سلم لي على العمالة ...؟ في يوم من الأيام كنت في زيارة لصديق ( يبني منزل جديد) وكان صديقي غير موجود في هذا الوقت . والمنزل كخلية النحل ماشاءالله من العمالة الموجودة فيه . فشاهدة المبلط ( وهو من الجنسية الباكستانية ) يعمل بصمت وجلست أتمعن في عمله بكل أهتمام . فسئلتة بكل براءة ( حلوة براءة ) JAJ :- ممكن تخلص شغل قبل أجازة أيد ألأضحى ... صرنا نحكي مثلهم . ترك عملة وقعد يطالع فيني وكأني ذكرتة بشيء مفزع . ثم قال ........... المبلط :- ليش فيه سأودية كتير أجازة مدرسة ...هازا مافيه كويس بأدين كله فيه رسوب هازا مشكل. JAJ :- والله انك صادق ... كثرة الأجازات تأثر على الطلاب وعلى مستواهم الدراسي بعد ... شكرآ على حرصك أبنائنا . المبلط :- يا أخي أنا مافيه خوف مال ولد انت ... أنا فيه خوف بأدين كله ولد سأودي دراسة مافيه كويس بأدين شغل ( مبلط + سباك + كهربائي + نجار + عامل ) ... بعدين كيف أنا شغل ...؟ أخس يالملعون ... أفتكرتك خايف على عيالنا أثرك خايف على عمرك ... قلتها بخاطري . تركتة وانا قاعد أفكر في كلامة بكل أهتمام ...؟ طيب لو شبابنا مسك شغلاتهم وصار ( سمننا بدقيقنا ) يعني دراهمنا نعطيها عيال الديرة ( مهوب أجنبي ...يرسل هالمليارات ) برا ... وشلون بتكون ديرتنا أتمنى من الله العلي القدير بأن يكون شبابنا يهتمون وبشكل كبير بدراستهم وبتحصيلهم العلمي ... ليصلو الا أعلى المراكز الوظيفية ... ومن لم يستطع ياليتة يمسك وظيفة هالعمالة اللي تارسة البلد ( ونتسغني عنها الى ألأبد ) بأذن الله . مجرد خاطرة ... لاأكثر ولاأقل. وسامحونا:bluesky: |
هلاء وغلاء للي له وحشه بس ليش الزعل يالغالي اه لوتدري عن الظروف:( :( يا JAJ مالك حق تزعل علياء..... مشكلتني مشكله مالها حل :sad: :sad: :sad: عمومآ نرجع للموضوع صادق يالغالي ياليت ربعنا وشباب هالبلد ييمسكون بعض ألأشغال المهنيه اللي لعبوا بنا الأجانب تسلم يالغالي +++ ليه انا محظور بالماسنجر ياجاج:dead: :dead: أخاف ماعندك جوال وألا رصعته لك:bigeek: :bigeek: تسلم يا أغلاهم |
وشلون مجرد خاطرة ..!!!!! يعني هالكلام كله من راسك..!!!! افاااااا ما هقيتها منك يا جاج:( كل ما سبق مزح ..:) هلا وغلا بك اخوي جاج .. والله من زمان عنك ..يالقطوع:( ونرجع لكلامك .. والله صح ..من كل النواحي .. من ناحية الإجازات ومن ناحية الشغل..:) الله يوفق هذا اللي نقوله .. وتحياتي لك ،،، أخوك / البارق:) |
الحمد لله ماني مشرف :embarrass والا كان يزعل عليّ جاج باشا :cry: خابرينك حالف ماتدخل النت برمضان :sleep: صحصح يالشين قرب عيد الضحيه :razz: ولا تقاطع يبو البراءه :shy: موضوع يعالجه الزمن وهو الكفيل بأستيعابه من قبل ابناء الوطن الله يوفقهم ويفقنا لكل خير ;) :) |
الوقت المعتمد في المنتدى بتوقيت جرينتش +3.
الوقت الان » 12:06 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd