|
ثلاث لاعبين نحو النجومية ++ ياسر تفداك 3 نقاط بس أبيك في كلمة رأس ++ وراء هذا اللاعب سر ++ ماحصل بعد المباراة لم نشاهده منذ أربع سنوات تقريباً ؟؟؟ بسم الله الرحمن الرحيم صباح الخير أيها الزعماء ......... أولاً : هاردلك التعادل اللي بطعم الهزيمة صراحة ............. ثانيا : الزوري ونامي والكلثم هم نجوم المباراة , وصدقوني أن هؤلاء اللاعبين مكسب للزعيم لروحهم القتالية في الملعب , والمهارة الفردية ,والأهم من ذلك اللياقة البدنيةالعاليةالتي يتمتعون بها... ثالثا ً: الدعيع والخثران >>> مستوى مميز (( الذهب لا يصدأ )) .... واكثر ماعجبني في الخثران التمريرات المتقنة التي قلما تخطئ بخلاف زميله نواف التمياط ...>>> منيب سهل ( قلما ) مرة وحدة .. رابعا : الشلهوب والغامدي لم يظهرا بالمستوى المطلوب , يعطيهم العافية وماقصروا لكن ننتظر المزيد المزيد لعلمي أنهم يملكون الكثير ..... خامسا : نواف التمياط ,, مستوى متواضع ,, تمريرات خاطئة ,, قتل اللعب ,, العشوائية في التمرير والأدهى والأمر >>الأنانية الزائدة<< ,, صدقوني أنني لا أتحامل على الكابتن نواف لكن صدقوني أن وراء هذا اللاعب سر لايعلمه أحد واستمراره على هذا المستوى قد يؤدي به إلى عالم المجهول فعلى الإدارة مناقشة اللاعب والأخذ بالأسباب التي أدت إلى ظهوره بهذا المستوى الذي لايرضينا ويحزننا في نفس الوقت ,, فليس من السهل خسارة لاعب مثل نواف التمياط ........ سادسا : ياسر القحطاني أبارك لك الجائزة , وإلى الأمام إن شاء الله , ضربة الجزاء لاتهمني بقدر مايهمني الشي الذي لاحظته عليك أيها الكابتن في تنفيذ ضربات الجزاء وهو أنك دائما تلعب الكرة في يسار المرمى >> يعني على يمين الحارس سواء مع المنتخب أو مع الهلال وهذا يجعل الحراس يحفظون طريقة تسديدك لضربات الجزاء وآخرتها ضربة الجزاء التي أضعتها في دوري أبطال آسيا ,, ولك من الذئب سامي الجابر عبرة فلم أذكر أنه لعب ضربتي جزاء متتالية في مكان واحد ,, فالتنويع مطلوب ,,,,,,,,,,,,,,,,,,,>> هل توافقونني سابعا : المرشدي وتفاريس >> صخرتين في الدفاع ماشاء الله عليهم , تمركز جيد بدون أي أخطاء تذكر ,, آه آه ياتفاريس لو كنا نملك بطاقتك الدولية ,, لكن الأقدار ,,,, ثامنا ً : عبدالطيف الغنام ,, مستواه بدأ يرتفع تدريجيا ً , فارجع أيها الكابتن كما عهدناك لكن عندي ملحوظة صغيرونة وهي كثرة تمريرك الكرة إلى الخلف , فلو كنت لاعبا صغيرا لاتملك الخبرة لقلت أنهامسألة ثقة , وخوفك من قطع الكرة ,, لكن مثلك لاتنقصه الخبرة .... تاسعاً : لأول مرة منذ أربع سنوات أرى الألفة والمحبة بين لاعبي الهلال والاتحاد فكم فرحت عندما شاهدتم يتعانقون بعد نهاية المباراة والابتسامة تعلو محياهم , فهل تكون الإقالة لها دور في ذلك >>>> وافهم يافهيم ..... عاشراً : أحمد الدوخي الكرة فن وأخلاق , ولاتنسى أنك في يوم ما كنت لاعبا هلاليا وزميلاً لنواف التمياط ,, أهكذا تفعل به وبحركة لا أخلاقية ولاتمت للرياضة بصلة >> أحمد راجع نفسك ... معذرة على الإطالة ,,,, >>>>> وشكراً <<<<< |
تسلم و الله .. و صدقت و الله إن الوجوه الشابه الهلاليه على مستوى راقي و تستحق الوقوف بجانبها .. الشلهوب كانت له شطحات بالمباراة .. بس هو معذوور و الله نواف ما اداري وش فيه كله خايف ايتعور الظاهر .. و الخثران ما كان بمستواه على العموم .. احسه وااايد احسن عن جذيه و تسلم من يديد |
يعطيك العافية كلام منطقي جدا والله اعجبني نامي جدا (( الله يوفقه مع الهلال )) وكلام سليم ياسر لازم ينوع ويرفع الكرات شوي فوق زي ضربة الجزاء اللي في مباراة مصر واليابان شكرا لك الباشا |
صدقت والله يعطيك العافيه ..... نامي مكسب كبير للهلال وانشالله نشوف مستواه يتطور من مباراة لمباراة والكلثم رائع وخطير والزروي كبير بس ينقصه شوية ثقه بالنفس ... الشلهوب لو استمر على كذا صدقوني بيرجع زي قبل واحسن ياسر القحطاني لو انا الحارس صدقني صديت البلنتي بس يالله تفداك يا ابو قحط والجايات احسن انشالله |
كلام حلو ومرتب |
كلام سليم وان شاء الله القادم احسن الكلثم الزوري نامي واتمنى ان يلحق بهم الفريدي والدوسري هم نجوم المستقبل للزعيم دمتم بود |
يعطيك العافيه على الموضوع |
نواف مستواه هابط بسبب الاصابه واشياء ثانية مايعلمها الا هو واتمنى اعضاء شرف الهلال يوقفون معه والاداره |
كلاااامك سليــــم والموضوع جدا رائع .. و لا تعليق على ما ذكرت .. |
السلام عليكم ورحمة الله وبركاته اعتذر على الرد المتاخر .. قادع اقرى موضوعك بتاني .. لكي .أستنتج .. من قلمك الرائع نقاااااااااط .. ولكن لايوجد نقااااااط .. كتبت كل شي فـ ابدعت .. ارفع لك قبعتي .. احتراماً لك ولقلمك الرنان تحيااتي - أمير :) |
كلامك جميل بس احمد الدوخي يضل مخلص للهلال والدليل ولا كورة امس اسلمها صح او سلمها صح يعطيك العافية موضوعك جميل |
هههههههههه ضحكتني لما قلت نامي انا اتفق معك بالزوري والكلثم لكن نامي بالشوط الاول معليش كان سيء وعبدالرحمن القحطاني لاعب الاتحاد والله انه انبسط عليه يمر من جنبه زي السلام عيكم وحتى هجوميا كان نامي يكون له الفرصه يتقدم لما تكون معه الكور ولكن يسوي اوفر على بعد كيلو وهو لسه في نصف الملعب وين ياحبيبي وين راحت هالحركات قديمه الحين لازم تمشي بالكورة وتفتح مع زملائك لين توصل قريب من الثمانية عشر و بعدها ترفع بهالطريقة يكون الاوفر او الرفعة خطيره وصعبة على المدافعين |
الله يعطيك العاافيه |
بالنسبة لنواف : اضف / تسديداته الضعيفه والعشوائيه ،،،، اما ياسر ،، فضياع ضربة الجزاء يعني ضياع ( 6 ) نقاط وليس 3 وعليه ان يتمرن أكثر واكثر على التنويع في تنفيذ الركلة الجزائيه او التنحي جانباً واتاحة المجال لغيره ،،،،،،،،،،،،،،،،،، ايضاً ياسر : نقول له نريد اهدافك في الاتحاد والاهلي والنصر والشباب فقط اما نجران والطائي والحزم أي لاعب يستطيع ان يسجل في مرماهم تحياتي |
بالتوفيق لزعيمنا الغالي وتبقى كبير يا ياسر |
| الوقت المعتمد في المنتدى بتوقيت جرينتش +3.
الوقت الان » 08:30 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd