#1  
قديم 24/11/2007, 10:30 AM
زعيــم متواصــل
تاريخ التسجيل: 27/09/2007
مشاركات: 87
Post ادخل واقرا اهداء الى البلوي مع التحية

القصيده :الجمهره



إي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره



مايملي عيون الحسود بهالزمن غير التراب
ومن لايتوب من الخطا تحرم عليه المعذره



اللي من أولها خراب أكيد تاليها خراب
والبندق اللي ماتثور في هدفها تذعره



ودك اليامن جاتك الغلطه من الناس القراب
الصاحب اللي ماكسبت محبته ماتخسره



مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره



صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره



مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره



كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره



لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره



والله ماحطيت بين الحقدوالخوه حجاب
حتى غدوا ربعي يحدوني على الضيق أشكره



البارحه ثارت علي رقاب وأوتني رقاب
البارحه ياثقل دم البارح ويامحقره



أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره



أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره



لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره



الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره



من يفتح لفرقاي باب أفك له عشرين باب
وأذا خويي مايقدر خوتي ما أقدره



عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره



أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره



شفهم لهم حول السنه ولا خذوا مني جواب
أحسن دوا للي يحاول يستفزك تحقره



ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره



شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره



اللي يخاف من الظما يترك لنا طرد السراب ب
واللي ماهو بقد الظلام ووحشته لايسهره



عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره ه



انا تجرعت الظما لين أحترق وجهي وذاب
انا كسرت بخاطري قبل الصداقه تكسره



انا خسرت اللي غيابه غير عن كل الغياب
انا غفرت لعالمٍ ماتستحق المغفره



انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره



انا القصيد اللي فزع من دفتره مليون ناب
وانا الوحيد اللي جمع مليون ناب بدفتره



جفني وجرّحه السهر ، حيلي وهدّته الصعاب ب
دمعي هدر،ضحكي ندر،عمري وضيعت أكثره



شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره



ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره



ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره



في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره


ودك اليامن جاتك الغلطه من الناس القراب
الصاحب اللي ماكسبت محبته ماتخسره








بقلم : حامد زيد
اضافة رد مع اقتباس
  #2  
قديم 24/11/2007, 10:42 AM
زعيــم نشيــط
تاريخ التسجيل: 06/12/2006
مشاركات: 833
ايه والله لووووووووووووووول
اضافة رد مع اقتباس
  #3  
قديم 24/11/2007, 10:46 AM
زعيــم متواصــل
تاريخ التسجيل: 18/09/2006
مشاركات: 50
اي هآ
اضافة رد مع اقتباس
  #4  
قديم 24/11/2007, 10:54 AM
زعيــم متواصــل
تاريخ التسجيل: 17/11/2006
المكان: Saudi Arabia
مشاركات: 129
ايه والله صداق وانا اخوك ..
مشكور وماقصرت ..
اضافة رد مع اقتباس
  #5  
قديم 24/11/2007, 10:59 AM
زعيــم متواصــل
تاريخ التسجيل: 27/09/2007
مشاركات: 87
مشكورين على المرور
اضافة رد مع اقتباس
  #6  
قديم 24/11/2007, 11:04 AM
زعيــم فعــال
تاريخ التسجيل: 31/12/2006
مشاركات: 434
اتمنا من الاداره نقل الاموضوع لانه لا يخص الجمهور الهلالي
اضافة رد مع اقتباس
  #7  
قديم 24/11/2007, 11:49 AM
الصورة الرمزية الخاصة بـ RAK
RAK RAK غير متواجد حالياً
زعيــم مميــز
تاريخ التسجيل: 20/02/2005
المكان: وٍيٍنّ مآيَسيرَ آلهِـلآلّ
مشاركات: 3,390
يعطيك آلف عآفيه وعسآكـ علىآ القوهـ
اضافة رد مع اقتباس
  #8  
قديم 24/11/2007, 11:53 AM
زعيــم فعــال
تاريخ التسجيل: 26/08/2006
مشاركات: 403
مشكووور اخوي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:25 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube