نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   ااه على الي حصلي..انظروا الي الشايب وابنه الصغير ..وش يقولونلي### (http://vb.alhilal.com/t499030.html)

ليه العيد يجي ويروح 02/12/2007 02:32 PM

ااه على الي حصلي..انظروا الي الشايب وابنه الصغير ..وش يقولونلي###
 
السلام عليكم ...

كيف الحال ايها الزعماء ؟؟؟ اتمنى انكم لاتحزنوا من بعد التعادل ... ولاتنسوا ان الهلال كان ناقص لاعبين كثيرين ...
لكن ابذكرلكم سالفه صارتلي بعد مباراه الهلال والاتحاد وانا خارج من الملعب ...

طلعنا من الملعب انا واقاربي واصدقائي وتوجهنا الى مطعم ماكدونالدز .......
طبعا دخلنا المطعم ومعنا اعلام الهلال وشالات الهلال ..وكل الي في المطعم اتوقع انهم كانوا موجودين في الملعب ...طبعا خويي راح يطلب اكل وانا جالس بالطاوله وكان بالطاوله الي بجنبي واحد رجال كبير بالسن ومعاه اطفاله صغارر ...وانا كنت لابس فنيله الهلال ورقم 20 ياسر القحطاني ...

واسمع الطفل الصغيريقول ليه تلبس فنيله ياسر ؟؟؟ قلتله لانه لاعب فنان وكبير وافضل لاعب اسيوي ..
قالي والله قهر البلنتي ليه يضيعه حرام عليه <<والله الطفل يكلمني والعبره والبرائه في وجهه:(
قلتله عادي اي لاعب يضيع بلنتي وفي لاعبين كثيررين يضيعون ...ووالد الطفل يناظرلي ويبتسم ..
قالي بكره مابي اروح المدرسه قل لبابا لا يخليني اروح ..قلتله ليه وش فيك ؟؟قالي اذا رحت بكره المدرسه الطلاب الي معاي بالفصل بيهزئوني وبيتطنزون علي ..قلتله ليه ؟؟قال علشان ياسر ضيع البلنتي وانا معروف احب ياسر والحين فرصه يمسخرون فيني ..بعدين الطفل ضرب الطاوله قال ليه ياياسر حرام عليك وربي حرام عليك:( .. جاه ابوه قاله ل=خلاص اسكت فضحتنا قدام العالم ...جاء الولد قال مابي عشاء خلاص وطلع من المطعم ....عاد انا رحت لابوه وكلمته وقلتله وش فيك عليه ؟؟ قال ياغالي انت ماتدري وش كثر الولد يموووت في ياسر القحطاني والي يسب ياسر كأنه يسبه .. وبكره الي معاه بالفصل بيتنطزوون عليه ... وولدي يبكي ويصيح بسرعه ...وطلعت للولد برى قلتله وسع صدرك وتوني مكلم ياسر <<بعا امزح عليه ـههههههههههههههههه
قلتله نبي الكاس قال ياسر ماعليك الكاس للهلال..ناظرلي بطرف عين ومشى ...

طبعا انا طاح وجهي هههههههه..

انتهت القصه واتمنى اني ماطولت عليكم ... لكن والله الشاهد على ماقول ...

والله مسكين ودي اشوف ايش صار عليه من طلاب المدرسه ؟؟ الله يعينه ..

بس اااه يالقهر ياياسر :(

لكن مع هذا تظل كبير ولا يهزك بلنتي او غيره واتمنى انك تعوضنا ياافضل لاعب اسيوي :)

املنا فيك كبير يبو سعيد

وبالتوفيق للهلال

و ص ى 925 02/12/2007 02:48 PM

تصدق جاني النوم وانا اقرا القصه :d

قاهرهم 9 02/12/2007 02:48 PM

مدري وش اقوول

عاشق البرنس الليبي 02/12/2007 02:55 PM

طبعا هذا الي يحب الكورة حتى ;الجنون;

الصويلح 9 02/12/2007 02:56 PM

سكين تلقاه يوم راح للمدرسه تلقاهم يتطنزون فيه بس يبقى الكبير كبير ياياسر وبعدين غلطان يامعاند الزعيم

كاكا_22 02/12/2007 02:58 PM

قصه حزينة!!!!

وش الفايدة من الموضوع الحين!!!!!!!!!!!!!!!!!!!!!!!!!!!!!

هلالي للابد ! 02/12/2007 02:59 PM

الفايده من الموضوع

لاتاكلون من ماكدونالدز عشان مايجيكم انفلونزا الطيور

كاريرا 02/12/2007 03:07 PM

اهم شي وشو الطلب اللي

طلبتوه من مكدونالدز

A L 7 Z N 02/12/2007 03:10 PM

خخخخخخخخخخخخخخ

الله يقطعك خخخخخ

سنتياجو 02/12/2007 03:11 PM

تحب الكاتشب؟

$هلالي$ 02/12/2007 03:13 PM

هههههههههههههه

أحمد القمقوم9 02/12/2007 03:20 PM

بس اااه يالقهر ياياسر

بلو هارت 02/12/2007 03:36 PM

إقتباس:

تصدق جاني النوم وانا اقرا القصه
ههههههههههههههههههههههههههههههههههههههه

مجنون العزيزي 02/12/2007 03:40 PM

إقتباس:

الرسالة الأصلية كتبت بواسطة هلالي للابد ! (مشاركة 7023882)
الفايده من الموضوع

لاتاكلون من ماكدونالدز عشان مايجيكم انفلونزا الطيور



حلوة يابطل:clapping:

فهودددي 02/12/2007 03:41 PM

بالله أنا نفسه !


الوقت المعتمد في المنتدى بتوقيت جرينتش +3.
الوقت الان » 11:29 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd