شفنا مباراة المنتخب الأولمبي ضد اليابان

والصراحه حراااام

والله حرام تضيع مجهودات اللاعبين عشان لاعبين القادسيه

الغوينم صح يلعب
مع أنه هالمباراة بادي يفلت
لكن مستواه حلو

لكن المدرب ممسك الهجوم للاعبين القادسيه
السهلاوي والسالم

ولا تمريره طلعت منهم على سنع
الكوره اذا وصلت عندهم انقطعت!!!

ولا يتحركون ويريحون صانعين الألعاب
واقف بمكانه السالم ويبغى التمريرات تجيه بالملي!!

ياخوي رح تحرك ساعد زملائك انهم يناولونك صح



بالله سؤال للجوهر

وش المعايير اللي اعتمدت عليها باختيار هالمهاجمين!
واستبعاد مهاجمين أزين منهم
مثل فيصل السلطان
العنبر
أو على الأقل رح شف دوريات الفرق السنيه
وجب مهاجم على سنع...!

بالله معجبك السهلاوي أو السالم

لا واللي يقهر
أنهم ضد الخدش
ومستحيل يغيرهم
يطلع الدوسري المتحرك ويخلي السهلاوي!!!

لا وعاجبته النتيجه بعد هو ومهاجمينه
مادخل مهاجم ثاني الا آخر الدقايق!!

حسبي الله عليك يالجوهر

والله الحراسه
والدفاع
والوسط
كلهم ضبطتهم
ياخوي ليه ماكملت معروفك ودورت مهاجمين زي الناس

ياخي جب مهاجمين لو من الحواري
على الأقل فيه أمل أنهم يسجلون هدف بدون بلنتي...



الله يعين بس
والله حرام هالشباب مايستاهلون تضيع مجهوداتهم على يد السالم والسهلاوي
ولا يهون الجوهر وباخشوين



نقاط
__
*الفريدي والله انك نجم بس لو تترك الفلسفه اللي مالها داعي

*وليد العبدالله<<<هذا اللي يستاهل ندفع عليه ملايين
والله حرام مثل هالحارس يلعب بالسعوديه
ياناس دوروا له فريق أوروبي
لا يكبر بكرا ويخرب بالدوري السعودي

أقسم بالله يا آنجوس لو تاخذه بدال المسيليم أحسن

أبتعب وأنا أمدح فيه
ماشاء الله عليه الله لايضره

*وليد العبدالله 10/10
ماجد العمري 8/10
جفين 6.5/10
شهيل 7/10
حسن معاذ 7.5/10
الغنام 7.5/10
الخيبري 6/10
الدوسري 7.5/10
الغوينم 7/10
السالم 3/10<<<والله مجامله الثلاثه ولا مايستاهلها
السهلاوي مثله
أحمد المبارك 6.5/10
الفريدي 7/10
المهاجم اللي دخل بالاخير ؟؟؟؟

خيرها في غيرها يا شباب

أنا من شفت الأقرع نيكوبلدس حق اليونان وأنا غاسل يدي <<< يقصد الغوينم


الغوينم هذا عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااله ليس على وسط القادسيه والمنتخب بل على الكره الاسيويه والعربيه والعالميه


ولايهون طيب الذكر مايكل جاكسوون <<< مايقصد أحمد المبارك


ياخي أحد عنده الفريدي ويحطه للعالات اللي ذكرت أسمائهم فوق ؟؟؟

ياخي المدرب ذا ماشاف الدوره الأولمبيه اللي أقامها الهلال ؟؟؟ ماسمع ولاشاف وش سوا العنبر

ياخي تبي تتأهل بالسالم والسهلاوي هذا حلمك يالجوهر



أنا خلاص تحطمت والحمدلله ماتأهلنا عشان ما أشوف أشكال ترفع ضغطي بالأولمبياد <<< مايقصد الغوينم والسهلاوي والمبارك والخيبري ومايكل جاكسون العريجاء

والله معك حق....المهاجمين يبغون التمريرات تجيهم بالملي....

بس ياخي فيه شي نسيت تذكره وهو خطأ ارتكبوه كل لاعبين منتخبنا :

وهو ان تمريراتهم كلها كانت قصيره و بطيئه...مع انهم يلعبون ضد منتخب سريع جداً.

وهذا كان سبب انقطاع كل تمريراتنا

مادري هو غلط منهم او ان المدرب طلب منهم كذا.

بس وش نسوي مانقول الا الله كريم.


تحياتي

. . . .

آهـ يالصــويلــح بــس ..!!
وربـــي السهـــلاوي والســالم مــايستـــاهلـــون الإنضمــام للمنتخـــب,,
وليــد عبد اللــّــه ,, مــاشــاء اللــّــه تبــاركـ اللــّــه .. إبــداع
أعتقـــدالفريــدي يــوم دخـــل حــركـ اللعــب شـــوي !!
. . . .

المشكله من الحكم الاماراتي الي في مباراة قطر طرد المدرب
والاعبين ضاعوا
ولا تنسون الجمهور من جد جمهور عالمي
مو مثل اللي عنك مغير صياح على الفاضي
على العموم هارد لك يا ناصر الجوهر واتمنى ان ترجع للمنتخب الاول والله ضاع انجوس من دونك

اولا هارد لنا جميعا على عدم التأهل

ثانيا من وجهة نظري المدرب اخطأ في اختيار المهاجمين
السهلاوي والسالم ( المفروض يلعب ب السالم و عبدالاله الهوساي)
لان المنتخب يلعب ضد منتخب سريع في لعبه وعبدالاله لاعب سريع ومهاري(صح هو يضيع كثير ويمسك كوره ) بس بيبعد الرقابه عن السالم بسرعته ومراوغته .

ثالثا المدرب تأخر في التبديلات في الدقيقة 60 المفروض يدخل الفريدي بدل الخيبري ويلعب بمحور واحد للضغط على المنتخب الياباني ، بدال مايدخل المبارك اللي ما قدم مستوى .

انشاءالله في المرات الجايه نتأهل

تقبل مروري

ممنقوال الا هادلك لاخضر