في هذة الصـورة..؟ كسـب الرجل رهـان التفوق على المرأة!!! - نادي الهلال السعودي - شبكة الزعيم

سندريلا الهلال · #1 24/11/2007, 03:55 AM

::

بسم الله الرحمن الرحيم

(( الرجـال قوامون علـى النســاء بما فضل الله بعضهم على بعض))

طبعا كلنا نؤمن بأن القوامة للرجل لأن طبيعة الرجل مجبولة على ان يكون اقوى من المرأة في كل شيء ..

لكن هذا لا يمنع ان يكون هناك نساء رائعات ومتمكنات في تخصصاتهم ..

هناك مقولة داءما نرددها ان الرجال اشطر من النساء في اي مجال يجتمعون فيه ..

يعني مثلا لما يكون ودك تحجز عند طبيب اسنان دائما تفضّل الطبيب على الطبيبه بحجة ان الرجل غالباً افضل من المرأة..

طبعا هالشيء طبيعي .. وحتى هالشيء يتعلق بصحة الشخص ومن حقه انه يبحث عن الافضل بغض النظر عن اي شيء ثاني ..

لكن الشيء اللي بصراحة يرفع الضغط ان الرجل ينجح في كل شيء حتى في مجال التصوير لا ومو اي تصوير صور الجواز والفيزا !!!!!!!!!!!!

يعني انا مثلا بحاجة لتصوير فيزا طبعا بديهي اني اروح لمركز نسائي للتصوير !!

المفروض ان المصورة يكون عندها خلفية عن الشروط المطلوبه في الصورة !!

اتفاجاء اني انا اللي اعلمها واوجهها .. !! لدرجة اني معي ورقة فيها كل الشروط المطلوبة تسويها..

ومع هذا دائماً الصورة تطلع مو مضبوطة ..!!!

يعني معقولة ماتعرف تضبط صور الفيزا

حتى الجواز تقولي وش المقاس المطلوب وش لون الخلفية المطلوبه!!

يعني لو فيزا اقول ممكن الفيز اتختلف شروطها لكن الجواز الطفل يعرف مواصفاته كيف مصورة ماتعرف طريقة تصوير الجواز ..

والدليل انهم فعلا ماحاولوا يطورون ويثقفون انفسهم اني صورت خلال اسبوع 5 مراااات

والسادسة هي اللي ضبطت!!!

يعني بعد جهد جهيد!!!

المفروض بصراحة انه يكون فيه مراكز خاصة بتصوير الصور الخاصة بالأمور الرسمية

يعني الواحد يروح ويضمن انه راح يصور االصوره على حسب الشروط المطلوبه ..

ويكون عندهم خلفية عن شروط كل سفـارة بحيث ان الواحد لما يجي ويقول صور لأي سفارة يكونون عارفين وش المطلوب

لكن ان يكون التصوير عشوائي بهالشكل لدرجة ان الواحد يضطر يصور 5 مرااات

هذا شيء بصراحة يدعو للخجل ان حتى صور الفيزا خصوصا في مجال التصوير النسائي تمشي بالبركه

يعني اصور لك كذا شكل واللي يضبط خوذية.

بصراحة هالموقف اللي صار لي مع الصور يخليني اراجع حساباتي في مسألة مساواة نسبة التفوق بين الرجال والنساء

في الغالب الرجل يتقن اسرع وافضل من المرأة..

يعني ماشاء الله لما يحتاج يصور فيزا الصور طلعت بحذافيرها بنفس الشروط المطلوبة ..

اما احنا لازم نتردد 20 مررة عشان الصورة تطلع حلوة

عفواً مضبوطة

أتمنى للجميع صور فيزا مضبوطة >>>>> جداً تعقدت 3 مراكز تصوير وكل مركز مواصفات على كيفهم

في رعاية الله ...