طفله تسولف لي عن الحب بشويش!! - نادي الهلال السعودي - شبكة الزعيم

ليش يابعدهم ليش؟؟ · #1 27/12/2007, 11:54 PM

قصيده لأحد الشعراء<<تصدقين احسب انها مو لواحد من الشعراء

أنا شخصيا أحبها
ان شاء الله تعجبكم

طفله تسولف لي عن الحب بشويش..
وأنا كذا بشويش مجنون طفله..!!
لا قلت( أحبك) بس صفت لي الجيش..
جيش الرموش اللي غزتني بغفلة..
وقالت بهمسه ذايبه ..اممم ..بس اييش؟
هالـ (اممم) هاذي بس ياخوك حفله..!!
وأموت بك قالت ولا توكلك عيش..
عجزت ألاقي مفرده تنوصف له..
طفله..ويجرح خدها ملمس الريش..
حتى الخطا لاسوته ينتصف له..
علمتها إن الأماني لها طيش..
وعلمتها إن المواعيد جفله..
دنقت..طاحت دمعتي ..واصرخت..ليــــــــــــش؟؟!
قلت التعب يابنت غصب انجرف له..
قالت وهي تمسح على شفاي بشويش..
بشويش لاتبكي من الحزن طفله..
مدامنا بالكون هذا نبي نعيش..
دنياك ماتسوى من شفاك تفله..!!

أدري اني بيجيني واحد ولا وحده بتحطمني وبتقوول مشكوور اخوي
علشان كذا للمعلوميه >>>انا بنت

@الالماسه الهلاليه@ · #2 28/12/2007, 12:18 AM

شعـــــــــر روعـــــــــــــــــه

مشكوره اختي ليش يابعدهم ليش

<<<<<<<<<<<<ترى توني ادري انك بنت حسبالي ولد

مشكوره ،،،

ليش يابعدهم ليش؟؟ · #3 28/12/2007, 12:21 AM

مرووورك الارووع
أشوى انك تداركتي الموضوع<<متعوب عليها تداركتي

وماقلتي اخوووي علشان ماأسوي فيك زي بيناظير بوتو

<<بسم الله عليك

يعطيك العااافيه عالمروور

بلد الوليد · #4 28/12/2007, 12:36 AM

مشكوور اخوي صراحه انت اطلق ولد في العالم كله

--> بلد القلق يموت في حادثه مشابهة لحادثة خنازير بوتو

مشكوره اختي على القصيده الرائعه \\\

إقتباس


	مدامنا بالكون هذا نبي نعيش.. دنياك ماتسوى من شفاك تفله..!!

..

العاصفة البحرية · #5 28/12/2007, 12:37 AM

طفله..ويجرح خدها ملمس الريش..

يعني اذا لمستها ايش راح يصير لها (( الله يحفظها ))

ويعطيكو العافية

ليش يابعدهم ليش؟؟ · #6 28/12/2007, 12:42 AM

يعطيك العافيه اختي بلد الوليد

لاخلا ولاعدم

القيصر رهيب · #7 28/12/2007, 12:48 AM

إقتباس


	لا قلت( أحبك) بس صفت لي الجيش.. جيش الرموش اللي غزتني بغفلة..

لا قصيدة كويسه

مشكور أخوي <<<< ملكع

بس ماتدرين من اللي كتبها

ليش يابعدهم ليش؟؟ · #8 28/12/2007, 12:58 AM

العاصفه عواافي اخووي تسلم عالمرووور

القيصر
أجل القصيده كويسه؟

زين بعد عجبتك

انا من حطيتها كنت خااايفه ماتعجبك

<<ترى يصدق

ايه ادري منو اللي كتبها

غازي الدبيسي · #9 28/12/2007, 01:05 AM

مشكوره قصيده حلوه

KhâlééD · #10 28/12/2007, 01:23 AM

مشكور اخوي

<-- ماقرى آخر سطر

:p

DR.KHALID · #11 28/12/2007, 01:32 AM

القصيدة رائعة ...

الف شكر لك اخوي

تحياتي

<< بيتكفخ

@الالماسه الهلاليه@ · #12 28/12/2007, 02:10 AM

إقتباس

الرسالة الأصلية كتبت بواسطة ليش يابعدهم ليش؟؟


	مرووورك الارووع أشوى انك تداركتي الموضوع<<متعوب عليها تداركتي وماقلتي اخوووي علشان ماأسوي فيك زي بيناظير بوتو <<بسم الله عليك يعطيك العااافيه عالمروور

يا ويلي لالا اوعدك وعد اني انتبه المره الثانيه واقراا مرتين

وافتح عيوني زين

<<<<<<<<<<<خلااص فهمنا

،،،،،

ن ا ر ...009 · #13 28/12/2007, 04:45 AM

قصيدة روووعة

AS King 10 · #14 28/12/2007, 02:36 PM

جدا جميلة .. كل الشكر لك ..