|
مفاجئات بالداخل وفضيحة البلوي وكالون .. واهل الرياض مايستحون .. [[ برعاية كيت كات ]] بقولكم قصة كالون والاحداث اللي صارت بعد قدوم كالون الى الرياض وسفره الى جده .. من بدايتها الى نهايتها .. يمكن كثير منكم مايلحق على الموضوع ويعرف القصة كاملة .. لاني ما اتوقع ان المشرفين يخلونها .. لان فيها ذكر كامل الحقائق اللي مايقدر يذكرها لا الاعلام ولا المواقع الرسمية سواء منتدانا هذا والا اي موقع ثاني .. بالمختصر فيها اسماء شخصيات كبيرة اوي اوي اوي .. والموضوع اكبر من انه كورة وهلال واتحاد وبلوي وكالون وخطف لاعب وسخافات صحافة .. بداية القصة كلنا نعرفها ان الهلال فاوض كالون من قبل .. لكن مطالب كالون المادية الكبيرة هي اللي منعت من اتمام الصفقة .. ورجعوا مره ثانية وفاوضوه عن طريق وكيل تعاقدات ثاني .. الى هنا والامور سليمة .. ومافيها اي شي وكلنا نعرفها .. اتفق الهلال مع كالون على اساس انه يجي للرياض ويخلصون الامور ويعلنون تعاقدهم معه .. طبعا وصل للرياض بعد ماسير على البحرين وامرح فيها ليلة وابراي لله ما ادري تسانه امرح والا لا .!! ما احط بذمتي شي .. ومن باتسر وهو مسنتر بمطار الرياض باستقبال كبير من جماهير الهلال وفي مقدمتهم زعيم الفريان ابراهيم الفلاشات :d بعدها جاء للفندق والربع قالوا له وش رأيك نسوي الفحص الحين وننهي كل الامور وكل شي .. ونوقع العقد ونخلص ونرتاح ترى جماهيرنا شبت علينا ما بقى الا يبطون في بطننا عشان نخلص امور اللاعب الاجنبي الثالث .. قالهم لا والله خلوها لباتسر خصوصا اني متفق مع مكانيكي بسير عليه عشان يربط صواميلي وعشان نفتك من اهل الفحص وعلتهم ومن عقبها نسير على الشلال ونتكي فيه لين ما نمل ونمشي .. قالوا مثل ما تبي انت .. باتسر باتسر .. ترى رأس مالها 24 ساعة بس .. يعني وش تبي تفرق اذا قلنا ان الهلال وقع يوم الخميس مع اللاعب والا الجمعة ؟؟!! ترى كلها ويكند واجازة عند الشعب ولا عندنا قمة اوبك ولا العربية ولا شي .. الا صح على طاري اوبك صدز اهل الرياض بسألكم سؤال ولا تزعلون مني .. انتم ماتستحون على وجيهكم ؟؟!! يعني كل ماطقت حصاة عصى قلتوا اجازة ؟؟!! اخاف باتسر اجي الرياض ويقولون بما ان صدى الامس جاء وشرف الرياض نبي نعطيهم اجازة يومين !! وبعدين والله يا انتم ما تعرفون المزح ؟؟!! اجل لازم يومين والا مهنى اجازة ؟؟!! طيب وش يضركم لو صارت يوم واحد بس ؟؟!! بدال السبت والاحد نقول السبت ؟؟ يعني عشان القمة العربية اخذتوا الثلاثاء والاربعاء تبون ذي السبت والاحد ؟؟! والله خوفي باتسر يقولون لكم اجازة يوم الاثنين .. والسبب ؟؟ من دون سبب وش حيث الايام كلها صارت اجازة الا الاثنين ؟؟ العدل والمساواة اهم شي بالدنيا .. الا على طاري العدل والمساواة ماودهم يصرفون لنا لو يوم واحد راضين :( .. ولا حنب زعلانين ونقول وش حيث الرياض يومين وحنا لا .. لا وقسم اننا حبيبين وما مثلنا وما نقول شي(ن) ابد وما نزعل ولا شي .. هاه وش قلت ابو متعب نقول تم ؟؟ << الله يكفينا شر الحماس :d فيه خبر حلو .. قررت اني اطلع جوال صدى الامس .. يختص بجميع اخباري ومواضيعي .. وتغطية شاملة لكل الاحداث .. سواء كانت سياسية اجتماعية ثقافية رياضية فنية .. كل شي تبيه تبي تلقاه بالجوال .. الاشتراك قيمته 100 ريال شهرياً .. ادري بيقول واحد وش دعوه 100 ريال ؟؟!! وليش السعر هذا ..! بقوله بما ان الحكومة تبي تزيد الرواتب 30 % انا بزيد الاشتراك .. وبعدين يا منب قايل تبخل على عمرك تشترك بـ 100 ريال وانت تبي تضمن انه يبي يجيك كل شي على جوالك .. حتى اخبار منتدى الزعيم تبي تجيك وش تبي اكثر من كذا .. وبعطيكم نبذه مختصرة عن القنوات .. قناة منتدى الجمهور الهلالي .. رمزها 1 .. تختص بجميع اخبار منتدى الجمهور .. من مسوي حملة الـ 1000 توقيع لشكر عضو الشرف **** عشانه دعم بـ 100 الف .. ومن مسوي حملة الـ 1000 رد لمنع محمد بن فيصل من الاستقالة .. ومن مسوي حملة الـ 1000 رد لاستقالة محمد بن فيصل .. قسم بالله طلع المنتدى حملات حج مهوب منتدى كورة :d .. ومن كتب لنا موضوع يطالب بضم المفرج للمنتخب :( .. ومن يطالب بطرد ياسر عشانه ضيع البلنتي ... وغيره من المواضيع .. قناة منتدى الرياضة العالمية .. رمزها 2 .. اي شي يصير بالعالمية نبي نجيبه لك بجوالك .. كل من يكتب موضوع ولو انه صور اللاعبين وهم بزارين نبي نعطيك خبر عنه .. اي تحليل واهداف تنزل تبي توصلك على الجوال .. ونتائج المباريات كلها اول باول .. حتى لو تبون نغطي الدوري الموزنبيقي مستعدين لكم .. :d واي ملاقط يصير بين اي جمهور نبي ننقله لك وقبل ما يحذفون المشرفين الردود .. وحتى لو حذفوها ابشر من يجيبها لك .. وش تبي اكثر من كذا بعد ؟؟!! واي صفقة تصير وانتقال لاعب قبل لا يوقع اللاعب بثواني تلقى الخبر جايك يالله عاد وش تبون اكثر من كذا يا اهل العالمية قسم بالله اني مدلعكم دلع مهوب صاحي :d .. قناة منتدى المجلس العام .. رمزها 3 .. تبي اخبار المجلس العام واعضاءه ومن كتب موضوع ومن رد ومن كتب موضوع رحبوا فيني تراني وصلت ومن جاه ولد ومن تزوج ومن تفعل يوزره ومن توقف ابشر بسعدك .. تبي تعرف من نزل الاخبار ومن سأل بموضوع اسأل والمجلس يجيب ومن جاوبه ابشر .. تبي تشوف اي تشات يصير بأي موضوع يبي يوصل لك كل شي على الجوال .. وطبعاً تغطية اول بأول للمواضيع اللي تنقل لصيد الانترنت وكل شي يختص بالمجلس العام يبي يجيك .. حتى الخرفنة نبي نجيبها لك :d .. :( .. طبعاً هذي نبذه مختصرة .. انت كل اللي عليك ترسل رسالة فاضية على رقم الجوال .. وتبي تجيك القنوات كلها .. طبعاً الخدمة متوفرة بكل الشركات سواء موبايلي والا الاتصالات والا فودافون والا نوكيا والا سوني اريكسون وغيرها من الشركات :d:d .. صح على طاري الرسايل .. لايفوتكم متابعة برامج اذاعة صدى FM .. وبرضوه بعطيكم نبذه مختصرة عنها :d .. عندنا برنامج " شبيك لبيك تدلل صدى بين ايديك " كل اللي عليك انك تتصل على رقمنا في خدمة 700 وتشارك وتطلب اللي تبي .. سواء اغاني او مقاطع صوتيه او حتى كسرات او جلسات :d .. ياشيخ لو بغيت نجيب لك هدف ابو يعقوب ما قلنا لا بس انت اهم شي تتصل :d .. وبرضوه اللي يستحي والا اللي مطفر شوي ولا يقدر يتصل على 700 يرسل لنا على الـ sms .. ونبي نلبي طلبه ان شاء الله .. والبرنامج هذا من خلاله تقدر تهدي اللي تحبه والا اللي تكره حتى .. :d طبعاً فريق عمل البرنامج مكون من الاعداد صدى الامس .. والكنترول صدى الامس .. والمذيع صدى الامس واخراج طبعاً صدى الامس .. :d برنامج حواري رائع اسمه " صدى يستضيفهم " البرنامج يستضيف كل اسبوع شخصية كبيرة وذات منصب كبير .. ونبي نناقشه في مواضيع تهم المواطن اولاً واخيراً :d ونبي نحجره لكم بزاوية :d << ابوك يالتشويق :d.. برضوه خصصنا رقم للمشاركة عن طريق خدمة 700 .. او عن طريق الـ sms .. فريق العمل : الاعداد صدى الامس .. التنسيق صدى الامس .. تقديم صدى الامس .. اخراج صدى الامس .. :d برنامج مسابقات " صدى يتحداك " هو برنامج مسابقات خفيفه .. طبعاً المسابقة كل يوم لها شكل على حسب نفسيتي يعني والله اليوم ماسكه معي على الغاز نخليها الغاز ماسكه معي اليوم صندوق صدى << ابد مهوب مثل صندوق المجلس :d .. الجوائز كل يوم معنا ثلاث فائزين .. الاول مبلغ وقدره 10000 ريال . والثاني 7000 ريال .. والثالث 5000 ريال .. <<< يقول هذا وجهي ان خليت واحد منكم يفوز :d اعداد وتنسيق وتقديم واخراج وبطولة وكل شي صدى الامس :d << ميزته مهوب يحقر نفسه ابد :d:d:d برنامج " دردش مع ابو امس " وهو عبارة عن برنامج دردشه وسواليف بأي موضوع يختاره المستمعين .. سواء عبر الاتصالات على خط 700 او عن طريق الـ sms .. كل شي تبون نسولف عنه ماعندنا مانع .. سواء مواضيع سياسية والا اقتصادية والا فنية والا رياضية والا حتى عرض ازياء :d مايحتاج اقولكم من اللي معده ومخرجه ومنفذه وكل شي :d اكيد الكثير منكم يقول ليش اخترت الاذاعة وما اخترت التلفزيون .. بـ اقولهم الاذاعة اطلق مليون مره من التلفزيون .. صحيح ان التلفزيون اكثر انتشار واسرع .. لكن ميزة الاذاعة انه محد يشوفك .. مثلا اتصل واحد بثر ويرفع الضغط ودك انك تعبر عن الحالة اللي تمر بها وهو متصل عليك .. تأخذ راحتك بالاذاعة بينما بالتلفزيون ما تقدر :( .. كلن يبي يشوووفك .. طيب نفرض مثلاً انك اشتهيت تدخن لك زقارة ؟؟ بالاذاعة ان شاء الله لو تجيب معسل وجراك بنفس الوقت محد درى عنك على العكس من التلفزيون .. وبعدين فيه ناس فاضية بشكل .. تبي تبدأ تدقق عليك بكل شي ليش حرك عينه اليسار وليش حك خده الايمن وليش مسك القلم كذا والا شفت شكله يوم تتصل عليه هذيك اللي ام صوت جنان واضح انه خق معها .. وخذ من هالكلام اللي ماله سنع .. وفوق هذا كله وهو اهم سبب لـ اتجاهي للاذاعة وتفضيلها على التلفزيون .. هو خوفي على بنات المسلمين وماودي افتنهم اكثر واكثر :d.. ولا ودي تزيد نسبة العنوسة :d.. بسبب الجمال اللي وهبني اياه الله واحمده واشكره على نعمه وفضله .. سعد علوش يقول .. ابشع اشياء الحياة الظليمة والفراق .. والغباء والمعصية والبنا عم الردي وانا اقول ان ابشع الابشعات كلهن اذا كنت تبي تشارك بالمنتدى .. ولكن حالف(ن) على عمرك ماتشارك الا بعد ما تكتب موضوع .. :( :( :( !! كتبه الفقير الى ربه صدى الامس حرر في 24/11/1428 ما بين الساعة 2.30 الى الساعة 4.20 قسم مدري وش تبي قصة كالون :whacko: بس تراهي جت تسذا لا تشرهون :d فكرة وتنفيذ وكتابة صدى الامس << للحين عايش الدور :d |
صدى الدجه :d قسم بالله ياهي خرافات الي انت كاتبها :d تدري وش الي موتني ضحك ,, خشاتك الاليمه :d خاصه من موضوع كالون لاجازه الرياض لجوال صدى :d إقتباس:
إقتباس:
يوم شفتها قلت قسم بالله لا اشترك s45s:d اطلق خدمه في الولايات المتحدة ياشيخ :d --> عجز يتميلح مدري ليه صاير ثقيل دم :no::no: اما كالون في الشلال هههههههههههههههههههههههههههههههههههههههههه عااااااااااااد تخيله الشيشه في يده وحاط mbc2 واحلى تشفييييط :d ترا عاد ما ادخن لا تحسبوني ادخن :wub: عاد كالون بيضيع الدخان بين شقوق براطمه عشان كذا يبيله ثلاث روس معسل على الاقل :d خلصت ردي الي مدري وش يبي :d |
ويلكم باك ويلكم sDa fM أحلى عودة وإن شاء الله والحمدلله على السلامة وكيف االحال ومتى الوصول ؟ وهل المجلس استنبط <<< يبي يقول استنبأ بس ما عرف استنبط خير بعودتك ؟ وشكرا |
يالله حي صدى الأمس وين الغيبة << مسوية قديمة ..!! إقتباس:
إقتباس:
إقتباس:
ابد طال عمرك 100 ريال شهرياً لا تعتبر شيء مع زيادة 30% :surprised: تصدق حتى أصحاب محلات التميس استلموا الخلق جلد بزيادة الأسعار :wallbash: .. جنب بيتنا صاحب محل تميس يبيع الحبة بريال ونص :d ..؟؟ والله اللي مو حاقرن عمره :schmoll:..!! قولتك لو درى عن زيادة الرواتب بكم راح يصير سعر حبة التميس ؟؟؟ << وجه يصيح ويقول يارب مايدري حسبي الله على شياطينه تميسه لذيذ :crybaby: ( كلن على همه سرى ) إقتباس:
القناة اللي رمزها 1و 2 ماش ما جازت لي :schmoll:..!! قناة المجلس العام وبس والباقي خس :clap::thumbup: هذي لو تبي فيها الـ 100 لحالها ما أستكثرتها s13s خصوصاً أنها بتنقل لنا أخبار الشات أول بأول :clap: ..!! إقتباس:
يعني أقدر أهدي أمي وأبوي أغنية ( وحشتنــي عدد مدري وشو ) بمناسبة عودتهم من الحج << فظيحة هذي البنت :razz: إقتباس:
فريق عمل متكامل ما شاء الله كل واحد أبدع في تخصصه ومجاله ... الله يعطيكم العافية جميع . صدى الأمس .. موضوع روعة وسعت صدورنا عليه .. ألف شكر لك والشكر موصول لفريق العمل :razz: دمت بكل الخير . |
صدى الفضائح :d اللهم حوالينا :d الشرهة مب عليك :whacko: الشرهة ع ـاللي يقول محجوز للشايب مرة ثانية :upset: طبعاً للي بيقولها في موضوع التصويت ياخذ راحته لو بياخذ عليها انذار المهم يتأكد ان الصوت دخل صندوق الاقتراع بأمان وسيتم احتسابه :razz: أجل متحمسين والمسن من كثر الـ nudge الجهاز علّق وقسم بالله السيرفر قبل شوي ثقيل عندي عاد مدري يا انه السبب كثرة الأصوات المتدفقة لموضوعي :wub: يا انه اكيد صدى ضغط ايقونة " موضوع جديد " وما عرف ينسّق الموضوع ولا أيقونة " معاينة الموضوع " فـ ضغط " اعتمد الموضوع الجديد " ويحلها حلال وبالطقاق رضا الأعضاء :d نبدا فـ موضوعك يالغالي :yes: إقتباس:
تصدق حسستني انك رح تنام اليوم بحاير الزعيم مع وقف التنفيذ !! :d الا صدى يا ليتك كتبت عن كيفية هروبه من الغرفة القابعة بفندق الماريوت وكيفيه وضعه للوحة ممنوع الازعاج وهل كان معه احد بالغرفة المصونة ..؟!! الغريبة ما كتبت هالشي ولا مشفر ما تبي تكب عشا الرجال ؟ :d:d:d إقتباس:
:sick: :d :d :d وانت وش حارق رزّك :d لهالدرجة تكرهونا :d كلها يومين :d المشكلة الرياض العاصمة لازم لها مميزاتها ولا ليه سموها عاصمة ! إقتباس:
:cry: تصدق خلاص ببكي :tongue2: والله يكفيك شر الحماس ارضى بما كتبه الله يا رجل ولا تتفلسف :d إقتباس:
فداك المية ريال :d بس هل هي تجي ع ـالفاتورة ولا لازم كل شهر أروح أسددها عند مكتب معاليكم :surprised: إقتباس:
لا تنسى عمل احصائية ليوزر ادارة الأخبار وسيرة ذاتية عنه :d وكم موضوع مثبت له :stoned: إقتباس:
إقتباس:
لو تفتح خدمة ارسل ملاحظتك لمنتدى الملاحظات مباشرة بالـ sms تصير منتب صاحي يا كايدهم :d إقتباس:
انا اقترح :whacko: صـ: صَوصوا بالجو :stoned: د : دندن ع النيل :surprised: ى : يو يؤ يو :tongue2: <<=== وش أسوي الاذااعة فاشلة بس لا تحطمون معنوياته :tongue2: بالله ما انفع مدير حملتك الاعلانية :clap: إقتباس:
صدقني ما رح يمشي سوقك يبيلك مذيعة معك :d ولا بيني وبينك احسن ما نبي فضايح ع ـالهواء :whacko: إقتباس:
إقتباس:
فـ mbc fm ومسوين مسابقة الصندوق الناس تتصل ولا احد عرف للي بالصندوق آخرتها خديجة الوعل تهورت وقالت ان للي بالصندوق " روزيتو " ( طبق من الرز بالطريقة الايطالية :whacko::clap: ) أنا متأكد لو جلسوا طول الشهر محد راح يعرفه الاجابة :bigeek: المهم خلاص الاجابة صارت معروفة وكل لي يتصلون يقولون كلمة ريزوتو ويدخلون السحب على مبلغ خمسمئة ريال :bigeek:ريال ينطح ريال :d واحد مروق عالظهرية واتصل علبرنامج والأخ مروق ع ـالآخر يقول خديجة حرام عليك والله جوعتينا ترا اذان المغرب باقي عليه كثير ومن هالكلام :whacko: قالتله طيب وش الريزوتو يا بطل :d قسم بالله خوينا أحس وجهه تلون بألوان الطيف :d آخرتها طبعاً قال اجابة خاطئة وماعرف ما هو الريزوتو ووقع في شر تميلحه وتفشل :tongue2: صدى يا خوفي يكون واحد من لأعضاء :bigeek: أنا آسف وما اقصد ترى لو كان واحد منكم بس الموقف ضحكني ونساني الحر :stoned: إقتباس:
إقتباس:
تلاحظ انت :d إقتباس:
صدى :d عودا حميدا بعد انقطاع <<==== أنا متأكد هالجملة بيجي واحد ويكتبها :stoned: المجاملة مشكلة :d :: فتّكـ بـ ع ـافيـة :: s34s ملاحظة / الحجز ممنوع ولا أعتقد الردود الملتوية الملاحظة لا تُدرج بقائمة المنع الرجاء احترام القوانين ... وشكراً :) |
يُنقل الى قسم الجمهور الهلالي ..s13s لا تذكرني بكالون خرب على مجلة الحج وأسأل خالي من الهم :tongue2: نزلتها والعالم معتفسة بالجمهور الهلالي << ماسوت دعاية :whacko: اما جوال صدى الأمس بقت عليك يعني العالم كلها سوت وابتعد عن القنوات ابو صقر فتح له قناة مدري صالون نسيت لا تخرب عليه خلها اذاعة احسن.. ماشاء الله المجلس شكله بيطلع طاقات ومواهب عوافي على الموضوع الجميل دمت على طاعة الله أختك |
^^^^ من جد |
والله إني دخلت مدرعم ابي أشوف فيه قصة لكالون طلع ما عندك إلا الدجه ياصدى الدجه وأنا بسميك بعد هالموضوع صدى الخرفان والدليل قناة المجلس العام :d. أولا أطالب سهل بمعاقبة السبع الأعضاء الي حجزوا ولا شدعوه حنا نطبق القوانين وغيرنا مايطبقها :d. ثانيا/ حياك الله صدى من جديد إنت وهالموضوع الي مدري وش يبي ونجي له حته حته :d. إقتباس:
إقتباس:
إقتباس:
ـــههههههههههـــ:d:d أضحك الله سنك ياصدى والله كل ما أدخل ألقا موضوع طالب معي بالشيء الفلان آخرها واحد كاتب حملة المطالبه بلعب صدى الأمس أساسي ضد الوطني شدخلك إنت مدري :d. إقتباس:
إقتباس:
طيب طالبينك تستضيف سهل وتسأله بعض الأسأله التي تهم مواطني المجلس العام :d. ونبيك تستضيف الهاوي وتسأله عن آخر مستجدات شكرة الخرفنه الي سواها :d. ونبيك تستضيف أبو مقبل وتسأله عن آخر مستجدات زواجه <=====بينجلد من ماجد:tongue2:. إقتباس:
إقتباس:
والله موضوع خفيف جميل رائع أهنيك ياصدى الله يوسع صدرك مثل ما وسعت صدري بس قبل ما أطلع شيطانك الي جاك قبل سبع شهور وقالك تزوج وش أخباره :d. تقبل مروري من هنيا :d |
الخط موب واضح .. يا ليت تكبره شوي :D <<<< ;) هلا أخوي العميد الاتحادي صدى الدجة :) اعتذر على مروري الخفيف .. فقط أحببت أن أرحب بك يالغالي .. ويا ليت نشوف كل أبو دايم هنا .. يكفي خلاص مالها داعي السنترة في الكرنتينة :( وبالنسبة لقنوات الدردشة أظن أنك نسيت شي مهم .. وهو رقم الاشتراك :):D سي يو ورده |
يؤ يؤ يؤ :bigeek: من وين طلعت ياعمدة :clap:..... يالله حيه :stoned: احلى ولكم باك :thumbup:,,, قريت عنوانك ودرعمت على طول مع أني مالي دخل بالرياضه بس بشوف وراك تقول أهل الرياض مايستحون ووش هالمفاجئات :yes: ويوم قريته اكتشفت سبب هالغيبة الطويله أثرك تسوي مشاريع من ورانا :bigeek: عاد الله الله لو تبي سكرتيرة تضبط لك جدول أعمالك وتعينك في قناتك فأزهلها s60s:d إقتباس:
كلام كبير ذا :clapping: عقب المشروع صار معد يهمك اليوزر ومخليه انتحاري :d:d إقتباس:
<<< وقسم تسمع فيه بس ماتدري وشهو من لحية :surprised: في بالي أول مااسمع كالون أنه مدرب :rolleyes:بس لو كان مدرب وشوله يسوون له فحص:confused: يعني أكيد أنه لاعب :dizzy: <<< أقول لايكثر واطمري هالفقرة ماتصلح لك:wallbash: إقتباس:
يبطون = يطبون حسيت أنها تجي بهالمعنى << لاعاد تحسين تكفين :d إقتباس:
منتب أقل من حقين الأوبك وش زودهم عنك :wink:s60s... يكفي أنك عمدتنا :clapping: تستاهل s60s<<< وش رايك بالترفيع:d:d إقتباس:
ههههههههههههههههههههههه اطلق ذبه بالموضوع :d:d إقتباس:
كذا المشاريع ولا بلاش :yes: شكل الربح فيها مضمون كل يوم نسمع بإشتراكات جوالات ورسايل الجوال مغير مدّهرة معنا :wallbash: ارسل رساله فارغه على الرقم 1234 لتصلك أجمل النكت أو أجمل الطبخات أو أسرار جمالك :upset: وعاد عميدنا وده يجرب حظه :d:d إقتباس:
إقتباس:
<<< ماتدخله هنا عشان تشترك فيها بعد ... هذا الناقص:d إقتباس:
إقتباس:
كلش كلش مرة :clapping:.... اهوه وين جوالي ارسل :d:d الله يهديك ماقلت لنا رقم الجوال :no: ... إقتباس:
ذكرتني بقناة كان المذيع فيها هو صاحبها وهو الكل في الكل:d الظاهر أنها قناة عراقيه :sleep: وعلى ذكر خطوط 700 الحين يقوّمون القنوات على هالخدمه ولاتنسى بعد خدمة الشات أسفل القناة أنا بس مدري من هالمهبل اللي اربع وعشرين ساعه يرسلون ولا يتصلون :wallbash: إقتباس:
وعن نفسي برمضان أحب وقت العصر أحط إذاعة القرآن بس s60s بالعربي الإذاعه ممسوحه من قاموسي :sleep: <<< شوفي تلفزيون أول وعقب تكلمي :d الشي المهم من كل هذا أنك بتفشل فيها :d:d دامني مااتابعها أكيد بتفشل:wink: <<< أبوك ياشوفة النفس :razz: إقتباس:
يالله أجل الله الله بالردود :clapping: خلاص الحمد لله جاك الوحي ونزل وأخيرا :yes: سيّر عاد على موضوعي لاتنساه تراه بآخر الدائري الشمالي :d:d سلااااااااااااااااااااااااااام ,, |
هلا والله بجد المجلس يووهـ كل هذا صار بقصة كالون والناس ماتدري :bigeek: أنا أبي أعرف الشخصيات الكبيرة هذي كلها حاقدهـ على الهلال :d صدى الأمس نرجع لموضوعكـ .. أنا ابي أعرف ليش نطالب بتوظيف الشباب السعودي مادام عندنا صدى الأمس تبي اخراج صدى الأمس تبي منتاج صدى الأمس تبي معد صدى الأمس تبي ارسال صدى الأمس :d المهم ما خليت شيء شكلكـ والله أعلم فيكـ عرق ياباني :surprised: إقتباس:
إقتباس:
الله ترى يومين موب سنه وبعد حاسدنا على يومين على فكرهـ يقولون فيه يومين ثانيه بيجي بوش :whacko: وبعدين ياخي محد قالكـ لاتسكن في الرياض بس ترى لوتشرفنا بقدومكـ أنا أول واحد يطالب بإجازة .. إقتباس:
هذي الساعة المباركة اللي نشوف جوال صدى الأمس يغطي على جوال أبو نواف :clapping: وش زودنا عنهم .. إقتباس:
:nono:هذي احذفها مانبيها طفشنا كله كورهـ .. وبعدين تعال انت اسمكـ عميد المجلس وش يودي لم منتدى الجمهور التصويتي :d والله كل يوم طالعين لنا بصوت ولو يحطون رسايل اس ام اس كان صار رصيد الشبكة ملايين .. إقتباس:
ايه هذي الى نبيها نبي نشوف أخبار المجلس والمواضيع السنعة موب كالون حط رجله .. وبعدين نبي نشوف أخبار الأعضاء اللي من نطلع وحنى نحتري اللحضه اللي نفتح منتدى المجلس العام .. إقتباس:
إقتباس:
كل شيء انت اجل وش خليت لنا يالشباب السعودي نقعد ندور اشغال ومثلكـ وشرواكـ يسوون كل شيء :d صدى الأمس يقولون من طول الغيبات جاب الغنايم وانت جبت لنا موضوع نحتري زيه من زمان فنقول لكـ ( أضحكـ الله سنكـ كما اسعدتنا بمشاركتكـ ) صدى الأمس الله يجزاكـ خير ولا تقطع يارجل خلق معنا حنى افتقدناكـ بالفترة الماضية لاكن عدت لنا بموضوع أقل ما أقول عنه أنه خيالي ( دعيات ) :surprised: أبو شلاخ الهلالي |
هلا هلا بـ صدى الدجه الدآج من الدرجه الدآجه <~شرآيك بالتعقيد:d أجل على هذي المشآريع بتصير مليآردير :bigeek: خليني شريكه معك:d إقتباس:
أعوذ بالله وش زقآره و معسل وجرآك وهـ الخرآبيط:nono:هذي الأشيآء مضره بالصحه:d انتبه لـ صحتك بس:stoned: قصة كآلون مدري وش تبي:surprised:يآليتك شرحت السآلفه كلهآ لأني الى الحين مو دآريه وش هي:d صدى الأمس عوده تجآريه هـ المره أجل تبي تستغلنآ:nono:معصي نشترك بقنآه وحده من جوآلك:d موضوع منسم:d كـ تنسيم صآحبه:d مع التـ ح ــيه |
هلا وغلا بـــــــــــــ صدى الدجة ــــــــــ المدجوج الداجة ازين شيء خشاتك وخشتك<<<<<امذح يا خي ابي اكلمك على الخاص |
هلا وغلا والله يا صدى ورده .. من اصعب اللحظات اللي تتوقعها كانت ملكك وفجأة مدري وش اسمه :d .. <<< ضاعت علومه بعد فجأة :d .. انا اكتب هالرد وانا عاض بطرف ثوبي من زود الحياء :d .. والله يا صاح مهيب عادتي ارد ردود شكر على مواضيع مثل هالموضوع .. لكن اتوقع انه الى الان اني عديت الالف كيلو الى الان وانا اسوق .. ووالله ان التعب مجتهد ومستلم له 20 ساعة :d .. وربك يعين .. موضوع جميل واستمتعت وانا اقرأ كل حرف .. تمنيت والله اعلق على الجمهور لأني اكن لهالمنتدى كل الحقد :d على بعض النوعيات هناك .. المشكلة ما يخلصون .. بالنسبة للاذاعة فودي تأجلها شوي .. يعني الين تقوم البانوراما على رجولها :d .. ماله داعي تقطع ارزاق الاقفال والبني اللي يشتغلون فيها :d .. يعطيك العافية يا صدى الامس ورده .. ولا تجعله آخر العهد بك .. . ثامر .. ارحل يا قاسي ولا تسأل .... خذ مننا ما تبي وارحل :cry: .. :d |
إقتباس:
إقتباس:
يعني تبي العدل الي هو ديدن أبنـآء العـآصمة يضيع :D يومين هناك ..ويومين هنـآ ..خلآص صك الموضوع ..:> يعطيك العـآفية صدى الملاعب ورده الله يوسع صدرك :) . . . |
| الوقت المعتمد في المنتدى بتوقيت جرينتش +3.
الوقت الان » 06:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd