والله كــان عندك طريقة اعدل فيها نومي اكون شاكره لكـ ورده انا من النوع اللي انام بالنهار واسهر بالليل .. بس هالطريقه مو معجبتني ابد يعني لو الود ودي كان اخلي نومي طبيعي زي الناس والعالم بس انا اكييد مع النوم بالليل
علشان لما تصحى الصباح تكون نشيط ونفطر وتسوي رياضه مو تصير متخلف عن الناس يعني بالنسبه لي احس اني غير اهلي ومتخلفه عنهم
و السهر له مضار وهو الارهاق لما تقوم من النوم وتكون ماشبعت نوم ..ونوم النهار مافيه بركة مثل مايقولون ويصير حول عينك شي اسود.. من السهر يعني
واتوقع الناس يحبون السهر لان الليل حلو ورده ورده تتأمل السما والقمر والنجوم وتعيش جو ثاني خالص
بس النظام نفسه ماهو حلو.. والشيباب والعجايز مايسهرون لان السهر للشباب يعني احس مايصلح لهم السهر ..وخاصه الواحد لما يكون رايح بكبر يحتاج للراحه اكثر ..
إقتباس
يقولون أن نوم ساعة في الليل تعادل ثلاثة ساعات في النهار ...
مدري بس مثل ماقلت نوم النهار مافيه بركة.. يعني تصحى وودك تنام مره ثانيه..
إقتباس
هل هناك خلايا في جسم الإنسان تنام في الليل ولا تنام في النهار ...
بصراحه ماعندي معلومات بخصوص هذا الشي
والله نوم الليل طعم ثاني مايحس فيه الا اللي فاقده..
بس النوم سواء بالليل او بالنهار جوناان
يعطيك العافيه خيوووو.. ونتمنى الاستفاده من المعلومات من خلال الاعضاء..
هلا وغلا بمولع الهلال...ورده صباح الخير صباح النور صباح السهر الى انصاص الليول..
إقتباس
هل أنت مع النوم في النهار أم النوم في الليل ...
اتمنى النوم بالليل ...ولكن اذا ما كان عندي دوام مبكر فاني افضل السهر والنوم اذا ربك افرجها نمنا والصراحه اذا نمت في النهار فاني احس ان برنامجي اليومي ماله داعي ولكن كله يهون لعيون السهر..
إقتباس
لماذا الجميع يحب السهر حباً جنونياً
معرفشي ..معرفشي والله ما ادري لكن عندي تفسير ممكن يكون صح او خطا... فانا احب اسهر الليل لان النهار عاده يكون للعمل والدراسه ولاتنسى خصوصا في الصيف الحراره لها دور كبير ...فالواحد صار يهتم بالليل والسهر لان هذا الوقت اللي ممكن يقابل اخوياه ويطلع فيه من دون قلق
إقتباس
ولماذا من هم أكبر عمراً يقل السهر لديهم ...
هذا السؤال اتركه لذوي الاختصاص ...خصوصا للشايب فياض..
وعليكم السلام ورحمة الله وبركاته ..,, هلا والله أخوي مولع بالهلال .. بالنسبه لي أنا من محبي السهر لاكن أفضل النوم ليلاً غصباً عني .. بسبب الأعمال الصباحية ..,,. أما عن النومل ليلاً فلا شكـ امه أفضل من النهار وكما قال تعالى في كتابه الكريم ( وجعلنا الليل لباساً والنهار معاشا ) صدق الله العضيم * وفوائد النوم ليلاً كثيرهـ جداً منها انكـ تصحى مع الناس وتخالطهم لانهو في الليل تبقى وحيداً اكتفي بهذا القدر لانهو لو كان عندي اظافه جديدهـ لن اتوانا عن ذكرها أبو شلاخ الهلالي
. يا هلا أخوي متعب .. السهر السهر أكيد له مضاره الصحية .. لكن مشكلة ادمان السهر انت شكلك تمر بصحوة ضميرية <<=== :p . قال تعالى { وجعلنا لكم الليل سباتاً } .. كان عندي ملف txt عن مضاره بحثت عنه بالجهاز لكن لم أجده ..!! بحثت لك بالانترنت عنه ..
========================================
أضرار السهر الصحية:
1-أضرار بدنية متعددة:
خلق الله وتعالى النهار للعمل والليل للنوم وفي النهار يصرف الجسم طاقاته ليعوض في الليل عما صرفه منها وعدم أخذ القسط الكافي من النوم يؤدي إلى ظهور أعراض وأمراض أخرى منها: التعب- الصداع- الغثيان- واحمرار العينين وأنتفاخهما- والتوتر العصبي- والقلق وضعف الذاكرة والتركيز- وسرعة الغضب- والألم في العضلات...الخ
2-السهر والكفاءة العضلية:
لقد ثبت من خلال التجارب التي أجراها عدد من علماء التربية البدنية أن الوظائف الجسمية تزداد قوتها وتنقص بين وقت وآخر خلال اليوم حيث تظهر الكفاءة العضلية في الزيادة تدريجيا عند الساعة الرابعة صباحا وتبلغ مداها الأقصى في الساعة السابعة صباحا فيستمر حتى الساعة الحادية عشر ظهرا حيث يبدأ المستوى في الانخفاض التدريجي لغاية الساعة الثالثة عصرا حيث يزداد تدريجا لغاية الساعة السادسة مساء ثم يعود في الانخفاض التدريجي مجددا والانخفاض الكبير بيدا في الساعة التاسعة ليلا ويبلغ مداه في الساعة الثالثة صباحا.
3-السهر وجهاز المناعة:
إن قلة النوم تسبب خللا في جهاز المناعة وهو خط الدفاع الأول والأخير ضد الأمراض وعندما يعتل في هذا الجهاز فهذا وبكل بساطة الانهيار وقد عكفت على هذا الموضوع جامعة تورينتو بكندا على دراستة طوال السنوات العشر الأخيرة والسبب كما قال البروفيسور مولدو فيسكي اختصاصي الأمراض العصبية والنفسية بكلية الطب هناك أن أمراضا كثيرة كانت خافية وغير معروفة السبب تبين أن النوم وقله وراءها وأن هذا الجهاز مبرمج على ساعات اليقظة وساعات النوم التي يحتاجها الإنسان وعند حدوث تغيير في هذه الدورة اليومية ليصاب جهاز المناعة بالتشويش والفوضى.
=========================================
.
. آمل أن أكون قد أفدتك .. . :: فتّكـ بـ ع ـافيــة ::
شف وانا اخوك .. السهر مضارة أكثر من فوايدة .. بس أحياناً الواحد يلجأ له لغايةٍ ما .. يعني عندك إختبار ولا أمداك تخلّص وش تبي تسوي .. ماغير تقرقع من هالمنبهات و قوة دفارة .
بالنسبة لي جرّبت الحالتين .. النوم بدري مفيد للجسم .. ياخي لا صرت مصحصح يصير فيك نشاط غير طبيعي .. يومك تحسّ انه مرتب ومايفوتك شي وتقضي اشغالك وتسوي كل اللي تبي تسوية .
صارلي موقف قبل سنتين أيامها كان عندي إختبار Pharmacology والمادة هذي أساسيّة بدراستي يعني ان رسبت فيها تعيد السنة كاملة .. المهم اني جلست اذاكر وضحّيت بالنومة ورحت الإختبار مرتاح وقلت ما راح يردني الا الفل مارك .. دخلت الاختبار استلمت الورقة طليت عليها بشكل سريع قلت بس سهلة .. اجي أكتب .. ياولد وين المعلومات .. تروح وتجي وانواع المهاوش انا وياها .. تعالي يا بنت اللذينا .. بس ماااش .. قفلت معي أخر ربع ساعة ما حليت الا سؤال من سته وحل مشّي حالك بعد الشاهد ان الامور مشت وجبت درجة نجحتني و كويس الدكتور كانت علاقتي معه كويسة وكنت طالب مجدّ عنده .. بس الحق .. ما كنت راضي عنها .
سويت العكس بالاختبارات اللي بعدها .. الحمدلله النتايج كانت فتاكة
طبعا عندي اختبار اليوم بس ظبطت وضعي نمت بعد العشا وصحيت على 2 وخلصت مذاكرة وهذاني مقابل موضوعك الفاشل واردّ عليك
اما السهر بالعطل .. مافي احلى منه .. خصوصاً لا صرت بالخلا
صباحك ورد وروعــة عزيزي الغالي مولع بالهلال ,,
وصباحكم ورد جميعا,,
,
,
عندم أيقنت أن السهر ضرورة,,
إرتكبت المباح .. وعانقت السهر.. حتى مل مني,,!!
حتى ماتقولون يالسامي فكنا من شغل الفلسفة والغموض راح أكون واضح وبلهجتنا أتكلم ,,!!
السهر.. هو مرحلة الجمال في حياة الإنسان ومعها مرحلة التعب والشقاء في نفس الوقت,,
أحيانا أسوي .. مؤدب وأنام بدري بس أتفاجىء أصحى بدري وما أدري وش أسوي طبعا أتكلم أيام الويك إند أو أيام الإجازات,,
والنوم بدري يحصل لي كثير,,
لما يخرب مزاجي خلاص اقعد اسبوع كل ليلة انام بدري فيها,,
أعاقب نفسي مدري اني بهالحاله أضبط
ساعتي ( البيولوجية )وأرتب أموري بشكل أفضل,,
أحلى طعم لما تنام بعد العشاء مباشرة طبعا العشاء ( الصلاة ) مو الأكل وتصحى الفجر وتروح للجامعة والا للعمل,,
تحس إنك ولد ( جديد ).. مندفع للحياة,,
لكن أسوأ شيء لما تنام بدري ثم تصحى قبل الفجر ويخرب جوك,,
قبل الدراسة أو العمل,,
لكن ياشين السهر لاصار ( كثير ) على غير سنع,,
هنا نقول الوسطية زينة في هيك أمور,,
,
,
عموما السهر شر لابد منه,,
ولازم نحارب هالعادة حتى تقوى أجسادنا وننعم بصحه جيدة,,
والظروف الجالبة للسهر من أهمها :
لطبيعتنا كمجتمع خليجي تعود من صغره على هالعادة,,
لكن الغرب من تطيح الشمس تحس الكون فاضي,,
مو حنا من تطيح الشمس تلقى الشباب عند المطاعم توه يبدأ يومهم,,
بس الفرق الغرب في الويك اند يسهرون ويخربونها بامور ثانية,,
وحنا سهرنا شريف وبريء بس فتح عيون للصباح,,
عن نفسي هالفترة أسرفت في السهر كثير,,
لإني عارف أنه بتجي فترة,
بينهد حيلي فيها حتى سهر لــ 10 مساءا مو قادر أوصل له,,
مولع بالهلال قلم أنيق.. وراقي وهادىء..
وموضوع يغريك للتحدث فيه خصوصا وأنا سهران,,
همسة خاصة :
الزعيم عامل فيني عمايل,,
من زود ما انا متحمس نكسر رأس الإتحاد عجزت أنام,,
شكلي بواصل لليل,,
لاتصدقون بس السهر من ظروفه.. القلق .. والتفكير.. والكثير الذي يطول سرده,,
برغم أن الإنسان يقضي حوالي ثلث حياته نائماً، إلا أن الأكثرية لا يعرفون الكثير عن النوم. هناك اعتقاد سائد بأن النوم عبارة عن خمول في وظائف الجسم الجسدية والعقلية يحتاجه الإنسان لتجديد نشاطه. والواقع المثبت علمياً خلاف ذلك تماماً، حيث أنه يحدث خلال النوم العديد من الأنشطة المعقدة على مستوى المخ والجسم بصفة عامة وليس كما يعتقد البعض. بل على العكس، فإن بعض الوظائف تكون أنشط خلال النوم كما أن بعض الأمراض تحدث خلال النوم فقط وتختفي مع استيقاظ المريض. وتعتبر هذه المعلومات والحقائق العلمية حديثة في عمر الزمن، حيث أن بعض المراجع الطبية لم تتطرق إليها بعد.
والسؤال الذي يطرح نفسه، ماذا يحدث خلال النوم؟
النوم ليس فقداناً للوعي أو غيبوبة وإنما حالة خاصة يمر بها الإنسان، وتتم خلالها أنشطة معينة. عندما يكون الإنسان مستيقظاً فإن المخ يكون لديه نشاطاً كهربائياً معيناً، ومع حلول النوم يبدأ هذا النشاط بالتغير ودراسة النوم تساعدنا على تحديد ذلك تحديداً دقيقاً. فالنائم يمر خلال نومه بعدة مراحل من النوم لكل منها دورها. فهناك المرحلة الأولى والثانية، ويكون النوم خلالهما خفيفاً ويبدآن مع بداية النوم. بعد ذلك تبدأ المرحلة الثالثة والرابعة، أو ما يعرف بالنوم العميق، وهاتان المرحلتان مهمتان لاستعادة الجسم نشاطه، ونقص هاتين المرحلتين من النوم ينتج عنه النوم الخفيف غير المريح والتعب والإجهاد خلال النهار. وبعد حوالي التسعين دقيقة تبدأ مرحلة الأحلام أو ما يعرف بمرحلة حركة العينين السريعة، وتحدث الأحلام خلال هذه المرحلة، وهذه المرحلة مهمة لاستعادة الذهن نشاطه. والمرور بجميع مراحل النوم يعرف بدورة نوم كاملة. وخلال نوم الإنسان الطبيعي (6-8 ساعات) يمر الإنسان بحوالي 4-6 دورات نوم كاملات.
ما عدد ساعات النوم التي يحتاجها الإنسان الطبيعي؟ يتفاوت عدد ساعات النوم التي يحتاجها الإنسان الطبيعي تفاوتاً كبيراً من شخص إلى آخر. ولكن المؤكد أن عدد الساعات التي يحتاجها نفس الشخص تكون ثابتة دائماً. فبالرغم من أن الإنسان قد ينام في أحد الليالي أكثر من ليلة أخرى إلى عدد الساعات التي ينامها الشخص خلال أسبوع أو شهر تكون عادة ثابتة.يعتقد كثير من الناس أن عدد ساعات النوم اللازمة يومياً هو ثمان ساعات. وإذا أردنا الدقة أكثر فإن أغلب الأشخاص ينامون من 7-7.5 ساعات يومياً. وهذا الرقم هو متوسط عدد الساعات لدى أغلب الناس ، ولكنه لا يعني بالضرورة أن كل إنسان يحتاج ذلك العدد من الساعات. فنوم الإنسان يتراوح بين أقل من ثلاث ساعات لدى البعض إلى أكثر من 10 ساعات لدى البعض الآخر.وفي دراسة للمركز الوطني للإحصاءات الصحية بالولايات المتحدة الأمريكية، وجد أن اثنين من كل عشرة أشخاص ينامون أقل من 6 ساعات في الليلة ، وواحد من كل عشرة ينام 9 ساعات أو أكثر في الليلة. ويدعى الأشخاص اللذين ينامون أقل من 6 ساعات بأصحاب النوم القصير، واللذين ينامون أكثر من 9 ساعات بأصحاب النوم الطويل، ولكنهم طبيعيون. فنابليون وأديسون كانا من أصحاب النوم القصير. في حين أن العالم آينيشتين كان من أصحب النوم الطويل. بمعنى أن عدد ساعات النوم التي يحتاجها الإنسان إذا كان طبيعياً ولا يعاني من أحد أمراض النوم لا تؤثر على إنتاجيته وإبداعه.وخلاصة القول أن عدد ساعات النوم التي يحتاجها الإنسان تختلف من شخص إلى آخر، فالكثير يعتقدون بأنهم يحتاجون إلى ثمان ساعات نوم يومياً. وأنه كلما زادوا من ساعات النوم كلما كان ذلك صحياً أكثر، وهذا اعتقاد خاطئ. فعلى سبيل المثال إذا كنت تنام لمدة خمس ساعات فقط بالليل وتشعر بالنشاط في اليوم التالي فإنك لا تعاني من مشاكل ونقص النوم. هل يتغير النوم مع تقدم السن؟ مع نمو الأطفال فإن نومهم يتغير تدريجياًل). ولكن ما إن يصل المرء إلى مرحلة البلوغ (وأقصد بها عنا حوالي العشرين عاماً من العمر) فإن عدد ساعات النوم التي يحتاجها الجسم لا تتغير مع تقدم العمر، ولكن في المقابل فإن طبيعة وجودة النوم تتغير كلماً تقدم بنا العمر. فعند كبار السن يصبح النوم خفيفاً وأقل فعالية وأقل راحة، ذلك كله بالرغم من عدم تغير ساعات النوم. والسبب في ذلك يعود إلى أن نسبة كل مرحلة من مراحل النوم السابقة تتغير مع تقدم السن.فعندما يبلغ الرجل حوالي سن 50 سنة والسيدة حوالي 60 سنة، فإن نسبة النوم العميق (مرحلة 3-4) تكون قد وصلت عادة إلى نسبة بسيطة جداً من وقت النوم، وعند البعض قد تختفي تماماً. فتجد الأشخاص في هذا السن أسرع استيقاظاً نتيجة للضوضاء الخارجية مقارنة بصغار السن. فبالرغم من عدم التغيير الكبير في عدد ساعات النوم مع تقدم السن إلا أن طبيعة النوم تختلف، فيصبح النوم خفيفاً ومتقطعاً طوال الليل، وهذا أحد أسباب النعاس خلال النهار الذي يصيب الكثير من كبار السن...
هذي بعض المعلوماااات عن النوووم ....نقلاًعن موقع النوم في الصحة والمرض ..
اتمنى إنهاا تكووون افاادتك أخووي مولع بالهلال ..
شف اخوي متعب والله ان اعدل نومي يوم وعشره خرباان مدري يااخي احس اذا
ماسهرت احس يوومي باايخ مدري السوالف ماتحلى الا بالليل مع اني اذا قمت بدري
احس اني اخلص كذا شغله وانجز اشياء كثيره اما اذا سهرت والله يروح اليوم ماخلصت ولا شي
اما الاجابة على الاسأله المتسدحه حقتك اول شي فيه خلاياء بالجسم ماتعمل الا اذا كنت نايم
ومهوب اي نووم نووم الليل يعني قبل السااعه 3 الليل وبعدين سبحان الله اذا نمت الساعه 9 او 10
ماتجي السااعه اربع والا انت طاامر من الفرااش هذا اذا مو ثلاث تحس انك شبعان ونشيط
اما اذا نمت الفجر السااعه اربع ماتقوم الا العصر الساعه اربع وتحس انك متكسر ونفسيتك زفت
والانسان ماينمو الا بالنوم مثل ماسمعت عشان كذا مثل ماقاال دجاج نم بكير واصحى بكير شوف الصحه كيف بتصير
في الاخير اخوي متعب الله يعافيك على هالموضوع وتشكرااتي لك لنك تكلمت عن موضوع كلنا ندري انه غلط وللأسف كلنا متمسكين فيه تراني امس نايم الساعه 10 الليل وقايم الساعه 3 الفجر
لا يسهر الـليل إلأ من به ألـم .... ولا تحرق النار إلا رجل وأطيها انا من اللي ينام بعد الفجر لاني لو قمت الصبح محد طق لي خبر
أخوياي نايمين وبعدين دقة البلوت والبلاستيشن ماتصلح الا بعد 11 بالليل
تشوف الحماس غير طبيعي ..!!
تخيل تحصل لك شباب داقينها بلوت الساعه 10 الصبح ماتنبلع صح
إقتباس
ولماذا من هم أكبر عمراً يقل السهر لديهم ...
صعبه تحصل شايب يسهر لين الفجر الا في بعض الاحيان لأن اخوياه الشياب كل واحد لا صلى العشاء رجع من المسجد لقا عشاه جاهز ثم دخل لغرفته يسمع الراديو شوي وطقها نومه لين الفجر..!! وبعدين الشباب مايكون تأثير السهر عليهم كتأثيره على الكبار في السن ..!!
إقتباس
يقولون أن نوم ساعة في الليل تعادل ثلاثة ساعات في النهار ... كيف تعادلها ...
ورده 
مو تصير 
ومتخلفه عنهم 
.. المهم اني جلست اذاكر وضحّيت بالنومة ورحت الإختبار مرتاح وقلت ما راح يردني الا الفل مارك 
الوضع المتطور
