#1  
قديم 19/11/2007, 12:25 PM
زعيــم فعــال
تاريخ التسجيل: 10/12/2006
مشاركات: 308
نستاهل كل اللي يصير لنا ليش نحب الهلال....فعلاً ماقصرتي ياإدارة رفعة الضغط

بسم الله الرحمن الرحيم

اليوم وكل يوم أدخل للشبكة أقول عل وعسى أشوف خبر إتمام التعاقد مع المحترف الجديد

اللي كلنا ننتظره ولكن للأسف أدخل وما أشوف ألا اجتهادات وأماني!!!!

كل يوم نقول انتهت القصة وخلاص وقعوا مع فلان وكل يوم اسم جديد

والمشكلة ماندري للحين وقعوا مع كالون والا لا

نشوف صور ومعلومات لكن خبر تعاقد أكيد أو اتفاق لاوالله ماشفنا


أنا ماأدري هل ذنبنا أننا جمهور هلالي لحد الجنون يعني نهتم كثير لنادينا

هل ذنبنا أننا نعشق هالنادي عشق أزلي

إذا الحب يتعب بهالشكل ولا أحد يقدره من إدارة النادي نبتعد أحسن

ماأقول ننسى الحب لأنه صعب هذا حب يجري في دم كل هلالي

لكن نبتعد ونكون سلبيين إذا شفنا الهلال يلعب شجعنا والا ماندور عنه ولا نهتم

لأمر معشوقنا.

إدارة النادي ترفع الضغط تشوف هاللغط وتشوف هالحوسة وساكته

ياأخي قدر جمهورك بين لهم وش قاعد يصير

لاتتركنا بهالشكل

ننتظر وكل يوم يطلع لنا واحد تعاقدو مع فلان وكنسلوا علان

على طاري التعاقد قبل أمس عضوة أكدت توقيع المنتشري لا وتقول بيتم الفجر

وانتظروا عاد الفجر والله لوهم بيطلعون منه جني وفيه ناس مصدقينها وهذي مشكلة

حتى اللي ماعندهم سالفة قاموا يصرحون وأنا ماأشره عليها هي أو غيرها

لاوالله الشرهة على إدارة ماتدري وش السالفة أصلاً إدارة بالاسم وعسى الله يستر

كنا مع الإدارة قلباً وقالباً يوم كان فيه عمل ولكن مادام الدعوى صارت خربطة

وصارت الإدارة بس موجودة للفرجة فلاوالله بنتكلم وبنصرخ

حب الهلال له سنين في قلوبنا مانبي يجينا من يمسح هالحب ويخلينا مثل

بعض الأندرية مابقى نادي ماشجعوه والبركة فينا كرهناهم في أنديتهم ويارب ماتنقلب

الآية.


أنا أطالب هالإدارة باسمي وباسم كل هلالي أن توضح لنا كل مايحدث من تعاقدات

من مفاوضات ولاتقولون تخاف أحد يخرب الصفقة ترى هذا كلام فاضي

كل فشل نعلقه في الأخرين كل غلطة نسويها نعلقها على غيرنا

الجمهور أول يمكن يمشي لكن الحين لا الجمهور واعي وماحد يقدر يضحك عليه

وإذا كان هذي حجة متمسكين فيها بنمشيها لايقولون ولايصرحون ولكن لابد من تكذيب


الأخبار اللي تقلب المخ وتخلي الجمهور يضيع بين مصدق ومكذب

يعني نبي نكون على بينه

ومن ناحية إدارة الأخبار فهي مطالبة أكثر بحذف كل موضوع فيه خبر تعاقد غير صحيح

والله ملينا ملينا ملييييييييييييييييييييييييييييييييييييييييييييييييييييينا

والله ماكتبت كل ماكتبت ألا لأني فعلاً أندبلت كبدي من الكذب والضحك على العقول

لا من إدارة ولا من بعض الأعضاء وياقلب لاتحزن.


تحياتي
اضافة رد مع اقتباس
  #2  
قديم 19/11/2007, 12:28 PM
زعيــم متألــق
تاريخ التسجيل: 17/12/2006
المكان: Jordan
مشاركات: 1,014
يعطيك العافيه ابو سديم بيني وبينك انا عندي تجديد عقد تيفا والبرنس اهم من الاجنبي الثالث وبصراحه صمت الإداره الهلاليه بالوقت الحالي محير لكن نقول الله يكتب اللي فيه الخير ..

تحياتي لك
اضافة رد مع اقتباس
  #3  
قديم 19/11/2007, 12:30 PM
الصورة الرمزية الخاصة بـ الهـ الفيصل ـلالي
مشرف سابق في منتدى الجمهور الهلالي
تاريخ التسجيل: 01/05/2006
المكان: مكة المكرمة
مشاركات: 18,950
الصبـــــــر مفتـــــاح الفـــــــرج


كلها يومين

وعلى قولتهم

شمس تطلع خبر يبان


وإن شاء الله صفقة كالوووووووووووون تامة تامة وسينجح في الهلال


وبالتوووووووووووووووفيق



تحياتي يالغالي
اضافة رد مع اقتباس
  #4  
قديم 19/11/2007, 12:30 PM
زعيــم فعــال
تاريخ التسجيل: 06/11/2006
مشاركات: 460
الله يعين ويوفق الازرق في مشواره
اضافة رد مع اقتباس
  #5  
قديم 19/11/2007, 12:32 PM
زعيــم نشيــط
تاريخ التسجيل: 28/03/2005
المكان: U.S.A
مشاركات: 543
والله انك صادق

انت كويس تدخل المنتدى وتشوف مابلك انا اتابع غضا وحومة كبد قناة الزعيم اشوف اي خبر واستناء اخبار الزعيم في الصحف على القناة الفاشلة
اضافة رد مع اقتباس
  #6  
قديم 19/11/2007, 12:32 PM
موقوف
تاريخ التسجيل: 12/04/2007
المكان: المجلس العام
مشاركات: 11,440
يعطيك العافيه بس و أنا أخوك عندي تجديد التايب و تيفا أهم من الأجنبي لأن الهلال مو ناقصه شي بعد نامي و مستوى الصويلح
اضافة رد مع اقتباس
  #7  
قديم 19/11/2007, 12:41 PM
زعيــم فعــال
تاريخ التسجيل: 10/12/2006
مشاركات: 308
تسلمون على المرور ويعطيكم العافية

فعلاً تجديد عقد تفاريس والتايب أهم بس خلهم يضمنون لنا

وحنا نريحهم من هالحوسة
اضافة رد مع اقتباس
  #8  
قديم 19/11/2007, 12:43 PM
زعيــم مميــز
تاريخ التسجيل: 12/05/2007
المكان: قـ ل ـب الــزعـ ي ــمـ }~,,
مشاركات: 2,387
إقتباس
الرسالة الأصلية كتبت بواسطة هيلانينيو 10
يعطيك العافيه ابو سديم بيني وبينك انا عندي تجديد عقد تيفا والبرنس اهم من الاجنبي الثالث وبصراحه صمت الإداره الهلاليه بالوقت الحالي محير لكن نقول الله يكتب اللي فيه الخير ..

تحياتي لك




ويعطيكــ .. العافيه .. يا .. أبو سديم ..
اضافة رد مع اقتباس
  #9  
قديم 19/11/2007, 12:57 PM
الصورة الرمزية الخاصة بـ يـ! ,,,ــر 20
زعيــم مميــز
تاريخ التسجيل: 03/09/2007
المكان: بــآريـس نجــد
مشاركات: 3,927
الله يعينك ويوفقك يازعيم
اضافة رد مع اقتباس
  #10  
قديم 19/11/2007, 01:03 PM
زعيــم متواصــل
تاريخ التسجيل: 20/10/2005
مشاركات: 175
يا ناااااااااااااااااااااااااااااس

يا عااااااااااااااااااااااااااااالم

ياهوووووووووووووووووووو


كل الي تسمعونها هالاخبار خربوطي بربوطي

انا اقووول اذا بيروحناا يقولون لنا

بعدين انا ارشح الامير بندر بن محمد ياخي هذا صرييييييح وماعليه من اطلق شنب

يقوول ولا همه احد اذكر يوم راح نادي القادسيه بخصوص ياسر القحطاني قالوا له تكفى يا ابو محمد

قال بالحرف الواحد مالها الا رجااالها وياسر هلالي


مشكوور حبيبي على الموضوع

تحياااااااااااااتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:10 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube