هو حلو انه فكر بهالشي .. وجاب شي جديد من خلاله يقدر يتأهل ..
والصم الحمدلله الفترة الاخيرة صرنا نشوف كثير من البرامج تترجم بلغة الااشارة ..
المشكلة انهم مركزين على بعض البرامج .. وناسين البرامج الرياضية ..
كثير من الصم يتابع الرياضة بشكل كبير لكن التلفزيون ما انتبه لهالشي !!!

ليش تستخدمين القاموس الموحد بس ؟؟
صحيح هالشي مطلوب من الوزارة ..
لكن فيه بعض الاشارات للحين ما اتفقوا عليها ؟؟
وفوق هذا ان كثير من الصم خصوصا الكبار يرفض الاشارات اللي في القاموس لانها جديده عليهم ..
وسالفة القاموس العربي الموحد سالفة وصعب صعب صعب صعب انهم يوحدون الاشاراة ..
اذا كان في الدولة الواحدة صعب وشلون في العالم العربي كله ..
اي مرحلة تدرسين ؟؟ اتوقع ابتدائي عشان كذا تستخدمين القاموس بس ..

اما بالنسبة للشاعر اشارته قويه ماشاء الله تبارك الله ..
ولو اني اشك بإشارة " كلمة " ما اعرفها انا :d بس احسها غلط ما جازت لي :d

إيه أدرس أول أبتدائي :) ..

صراحه في التدريس لازم القاموس الموحد مثل اللغة العربيه فالتدريس ..

والمحلية تستخدم في الحياة اليومية مثل العاميه ..

مثل حالتي أو مره أدري أن كلمه كذا تنقال :) ..

ومن ناحية الإشارة المحلية للأسف ماأشوف كتب أو أشرطه فيها هالإشاره عشان كذا صعب الواحد يتعلمها عكس القاموس ..

أنتي معلم إعاقة سمعيه ؟؟

توني أدري صراحه ..

القاموس صح انه افضل عشان يكون تأسيس الطلاب عليه ..
لكن المشكلة ان الطلاب كل ماكبروا واختلطوا باللي اكبر منهم بالعمر اختلفت عليهم الاشارة ..
وبالتالي يتركون القاموس ويتجهون لـ الاشارات القديمة .. وهذي هي اكبر مشكلة ..
عشان كذا الطلاب يتأسسون من هنا على القاموس الموحد ومع الوقت يتركونه !!!!

انا ما يقهرني الا سالفة تطبيق المنهج العام للصم .. قسم بالله شي يقهر ويرفع الضغط بقووووه ..
ادري انها خطمة ما ادري وش تبي بس شي في خاطري وحبيت اقوله ..

انا مهوب انتي :( .. حرام عليك كل هذا وتقولين انتي :( !!!!!!!!! :D ..

هههههههههههههههههههههه معليه والله غلط مطبعي ..
بالعكس الماشين بالمنهج العام الحمد لله أحس صف أول ماعليهم ماشين فيه :) ..

حتى المراحل الثانيه أحسهم ماشين :) ..

كننا قلبناها شتشته :) ..

بس وش أسوي أحب أناقش مواضيع الصم ..

اتركي صف اول .. صف اول المناهج مهيب لهذيك الدرجة ..
من ثالث تبدأ الصعوبة والظلم ..

مثلا عندك الرياضيات من ثالث مطلوب منهم حفظ جدول الضرب كامل ومعرفة القسمة ..
صف رابع عملية الضرب في عددين و ثلاثة اعداد .. وضرب العشرات ومضاعفاتها ..

عندك مثلاً القرآن .. من الظلم انك تطلبين من طالب صف رابع مثلاً نفس التعليم العام .
خصوصاً اذا تذكرنا ان الصم عنده النسيان بشكل كبير ..!!
والاهم من ذلك كله .. انه مايقدر يقرأ القرآن بشكل صحيح .!
الا عن طريقة ابجدية الاصابع .. لان القرآن لازم يقرأ بمثل مانزل له به ..
اما الاشارة الوصفية فما تسمى قراءة قرآن ..!

اذا السور القصيرة ينسونها فما بالك بمقرر صف رابع مثلاً ..!؟؟
ياليت تشوفين مقرر صف رابع في القرآن وتعرفين الظلم ..

مهوب في القرآن والرياضيات بس .. لا تقريباً كل المواد ..
التاريخ الجغرافيا القواعد ..؟!؟!

ظلم كبير للطالب الاصم ..

شوية منطقية يا اهل القراااااار تكفووووون :( ..!!

بالعكس ماقلبنا الموضوع تشات ولا شي .. لا تشيلين هم ..

انا اجيزه
ههههههههه

صدى بالنسبه للقرآن ترى الصم منهجهم غييييييييير عن العاديين عكس المواد الثانيه كل المواد نفس التعليم العام بس القرآن لا منهج خاص :) سواءً كان معهد أو فصل دمج ..
هذا بالنسبه عندنا يالبنات أما الأولاد فما أدري بس اللي أعرفه يدرس في المعهد ونفس طريقتنا فالقرآن ..

أما الضرب فمن صالحهم يحفظونه وبإمكانهم يحفضونه مو لازم حفظ حفظ لاحتى لو يقعدون يحسبون لهم ساعه أهم شي يحفظونه اللي أنا ضد بعض الي فيه هو اللغة العربيه لأن مو كلها المفروض ياخذونها الصم لأنهم مايحسون فيها ..

والله يوفقهم إن شاء الله ويخليهم أقدع ناااس :) ..

حياك الله فلا ح نورت الموضوع ..

بالعكس من يقول ان منهج الصم غير بالقرآن ؟؟!!
لا نفس التعليم .. وهذا اللي حاصل عندنا .. كل صف يطلبون منه نفس التعليم العام ..!
لكن مستحيل .. شي بسيط مثل الفاتحة كل سنة .. والمعوذات وبعض السور القصيرة ..
وعساهم يحفظونها .. :( ..!


بالنسبة لجدول الضرب انا معك انه احسن لهم .. لكن هالشي صعب عليهم بالحيل ..
مشكلة الصم هي النسيان وهالشئ اللي مهوب راضين يعترفون فيه المسؤولين ..
جدول الضرب مهم لكن وشلون يحفظوونه ؟؟
صحيح ان بعض الطلاب يقدر يحفظه لكن على الغالبية منهم صعب عليهم ..
اتركي جدول الضرب ..!!
القسمة وما القسمة ؟؟ اشياء واجد بس نقول الا الله يكون بالعووون .!!
اللغة العربية صعبه بالحيل عليهم وفوووق هذا شوفي الجغرافيا والتاريخ قسم بالله صعب بالحيل ..!!

ما أقول إلا الله يوفقهم يارب وينفع فينا ويجعلنا نعلمهم العلم الصح ويصلح البعض اللي ماخذ التدريس وضيفه أكثر من أنه أمانه <<< مادري وش جاب الطاري بس لأني أنقهر من بعض التصرفات ..

بس ماعليك من الجغرافيا والتاريخ ماده ثانويه يعني الطالب مرفع فيها مرفع يعني موب لازم يعرف كل شي ..

أهم شي اللي أنت تحس أنه مهم الواحد يعلمهم إياه وبس ..

:d:d:d:d:d
:d:d:d:d
:d:d:d
:d:d
:d

مشكور على الموضوع

:) :) ..

شفت من العجله اللي فيني كتبتها كذا ونسيت أعدلها ..

شاكره لك مرورك ..

الله يعطيك العافيه ولله خوش قصيده

مشكور على مرورك ..