بسم الله الرحمن الرحيم

مساء\صباح الخير للجميع

بدخل في الموضوع على طول

باختصار جماهير الهلال هي السبب في كل مايدور في البيت الهلالي

قبل كم سنه شوف كيف جماهير الهلال دائما تؤازر النادي وفي شدته وفرحه

لكن حاليا اذا الهلال منتصر مدحوا اللاعب الفلاني ويرفعوا الفريق الى السماء

وفي الخسارة مايضل لاعب مايطاله سب وشتم وغيروا المدرب ونسقوا اللاعبين

جيبوا اللاعب الفلاني واركنوا هذا في الاحتياط

طيب ليش كل هذا انتوا كمشجعين اتركوا الادارة تعمل بدون تدخلكم

في الكرة السعودية عامة ماضيعها غير القرارات الانفعاليه

حتى وان كانت الجماهير غاضبه على اللي يصير اعترضوا لكن بمنطقيه

يعني طالبوا بالتصحيح لكن مو انتوا اللي تختاروا اللاعب اللي تبونه والمدرب اللي تبونه

اجل وش فائدة الادارة اذا كانت قراراتها انتوا اللي تصدروها واذا ماتنفذت تحتجوا

طيب يمكن هم لهم وجهة نظر في اللي يصير

ونقطة ثانية قبل سنتين تقريبا كانت جماهير الهلال ما تنزل من مستواها الفكري الى السب

والشتم اللي يصير من الاندية الثانية والحين حال الجماهير تقريبا صار مثلهم

سب وشماته في الاندية الى درجة ان الهلال صاير حاله من حال الاندية الثانية تدخل منتدى الجمهور الهلالي

كانه منتدى الشتم والسب

الخلاصه ياريت جماهير الهلال ترجع مثل قبل تهتم بشئون النادي في حدود المعقول وترجع الى سابق عهدها