### أنواع اللقافه ### - نادي الهلال السعودي - شبكة الزعيم

عــــ الهلالي ــارف · #1 14/02/2002, 10:35 PM

اخوانى الاعضاء

اتصور ان الحاجة الوحيدة الي صرنا فيها الاوئل في العالم بدون منافس هي اللقافه!!!يعني نقدر نقول بكل فخر حنا القف خلق الله!!!!
من هنا طلع اعظم النوابغ والنابغات في القفولوجي( علم اللقافه)!!!! وهنا اكبر عدد للمواهب الناشئة و اكبر دعم موجود للحفاظ على زعامتنا للعالم في اللقافه!!!!

يعني لو الواحد منا لو يكون بمكان معين مع ناس ويكون حاط جواله بمكان بعيد عنة شوي…. اذا رن الجوال لازم الي يكون بيعطيك اياة يشوف وشو الرقم قبل لايعطيك اياه!!!!!!!

ولو تصير انت وزميلك تمزحون مع بعض بالشارع بس بصوت عالي!!! ماتدري الا وناس جايين !!!! ويسألون وش القصه!!!! وياشباب هدو اعصابكم ماصار الا الخير!!!!!

ولو حرمة تمشي بلحالها بالشارع !!!! تلقى الف سيارة مهدية السرعة وتمشي جنبها يبون يشوفون ليش تمشي!!!!!! الي ينادي الهيئة والى ينادي الشرطة!!!! وهي المسكينة حامل ولا زم تمشي!!!!

ولو انت بالطيارة وقاعد تقرا مجلة ولا كتاب !!!! لازم تلقى الى جنبك من يمين ولا يسار حاذفين روسهم عليك !!! يبون يعرفون وش تقرا!!!!!واذ صار كتاب سياسي مثلا قالولك ياخي وش تبي بوجع الراس!!!!!!

ولو حرمة لقت خوياتها صدفه بالسوق وكان معهم اكياس تلقاه بس مركزه على الاكياس تبي تعرف وش شارين!!!! وانت تقول ماشاء اللة علية خجوله منزله راسها!!!!!!!!

ولو واحد باني بيت جديد وتوة ساكن !!!! تلقا بس الجيران يسألونة كم كلف بيته!!!!!!! ويقولون ياخي ولو لو انك مكبر مدخل المجلس كان ازين!!!

ولو حريم رايحين للعرس لازم تلقاهم يسالون وين خوات العريس وين اهله كله بس عشان يعرفون العريس هو زين ولا لا !!!!ويقعدون الى الساعة خمس حتى لو العرس يضيق الصدر كله بس عشان يشوفون العريس والعروسه مرتاحين مع بعض ولا لا!!!!!

وحتى البزارين من يدخل الابو والام للغرفة ماتدري الا هم لحاقينهم للغرفة يبون يعرفون وش يسون !!!!والام على نياتها تقول ياحليلهم عيالي
مايقدرون يستغنو عني !!!

ولو انت قاعد تكلم واحد بالجوال بصوت هامس عشان ماتبي تزعج الي جنبك!!!! لازم تلقى الى حولك كلهم جادعين اذانهم لمك يبون يعرفون من تكلم!!! ومن يوم ماتخلص المكالمة تلقا واحد منهم يقولك ياخي عيب عليك لو انها اختك!!!! وانت اصلآ قاعد تكلم اخوك الكبير تبي تعزمه وتخاف يلصقون عندك!!!!

ولو انت بالبنك وشافك واحد يعرفك هناك بس وده يعرف كم بتودع !!! وتلقاه يٍسأل الصرافين الحين هذا يجي كل يوم عندكم يودع !!! حسابه فية كثير !!!!!

ولو ولد ماخذ توة الشهادة تلقى بس اصدقأه ودهم بس يعرفون وش هو تقديره وكم اخذ عند مدرس الرياضيات الشديد!!!

يمكن عشان كذا اكثر مكان ينباع فيه نظارات هنا لان التركيز يحتاج شوف زين

و التركيز الكثير يدمرالعين ‍‍!!

ولكم الف تحيه

اخوكم / عارف

خيّال · #2 14/02/2002, 11:00 PM

صدقت وصح لسانك،،،،

فعلاً نحن ألقف العالم،،ولو فيه احصائيات عالمية عن اللقافة كان شفت السعودية في مقدمة الدول بل قد تكون الوحيدة

شكراً لك،،
//خيّال//

النورس عاشق الزعيم · #3 15/02/2002, 12:14 AM

هذا الي اقدر اقوله

romeo · #4 15/02/2002, 02:14 AM

روووووووعه

هذا الموضوع انت كاتبه ولا منقول ( لقااااااااااااااااااااافه)

هلال رحيمه · #5 16/02/2002, 12:29 AM

اقول خل عنك اللقافه

وانت اول واحد

تدرى ليش موضوع الخطوبه والله اللقافه

هههههههه ما عليه امزح

السلطانة · #6 16/02/2002, 12:55 AM

صدق انك عارف
كلام جميل
ياترى ما هو السبب؟
اعتقد انه بعدنا عن الدين الذي نظم جميع شئون حياتنا بس نحن 0000ملاقيف واغبياء

عاصوف · #7 16/02/2002, 01:20 AM

بسم الله الرحمن الرحيم

مشكوووور اخوي عارف على الموضوع الحلو

انا بس ودي اعرف إذا صار حادث في طريق عام على اليمين مثلا تلقى اللي على اليسار واقفين

مخاوي البطولات · #8 16/02/2002, 07:27 AM

فعلاً أخوي اللقافة عندنا مستفحلة ومتوارثة

..

مدري هل هي نكتة والا لا .. واحد جته رسالة بالجوال في مكان عام ..

قام يضحك ..

.. جاه واحد قال إن كانت زينة أرسلها لي!!

لاحظ ما يعرفه

..

أما سوالف الحوادث فربعنا محترفين ( بإستحلالهم للأماكن المسكتة)

!!

عموماً اللقافة عندنا صارت من الضروريات للأسف .. واللي ما يصير ملقوف يسمونه ( موسوس) !!! أنا ما أدري وش دخل الوسوسة

..

تحياتي لك ..