا يكثر ياسر وبس

إقتباس الرسالة الأصلية كتبت بواسطة عماد 10 والله ياسر مستواه زفت ولعبة غير مغنع واتمنى انه يراجع حساباته وتركونا من المجاملات والله مارفع ياسر الا القحط ؟

أقول لا يكثر كل شيء ألا ياسر مايفوزكم بعد الله ألا هو
ألي مهب عاجبه يطق راسه فالجدار ولا بشجع الهلال

المشكلة كل ما واحد حكى عن ياسر قالو مرهق لين متى مرهق ؟؟!!
ياسر لازم يعرف إننا زعلانين عشان يهتم أكثر بالنتيجة والثلاث نقاط شغل الإستعراض ما ينفع خاصة مباراة الوطني إننا متقدمين بهدف فقط والتعادل ممكن يجي في اي لحظة وتضييييع النقاط
احنا نحب ياسر بس ياسر لازم تكون عنده روح الفووووووووز ولا غير الفوز .

إقتباس الرسالة الأصلية كتبت بواسطة آلآكسندر اتمنى ان ياسر يراجع مستواه .. واتمنى ايضا ان يتم تهديده من محمد بن فيصل .. اما ان يرجع لمستواه .. والا دكه الاحتياط بانتظاره عشان يحس .. ويرجع لمستواه المعهود .. اما كذا .. ماش ماهو عاجبني

لا ويحرمونه من الراتب <<<خل يتأدب

عسى ماشر وشو نهدده بيده هذا الشي مو بيده عشاان يرجع لمستوااه وبعديين مستوااه مافيه شي

بس ضيع له بلنتيين وخلاااص ضاعت وخلصنا ،،،

ياسر لاعب كبير ولم يخلق مثله في الملاعب السعودية منذ ان نشأت حتى يومنا هذا

تكوينه الجسماني وذكائه وحنكته لم نشاهدها في اي من الملاعب العالمية ..

تصويباته على المرمى لاينافسها اعتى اللاعبين العالميين ..

ياسر خانته الايام والا كان من المفترض ان يلعب في البرازيل او ايطاليا فهي المكان المناسب له ..

لن تجد لاعب في العالم يراقبه خمسة لاعبين طوال التسعين دقيقة الى درجة احتضانه ومراقبته كظله ومع هذا يسجل

ويستطيع ان يتملص منهم ..

لن تعرفوا قدر ياسر حتى تفقدوه او يصاب حينها لن ينفع لا الصويلح مع احترامي له ولا غيره ..

وتذكروا ياسر ماجاء مثله ولن يأتي مثله في الملاعب السعودية الى ان يشاء الله

شكرا وارجوا تحكيم العقل قبل كتابة اي موضوع يضر بنجوم الهلال ويثبط من عزيمتهم .. وان يكون الحق والعدل هو

مانصبوا اليه في كل مشاركاتنا ..

مسكين ابو قحط والله لو انا في نادي الهلال لأعطيه اجازه شهر ياخي اللاعب مرهق مرهق من جد يبي له فترة طويلة يريح وبعدين ترى ياسر بعد يبي له قبصة اذن لانه بصراحه متكبر ومغرور على الجماهير الهلالية

يركز اكثر بس في مبارياته
والله يصير هداف الدوري

ياخوي هذي حال الكوووورة

لازم الاعب يضيع فرص