موبايلي والفواتير أخواني أنا مدري كيف ابدأ من المعانة من فواتير موبايلي و الله العضيم راتبي الجامعي يروح لموبايلي ماأدري وش السبب أنا صح أكلم ولكن ماتوصل لها الدرجه انا حولت لموبايلي لعيون الهلال ولكن الفواتير تذبحني تكرهني بي موبايلي أقسم بالله خلال شهر واحد أسدد خمس مائة ريال ليش من وين طلعلي هالمبلغ مومشكله أسدد لعيون الهلال ثمن خلال أسبوع واحد يطلعلي فاتوره بيمبلغ وقدره مائتين ريال وصرت حاط حد أتماني ويقطع الجول قلت مو مشكله أسدد مقدم المهم عزمت أقدصد شوي وخلال أسبوعين تجيني رساله تقول قاربت تجاوز حدك لأتماني المهم على طول أتصل على 1100 ويقول فاتورتك طلعت مائتين وعشرين أنا أحسبه يستهبل على طول رحت أكلم الموظف ويقول فاتورتك صحيحه وانا يأخوني في الجول يطلع فاتورتي 250ريال وموبايلي خلال شهر واحد 500 ريال شوفو الفرق وأنا أبي حل لها المشكله ولا أحول الجول تكفون انا أبي حل كيف أقتصد ولاعد أكلام أرجوكم أبي فاتورتي كل شهر 150 تكفون عل فكره أنا مشترك في خدمة لاهل ولاأصدقاء ولكن لم ينفع تكفون أرجوووكم |
يا لاعاد تكلم ولا حول للجوال مافيه الا هالحلين..!! |
ماودي اقول خل الهلال ينفعك !!!!! انا مادري كيف سوف تنفع الهلال اذا حولت لشركه كلها تخبطات ياكثر اللي انسرق 500 شويه اعرف شخص اكثر من 2000 ريال لكن خذها مني نصيحه موبايلي مفوتر لاتقربه ارجع للإتصالات وطلع شريحه مسبقة الدفع اذا كنت تريد اخبار الهلال وللأمانه جوال موبايلي سيئ اخباره كله تخبط ومغالطات الأخبار عن طريق الموقع افضل اعلم ان هذا الكلام يغضب بعض الناس لكن انا اشجع الهلال ولا اشجع موبايلي |
قسم بآيآت الله نفس المشكله توآجهني لكني انا صآبر ...,,,, الفاتوره الاولى 1000 الثانيه 700 الثالثه 600 الرابعه 500 وغيرهآ كثيييييييير صحيح اني اكلم لكن مو لهالدرجـــهـ والله شكلي بروح للجوال بس حسآفه الرقم خورآفي !!! |
طيب اخوي انت تكلم من موبايلي الى الجوال بيكون السعر زياده وبالنسبه لي اكلم كثير والفاتوره ماتتعدا 500 وبالنسبه لي ممتازه تحياتي لك |
والله انا نفس المشكلة مع موبايلي صحيح اكلم لكن انا دقيق بالفواتير ومع هذا تجي صفقة محترمة الله يعين |
ياأخوني لأعزء يشرفني مروركم لأكثر من الرئع ولكن يامرد البطولة ماتوصل هالحد أنا أكلم مثل ما كنت في لاتصالات ويكون فاتورتي 250ألى 300 أما موبايلي توصل 500في أقل من شهر أمر غريب |
أخوي الحزين تأكد يمكن فيه خدمات مشترك فيها وأنت ماتدري ؟؟ مثل تصفح الانترنت وغيرها وللمعلومية انا عندي بطاقة موبايلي مسبقة الدفع خليتها علشان الهلال وصارت كل مكالماتي عن طريق موبايلي والاتصالات السعودية خليتها استقبال فقط والصراحة اسعار موبايلي خيالية وربي رهيبة الدقيقه بـ 30 هللة لجميع المكالمات بعكس الاتصالات السعودية الدقيقه بـ 35 هللة فيه فرق انا اشوف موبايلي ارخص من ناحية التكلفة , لكن كلامكم غريب ؟؟؟ يمكن تكلمون اخر الليل واجد ^_^ أو انكم مشتركين بخدمات انتم ماتدرون عنها وهي اللي تصرف عليكم |
انا بصراحه عندي موبايلي ومرتـاح .. على قد ما اكلم تجيني الفاتورهـ .. ! بصراحه موبايلي 100 % يعني هل تتوقع ان الاتصالات افضل .. ! ياما وياما ناس يتشكون منها .. !!! خلك على موبايلي وحول باقتك لخطي بلس برسوم شهريه 40 ريال .. والدقيقه بـ بتكلفه مخفض لخمس ارقام من اختيارك داخل شبكه موبايلي .. |
كان معاي موبايلي ولازالت صحصح انهم نار بس ما اتوقع ان فيه تلاعب يعني مكالماتك على قدك والا من ناحية الزرف مو بايلي العن من الاتصالات اجل معي خط موبايلي وبشترك كونكنت يقول لي ادفع 2000 ريال قلت له انا جاي اقدم اعانات والا اطلع خط جديد معي شريحه وابي بس اشتراك قال هذا العرض الموجود تبي والا مع السلامه قلت : مع السلامه وقفلت شريحة مو بايلي الى يومك واشتركت دي اس ال وتركتهم |
أخوي أحسن حل لك حول لموبايلي مسبة الدفع وافتك |
ياهلا بالحزين الفاتورة تجيك على حسب مكالماتك يعنيانسى مسألة ان الشركة راح تسرقك:) تجيك الفاتورة وشيك على مكالماتك واسعارها موبايلي عندهم باقى هلا بلس سعر الدقيقة لأي رقم داخل المملكة 30 هلله للدقيقة كأرخص باقة في المملكة:) بالتوفيق إن شاء الله:) |
شكل هرجك كثير موبايلي فيها باقات حلوه مثل 100 250 500 دقايق مجانيه بالشهر |
الوقت المعتمد في المنتدى بتوقيت جرينتش +3.
الوقت الان » 11:24 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd