للاسف ما هقيتها منكم.

الى هالدرجة التشكيك بالنجم العالمي نواف التمياط.

من جابلكم الهدف الذهبي مع النادي الجزائري اللي اهلنا نلعب مع النصر.

من جاب الهدف الرئع في الاتحاد بالراس من خارج منطقة الجزاء.

من هو اللاعب اللي كانوا جمهوره يفتخرون فيه وما فيه امل يشككون فيه

للاسف

والله لو رجعت 5 ايام وقالي واحد ان هالشئ يبي يصير في شبكة الزعيم كان ادرجته تحب قائمة( السيدة عطيات)

معليش يا نواف ترا مهب شرط كل واحد يقول انه هلالي يصير هلالي.

انا عارف ان كلامي ملخبط ولاني قادر اجمع ولكن هذا من القهر.

ولا زادني قهر الى حد الانفجار ذا الموضوع

http://alzaeem.com/vb/showthread.php?threadid=49813

هلا اخوي..

وماتنلام على هالموضوع لان موقف نواف انكتب عنه اكثر من موضوع

كلهم يسبون فيه وصدقني من كثر ماانا مصدوم من اللي اقرا مارديت علىاحد

هذا واحنا الى الان ماعرفنا وجهة نظر ابو بندر ...

ومهما كان مستحيل اي احد يشكك في حب نواف وولائه للهلال ...

مع اني متاكد ان نواف حريص على مصلحة الهلال اكثر من اي شئ..

اعتقد ان هالموضوع اخذ اكبر من حجمه والله يوفق الهلال اليوم ودوم..

لو انه عامل حساب للهلال وجماهير كان رد على المقالات اللي تنكتب عنه .... لكن ما اعتقد انه بيرد على شيء لأن اصلا ما عنده شيء يقوله ..... وعموما ما نبي منه اللا خطاب اعتذار للهلال وجماهيره ...... وتركوا منكم تقديس اللاعبين اللي ماله داعي .... مثل ما يكافئ اللاعب يعاقب .... والأنسان ماهو معصوم من الخطأ .... تطلع المثاليه التي يدعيها ويقول انا اخطأت .... واللا هو متعود ما فيه مثاليه مع الهلال .... وفي النهايه اقول لنواف هذا اذا كانه يعمل لجماهير الهلال وجماهير هذا الموقع أي حساب ركز ركز في مبارات بكره واترك المثاليه لأهلها ..... يا متواضع ؟؟؟؟؟

فلافل الهلالي تعجبني انت كذا

مشكلتنا عاطفيين كلمه تودينا وكلمه تجيبنا

حتى لو اخطأ نواف خلاص نجرده من كل انجازاته

ياناس ياهو نواف بشر ويخطي مثل غيره اتمنى

اقفال مواضيع السب في نواف

لا ني اري شي يفشل

في الحقيقه اتأسف على تدخل بعض المندسين في المواضيع

ونشر الاعيبهم بيننا ؟؟؟

تسلم اخوي على هالمشاركة وانا سبق واني قلت بمشاركة ان شبكة الزعيم هي من يحارب الزعيم .

ورديت عليهم بنفس المشاركة المذكوره وقلت وجهة نظري اللي هي نفس وجهة نظرك .

والاخ اللي يقول ليه ما يرد على اللي يكتب عنه :

اقوله نواف من زمان قايل انه ماراح يصرح ابداً للإعلام

وثانياً ياخي اللاعب عطاءه بالملعب وليس بالصحف واذا جلس

نواف يرد على الثاني والثالث ماراح يقدم مستواه المعروف عنه

ولو نواف يبي الماده كان انتقل للإتحاد او غيره ماهو مجبر على

التجديد مع النادي وعلى فكرة ترا الاتحاد السعودي هو من منع التمياط

من المشاركة في مباراة الهلال والطائي .

لكن ارجع واقول يابخت الاندية الثانية بجماهيرها والله يكون بعون الهلال على جماهيره .

الفريق بكره عنده مباراة مهمة تتطلب وقفة جماهيره معه في هالوقت بالذات والاخوان يحرضون الجماهير على اللاعبين .

يا اخوان ارجوا انكم تحطون باعتباركم انه كما يدخل في هذا المنتدى هلاليية فيدخل ايضا نصراوية وهم كثر ولله الحمد( )
فماذا سيكون ردة فعله بعد ان يروا كلامنا في اللاعب اللي كنا نفتخر فيه ونفتخر انه هلالي.

ارجوا انكم تفكرون في هذا الشئ زين