..بسم الله الرحمن الرحيم..
يا حيالله حبايب قلبي واخواني الزعماء بكل مكان..
اخواني كلنا لاحضنا مستوى الفريق في المباريات اللي راحت كيف كان متواضع حتى صرنا نخشى ان نمر بما مر به بنو فقر..
اخواني الهلال لم يعد الهلال الذي كنا نعرفه وكنا نزايد على عدد الاهداف اللي سيسجلها مهاجموه..
االهلال اللي كنا نقول متى بيجي الهدف الثالث او الرابع مو زي الحين نبي لو هدف..
ماعادت الجماهير تجي الملعب تقاطع الفريق ليس والله كما يقول البعض قل اخلاص للنادي لا والله لكن لعدم رضاها عن مستواه..
يتغنى الكثير بكثافتهم الجماهيريه وصرنا نتغنى بماضينا..
ياخوفي بكرى هم يتغنون بماجد وحنا نتغنى بسامي..
ياخوفي بكرى نقول الهلال مات مع اعتزال لاعبينه..
ياخوفي من انه نرى للخلف اكثر مما نرى للامام..
بإختصار يا اخوان حال الهلال مايرضينا..وكلنا نعرف اذا مرض الجسد تداعى له كل الاعضاء بالسهر والحمى..
وحنا كجماهير ومحبين للهلال ولاعبين الهلال وادارته جسد واحد ولازم كلنا ننلم عليه وما ننقده بل نبدا بالعمل..
..........................
رسائل من القلب واتمنى ان تجد اذن::
الرساله الاولى:: لتاج راسنا محمد بن فيصل..
لا يهمك حكيهم فلا يضر السحاب تغريد البعارين
وعدتنا بثالث الاجانب يكون عالمي واتهمناك بالسفر واهمال الهلال والجمتنا محبيك قبل الحاقدين بفكرك الراقي واختيارك الموفق كما راينا في مباراة الوطني..
فهذا محترفنا الثالث وبدون انسجام مع الفريق وسوا العجب كيف لا انسجم..
شكرا ابو سلطان..وكلنا اسفين يا تاج الهلال..
..........................
الرساله الثانيه::لمدرب الهلال وقائد الموج الازرق كوزمين (..ترجم يامترجم..)
قد لا تكون تعرف الهلال ولا تعرف من هو الهلال وهذا ليس خطأ منك..لكن نبغاك تعرف ان الهلال زي السماء اللي تمطر نجوم..
صدقني يا كوزمين لو تلعب بناشئين الهلال بيسون لك العجب..افهم يا كوزمين الشعار اللي يلعب مو المهارات..
ارجوك لا ترهق ياسر لا ترهق الغامدي لا ترهق الشلهوب لا ترهق اللاعبين..
عندك لاعبين على قدر عالي وبدلاء جاهزين..
ارجوك لا تقتل روح البدلاء بحبسهم بالاحتياط..
ولا ترهق الاساسين باستهلاكهم..
انا عارف انه مافي ولا لاعب يدعي الاصابه او يدعي الارهاق عشان مايلعب..عارف انهم كلهم يبون يلعبون ومع ذلك نشوف الارهاق عليهم..ارجوك ريح اللي تشوفه تعبان واشرك قليل الخبره..
ياخي هذا شغلك ولا راح نفهم اكثر منك فيه لكن اللي نشوفه مايرضي الجميع..
..........................
الرساله الثالثه::لمجلس الجمهور الهلالي..
وين الابداعات اللي عهدناها منكم وين الاشياء اللي ما يسويها الا الملاعب الاوربيه..؟؟؟
نبي حاجه تحمس اللاعبين وتخليهم يحرقون انفسهم لجل الجمهور..
خلونا نشوف شي حلو..وعلى نظام النقاط ترى الديربي والمباراة العاديه اهميتهم وحده فبدعوا في ثنتينهم..
..........................
الرساله الرابعه::للاعبين ..
نـــــــــــــــحــــــــــــبـــــــــــكـم
صدقوني من رقم 1
الطويل هذاك لين اخر رقم كلكم معزتكم بالقلب من معزة الشعار اللي لابسينه..تكفوووون لا تخيبون ظننا فيكم ولا تفقدونا الامل في الهلال..
..........................
الرساله الخامسه:: لجماهير الزعيم الوفيه..
ترى مثل ماتبون نتائج من الفريق ترى الفريق يبي منكم
حضور وتفاعل احضروا وسوو اللي عليكم واذا مارضيتوا بالمستوى والنتيجه ما اكون نادر..
والله صاير حالنا بذا المنتديات صعبه نتشكى ونسب ونبكي وتاركين الهلال يلعب..