بسم الله الرحمن الرحيم

بلول حبيت اقول هاردلك يا زعما خيرها بغيرها ،،،،


حقيقه انا مستغرب من الي شفته امس في قناه الزعيم التهاني والأهازيج

والله شي غريب الهلال يستانس للتعادل على ارضه ،،،

الشي الثاني واحد قام ينتقد ياسر واشوف الكل نشب عليه انت مندس منو انت حتى تنتقد افضل لاعب

باسيا ،

صحيح ياسر لاعب كبير ولاكن ماهو اكبر من سامي وزي ماكان سامي يعاتب ليه ماياسر مانعاتبه

ليه نفرق بين لاعبين الهلال ليه نفرق بين المفرج وياسر لان ذاك مدافع وهاذ مهاجم الكل لاعبين

الهلال وانا الي اشوفه مافي فرق اي واحد يخطي لازم ينتقد ،،،

ركله الجزاء الي ضيعها ياسر ماكان من المفترض انه يشوتها لان الاعب كان مرهق ذهنيا وبدنيا

كان من المفترض ان ياسر يفسح المجال للشلهوب الخبير بضربات الجزاء ولا اغامر على حساب

ثلاث نقاط مهمات جدا وقبل لاتكون ثلاث نقاط هي رد دين للاتحاديين ،

انا ماكتبت هل الكلام الى لمى شفته من مجاملات عند جمهور الزعيم

يوم يقولون تفداك مليون ضربه جزاء يا ياسر هاذ يعني ان ياسر اهم من الهلال "

وحبيت اذكرهم بكلام المعلق عصام الشوالي يوم قال الهلال من يصنع الرجال وليس العكس،،،،

مشكوووووووووووور..
والشوالي ماجاب شي جديد..!!

الظاهر انه فوق النقد

على العموم لو هو مو قد البلنيات لايشوتها

وبعدين ليش ماانتقد ياسر انا هلالي ومن حقي اعاتبه

لكن مسألة انه يضيع واقوم اصفقله لا والله هذه مصخرة

إقتباس الرسالة الأصلية كتبت بواسطة ليتكم مثلي قال أفضل لاعب قال أمحق لاعب ههههههههههههههههااااي آآآآه على أيـــامك ياســامي ..

راح تغير كلامك بالأيام الجايه ..
لأن ياسر راح يبدع إنشاء الله وراح يسكت كل من أنتقده ..وراح تتذكر كلامي ..

إقتباس الرسالة الأصلية كتبت بواسطة عزالهــلال الظاهر انه فوق النقد على العموم لو هو مو قد البلنيات لايشوتها وبعدين ليش ماانتقد ياسر انا هلالي ومن حقي اعاتبه لكن مسألة انه يضيع واقوم اصفقله لا والله هذه مصخرة

يا خي هذا رد بالله !!!!!!!!!

المنتديات فكوها ليش يا...... اذا تبي تنتقد انتقد وعاتب وانقهر موب لحالك يا بطل

أما سالفة ( فوق النقد ) ( مو قد البلنتيات ) ( مصخرة )

اذا ياسر مو قدها اجل انت قدها يا .....

لا وعز الهلال اسمه بعد

والله مو كافي علينا قهر النقطتين يكملونها بكلاااااام مو محسوب

بس للكتابة اه يا القهررررررررر

تخيل العنبر مضيع البلنتي شف الجمهور وش يقولون

طيب لو نفذها الشلهوب وضيعها !!!؟!!

بتقول ليش ما نفذها ياسر !!

اقوووووول لا يكثر انت وياها ضربة جزاء وضاعت ..والحمدلله على كل شي..

بيض الله وجهه الي شارك وهو توه واصل رغم الاجهاد والتعب وكان ورقه ضغط على الدفاع

الاتحادي وهذي تحسب لياسر ..

ولو سمحتوا فكونا من المقارنات .. اللي ماراح تجيب نتيجه ..

سؤال لو سمحت :-

ايش بيصير لو قلت يفداك مليون بلانتي يا ياسر ؟؟؟

راح ترفع معنويات مهاجمنا في المباريات القادمه وراح يعطيك بإذن الله ...

يارعبوب الله يهديك ياسر مضيع بلنتيات الهلال كلها فانا عارف وش اقول
واذا لاعب يضيع بلنتي اكافأه مثل لاعب يسجل بلنتي ماتدخل مخي والله
وبعدين انا حر اكتب اللي ابي الا اذاكنت انت وصي علي وانا ماادري
وانا ماغلطت على احد عشان تتهجم علي انا كل اللي قلت راي شخصي
وبس يالطيب

ياسر لاعب نكبه في البلنتيات
المفرج يسبب وياسر يضيع

ولك ينصر دينك

ياخي اما عندنا مشجعين الله يخلف

إقتباس الرسالة الأصلية كتبت بواسطة الــقـ الأزرق ـلم طيب لو نفذها الشلهوب وضيعها !!!؟!! بتقول ليش ما نفذها ياسر !! اقوووووول لا يكثر انت وياها ضربة جزاء وضاعت ..والحمدلله على كل شي.. بيض الله وجهه الي شارك وهو توه واصل رغم الاجهاد والتعب وكان ورقه ضغط على الدفاع الاتحادي وهذي تحسب لياسر .. ولو سمحتوا فكونا من المقارنات .. اللي ماراح تجيب نتيجه .. سؤال لو سمحت :- ايش بيصير لو قلت يفداك مليون بلانتي يا ياسر ؟؟؟ راح ترفع معنويات مهاجمنا في المباريات القادمه وراح يعطيك بإذن الله ...

مواضيع بايخه
المفروض نرفع المعنويات المشوار طويل
ياسر لا أول لاعب ولا أخر لاعب يضيع

هذا أنتم إذا فاز الهلال طار بالاعب و إذا ضيع أكتبوا هل مواضيع بايخه