#1  
قديم 20/11/2007, 12:16 AM
الصورة الرمزية الخاصة بـ رساوي برساوي
زعيــم مميــز
تاريخ التسجيل: 03/07/2006
المكان: الرس
مشاركات: 2,103
أولاريو قد يرسم المستقبل للكرة السعودية.....هاااام.

بسم الله الرحمن الرحيم


.
.
موضوع للنقاش
.
.

وتستمر أم المشاكل
مشكلة الكرة السعودية

صانع الألعاب......

فمن بعد اصابة نواف التمياط
ومن ثم هبوط مستوى نواف

بدأت مستوى المنتخب
وكذلك مستوى الزعيم
بالانحدار


أحد تساءل ليش؟؟

لا تقول لي الدفاع
ولا تقول الحراسة


المشكلة بمركز صناعة اللعب

على وقت عز يوسف الثنيان
كان الزعيم وكذلك المنتخب في أوج مستوياتهم
وحتى في وقت عز نواف التمياط


شفنا مباريااات ومبارياااات بعد اصابة نواف

مباريات كثيرة للهلال
وكذلك مباريات الأخضر
يكون المستوى باهت

وأقرب مثال مباريات السعودية بالخليجية

يكن الاستحواذ من صالح السعودية
ولكن بدون أي خطورة تذكر
ليش؟

مافيه لاعب الوسط المميز اللي يقدر يربط بين الوسط والهجوم
تقول الشلهوب

معك الشلهوب تمريراته دائما خطيرة ودقيقة
لكن هذا مايكفي لمركز صانع الألعاب

صانع الألعاب يحتاج التمريرات الدقيقة
والتسديدات الخطيرة
واللياقة العالية اللي تخليه يتنقل بجميع أرجاء الملعب
والالتحامات والقتالية للحصول على الكرة

.
عشان كذا المنتخب من بعد نواف 2000
مدحدر ومافيه لاعب وسط يملأ الخانه مثل ماكان نواف
ودائما منتخبنا يستحوذ على الكورة بدون أي خطورة

والهلال بعد
حتى جاء البرنس الليبي وشفنا كيف بدأ مستوى الهلال يرتفع
وبدأ المهاجمين يتميزون
ومع أي اصابة له تجد مستوى الفريق يهبط

لكن لو فكرنا
نبغى لاعب ينفعنا بالنادي وبالمنتخب
ونبغى لاعب ينفعنا لمدة عشر سنوات قدام
ويلعب جوار التايب عشان يكتسب من مهاراته ودقة تمريراته وذكاءه الكروي



ولو شفنا بلاعبينا


أنا أقترح بعض اللاعبين المميزين مع فريق الأولمبي
وأولهم

الغنام

ياناس والله مو مكانه المحور
ترا دفعنا عليه 12 مليون لما كان في الشباب صانع ألعاب
ولما جاء عندنا صار محور
وبدأ المدربين اللي يجوننا على طول يلعبونه محور
ويمكن بعد مايدرون أننا دفعنا فيه 12 مليون يوم كان مع الشباب صانع ألعاب
والله لاعب يتميز بتمريرات دقيقة
ولياقة عاليه
وذكاء
ومع ذلك مافيه من المميزات اللي تخلي المدربين يلعبونه محور على طول
مثل استخلاص الكورة من الخصم والمراقبة وتغطية المدافعين

يعني حرااام والله لاعب ممتاز بصناعة اللعب ندمره بالمحور




ثاني اللاعبين
أو الثاني والثالث

وهم

الفريدي وعبدالعزيز الدوسري

والله يقدمون مستويات مع الأولمبي
ومبدعين فيه

نشاط
لياقة
تمريرات خطرة
مهارات وتسحيب

لكن بندمرهم بهالأولمبي مثل ما دمرنا غيرهم
ونهايتهم راح تكون لسدوس والنهضة
مثلهم مثل غيرهم
أنا ودي أسأل بس
ليش مع تعاقب المدربين على النادي
ماعمرنا شفنا مدرب اذا صار ضامن المباراة يلعب أحد اللاعبين الشباب بآخر ربع ساعه
منها خبرة
ومنها يستفيد من اللاعبين الكبار مثل القحطاني والتايب
ياخي والله لو تلعب الفريدي مثلا هالموسم بآخر ربع ساعه من بعض المباريات
ومع مرور المباريات تبدأ تزيد مدة لعبه
مثلا آخر ثلث ساعه
آخر نص ساعه

والله الموسم الجاي أو اللي بعده
تشوفه صانع الألعاب الرئيسي والمميز بالزعيم وبالمنتخب
وراح يحل هالمشكلة اللي بدت مع اصابة التمياط

.وأنا سبق وقلت هالاقتراح
ورد واحد وقال( ليش نلعبهم آخر الدقايق . مهم المسألة لعبوهم خلوهم يستانسون)
وأنا ما أقول لعبوهم عشان يستانسون
شوفوا لاعبين البرسا الصغار
يلعبهم المدرب عشان المستقبل بعد كم سنه
وحنا بعد ليش مانلعب الفريدي والدوسري مع الفريق الأول


والله الهلال والمنتخب تميزهم من تميز لاعبي الوسط

وشفنا بطولة آسيا الأخضر ليه قدم هالمستويات
والله المهاجمين نفسهم
والمحاور نفسهم والدفاع نفسه والحارس نفسه
بس اللي تغير
بروز صانعي الألعاب
مثل أحمد الموسى وعبدالرحمن القحطاني وعبده عطيف

ومع تميز لاعبين الوسط
بدينا نشوف المستوى عند الأخضر

ومع قدوم التايب للهلال
بدينا نشوف مستوى الزعيم وكذلك مستوي ياسر والصويلح

...
خلاصة الموضوع
..
التايب ماراح يستمر لكم يالهلاليين لمدة عشر سنين

يعني شوفو لكم حل مع مركز صانع اللعب
وارحمنا يالمدرب ويالادارة
من تحطيم اللاعبين
تحطيم الغنام بالمحور
وتحطيم الفريدي والدوسري بالأولمبي
ومهب المسألة أنهم يشاركون ونحافظ على لياقتهم
يعني لا تقولون خلاص بنلعبهم ببطولة الأمير فيصل
لا
حنا نبيهم يلعبون جنب التايب وياسر والشلهوب
نبيهم يستفيدون ويتعلمون منهم



هذا اللي كان ببالي
وأتمنى تحل هالمشكلة


.
ونبغى آرائكم ياشباب
سواء بأسماءلاعبين مع النادي متميزين بمركز الوسط
أو رأيكم بمسألة اشراك الشباب مع التايب والقحطاني


والسلام ختام
اضافة رد مع اقتباس
  #2  
قديم 20/11/2007, 12:21 AM
زعيــم فعــال
تاريخ التسجيل: 13/05/2007
المكان: الــــطــــائــف
مشاركات: 346
مافي حيل اقراء تقبل مرورررررري
اضافة رد مع اقتباس
  #3  
قديم 20/11/2007, 12:33 AM
موقوف
تاريخ التسجيل: 10/08/2007
مشاركات: 197
مانيب فاضي والله أقرأ وراي دراسة ( 6 ) إبتدائي
اضافة رد مع اقتباس
  #4  
قديم 20/11/2007, 12:35 AM
موقوف
تاريخ التسجيل: 10/08/2007
مشاركات: 197
عفوا ً إن شاء الله السنة الجاية أنجح لـ ( 6 ) إبتدائي ,,

وترى كل اللي بـفصلي يشجعون الزعيم ياسـلام سلّم .. مافيه ولا نصـراوي !

وبعدين بيني وبينك .. ما أعرف أقراء بعض الجمل .. للحين ماخذناه !
اضافة رد مع اقتباس
  #5  
قديم 20/11/2007, 12:50 AM
زعيــم متواصــل
تاريخ التسجيل: 18/04/2006
مشاركات: 126
الغنام كان في الشباب محور ...
اضافة رد مع اقتباس
  #6  
قديم 20/11/2007, 12:54 AM
الصورة الرمزية الخاصة بـ ابو نانسي الهلالي
زعيــم مميــز
تاريخ التسجيل: 08/04/2007
المكان: داخل اسوار نادي الهلال
مشاركات: 8,280
الفريدي الفريدي الفريدي

وبس
اضافة رد مع اقتباس
  #7  
قديم 20/11/2007, 01:02 AM
زعيــم مميــز
تاريخ التسجيل: 17/03/2006
المكان: الرياض ,,,
مشاركات: 3,849
توقيعي هو افضل رد على موضوعك الرائع
اضافة رد مع اقتباس
  #8  
قديم 20/11/2007, 01:16 AM
الصورة الرمزية الخاصة بـ ولد الزعيم البار
زعيــم مميــز
تاريخ التسجيل: 29/07/2005
المكان: ToRiNo
مشاركات: 6,168
انا اشوف ان كلامك مغالط للحقائق في بعض الاحيان

بخصوص نواف التمياط

يالغالي اتمنى انك تعد كم بطوله من 2002 الين الحين حققها الهلال بدون جهود التمياط اقصد نواف 2000
وكذلك المنتخب تاهل لكاس العالم ووصل لنهائي الخليج ووصل لنهائي كاس اسيا

ثاني شي الهلال يعتبر من افضل الانديه في خط الوسط ان لم يكن الافضل فهناك خالد عزيز والغامدي والغنام والتايب والفريدي والشلهوب والتمياط والبرقان وكلهم نجوم وان تفاوتت مستوياتهم

فلو انك مركز على الدفاع كان افضل او الاظهره
اضافة رد مع اقتباس
  #9  
قديم 20/11/2007, 01:16 AM
زعيــم مميــز
تاريخ التسجيل: 29/12/2006
مشاركات: 4,283
حتى المبارك بارز في صناعة اللعب ولكن تنقصه الشخصية القيادية

فصانع اللعب غالبا ما يكون هو قائد الوسط تماما مثل التايب ويوسف زمان وحتى نواف قبل فترة

المبارك مهاري وتمريراته ممتازة ولكن تنقصه القيادة ولكن الفريدي من الواضح عليه انه يمتلك

تلك الصفة , اما الغنام انا اراه قلب دفاع ممتاز اما صناعة اللعب فهي بعيدة عنه

مواصفاته ممتازة كقلب دفاع برود وهدوء وقدرة على استخلاص الكرة وطول جيد وارتقاء معقول

وتركيز وشخصية قيادية ياليت نراك يالغنام قلب دفاع ستكون احد ركائز الفريق الاساسية
اضافة رد مع اقتباس
  #10  
قديم 20/11/2007, 01:28 AM
زعيــم نشيــط
تاريخ التسجيل: 07/03/2007
المكان: المدينة - الرياض .. إلخ
مشاركات: 865
وين اللي بيسمعون كلامكـ ؟؟
اضافة رد مع اقتباس
  #11  
قديم 20/11/2007, 01:40 AM
الصورة الرمزية الخاصة بـ ™ C O L L E C T I O N ®
زعيــم نشيــط
تاريخ التسجيل: 13/11/2006
المكان: ذَأإك آلـمَكـْآنٌ آللٌي يٌجُدَد ج~ـرَوْحـِي
مشاركات: 865
ولا يهون (الكلثم)
اضافة رد مع اقتباس
  #12  
قديم 20/11/2007, 01:47 AM
موقوف
تاريخ التسجيل: 09/04/2006
المكان: امريكا
مشاركات: 1,617
حل افضل منه مافيه لا كن وين الي يطبق الكلام هذا انا امنى ان المدرب

يطبق فكرتك عشان هو شخصيا يرتاح اذا صار احد مصاب مايشيل هم الاحتياط
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:34 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube