24/11/2007, 04:23 PM
|
زعيــم جديــد | | تاريخ التسجيل: 14/12/2005
مشاركات: 42
| |
انت مصدق الحين بيصير لمنصور شي ؟؟؟؟؟؟؟؟؟؟؟؟؟؟؟؟؟
مع احترامي لكل رجالات الهلال ان كان منصور الي سواها تراه لعبها صح
اثبت عليه شي واحد بس وانا مستعد اروح له بنفسي واخذ بحق كل هلالي
هات دليل هات برهان
ترانا حتى بالدين لامن جا القاضي يحكم لازم ياخذ دليل
الحين انت صدقت النمر وشلته الي ضيعونا ؟؟
ليش كبار اشناب الهلال ماتكلموا ؟؟؟؟؟؟؟؟؟
ليش مخلين الكلام للبرقان والفريان ومرتزقة جريدة الرياض والجزيره ؟؟؟؟؟؟؟؟
قلي ليش .............................................؟
لأن شيوخنا الله يحفظك يعرفون ان مافيه دليل هذا ان ماكانوا متأكدين ان برميلوفيتش بريء منها
واذا كنا نبي نرجع لدفاتر الحسابات
لازم نحاسب الدلنبخ الي عندنا الي يمر اللاعب من عندهم وهم ( صمٌ بكمٌ عمي "
قبل لانرمي الكلمه ونصرح يا استاذي لابد نستوعب
لابد نقر ونعترف بأخطائنا بينا انا ياناس اخطينا في الشي الفلاني والشي الفلاني
ليه ننكر ضعف ادارة التعاقدات عندنا
انا يوم سمعت برميلوفيتش بالرياضيه يتكلم
كلامه منطقي ورا ما اخذت جوازه يالبرقان
ورا ما حطيت عقد موقع فيه شرط مثل ماقال البرميل ان العقد يكون به بند الكشف الطبي اذا اجتازه العقد ساري المفعول
جايني البرقان يستخف دمه يقول والله هذا لاعب مو شغاله
يا ابن الحلال اللاعب والشغاله والسواق كلهم يخضعون لنظام العمل والعمال
اجل اللاعب جاي يلعب ببلاش ؟
مهو يشتغل عندك ويلعب وياخذ دراهم واجد
ليه اجل ياكمخه يالبرقان ماتسحب جوازه في النادي
ليه يالروقي يالي مسوي فيها مناصر الحق ومناهض الظلم ماتنبههم
والا بس فالح تطبل يالروقي وتزمر
ليه يوم انك تحب الهلال ماتبين وتوضح لهم اخطائهم
ليه ماتنتقدهم ؟
والا عشان الشباب يطلعون دايم نفس الكشته وماودك تخرب العلاقات ؟
والله وانا اخوك اني اتكلم من قهر سامحني بس صدق اشياء حزة بنفسي
واقول هالمره درس نتعلمه وخلونا نركز على فريقنا بالمباراه الجايه ونترك كالون وبرميل البلاوي بحالهم وخلونا في فريقنا ولاعبينا |