|
من تكلم أنت ؟؟؟؟ أغلب اللي هنا مندس ولا بزر وماسك كيبورد .. نواف تمريراته مقطوعه ومش عارف ايش !!!!!!!! والله أحلف أنه ما شاف المباراة أو يتسيطل .. أو أنه سطل أساسا .. والله شيء يرفع الضغط ... موضوع جميل .. يعطيك العافية .. |
اوافقك الرأي لكن الفريدي لاعب كبير شارك مع المنتخب الأولمبي كل ما دخل تغير سير المباراة ياخي على الأقل دخله بديل من بداية الشوط الثاني اما ما تدخله بالتشكيلة الإحتياطية في التشكيلة كلها خمس محاور : الثلاث الأساسيين والهليل والبرقان |
كتالوني سامحني انا اختلف معك في وجهة النضر وارجو ان يكون نقدك بناء واسف على الغلط السابق |
صح عليك الغامدي لك عليه ونواف يلعب بخبرته |
إقتباس:
هذا اذا كنت تفهم كوره .. إقتباس:
مشاء الله العتب على محمد الشلهوب .. ونواف ما عليه عتب ,, عجبي .. ياخوي محمد الشلهوب ,, الشوط الاول صنع ثلاث كور كلها اهداف .. لا ومن هجمات ميته وضع ياسر قدام الباب .. وحده ياسر ما معه احد ضربها براسه بعيد .. والثانيه حاول ياسر يعدي بالحارس .. يعني هذي لو اجيب عادل المطيري .. اذا كنت تذكره سجلها .. والشلهوب بعد عنده بعض الواجبات الدفاعيه .. ولعب في مركز الوسط الايمن من شان يكون نواف على راحته خلف المهاجمين .. ولكن العتب الاكبر على نواف .. الي كل مره نقول نواف نواف نواف تكفى ترا معك ناس ثانين يلعبون اذا استلم الكوره وعدا بواحد سدد الكوره لو من نصف الملعب .. بعدين الفريدي يافاهم كلامك سليم ما لعب مباريات كثير.. لكن هذا ما يمنع انه يلعب اساسي .. اذا توتي .. ما لعب قبل كاس العالم 2006 اكثر من سبع اشهر .. ومع ذالك يجهزونه لمباريات كاس العالم .. ماهو مسئلت ان الاعب ما لعب .. من ستة اشهر يكون فاقد حساسية الكوره .. بالعكس الفريدي يلعب مع الاولمبي ولعب كذا مباراه وديه مع الاولمبي كاساسي .. بعدين اذا تذكر العام في مباراة القادسيه طلع لنا مدرب الهلال بلاعب فجئه اسمه سلطان ابو السعود .. وبعد مع انه من زمان مالعب .. يا فالح .. لا تقول مباراه كبيره عليه ,, ومدري ايش ما يطلع النجوم الا المباريات هذي .. انا اقول لو الفريدي لعب الشوط الاول .. والشوط الثاني بعد عشر دقايق نزل نواف .. كان افضل بكثر .. ومع السلامه لك يا فاهم .. |
كتالوني هذا رايك نواف امس رائع بس يعيب عليه كثرت التسديد من دون تركيز الشلهوب خانته بنية الجسدية في مواجهة لاعبي الاتحاد عجيب يامن يرون التماط الان بطل |
ايه الاعضاءالكرام يجب عليكم احترام راىي كتالوني وعدم الاساءه له |
إقتباس:
أولا أشكرك على أبداء رأيك أخوي أتمنى أنك تشوف هذا المقطع عشان تعرف وش قصدي أن الشلهوب ليس هذا مستواه أهو أوكي قدم مباارت حلوه وأنا أعدها أفضل مبارات قدمها من بداية الموسم و لاكن ليس هذا محمد الشلهوب اللي عرفناه من قبل ... أتمنى أن هذا المقطع يوفي لك الجواب http://www.youtube.com/watch?v=LdX6YUG5oXY |
إقتباس:
أولا أشكرك على هذا الطرح الهمجي رغما أني قلت نقاش بدون همجيه ولاكن أنا لايمكن أن انتقص الموهوب محمد الشلهوب ياحبيبي محمد يما ويما أفرحنا وابكانا باهدافه الحاسمه لاكن أنا أقول مو هذا مستوى الشلهوب اللي عرفناه قبل مواسم ....وأهديلك هذا المقطع أما نواف هذي إمكانياته مايقدر يقدم أكثر من كذا ومانحمله فوق طاقته اللاعب أصابته لعنة الإصابات ونواف لا أنا ولأ انت نقدر نوفيه حقه قدم الكثير للمنتخب وللزعيم واحرز لنا أهداف وحسم بطولات بأسم الزعيم ولا احد ينكر هذا الشئ ارجع للمباريات تعرف كلامي أنا مااتمنى أنا نواف يشارك أساسيأتمنى يشارك كبديل ولاكن نواف أفضل من الموجودين أنت تلعب أمام فريق كبير ونادي الإتحاد يحتاجلاعب خبير ونواف قدم شوط أول جيد في المبارات ولاكن لما بذل جهد كبير أنخفض مستواه في الشوط الثاني... وأما الفريدي الفريدي لاعب شاب وينتظره مستقبل جميل ولاكن أشوف بعض الاعضاء يطالبون فيه وأنه بديل للتائب يعني أستغرب اللاعب لم يشارك أساسي مع الفريق الأول ومالعب إلا قليل ومع ذالك يطالبون فيه أساسي والله أنا أستغرب مثل هذه الأرااء ... |
نقطة الزوري انا معاك والزوري راح يكون له شأن بالمستقبل نقطة الشلهوب انا معاك وان شاء الله يرجع لمستواه اللي عرفناه نقطة التمياط انا معاك بس يكون احتياط نقطة الفريدي اتفق معك واختلف معك في بعض الامور اول شي صحيح مالعب مع الفريق الاول ابد وصحيح اكبر غلط يلعب مع الاتحاد ثاني شي تقول ثقيل بالحركة وبارد ومايظغط على الكورة انا اختلف معاك لاي اتابع دوري الشباب من موسمين لان ولد خالتي يلعب بدوري الشباب مع فريق (الشباب) وكنت اتابع مباريات الهلال وقريت عن الفريدي وصرت اتابع الصراحه لاعب مايختلف عليه اثنين (اللي متابعة بس) وفوق هذا شفتعه بالمنتخب الاولمبي لعب ثلاث مباريات بس وكلها احتياط وينزل الشوط الثاني او اخر نص ساعه وشلون تحكم عليه بعدين مدرب الشباب ومدرب الاولمبي ومدرب الاول كل واحد من ديرة مختلفة وكل واحد له فكر خاص (فرنسي) (سعودي) (روماني) اعتقد كل واحد له فلسفه خاصه وانت عارف هالشي ان كنت عارف الكورة الفريدي لازم يبدا زي مابدا محمد نامي والزوري صح ولا لا ؟ الزوري اول ماعرفناه لعب اساسي ظهير ايسر وماكان مبدع ومع هذا يلعب اساسي من مباراة لمباراة نشوفه يقدم احلى المستويات وهذا انت قلته قدام الاتحاد اخذ افضل لاعب وشل حركة نور في عز هيجانه برضو محمد نامي جا من نادي الانصار مالعب ولا مباراة كلها تدريب في تدريب في تدريب وفجأه ظهير ايمن ومن مباراة لمباراة يقدم احلى المستويات وزي ماقلت اخر مباراة الاتحاد عشان كذا لازم يبدا الفريدي زي مابدو الزوري ونامي او على الاقل يبدا احتياط ويلعب الشوط الثاني عشان يتعود على الفورمة ويتعود على الدوري الممتاز والظغط الجماهيري ومقابلة نجوم كبار عالعموم اتمنى ماطولت عليك وراح تشوف الفريدي (وعبدالعزيز الدوسري ينطبق عليه نفس الفريدي) بعد فترة ان شاء الله ماهي طويلة وراح تقتنع فيه وكلن راح يقتنع فيه لاني اشوف فيه هو وعبدالعزيز الدوسري صفات الشلهوب في بداياته اخيرا ان كنت هلالي قديم وتذكر الشلهوب وشلون طلع وبرز راح تعرف معنى كلامي اللي فوق ومشكور |
انا اتوقع ان الفريدي لاعب مميز وانا اشوفه مع النتخب الاولمبي لاعب جدا رائع وممكن انه يغير مجرى المبارات نهائيا واتمنى لو الفريديوالدوسري والكلثم والزوري يلعبون لو مبارات واحد اساسيين نشوف كيف تفاهمهم مع بعض وعطائاتهم خاصه انهم انتقلوا مع بعض من الشباب للاول واتوقع انوا فيه تفاهم كبير بينهم شكرا لك . |
انا ما ادري عن كامل امكانيات الفريدي ولكن كما عودنا كوزمين قد يكتشف مكان اخر للفريدي غير صناعة اللعب ربما يلعبه جناح ايمن او ايسر لننتظر عودة الفريدي ونرى اين سيضعه كوزمين لاني اتذكر انه شارك في احد المباريات ولعب في الجهة اليمنى وبالامس الشلهوب تنقل بين الجهة اليمنى واليسرى والله ان هالمدرب يعجبني , بعد فترة سيتعود اللاعبين على اللعب في اكثر من مركز مما سيجعل تجاوز حالات النقص امرا سهلا لان الخثران يلعب في اكثر من خانة والنامي نفس الشيء والشلهوب الان نفس الشيء والزوري ايضا والكلثم الله ينصر هلالنا لكن قليلا من الصبر |
انا اقول الفريدي نتكلم عنه وحنا ماشفنا له مبارياات عطوووه فرصه وشوووفوا هو يثبت وجووده ولا لاااا مشكله الهلال لعيبته الشبااب ماياخذون فرصه مثل اللي يجون من برا النااادي |
يا اخي احترم وجهة نظرك كيف للفريدي ان يتأقلم او يكسب الخبره وهو في دكة الأحتياط نحن لا نطالب بالفريدي اساسي من اول مباراة لا بل نطالب بالتدريج حتى ياخذ وضعه في التشكليه الأساسية اذا اثبت نفسه نحن نطالب بإعطاء الفرصه للفريدي انت الآن تريد من الفريدي الجلوس على دكة الأحتياط حتى يثبت نفسه بالله عليك كيف يثبت نفسه وهو جالس شكراً لك |
رايك واحترمه .............. لاتقول اللي يبي الفريدي يشارك هذا جاهل بالكوره ... اولا/ الفريدي لم يكن متوقف عن المباريات بل كانمع منتخب الناشئين>>> راجع ذاكرتك ثانيا/ تقول ان الفريدي ما يضغط على اللاعب >>> ممكن تجيب لي دليل ثالثا/ اريد مقطع واحد فقط يثبت ان الشلهوب مارس الضغط على حامل الكره وان قطعها يقطعها بالصدفه >> ارجع للمباريات وشوف رابعا/ تقول انه ثقيل ؟؟؟؟ كيف لاعب ثقيل يشيل وسط منتخب بأكمله >>> غريبه خامسا/ الفريدي بالعربي ياناس مامعاهـ واسطه >>>> وهذي الحقيقه سادسا/ بصراحه ما عندك اي فكر كروي |
| الوقت المعتمد في المنتدى بتوقيت جرينتش +3.
الوقت الان » 10:01 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd