للمعلومية سعد الحارثي عمره الحين 24سنة

ارجو ان تتأكد من معلوماتك قبل ان تضع الموضوع

تقبل مروري...

نواف ما شاء الله عليه أبدع في المبارة

لكــــن شنقوووووووول ..!

وبخصوص مقطع اللاعب صالح بشير لازم إدارة الهــــــلال ترفع قضية عليه لأنه مقطع يدينه 100%

ولازم يردون إعتبار الهـــــــــــلال مو يجيه لاعب دولي..! ويقول هالكلام والله فضيــــــــحـــــــــــه..!!

شكراً

كلام جميل أعجبني أسلوبك

نقاط متفرقه :

@ على اداره الاتفاق وعلى لجنة الانظباط معاقبه صالح بشير بعد ظهوره في مقطع بلوتوث بعد المباراه وهو في الباص يشتم الهلال وجماهيره ....

المقطع يظهر فيه اسم الفندق على الباص [ قصر الرياض ] وهو الفندق الذي عسكر فيه
الاتفاق للمباره ... وايضا يظهر فيه اللاعب الاجنبي محمد روبيز وهذه اول مباراه للاتفاق


هذا واحد نصراوي ماينشره عليه وصدقني لو وصل المقطع للجنة الإ نضباط بيعاقبونه وتذكر كلامي

@ لنواف التمياط اقول : التأريخ لايسقي عشب المستقبل ...
صدقت لكن نواف مستواه بادي يرجع مثل أول وماأتوقع لها الدرجه أخوي
@ خرج الهلال من بطولتين ولم يستفد من الاجنبي الثالث وهذا خطاء اداري لايغتفر !!
أنت عارف إن الإداره ماقصرت وجابت كالون وعارف وش صار بعدين


@ لازالت الاظهره نقطه ضعف الهلال لكن فوز الزعيم على النصر اخفى العيوب !!
هذي وجهت نظرك وأحترمها لكن وجهت نظري أمس أفضل اللاعبين هم الأظهره سوو شغل كبير وخاصه نامي
@ مباراتنا مع الاتحاد مفترق طرق ...اما الفوز ومواصله البحث عن الصدراه او الخساره والتعادل لاقدر اللله ستضعف من حظوظ الفريق كثير !!
فايزين بإذن الله
@ البطولات العربيه والخليجه ضررها اكبر من نفعها ..... اتنمى ان لايشارك الهلال فيها مستقبلا الا بالفريق الاولمبي ...
بالعكس لو أمس فريقنا كامل ومافي أحد مصاب كان فزنا وأتوقع وقتها بتقول كلام غير هذا

@ عدم تسجيل العنبر في هذه المباراه شيئ طبيعي لعدم وجود صانع لعب ولعدم وجود اظهره حقيقه !!
العنبر جته فرص وضيعها وقاعد يتمشى الله يجزاه خير

@ اذا لم يلعب فهد المبارك في ظل غياب التايب وهبوط مستوى التمياط فمتى يلعب !!
صدقت لكن نواف أمس سوا اللي عليه بس كانو مسكرين دفاعهم الاتفاق

@ فوز ياسر بالجائزه امر متوقع نتيجه حصوله على مجموع نقاط اكثر من منافسيه...
يستاهل ياسر وإن شالله تكون إيجابيه للاعب

@ الكلثم برز كهداف لدوري الشباب لكن المدرب حوله الى وسط ايمن !!
حتى وهو وسط أبدع

@ شخصيا لم احزن على الخروج من الخليجيه .... لان الحزن عندي [ خـلـص ] بعد الخروج من الاسيويه !!!!
اللي راح راح ولازم نفكر باللي جاي

@ الخثران لايزال يقدم مستويات ضعيفه في مركز المحور واكثر تمريراته مقطوعه !!
لأنه في الأساس ظهير فكيف تبيه يبدع مثل إبداعه في الظهير الأيسر


@ سلطان السعود والكلثم والفريدي والدوسري عزوز وسعد الذياب يحتاجون الفرصه والصبر من الجماهير عليهم...
أنا معك في النقطه هذي


@ افضل لاعب واعد في اسيا فاز فيها لاعب من كوريا الشماليه لم يتجاوز عمره 17 عام .... بينما سعد الحارثي
فاز في جائزه افضل لاعب عربي واعد العام الماضي وعمره 25سنه !!
سلك يامسلك مشها لهم ألحين عندنا أفضل لاعب في أسيا

0
ألف مبروك للقناص ويستحق الجائزه بكل جداره ولاعزاء للحاقدين وان شاء الله تكون فأل خير عليه وعلى الهلال.... وسيفجر فرحته في مرمى الاتحاد بأذن الله
يستاهل ياسر وبإذن الله فال خير هالجائزه

مصلحه الهلال فوق كل اعتبار
وهذاك قلتها


وشاكر لك أخوي يعطيكم العافيه على الإطراء الجميل

إقتباس الرسالة الأصلية كتبت بواسطة الليل الأزرق يالغالي ما اجتمعت الامه على خطاء عذرت نواف على انقاطعه البسيط ولم تعذر العنبر على انقطاعه الطويل !!

انا معاك ان العنبر كان منقطع فتره طويله لاكن والله العظيم ان هالاعب من اول ماجاى للهلال ومستواه سيء وفوق هذا انضم للمنتخب وبعد كان مستواه سيء لاكن هدفه في كوريا رفع من اسهمه غير كذا انا اشوف العنبر سيء في عدة أشياء منها البطء و سوء التمركزو المهرات الفرديه ولاشيء حتى في مباراة الاتفاق اذا انك لاحظت كذا هجمه مع نواف يبي العنبر يفتح خانه لاكن لاحياة لم تنادي وفي الاخير انا والله مابيني وبين هالاعب اي شيء لاكن مصلحت الهلال فوق كل شيء.
وتقبل خالص تحياتي
(اختلاف وجهت النظر لايفسد للود قضيه )

إقتباس الرسالة الأصلية كتبت بواسطة الــــزين :: تحيـه لك لكتابتك هذه النقــاط قرأت ماقرأت وأعجبني أسلوبك إلا تحليلك عن نواف لا أظن أنك أنصفتـــه كنت أتمنـى أن يكون كلامك قبـــل مباراة البارحــة عنه لأنه وبكل صراحه نجم ليلة البارحة صدقني من حروفك لمست فيك حُب الزعيم نتمنـــى ذلك.. كن بخيٌر عزيزي.. ::

يعطيك العافيه يالغالي على مرورك العطر....واشكرك على المجامله ...

اختلافنا على مستوى نواف لا يفسد للود قضيه ...

اتمنى ان يعود التمياط لمستواه المعهود فعودته ستزيد من قوة الفريق

اخوي الغالي خادم الزعيم....


ألف شكر على مرورك العطر

لا والله نواف امس كان احسن واحد بالملعب

إقتباس الرسالة الأصلية كتبت بواسطة عاشق الوفاء اولا نواف على قولتك يصنع فرصه كل5مباريات امس كم صنع من فرصه اذا كنت متابع المباره جاوبني وبتعرف ان نجم المباره هم نواف وخالد وتفاريس والمفرج والباقي ما عندك احد

صح لسانك 00

نواف امس هو نجم المباراة 00

ولكن ما ذا تفعل بناس تحكمها العاطفة مرة يمدحون اللاعب ومرة يسبونه

ستظل يا نواف نجم ونجم كبير رغم كلام الحاقدين 00

لن نقف عندبطوله

نواف نجـــــــــمـ وماقصر امس

بس يصنع لمين؟؟؟؟ للعنبر؟؟

ماعندهـ هجومـ يساعد

نوااف كان من أفضل اللاعبين اللي بالمباراة
ولكن العيب بالمدرب اللي مايعرف مكان نواف بالملعب
مره يخليه يسار ومره بالوسط ومره باليمين اللي هي الخانه اللي يبدع فيها نواف
ولو تعيد المباراة وتشوف كم كوره لعبها نواف وسلمها صح كان ماقلت هالكلام
لكن المشكله وجود العنبر قدامه
(( يكفي تجريح وتحطيم بنواف ))

والله نواف كان نجم المباراة

إقتباس الرسالة الأصلية كتبت بواسطة ALKA20SER انا معاك ان العنبر كان منقطع فتره طويله لاكن والله العظيم ان هالاعب من اول ماجاى للهلال ومستواه سيء وفوق هذا انضم للمنتخب وبعد كان مستواه سيء لاكن هدفه في كوريا رفع من اسهمه غير كذا انا اشوف العنبر سيء في عدة أشياء منها البطء و سوء التمركزو المهرات الفرديه ولاشيء حتى في مباراة الاتفاق اذا انك لاحظت كذا هجمه مع نواف يبي العنبر يفتح خانه لاكن لاحياة لم تنادي وفي الاخير انا والله مابيني وبين هالاعب اي شيء لاكن مصلحت الهلال فوق كل شيء. وتقبل خالص تحياتي (اختلاف وجهت النظر لايفسد للود قضيه )

العنبر هداف بالفطره... صحيح ماعنده مهارات لكن عند المرمى لايعرف الفلسفه..

العنبر لاعب صندوق ... يعني توصل الكوره له داخل منطقه الجزاء ...

ويتميز بضرباته الرأسيه ... لكن المدرب لم يعرف يستغل هذا اللاعب ...

اقل لاعب يشارك واكثر نسبه تهديف عنده ماشاء الله

إقتباس الرسالة الأصلية كتبت بواسطة Fhodi_85 (( يكفي تجريح وتحطيم بنواف ))

ماجرحنا في نواف ... انا اتكلم عليه داخل الملعب .... ان شاء الله الانتقادات تكون دافع له للرد عليها

ولن نجامل احد على حساب الهلال