السلام عليكم ورحمة الله وبركاته
الى كااافة جماهير الزعيم خاصة"وليس للمنسدين تحت اسم الزعيم"

في البدايه احب اقولكم هاردلكم النقطتين اللي ضاعوا وبصراحه كنا محتاجينهم لكن بنفس الوقت احب ابارك لكم برجوع روح الفريق اللي كانت غايبه تقريبا منذ بداية الموسم وبصراحه نكون واقعين كنا نلعب بلا هويه لكن مباراة الامس اثبتت رجوع الفريق وانه رجالات الهلال قادرين على التعويض في اي وقت وانا ما اقول هذا كلام مجامله بل واقع عشناه ....
ثانيا : بالنسبة لضربة الجزاء أنا ما ابغى ابرر ضياع ضربة الجزاء من الكابتن الكبير القناص لانكم عارفين انه ضربة الجزاء في النهايه توفيق من رب العالمين لكن لابد انك تجتهد في تنفيذها وياسر ما قصر ولا تقولون لي انه ياسر متعود على الزاويه هذي لان هذا الكلام غير منطقي اطلاقا وبعدين انا من وجهة نظري الشخصيه اتوقع لو ما تقدم تيسير النتيف عن المرمى وعن الحد المسموح به اتوقع انها مليون في الميه هدف حتى لو راح الحارس لنفس الزاويه واحب اقول ما قصرت يا قناص وانت كبير وكبار النجوم اضاعوا واحنا واللـــه مقدرين حبك وعشقك للزعيم بدليل انك من المطار الى النادي مباشرة ولعبت المبارة كاملة بدون تخاذل ولا طالبت براحه مع انه من حقكك وما اقدر اقول الا الله يعطيك العافيه وان شاء الله نشوفك في الدوري الانجليزي واتمنى لك التوفيق.

رساله الى كل أعضاء نادي الهلال ما قصرتوا واديتوا مباراة كبيره امام منافسكم الاتحاد رغم كل الضروف الف شكر لكم جميعا.

ثالثا :همسات الى بعض لاعبي الزعيم:
ياسر "القناص":ما ابغى اقول العوده للتهديف لانك ما غبت اساسا لكن اتمنى المزيد والمزيد من نجم كبير مثلك واتمنى انك ما تلتفت لكل الكلام اللي ينقال وانت تبقى نجم.
محمد الشلهوب:اتمنى انك ما ترد ولا تلتفت للإعلام لانك نجم وتبقى نجم واثبتها لهم في مباراة الاتحاد
نواف التمياط:الكبير يبقى كبير لكن اتمنى اشوف نواف المبدع صاحب اللمسات السحريه وانت قدها وقدود
طارق التائب :والله لك وحشه يا تائب فقدناك واتمنى ما تطول الغيبه
ماجد المرشدي:والله مبدع ما قصرت وان شاء الله تكون هذي المباراة برهان لمن يقلل من نجوميتك وانت كبير واتمنى لك التوفيق
الكلثم:عقبال ما نشوفك زعيم لاعبي اسيا ما قصرت
الزوري ونامي : أمامكم مستقبل اتمنى التوفيق لكم
تفاريس:اتمنى ان تبقى هلاليا الى الابد وانت ابن النادي

وفي الختام اتمنى النقد الهادف اللي يساعد زعيمنا على العوده الى مستواه الحقيقي الي تعودناه منهم وان شاء الله الى منصات التتويج يا زعيم.