#1  
قديم 29/11/2007, 08:47 AM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
Thumbs up القناص قناص حتى لو صغرت المرمى

السلام عليكم ورحمة الله وبركاتة

هذا موضووع حافظة عنددي بالجهاز من منتدى ياسر وقلت انزله لكم

في اول ظهور له عبدالحكيم القحطاني شقيق ياسرالقحطاني

اليكم الموضوووع


في يوم الجمعة كان لنا لقاء مع الأخ عبد الحكيم القحطاني ( أبو ود ) الأخ الأكبـر لياسر القحطاني وكان لقاءنا في منزله ...
رحب بنا ورحب بالأخوة الأعضاء في منتدى القناص ..
أبو ود الله يسلمه كان عزوبي ذاك اليوم .. فطبعا مهنا قهوه ولا شاهي .. بس سوالفه نستنا القهوه والشاهي والمويه
تكلم لنا عن ذكرياته مع ياسر .. وكيف بدأ ياسر ممارسته لكرة القدم .. وبعض المواقف المضحكه اللي حصلت بينهم ...
بعد هذي المقدمه نترككـم مع اللقاء .. ونخلي أبو ود يسولف عليكم ..
.

.



أنا علمت ياسر تشجيع الهلال .

بدايات ياسر كانت على يدي .. بدايتةً كنت أموت على شيء أسمه هلال .. فكان أول شي سويته أني خليت ياسر يحب الهلال .. و كنت اجيب له الاعلام اخذه معي للمباريات .. واخليه يشوف اللاعبين .. ويصور معهم .. لاحظت عليه في بداية عمره .. انه يحب الكوره .. ولمسته للكوره .. كانت مختلفه عن الأولاد الي مثل سنه ..
فبديت اعلمه .. وكان اول درس هو انه ما يخاف من الكوره . فكنت .. اخليه يوقف عند الجدار وابدأ امزعه بالكوره ..
لين تعلم كيف يتعامل بالكوره بشكل صحيح .. تعلم الاساسيات .. وبعدها يوم كبر بدا يلعب مع الجيران في الحاره .. وتطور الوضع .. يوم بدا يلعب مع فريق العقربيه .. وكانوا مجموعة شباب ... علاقتهم قويه في بعض .. يأكلون كوره
ويشربون كوره ... وكان ياسر من ضمنهم .. بعدها انتقل ياسر الى فريق لوتو الي كانت ترعاه نفس الشركه وكان مدربهم في ذاك الوقت حمد الدوسري مدرب نادي القادسية للشباب ...
.
.
.



* الوالد كان رافض احتراف ياسر القحطاني كرة القدم .. وانا ضمنته

بعد التحاقه بفريق لوتو .. وكانوا يشاركون في مسابقات رسميه في عدة انديه وكان ياسر له دور بارز في الفريق
واشتركوا في بطوله كانت تقام في ارامكوا وحققوا فيا المركز الاول ... وحصل ياسر على لقب هداف البطوله .. بعد ان كان مرشحا في حال عدم حصوله على لقب الهداف ... أن يحصل على لقب أفضل لاعب ...
بعدها اصبحت الفكره تراود ياسر بالالتحاق في احد الأندية السعودية .. وكانت رغبة ياسر في الانتقال لنادي الهلال ..
لكن الوالد رفض ان يلعب ياسر كرة القدم لأي نادي وأن يلتفت لدراسته . . . .
لكن تم الاتفاق بيني وبين ياسر اننا نلبي طلب حمد الدوسري الي كان بينه وبين الوالد اتصالات ... لمحاولة اقناعه بالالتحاق في نادي القادسية ..
.
.
.
.
.




* على اعتاب نادي القادسية قلت له يا ياسر انت بتحترف في الهلال

تم اقناع الوالد بالالتحاق في نادي القادسية بعد ان ضمنت ياسر له بأن يكمل دراسته .... واذكر اول يوم وديت ياسر فيه
لنادي القادسية قلت ياسر .. ضمنت للياسر بأن يحترف في نادي الهلال ... وهو حلم عنده وكان يشك في عدم تحقق هذا الحلم .. و سبحان الله اللي يخاف ينجح .. لان ياسر كان ينظر الى الاحتراف في نادي الهلال بشكل جدي ... ومن يومها كنت عارف ان ياسر راح يحترف في نادي الهلال . . . .
.
.
.
.



* لعبت مع يوسف الثنيان ووجه لي دعوه بالاحتراف بنادي الهلال

في أحد البطولات الكرويه في المنطقه الشرقيه .. حضر الكابتن يوسف الثنيان .. لافتتاح هذي البطوله ...
وكانت هذي البطوله .. كبيره ومميزه من حيث التنظيم... وشاركت فيها جميع فرق الحواري في المنطقة الشرقية ... لكن خبر وجود الكابتن يوسف الثنيان في افتتاح البطولة ما جانا الا قبل يومين .. والخبر الثاني انه كان راح يشارك في المبارة الافتتاحيه فقط لمدة 15 دقيقه مع احد الفرق .. ولسوء الحظ لم تخدمنا القرعه في اللعب في المبارة الأولى .
طبعا .. انا ما قدرت امسك نفسي .. وقلت لاعب لاعب في المبارة الافتاحيه الله لا يعوق بشر .. وقمت احوس وافكر من هنا بس ماش عجزت .. قلت خلني اكلم منظم البطوله عساه يضبطنااا ... قعدت عند باب بيته حوالي ست ساعات لين جاء
وعطيته الزبده .. قلت له انا رجال لاعب لاعب ... حاول يقنعني ما يصير .. قلت له بالعب والا بأخرب .. المهم قالي خلاص اشوف حل واكلمك ... و كلمني وقالي تعالوا يوم الافتتاح كاملين بأغراضكم ويصير خير ..
طبعا الرجال شيك الرجال على احد الفرق الي كانت مشاركه في المباره الافتتاحيه .. وقالهم قائمة اللاعبين عندكم ناقصه واحد .. .. قالوا له خوينا هذا في جده وبيجي بكرا .. وحنا مستعدين نلعب بدونه ... قال لا يا تجون كاملين ,,,
والا راح .. نستبدلكم ... وفعلا تم الاستبدال . . . وحضرنا المبارة وكان طقمنا ذاك اليوم ازرق وابيض ومكتوب عليه فريق العقربيه .. طبعا يوسف ما حددوا له اي فريق راح يلعب .. رحت له وكلمته انه يختار فريقنا .. قال لي عندكم فنيله رقمها 15 قلت ايه وفوق كذا ازرق وابيض ... قال تم .. طبعا المخطط كان ان يوسف يلعب 15 دقيقه بس ... لكن ابو يعقوب كمل المباره ...

بعد المبارة جاء في بالي ان اعزم ابو يعقوب وقلت يمكن ما يوافق بس قلت منيب خسران شي .. رحت له وكلمته وقلت يا ابو يعقوب ودنا انك تتعشى معنا .. قال ابو يعقوب هذي الساعه المباركه .. وجهزوا عشاكم ومكانكم وانا جايكم ..
وفعلا جا ابو يعقوب وتعشى معنا وطلب مني انا ومعي كم واحد في الانضمام لنادي الهلال .. لكن الوالد كان رافض رفض تام ان العب كوره لانه كان يحتاجني معه في شغله .... وكانت ليله ما تنسى وكان ودي ياسر يكون معنى .. بس كان نايم عشان عنده مدرسه ...
.
.
.
.
.




ياسر يسبب المشاكل وأنا اللي آكلها ..

طبعا دايم الأخو الكبير هو اللي يأكلها بحجة أنه قدوه ... وكان الوالد دايم ما ينبهني على اخواني ,, وسو و لاتسوي ..واذا اخطأوا انا اول من ياكلها مع ان مالي شغل بالسالفه ...

في آخر جيه لياسر للمنطقه الشرقيه ... كان الوالد ما يدري .. وسمع ان ياسر موجود في الشرقية وكلمني .. قالي ياسر فعلا موجود .. وقلت ما ادري .. انا كلمت ياسر وطلع فعلا موجود في الشرقيه .. فقلته الوالد يدري انك في الشرقيه فقالي .. الحين بأمرك نروح نتعشى عنده ان تجهز وانا الحين جايك ...

طبعا انا تجهزت لياسر على اني باطلع معه للشايب .. وسحب علي ياسر ولا عاد صار يرد على الجوال ورحت للشايب لحالي وخلاني من دون عشاء ...
وقال انت الي مخرب ياسر .. عارف انه فيه بس انك زابنه .. ما تبيه يجي لكن جزاء لك ما فيه عشاء ..
طبعا انا نمت ذاك اليوم بدون عشا .

.. ومن ذاك اليوم وانا حاقد على ياسر ....
.
.
.
.




ياسر انا رجال لا عاد تضربني

أنا ما تعودت أحد يصحيني الا الوالده الله يحفظها .. لان هي اللي تعرف كيف تصحيني .. ذاك اليوم كنا متأخرين شوي ..
والوالده تناديني تبيني أصحى وأنا في سابع نومي .. المهم .. أرسلت ياسر يصحيني وكان ذاك الوقت عمره 11 سنه .. فتح الباب .. ودخل وبدا يصارخ قم تأخرنا يجر البطانيه .. المهم انا طارت عيوني واجي وامسك ياسر وشلته وافتح باب الغرفه وأحذفه .. هو زعل المهم ركبت السياره والتفت عليه ,وهو معصب وقلت له

: خلاص عاد الى الحين وانت زعلان ..
قال :- إيه قلي اطلع من الغرفه .. بس لا عاد تضربني تراني صرت رجـال ...
.

.
.
.
.



القناص قناص حتى لو صغرت المرمى

مره من المرات كنا طالعين البر .. المهم بدوا الشباب يلعبون كوره ومن ضمنهم ياسر المهم جيت قلت فرقوني معكم .. ويستلمني ياسر يا الشايب ويا الشايب .. يا الله حسن الخاتمه .. المهم قلت انا باقعد دفاع وهذا وجهي ان عديت طبعا هو ما عدا هو سحب تسحيب أليم وأهلكنا بالأهداف ..
وش سويت انا .. كل ما لهى ياسر عني جيت صغرت المرمى وكل مره على هالحاله .. لين صادني ياسر .. لاني من كثر ما صغرت المرمى .. اختفى يا الله تتدخل فيه الكوره .. المهم و لا اهتم لي و جا سحب فيني وجاب فيني هدف همن قال لي :- عدل المرمى ..



عبدالحكيم شب الضو

مره من المرات جالسين انا والشايب .. في المجلس المهم اشتهى الوالد انه يجلس في بيت الشعر . . نادى واحد من العمال ..من الجنسية المصريه .. وقاله يا فلان شب الضو ..
المهم طلعت أنا والقى ذا العامل ينادي يطل من بيت الشعر و ينادي يا شب الضو فينك يا شب الضو .. حسبته انهبل ..
أثاري الرجال ما عرف وش السالفه .. صرفته .. وراح جلس مع ربعه ويشكي لهم يقول مين شب الضو ده ؟!!!
قالوا له شب الضو معناها ولع النار .. رد العامل .. هوا انا عارف شب عشان اعرف الضو ...




اتمنى الموضووع عجبكم

تقبلوو تحيااتي

@زعيم الرياض@
اضافة رد مع اقتباس
  #2  
قديم 29/11/2007, 09:08 AM
موقوف
تاريخ التسجيل: 14/02/2007
مشاركات: 1,047
الله يعطيك العافية الموووضوووع حاز على إعجابي ومشكوووووووووووور
اضافة رد مع اقتباس
  #3  
قديم 29/11/2007, 09:10 AM
زعيــم مميــز
تاريخ التسجيل: 29/10/2007
المكان: الريـآض
مشاركات: 12,465
جااااري القراءه

شكل الموضوع رائع

تقبل مروري واعجابي قبل ما اقرإءه
اضافة رد مع اقتباس
  #4  
قديم 29/11/2007, 09:15 AM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
إقتباس
الرسالة الأصلية كتبت بواسطة 000هلالي000
الله يعطيك العافية الموووضوووع حاز على إعجابي ومشكوووووووووووور

الله يعاافيك واهم شي حااز على رضاك
اضافة رد مع اقتباس
  #5  
قديم 29/11/2007, 09:16 AM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
إقتباس
الرسالة الأصلية كتبت بواسطة أميرٍ
جااااري القراءه

شكل الموضوع رائع

تقبل مروري واعجابي قبل ما اقرإءه



شكرااااااا لمروورك وإن شاء الله بيعجبك
اضافة رد مع اقتباس
  #6  
قديم 29/11/2007, 09:18 AM
الصورة الرمزية الخاصة بـ ‏دوآکِ عندي
زعيــم مميــز
تاريخ التسجيل: 14/06/2007
المكان: بٌـ ¬› قٌلٌبً غُدىآ בـَبـﮧ جُنُوُني !
مشاركات: 5,008
الله يعطيك العافية

اخوي
اضافة رد مع اقتباس
  #7  
قديم 29/11/2007, 09:20 AM
زعيــم فعــال
تاريخ التسجيل: 15/03/2007
المكان: دولــــة الزعيم
مشاركات: 390
مشكووووووووور
الموضوع رووووووعه
اضافة رد مع اقتباس
  #8  
قديم 29/11/2007, 09:21 AM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
إقتباس
الرسالة الأصلية كتبت بواسطة هلالي من فالنسيا
الله يعطيك العافية

اخوي


الله يعافيك
اضافة رد مع اقتباس
  #9  
قديم 29/11/2007, 09:22 AM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
إقتباس
الرسالة الأصلية كتبت بواسطة شرقاوي والنبض هلالي
مشكووووووووور
الموضوع رووووووعه

الشكرر لك على مروورك
اضافة رد مع اقتباس
  #10  
قديم 29/11/2007, 09:58 AM
زعيــم فعــال
تاريخ التسجيل: 17/10/2007
مشاركات: 294
مشكور يعطيك العافيه
اضافة رد مع اقتباس
  #11  
قديم 29/11/2007, 10:08 PM
الصورة الرمزية الخاصة بـ @زعيم الرياض@
زعيــم مميــز
تاريخ التسجيل: 21/06/2004
المكان: في قلب (ســامـي)
مشاركات: 2,906
شكرااااااا لمرورك اخوي الجاسوووس
اضافة رد مع اقتباس
  #12  
قديم 29/11/2007, 10:10 PM
الصورة الرمزية الخاصة بـ زعــيــ511ــم
زعيــم مميــز
تاريخ التسجيل: 09/12/2006
المكان: شبكة الزعيم
مشاركات: 32,279
مشكور يعطيك العافيه
اضافة رد مع اقتباس
  #13  
قديم 29/11/2007, 10:16 PM
الصورة الرمزية الخاصة بـ المعاتب
أرسنالي مميز
أفضل كاتب بقسم الرياضة العالمية لشهر فبراير
تاريخ التسجيل: 08/04/2007
المكان: َّ فَي المُلحق ~
مشاركات: 9,259
يعطيك ربي العافية على الموضوع
اضافة رد مع اقتباس
  #14  
قديم 29/11/2007, 10:21 PM
زعيــم متألــق
تاريخ التسجيل: 24/04/2006
المكان: الساحل الشرقي ..@@
مشاركات: 1,415
مشكوووووووووور على هالموضوع
اضافة رد مع اقتباس
  #15  
قديم 29/11/2007, 10:27 PM
في انتظار تفعيل البريد من قبل العضو
تاريخ التسجيل: 20/12/2006
المكان: k.s.a
مشاركات: 1,012
ههههههههههههههههههه
والله الموضوووووووووووووووووع بطرااااااااااااااااااااان
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:31 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube