#1  
قديم 23/11/2007, 10:40 PM
زعيــم فعــال
تاريخ التسجيل: 10/12/2006
مشاركات: 308
الف شكر محمد بن فيصل خليتنا مهزلة والسبب سكوتك وابتعادك مشكووور يالحبيب

بسم الله الرحمن الرحيم


حرب قامت والسبب صفقة كانت فاشلة من الأساس وسبب فشلها طريقة مفاوضاتها وطريقة اختيار اللاعب المفاوض ولاهي غريبة لأننا أحسن نادي نصرف فلوس على الخنبقة والبركة في إدارتنا الموقرة.

كان لنا هيبة ومقدار ولكن ياخسارة بما نفعل أضعنا حتى احترام أصغر جماهيرنا وزاد عدد الشامتين فينا وياكثرهم ولاتستغربون لو قلت كل الأندية تبي تتشفى فينا والسبب ماسببناه لهم أيام العز من قلق نفسي ومن تعب ومن هدم أحلام ولكن اليوم جا وقتهم والله يسلم اللي كان السبب وكلكم تعرفونه.

جدد فلان ماجدد جانا برونو وراح وقع كالون وانحاش من السبب ياعالم في كل هالحوسة وفي كل هالمهزلة وخلونا نكون صريحين من السبب؟

السبب يالغالين رئيسنا اللي والله ملينا وحنا ننبه ونقول ونتكلم وفي الأخير يطلع لنا بعض الجهال ويشكك في حبنا للنادي ويقولون مندسين وخربطة!!!! يعني لازم تمدح الرئيس وهو مخطي في حق الجمهور وفي حق النادي والا تصير مندس؟؟

أقول بقولها ورزقي على الله

أنت يامحمد بن فيصل سبب كل فشل نتعرض له

وأنت من أعطى الحثالة فرصة التطاول على نادينا والتقليل من شأنه

نعم أنت السبب تعبنا من المجاملات والكذب على النفس لعيونك طال عمرك
دافعنا عنك واستمتنا في هالدفاع يوم كنت تعمل يوم كنت قريب من النادي لكن مادامها خاربه والله ماعاد نسكت ياطويل العمر

بعدك عن النادي وش يبرره ماتبي الرئاسة مهيب جبر ياخي خلها وغيرك يتشرفون كثير الهلال كل رجل يتمنى ينال شرف رئاسته.

مشاكل مع أعضاء الشرف مشاكل مع اللاعبين وكلكم تدرون منهم ومشاكل مع الجمهور
أعضاء الشرف تطاولت عليهم وأنت ما عطيت ربع اللي عطوه الهلال والجمهور قلت بالحرف في وقت مضى مانبي جمهور بهالشكل يعني تبي جمهور يصفق لك ويغني نحبك يابوسلطان والله نحبك والا ماتبي جهور لاياعزيزي جمهور الهلال وأنا واحد منهم حبينا النادي ويمكن أنت مابعد أنولدت الله يسلمك.

نرجع للقضية وللفشل وللعب على الجماهير المتعطشة للفرحة بخبر تعاقد ينسيها هم التعاقدات الفاشلة وياااااااااااااااااااااكثرها...

من صاحب فكرة التعاقد مع كالون وهل يستحق 22 مليون والا مادام عندنا قريشات من موبايلي خل نلعب بها لا ياخوك هذي أمانه وفي رقبتك أنت وإدارتك يعني بتسألون عنها
هاللعب والله مايسوى هالمبلغ ولايستحق المطاردة كل هالفترة وكأننا نلاحق كاكا تراه كالون تكروني والله مستواه عادي وعندنا منهم أفضل منه...

لابد أن يحاسب من تسبب في هالفوضى ولو كان أنت يارئيسنا المحبوب نعم النادي ضاعت سمعته والسبب أنتم النادي تشرشح والسبب أنتم ولابد من محاسبة المخول بالتعاقد وياليت يتم كنسلته نهائياً من النادي لأنه مهوب كفو والله الثقة الموضوعة فيه.

الجد كنت أبغى أسب البلوي ولكن قلت ليش ماله داعي لأننا حنا عطيناه الفرصة ونستاهل
وينك يامحمد بن فيصل وليش ساكت ومبتعد يا أخي أنت الرئيس والا أنا خبري قديم في النادي إذا أنت تسكت من بيتكلم إذا أنت سمحت لهم بالتطاول من بيدافع عن النادي وحقوقه ياأخي ملينا مثاليات وملينا شعارات طيبة ونوايا صافية يا خي أضرب بيد من حديد خل نشوف فعلك في هالحثالة أنت أبو فيصل وجدك سلطان ويصير بك كذا والله العظيم قهر فعلاً شي يضيق الصدر

السكوت والإنكسار اللي أنت فيه يذبح ياطويل العمر النادي يبي له رجال يرهب من يقرب منه يبي له رجال يدافع عن حقه يبي له رجال ياخذ الكلمة ويردها عشر مايبي له رجال للحين مصيف مدري وين ولايحضر مباريات مايبي له رجال ماينشاف

الجمهور صبر وطال صبره

إلى متى نصبر على الذل إلى متى ترضى علينا المذلة حنا ياجمهور الزعيم

الله يرحم والديك تعبنا وإذا ماتقدر توقفهم عند حدهم كثر خير ابتعد وبيجي غيرك من يحط كل شخص في مكانه الحقيقي.


وأخيراً ياترجع كرامتنا بعد هالقضية الفاشلة والتعاقد اللمخيب المذل والا صدقني بتقضي على كل شي بنيته وكان حلو في داخلنا لك.


تحياتي لكم
اضافة رد مع اقتباس
  #2  
قديم 23/11/2007, 10:41 PM
الصورة الرمزية الخاصة بـ المدافع الصلب
زعيــم مميــز
تاريخ التسجيل: 30/12/2006
المكان: الـ Fire
مشاركات: 20,406
وش نسووووي والله قهررررررر
اضافة رد مع اقتباس
  #3  
قديم 23/11/2007, 10:46 PM
زعيــم نشيــط
تاريخ التسجيل: 06/12/2006
مشاركات: 833
الله يعوض علينا دام رجال الهلال ماتو....؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:44 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube